वीरगंज । वीरगंज महानगरपालिका–१५, भिस्वास्थित नवदीप एकेडेमीमा हेड ब्वाय, हेड गर्ल तथा हाउस क्याप्टेन्सहरूको शपथ ग्रहण समारोह तथा वार्षिक पुरस्कार वितरण कार्यक्रम भव्य रूपमा सम्पन्न भएको छ।
कार्यक्रमका प्रमुख अतिथि वीरगंज महानगरपालिका शिक्षा महाशाखा प्रमुख आनन्द लामिछानेले विद्यार्थीमा नेतृत्व विकासको महत्वमाथि जोड दिंदै भने, “नेतृत्व, अनुशासन र आत्मविश्वासको विकास नगरी दीर्घकालीन सफलता सम्भव हुँदैन । यस्ता कार्यक्रमहरूले विद्यार्थीमा जिम्मेवारी र सामाजिक चेतना विस्तार गर्छन्।”
विशिष्ट अतिथि तथा प्याब्सन पर्साका अध्यक्ष सरोज चौधरीले नवदीप एकेडेमीले निजी शिक्षामा अनुशासन र गुणस्तरको नमूना प्रस्तुत गर्दै आएको उल्लेख गर्दै संस्थालाई प्रोत्साहन दिने प्रतिबद्धता जनाए ।
कार्यक्रममा प्याब्सन प्राङ्गिक परिषद सदस्य डा. हरिशंकर साह, मधेश प्रदेश वरिष्ठ सल्लाहकार इमामुद्दिन अहमद, प्याब्सनका पूर्व केन्द्रीय सदस्य प्रकाश उपाध्याय, माउन्ट एडमण्ड स्कुलका निर्देशक फजिल अहमद, प्याब्सन पर्साका उपाध्यक्ष बिरेन्द्र यादवल गायतको उपस्थिति रहेको थियो।
विद्यालयकी सञ्चालिका सुशिला साहको अध्यक्षतामा सम्पन्न कार्यक्रमको सञ्चालन शिक्षिका नेहा अग्रवालले गरेकी थिइन् ।कार्यक्रममा प्रजातान्त्रिक प्रक्रिया मार्फत चयन गरिएका हेड ब्वाय आर्यन साह, हेड गर्ल प्रियांका साह तथा हाउस क्याप्टेन्सहरूले विधिपूर्वक शपथ ग्रहण गरे ।
त्यस्तै, गत वर्ष विभिन्न शैक्षिक क्षेत्रमा उत्कृष्ट प्रदर्शन गर्ने विद्यार्थीहरूलाई प्रमाणपत्रसहित सम्मान गरिएको थियो । अभिभावक, अतिथि र स्थानीय समुदायको उल्लेखनीय सहभागिताले कार्यक्रममा विशेष आकर्षण थपेको थियो ।
