वीरगंज । जगरनाथपुर गाउँपालिका अन्तर्गत दसौता गाउँमा नवगठित बन उपभोक्ता समूहको बैठक सफलतापूर्वक सम्पन्न भएको छ। बैठकबाट सर्वसम्मत रूपमा नयाँ समिति चयन गरिएको छ, जसमा अध्यक्षदेखि सदस्यहरूसम्म सबैको सक्रिय सहभागिता रहेको थियो।
गठित समितिलाई गाउँपालिकाका अध्यक्ष श्रीकान्त प्रसाद यादवले बधाई ज्ञापन गर्दै वन संरक्षण, समृद्धि र दीगो विकासका लागि पालिकाको पूर्ण सहयोग रहने प्रतिबद्धता जनाए। अध्यक्ष यादवले सामाजिक सञ्जालमार्फत सन्देश दिँदै भने, “आउनुहोस्, सामूहिक प्रयासमार्फत हरियाली भविष्य निर्माण गरौँ।”
नयाँ समितिको गठनसँगै गाउँमा वातावरणीय संरक्षण, वन पैदावारको दीगो उपयोग र सामुदायिक सहभागिता झनै सशक्त हुने अपेक्षा गरिएको छ।
