वीरगञ्ज, १४ चैत ।
पर्सा प्रहरीले आज विहान लागु औषध सहित दुई महिलालाई पक्राउ गरेको छ । प्रहरीले बाराको महागढीमाई नगरपालिका वडा नं. १० घर भई हाल वीरगंज १, छपकैया डेरा गरी बस्ने बर्ष ३८ की अन्जु देवी कर्ण र निजकी छोरीलाई पक्राउ गरेको हो ।
प्रहरी चौकी ईनर्वा पर्साबाट खटिएको प्रहरी टोलीले बिहिबार विहान ८ बजे वीरगंज महानगरपालिकाको वडा नं. १९, ईनर्वा चोक स्थितबाट आमा, छोरीलाई पक्राउ गरेको जिल्ला प्रहरी कार्यालय, पर्साले जनाएको छ ।
नेपालबाट भारत तर्फ पैदल हिडी जादै गरेको दुबै जनालाई शंका लागि चेकजांच गर्दा निजहरुले शरीरको बिभिन्न भागमा लुकाई छिपाई राखि लैजादै गरेको गांजाको धुलो जस्तो लागु औषध २४ पाकेटमा ६ किलो फेला परेकोले निजहरुलाई नियन्त्रणमा लिई आवश्यक अनुसन्धान भइरहेको प्रहरी कार्यालयले एक प्रेस विज्ञप्ती जारी गर्र्दै जानकारी गराएको छ ।
