वीरगंज । मानवसेवा आश्रम वीरगंज शाखाले सामाजिक उत्तरदायित्व अन्तर्गत मानसिक अवस्था कमजोर देखिएका एकजना पुरुषलाई मंगलबार उद्धार गरेको छ।
मंगलबार दिउँसो १२:४५ बजे वीरगंजकाे पावर हाउस चोकमा अन्दाजी ३५ वर्षका, आफ्नो नाम र ठेगाना बताउन असमर्थ एक पुरुषलाई उद्धार गरी मानवसेवा आश्रम वीरगंजमा लगिएको हो।
आश्रममा लगेपछि उनको सरसफाइ गरी नुहाइधुवाइ गराइ चिकित्सक डा. भरत गोईतकाे निगरानीमा औषधोपचार प्रक्रिया सुरु गरिएको मानव सेवा आश्रमका दिवेश गुप्ताले जानकारी दिए ।
उद्धार कार्यमा मानवसेवा आश्रम वीरगंजका संस्थापक देवेश गुप्ता, सामाजिक अभियन्ता तथा अभिभावक प्रकाश थारु, वडा प्रहरी कार्यालयका वरिष्ठ हवल्दार दिनेश यादव तथा अन्य स्थानीय व्यक्तिहरूको सक्रिय सहभागिता रहेको थियो।
मानवसेवा आश्रमले यस्ता उद्धार कार्य निरन्तर गर्दै आएको छ, जसले समाजमा सहयोग, करुणा र मानवताको भावना झनै सशक्त बनाइरहेको छ ।
