वीरगंज, १२ चैत ।
लैंगिक समानता तथा समावेशी विकासका लागि स्थानिय तहको योजना तर्जुमा सम्बन्धि एक दिने अन्तरक्रिया तथा अभिमुखिकरण कार्यक्रम मंगलबार वीरगंजमा सम्पन्न भएको छ । युरोपियन युनियनको आर्थिक सहयोगमा नेपाल ग्रामिण पुननिर्माण संस्थाद्वारा चाईलड नेपाल र संरक्षणको सहकार्यक्रम संचालित किशोरी संवाद कार्यक्रम अन्तर्गत कार्यक्रम भएको थियो ।
वडाध्यक्ष अमानत अंसारीको अध्यक्षतामा र वीरगंज महानगरपालिकाकी उप मेयर शान्ति कार्कीको प्रमुख आतिथ्यतामा भएको कार्यक्रममा वडा नं. ३० का सचिव नवराज थापा, वडा नं. ३१ की सचिव सोनम खड्का, स्वास्थ्य चौकी लालपर्साका प्रमुख अनिशकान्त कुशवाहा, स्वास्थ्य चौकी भेडियाहीका प्रमुख जाइद हुसेन लगायतकाले मन्तव्य राखेका थिए ।
कार्यक्रमको उदेश्य तथा सहजिकरण किशोरी सम्वाद कार्यक्रमकी संयोजक भागवती शर्मा भण्डारीले गरेकी थिइन भने स्वागत मन्तव्य सम्वाद अधिकृत प्रकाश पाण्डेले राखेका थिए । वीरगंज महानगरपालिकाको वडा नं. ३०, लालपर्साको वडा कार्यालयमा भएको कार्यक्रमको संचालन किशोरी सम्वाद कार्यक्रमका सपरभाईजर सुनेशवर साहले गरेका थिए ।
