वीरगंज । पर्साकाे जगरनाथपुर गाउँपालिकाले वीरगंजकाे पानी अभाव क्षेत्रमा पानी वितरण गरेकाे छ । गाउँपालिका अध्यक्ष श्रीकान्त प्रसाद यादवकाे निर्देशनमा वीरगंज–११ श्रीपुर नयाँ बस्तीमा पानी वितरण गरिएकाे हाे ।
पानीकाे गम्भीर अभाव रहेको खबर प्राप्त भएपछि जगरनाथपुर गाउँपालिकाले मानवीय सहायता स्वरूप पानी ट्यांकर पठाएर सहयोग गरेको स्थानिय राधेश्याम पटेलले वताए ।
जगरनाथपुर गाउँपालिकाको तर्फबाट पठाइएको पानी ट्यांकरले स्थानीय बासिन्दाहरूलाई केही हदसम्म राहत मिलेको छ। गाउँपालिकाका अध्यक्षले उक्त पहललाई ‘छोटो प्रयास भए पनि संकटका बेला राहत दिने उद्देश्य’का रूपमा व्याख्या गर्दै आपसी सहकार्यकै माध्यमबाट यस्ता समस्याहरू समाधान गर्न सकिने विश्वास व्यक्त गरे।
पानी वितरणको क्रममा श्रीपुर नयाँबस्तीका स्थानीय बासिन्दाहरूले देखाएको सद्भाव र धन्यवादप्रति जगरनाथपुर गाउँपालिकाले हार्दिक आभार प्रकट गरेको छ । स्थानीय तहबीचको यस्तो सहयोगले संकट समाधानमा सकारात्मक सन्देश दिएको छ। पानी अभाव रहेकाे क्षेत्रमा पानी वितरण कार्यलाई निरन्तरता दिन स्थानियले आग्रह समेत गरेका छन् ।
