वीरगंज । वीरगंज महानगरपालिकाकाे वडा नम्बर १३ मा शनिबार नि:शुल्क स्वास्थ्य शिविर सम्पन्न भएकाे छ ।

निलकण्ठ हस्पिटल एण्ड रिसर्च सेन्टर प्रा.लि.र वीरगंज महानगरपालिकाकाे १३ नम्बर वडा कार्यालयको आयोजना भएकाे शविरमा १५७ जनाले स्वास्थ्य परिक्षण गराएकाे निलकण्ठ हस्पिटलका मार्केटिङ अफिसर बुलेट तिवारीले जानकारी दिए ।

उनका अनुसार शिविरमा हस्पिटलका डा. अच्यूतानन्द लाल कर्ण, डा. प्रशान्त साह, डा.अरबिन्द कुमार साह, डा. नविन झा, डा. तेजनाथ तिवारी, डा. अशोक कुमार गुप्ताले बिरामीहरुकाे चेकजाँच गरेका गरेका थिए ।

वीरगंज १३ का वडाध्यक्ष हिरालाल गिरीकाे अध्यक्षतामा सम्पन्न शिविरमा हस्पिटलका एमडी कुनाल महतो थारु, प्रमुख सदाम हुसेन, वडा सदस्य कमरुदिन अन्सारी, महिला सदस्य जुबैदा खातुन, वडा सचिव रामचन्द्र पटवारी, कंप्युटर अपरेटर रचना अधिकारी, ल्याब टेकनिसियन अनिल कुमार, गगा प्रसाद चौधरी, हेल्थ अस्सिटेन्स बिनय साह, स्टाफ नर्स लक्ष्मी बि.क लगायतकाे उपस्थिती रहेकाे थियाे ।

वीरगंज । वीरगंजकाे पानीटंकीस्थित लिटिल बडी प्रिस्कुलमा शुक्रबार निःशूल्क दन्त शिविर सम्पन्न भएको छ । रोट्रयाक्ट क्लब अफ वीरगंज मेट्रोपोलिस र स्माईल डेन्टल केयर एण्ड पोलि क्लिनिकको समन्वयमा शिविर सम्पन्न भएकाे हो । 

विद्यार्थीहरुलाई सानैदेखि दाँतको हेरचाह गर्न सिकाउनका लागि स्कुलले दन्त शिविरको आयोजना गरेको स्कुलका प्रिन्सीपल बिजय कुमार बलले बताए । उनकाअनुसार शिविरमा चेकजाँच गर्ने चिकित्सकको परामर्श र सुझावअनुसार बालबालिकाले दाँतको हेरचाह गर्ने बानीको बिकास गर्छन् ।

शिविरमा चेकजाँच गराएका विद्यार्थी, शिक्षक र अभिभावकले क्लिनिकमा चेकजाँच गराउँदा स्माईल डेन्टल केयर एण्ड पोलिक्लिनीकले २५ प्रतिशत छुट दिने पनि उनले जानकारी दिए । प्रिन्सीपल बलकै अध्यक्षतामा सम्पन्न शिविरमा दन्त चिकित्सक डा. आमिर आलम, डा. निकिता ठाकुर र डा. भावना कुमारी झाले चेकजाँच गरेका थिए ।

विद्यार्थीको चेकजाँच गर्दा अभिभावकलाई पनि सँगै राखेर दाँतको हेरचाह कसरी गर्ने भन्ने बारेमा पनि सिकाइएको डा. आमिर आलमले बताए ।  पूर्व प्राथमिक तहदेखि नै विद्यार्थीलाई व्यक्तिगत सरसफाईका बारेमा जानकारी गराउँदा यसले विद्यार्थीको मानसिक र शारिरीक स्वास्थ्यमा ठूलो सघाउ पुग्ने उनको विश्वास छ ।

अरु सबै कुराको चेकजाँच गराएपनि दाँचको परीक्षा नदुख्दा सम्म नगराउने प्रवृतिको अन्त्य गर्नुपर्नेमा डा. आलमले जोड दिए ।  सानो उमेरमा बालबालिकाले धेरै गुलियो खानेकुरा खाने भएकाले सानैदेखि दाँतको सुरक्षाका बारेमा सचेत हुनुपर्ने डा. निकिता ठाकुरले बताइन् ।

बच्चाको  दाँचको सुरक्षाका लागि अभिभावकले लापरवाही गर्न नहुने उनले सुझाव दिइन् । स्कुलमा अध्ययनरत विद्यार्थीसँगै शिक्षक, शिक्षिका, अभिभावक एवम् स्थानीय गरी करिब दुई सय जनाको चेकजाँच गरिएको थियाे । 

वीरगंज । राष्ट्रिय दलित पत्रकार संघ, पर्साको आयोजनामा शुक्रबार वीरगंजकाे गहवामा निशुल्क आँखा शिबिर सम्पन्न भएको छ ।संघको अध्यक्ष श्याम पासवानको अध्यक्षतामा भएकाे शिबिरको उद्घाटन नेकपा (एकीकृत समाजबादी) पर्साका अध्यक्ष बालगोपाल थापाले गरेका थिए ।

वीरगंज सामुदायिक आँखा अस्पतालको सहयोगमा सचलित शिबिरमा १०२ जनाले आँखा परिक्षण गराएका हुन् । जस मध्ये २५ जनामा मोतियाबिन्द फेला परेको अस्पतालका संचालक डा. महेश्वर सिंह धामिले वताए । शिविरमा माेतिबिन्द फेला परेका सबै जनाकाे भदौ २ गते आइतबार नि:शुल्क शल्यक्रिया गरिने उनले जानकारी दिए ।

शिबिरमा राष्ट्रिय दलित पत्रकार संघका सल्लाहकारद्वय बृजलाल पासवान, सुबास राम, उपाध्यक्ष सुरेश बादल, दलित अभियान्ता निला राम, स्थानीय अगुवा उमेश ठाकुर, वडा सदस्य संगीता दास लगाएतको उपस्थिती रहेको थियो ।