कास/वीरगंज, २७ असोज ।
जिल्ला स्तरिय विपद व्यवस्थापन संगोष्ठी आज वीरगंजमा सम्पन्न भएको छ । वीरगंज नगर सभागृहमा भएको कार्यक्रममा वोल्दै पर्साका प्रमुख जिल्ला अधिकारी लोकनाथ पौडेलले अब गैर सरकारी संस्थाहरुलाई प्रोत्साहित गरेर अगाडी बढनु पर्ने वताउनु भएको छ ।

गैरसरकारी संस्थाको समन्वय र सहकार्य गरी विकास गर्न र स्थानिय तहलाई कैटोराइज गर्नु पर्ने समय आएको वताए ।

वीरगंज महानगरपालिकाकी उपमेयर शान्ति कार्कीको अध्यक्षतामा र वीरगंज महानरपालिकाका मेयर विजय सरावगीको प्रमुख आतिथ्यतामा भएको कार्यक्रममा नेपाल पत्रकार महासंघ, पर्साका प्रतिनिधि, स्थानिय तहका प्रमुख, प्रमुख प्रशासकिय अधिकृतहरुको सहभागिता रहेको थियो ।

वीरगंज, २७ असोज ।
वीरगंज महानगरपालिकाको विपी उद्यानस्थित रातो बङ्गलामा राखिएको ह्युमपाइप घटनामा एकजना बालकको ज्यान गएको र तीनजना बालिका गम्भीर घाइते भएको सन्दर्भमा गृह मन्त्रालयले छानबिनको आदेश दिएको छ ।

ह्युमपाइपमा खेल्नेक्रममा ९ वर्षीय रोहित चौधरीको मृत्यु भएको थियो भने समान उमेरका अनुष्का र अङ्किता चौधरी तथा आयुषा यादव गम्भीर घाइते भएका थिए ।

सांसद प्रदीप यादवले सरोकारवालाहरूलाई ज्ञापन दिएर घटनाको छानबिन गरी दोषीमाथि कारबाई माग गरेकाले गृह मन्त्रालयले छानबिन गर्न निर्देशन दिएको स्रोतले जनाएको छ ।
पर्साका प्रमुख जिल्ला अधिकारी लोकनाथ पौड्यालले घटना छानबिनका लागि गृह मन्त्रालयको पत्र आएको पुष्टि गरेका छन् ।
यसैबीच, ह्युम पाइप दुर्घटनापछि सरोकारवालाहरूले आप्mनो दायित्वबाट पछि हट्दै एकले अर्कामाथि आरोप–प्रत्यारोप लगाउन थालेका छन् । जिल्ला प्रहरी कार्यालय पर्साले प्रारम्भिक रिर्पाेटमा घटना भवितव्य भनेको छ ।

कालिका कन्स्ट्रक्सनका व्यवस्थापक ठाकुर ढकालले घटनामा कालिका कन्स्ट्रक्सन दोषी नभएको दाबी गरेका छन् । उनले मझौला शहर एकीकृत वातावरणीय आयोजनाको लागि आपूmसँग एडिबीको सम्झौता भएपछि सम्झौता अनुसार ह्युमपाइप बनाएको र मेयर विजय सरावगीको मौखिक निर्देशनमा रातो बङ्गलामा जेठ महिनामा राखिएको बताए ।

उनले आपूmले विश्वव्यापी मान्यता अनुसार पिरामिड शैलीमा ह््युमपाइप राखेको तर वीरगंज महानगरपालिकाका वरिष्ठ अधिकृत सुमन श्रेष्ठले मेला प्रयोजनमा झुला राख्न समस्या देखाएर पहिले राखेको ह्युमपाइपलाई अन्यत्र हटाइएपछि त्यस ह्युमपाइपमा चढेका बालबालिकाहरू दुर्घटनाको शिकार भएको बताए ।

यता मेयर सरावगीले आप्mनो आदेशमा ह्युमपाइप त्यहाँ राखिएको स्वीकारेका छन् । कालिकाले एडिबीको आयोजनाको लागि निर्माण गरेको ह्युमपाइप राख्नको लागि स्थान दिएको तर बिनाइजाजत झुला राख्ने काम गरिंदा सो घटना भएको मेयर सरावगीले बताए ।

