वीरगंज । पर्साकाे पकहाँ मैनपुर गाउँपालिकाकाे प्रमुख प्रशासकिय अधिकृतमा देवनाथ साह हाजिर भएका छन् । संघिय मामिला तथा समान्य प्रशासन मन्त्रालयले भदाै ३१ गते अधिकृत साहलाई पकहाँ मैनपुरमा सरुवा गरेपछि बुधबार उनी हाजिर भएका हुन् ।

गाउँ कार्यपालिकाकाे कार्यालय पमहाँ मैनपुरमा हाजिर हुन पुगेका अधिकृत साहलाई गाउँपालिका अध्यक्ष सुरेश मेहतासहितका जनप्रतिनिधि तथा कर्मचारीहरुले स्वागत गरेका थिए । बुधबार नै अधिकृत साह पदभार ग्रहण समेत गरेका हुन् ।

पकहाँ मैनपुरकाे प्रमुख प्रशासकिय अधिकृत उदय शंकर चाैधरीकाे छिपहरमाई गाउँपालिकामा सरुवा भएपछि पकहाँ गाउँपालिका प्रमुख प्रशासकिय अधिकृत विहिन रहेकाे थियाे । पकहाँ मैनपुरकाे नयाँ प्रमुख प्रशासकिय अधिकृतकाे लागि थ्रुपै नाम चर्चा चलेपनि अन्त समान्य प्रशासन मन्त्रालयले साहलाई पठाएकाे थियाे ।

यस अघि पर्सा कै पटेर्वा सुगाैली गाउँपालिकाकाे प्रमुख प्रशासकिय अधिकृतमा कार्यरत रहेका साहकाे केही दिन पहिला मात्र त्यहाँबाट सरुवा भएकाे थियाे ।    

वीरगंज। पर्साकाे सखुवा प्रसौनी गाउँपालिकाकाे प्रमुख प्रशासकिय अधिकृतमा विजय कुमार चाैरसिया हाजिर भएका छन् । संघिय मामिला तथा समान्य प्रशासन मन्त्रालयले चाैरियालाई सखुवा प्रसाैनी गाउँपालिकाकाे प्रमुख प्रशासकिय अधिकृतमा सरुवा गरेपछि उनी मंगलबार गाउँ कार्यपालिकाकाे कार्यालयमा हाजिर भएका हुन् ।

गाउँपालिकामा हाजिर हुन पुगेका प्रमुख प्रशासकीय अधिकृत चौरसियालाई गाउँपालिका अध्यक्ष यशवन्त यादवले एक कार्यक्रमका बिच स्वागत गरेका थिए । गाउँपालिकाको कार्यालयमा आयोजित स्वागत कार्यक्रममा प्रमुख प्रशासकीय अधिकृत चौरसियालाई औपचारिक रूपमा पदभार ग्रहण गराइएको थियो ।

गाउँपालिका अध्यक्ष यादवले चौरसियालाई स्वागत गर्दै जनताको हितलाई प्राथमिकतामा राखेर काम गर्न निर्देशन दिए । यादवले गाउँपालिकाको विकास र निर्माण कार्यलाई तीव्रता दिन र सेवाप्रवाहलाई थप पारदर्शी तथा प्रभावकारी बनाउन चौरसियाको नेतृत्वमा सबै कर्मचारीको साथ आवश्यक भएको बताए ।

पदभार ग्रहण गर्दै प्रमुख प्रशासकीय अधिकृत चौरसियाले कानुनी दायराभित्र रहेर कुनै समस्या उत्पन्न हुन नदिने प्रतिबद्धता जनाए ।  उनले जनप्रतिनिधि र कर्मचारीबीचको समन्वयले गाउँपालिकालाई समृद्ध बनाउन सहयोग पुग्ने विश्वास व्यक्त गरे ।

कार्यक्रममा विगत एक वर्षदेखि निमित्त प्रमुख प्रशासकीय अधिकृतको जिम्मेवारी सम्हाल्दै आएका स्वास्थ्य शाखा प्रमुख राजेश रौनियारलाई अध्यक्ष यादवले सम्मान गरेका थिए । राैनियार पुनः स्वास्थ्य शाखाको जिम्मेवारीमा फर्कने वताइएकाे छ ।

स्वागत कार्यक्रममा वडाध्यक्षहरु बासुदेव महतो थारु, चिरञ्जीवी महतो थारु, मोजामिल अन्सारी, मोहम्मद आरिफ, मुन्ना कमकर, लेखा शाखा प्रमुख सुमन साह लगायत गाउँपालिकाका अन्य जनप्रतिनिधि तथा कर्मचारीहरुकाे उपस्थिति रहेको थियो ।