वीरगंज, १३ चैत ।
नेपाल विद्यार्थी (नेवि) संघ, पर्साले आज वीरगंज महानगरपालिकालाई लामखुट्टे नियन्त्रण गर्ने लगायतको मांग गर्दै ज्ञापन पत्र बुझाएको छ । नेवि संघ पर्साका अध्यक्ष विश्वास रंजन द्विवेदीको नेतृत्वमा महानगर कार्यपालिकाको कार्यालय, वीरगंज पुगेका नेवि संघका नेता तथा कार्यकर्ताहरुले उप मेयर शान्ति कार्कीलाई ज्ञापन पत्र बुझाएका हुन ।
प्रदेश नं. २ का एक मात्र वीरगंज महानगरपालिका लामखुट्टे आंतक ग्रस्त भएका कारण चन्दै गरेको एस.ई.ई परिक्षार्थी समेतलाई असर पारेकोले यथासिघ्र नियन्त्रण गर्नु पर्ने नेवि संघले मांग गरेको छ । यसका साथै वीरगंज महानगरपालिकामा भइरहेको सडक निर्माण कार्य यथा सिघ्र सम्पन्न गराउन र धुलो नियन्त्रणको लागि नियमित रुपमा दिनमा दुई पटक पानी छर्ने व्यवस्था महानगरलाई गर्न आग्रह गरेको छ ।
ज्ञापन पत्र मार्फत नेवि संघले महानगरपालिकाले आफ्नो सम्पूर्ण संयन्त्र प्रयोग गरेर लामखुट्टे तथा धुलो नियन्त्रण अपिल गर्दै यो काम यथा सिघ्र नभए नभए नेवि संघ पर्साले कुनै पनि कदम चाल्न पछि नहटने अवगत समेत गराएको छ । ज्ञापन पज्ञ बुझदै उप मेयर कार्कीले बिहिबार देखी तत्काल लामखुट्टेको औषधी छर्न निर्देशन दिनु भएको नेवि संघ पर्साका अध्यक्ष द्विवेदीले वताए ।
ज्ञापन पत्र बुझाउन महानगर पुगेको समुहमा नेवि संघका केन्द्रिय सदस्य सुधिर पटेल, बद्रीनाथ तिवारी, विदार्थी नेता बिकेश पटेल, रुद्र हल्दर, विवेक गुप्ता, अब्दुल कयुम, मन्जिव मिश्रा, बिकास पटेल, रन्जन चौरसिया, बिकास मण्डल, ओमेशवर साह लगायतकाको सहभागिता रहेको थियो ।