उनले आपूmले माँ वैष्णव गुफाको लागि मात्र इजाजत दिएकोमा सो स्थानमा जिल्ला प्रशासन कार्यालयको स्वीकृतिमा झुला राखिएको बताए । मेयर सरावगीले झुला राख्न इजाजत प्रदान नगरेको तर जिप्रकाको इजाजत लिएर महानगरपालिकाको जग्गामा गैरकानूनी तरिकाबाट झुला सञ्चालन गरिएको उनले बताए ।

मेयर सरावगीले महानगरपालिकामा लाग्ने सबै खाले मेलाको स्वीकृति महानगरबाट लिनुपर्नेमा विपी उद्यानको घण्टाघरतर्पm सञ्चालित दशैं मेलाले स्वीकृति लिएको तर रातो बङ्गलातर्पm केवल माँ वैष्णवको गुफाको लागि मात्र इजाजत दिएको प्रस्ट्याए ।

यता प्रमुख जिल्ला अधिकारी लोकनाथ पौड्यालले महानगरपालिकालाई शुल्क बुझाएको रसिद हेरेर मात्र आपूmले रातो बङ्गलामा झुला राख्न स्वीकृति दिएको दाबी गरेका छन् ।

रमाइलो कुरा त के छ भने घटनामा छानबिनको दायरामा पर्ने जिल्ला प्रशासन कार्यालयलाई नै गृह मन्त्रालयले छानबिन गरेर प्रतिवेदन पेश गर्न भनेको छ । जसले गर्दा छानबिन समितिको निष्पक्षतामाथि प्रश्नचिह्न खडा गरेको छ । प्रतिक

कास/वीरगंज, २६ असोज ।
हिन्दुहरुको महान चाडपर्व वडा दशै शुरुवात संगै पर्साको ग्रामिण भेगमा जुवातास र गोटी खेलले ब्यापक्ता पाएको छ । हरेक बर्ष जिल्ला प्रशासन तथा ईलाका प्रहरी कार्यालयहरुले हरेक गाउँ तथा वडाहरुमा जुवातास नखेल्न माईकिंग गर्ने गथ्र्थाे तर यस बर्ष प्रहरी प्रशासनबाट गाउँघरमा यस्तो संन्देश नजादा ग्रामिण भेगमा जुवातासको बन्देज नहोला भने भ्रम सृजना भएको छ ।

पर्साको ग्रामिण भेगको सार्वजनिक ठाउँमा नै जुवातास बिहान र रातीको समयमा खुल्याम रुपमा हुने गरेको स्थानियहरुले बताएका छन । बिहान, बेलुकी र राती प्रहरीले गस्ती नगरे पछि खुल्याम रुपमा सार्वजिन स्थलमा नै जुवातास हुने गरेको स्थानियहरुको भनाई छ । जुवातास खेल्नमा प्राय ११ बर्ष देखी ४० बर्षका युवाहरुको संख्या बढी मात्रामा रहेको देखिएको छ ।

यता कालिकामाई गाउँपालिकाको वडा नं. ५ स्थित रहेको ईलाका प्रहरी कार्यालय बिरन्चीवर्वाले सोही गाउँपालिकाको वडा नम्बर १ मुडलीमा दिउसो ४ बजे ८ बर्ष देखी १६ बर्ष उमेरका दर्जनौ बालबालिकाहरुलाई जुवा खेलिरहेको अवस्थामा लखेटेको छ । प्रहरीले बालबालिकाहरुले खेली रहेको झन्डामुन्डा स्थलको केही पैसा, गोटी र खेल खेलाउने डब्बाहरु नियन्त्रणमा लिएको छ ।

यस बिषयमा प्रहरी प्रशासन मौन रहयो भने जुवातासले दिपावली सम्म ब्यापक रुपमा बिस्तार भई जाने स्थानिय अगुवाहरुले वताएका छन ।