प्रणय साह
वीरगंज, १२ चैत .
वीरगंज स्थित बन्द चिनी मिल उद्योग, वाणिज्य तथा आपूर्तिमन्त्री मातृकाप्रसाद यादव द्वारा स्थलगत अनुगमन गरेका छन् । करिव डेढ दशकदेखि बन्द तथा जिर्ण अवस्थामा रहेको वीरगज चिनी कारखानाको मंगलवार स्थलगत अनुगमन गरी सो विषयबारे जानकारी लिनुभयो ।
चिनी मिलका कारखानाका उपकरणहरु उपयोगविहीन अस्थामा रहेका कारण जीर्ण हुँदै गएकोेप्रति चिन्ता व्यक्त गर्दै यसको सरसफाइमा ध्यान दिन कर्मचारीलाई निर्देशन दिनुभयो ।
मन्त्री यादवले पर्सा जिल्ला अदालत र उच्च अदालतको अस्थायी इजलासका लागि भवनलगायतका पूर्वाधार एकै स्थानमा निर्माण गर्दा न्यायसम्पादन प्रभावकारी हुने भएकाले त्यसकै लागि मन्त्री यादव सहित सर्वोच्च अदालतका न्यायाधीशकोे टोली जग्गा हेर्न आएको बताउनुभयो । अहिले कारखाना परिसरको काउन्टरमा उच्च अदालत जनकपुरकोे अस्थायी इजलास सञ्चालनमा रहेका छन् ।
चिनी मिल कारखानाको स्वामित्व रहेका जग्गामध्ये कित्ता नं ११३१ मा रहेको दश बिघा जग्गा अदालतको पूर्वाधार निर्माणका लागि उपयुक्त हुने कि नहुनेबारे काठमाडौँ फर्केपछि यस विषयमा थप छलफल गर्ने मन्त्री यादवले बताए ।
वीरगंज स्तिथ उच्च अदालत जनकपुर,वीरगंज इजलास भौतिक समस्या र समाधानका उपायहरुका लागी आनुगमनमा आउनु भएका टोलीमा मन्त्री यादवसहित सर्वोच्च अदालतका न्यायाधीश हरिकृष्ण कार्की,मुख्य रजिस्ट्रार नृपध्वज निरौला,मुख्य न्यायाधीश हरिकुमार पोखरेल तथा उच्च अदालत अस्थायी इजलास वीरगजका मुख्य न्यायाधीश डिल्लीराज आचार्यलगायत रहेका थिए ।
चिनी मिल सरसफाइमा ध्यान दिन कर्मचारीलाई निर्देशन ः मन्त्री यादव
