Date
सोम, मंसिर ७, २०८३
Mon, November 23, 2026
Home Blog Page 1089

यौन दुर्व्यवहारबारे प्रहरीले थाल्यो अनुसन्धान

0
krishana bahadur mahara_kalikatimes-1

काठमाडौं । सभामुख कृष्णबहादुर महरामाथि यौन दुर्व्यवहारको आरोप लागेपछि प्रहरीले अनुसन्धान सुरु गरेको छ। सोमबार एक महिलाले महराले यौन दुर्व्यवहार गरेको आरोप लगाएकि थिइन्।

आरोप पछि त्यसको खण्डन गरेका महराले आज मध्यान्ह छानविनलाई सहयोग गर्ने भन्दै राजीनामा दिइसकेका छन् ।

यौन दुर्व्यवहार भएको भनिएकि महिलाको कोठामा रहेका सामानहरु प्रहरीले नियन्त्रणमा लिएर अनुसन्धान सुरु गरेको हो। यस्तै प्रहरीले कल डिटेल र सामाजिक सञ्जालमार्फत भएका कुराकानीबारे समेत अनुसन्धान थालेको छ।

सोमबार सञ्चारमाध्यमबाट ति महिलाले महराले रक्सीले मात्तिएर आफ्नो डेरामा आएर दुर्व्यवहार गरेको आरोप लगाएकी थिइन्।

१२ लाख सहित हुण्डी कारोबारी बाबु–छोरा पक्राउ

0
hundi karobari_kalikatimes

वीरगंज । हुण्डी कारोबारमा संलग्न रहेको आरोपमा पर्सा प्रहरीले १२ लाख रुपैयाँसहित बाबु–छोरालाई पक्राउ गरेको छ । वीरगंज १६ नगवाका बाबू–छोरा आवाश अलि र अस्ताक आलमलाई प्रहरीले पक्राउ गरेको हो ।

ना ४९ प ६८२४ नम्बरको मोटरसाइकल चढी जादै गरेका बाबु छोरालाई चेक जाँच गर्ने क्रममा श्रोत नखुलेको १२ लाख रुपैयाँसहित पक्राउ गरिएको जिल्ला प्रहरी कार्यालय पर्सा जनाएको छ ।

वडा प्रहरी कार्यालय बिर्ताका प्रहरी निरीक्षक निर्मल पनेरुको कमान्डमा खटिएको प्रहरी टोलीले वीरगंज महानगरपालिका ४ नारायणी अस्पताल अगाडि चेकजाँच गर्ने क्रममा उनीहरुलाई पक्राउ गरिएको प्रहरी कार्यालयले जनाएको छ ।

“दादा साहेब फाल्के अवॉर्ड” बाट अमिताभ बच्चन सम्मानित हुदै

0

अमिताभ बच्चन अब भारतिय सिनेमा को सबभन्दा ठुलो अवॉर्ड दादा साहेब फाल्के अवॉर्ड (Dada saheb phalke Award) द्वारा सम्मानित हुने भएका छन।

भारत का बातावरण, वन तथा जलवायु मंत्री प्रकाश जावड़ेकर ले भारतिय सिनेमाको क्षेत्रमा दिइने यो सबभन्दा ठुलो सम्मान रहेको उहाँले जानकारी गराउनु भएको थियो। मंत्री जावड़ेकर ले आफ्नो ट्विटर मा ट्विट गर्दै ” लेजेंड अमिताभ बच्चन उहाँले दुइ पीढ़ी लाई निरन्तर मनोरंजन दई यस क्षेत्र मा एउटा पृथक पहिचान बनाउन सफल भएका हुन।

बच्चन का योगदान र कार्य लाई मध्यनजर गर्दै उहाँलाई बाबा साहेब फाल्के को लागि चुनिएको छ, यो ख़बरले रास्ट्रीय तथा अंतरास्ट्रीय समुदाय पनि ख़ुसी भएका छन। मंत्री जावड़ेकर ले आफ्नो तर्फबाट सुभकामना पनि ब्यक्त गरेका छन। यो अवार्ड दिने घोषणा भए लगतै बिभिन्न भारतिय स्टारहरुले ट्विटर मार्फ़त सुभकामना दिन थालेका छन।


रजनीकांत, करन जौहर और मधुर भंडारकर ले पनि अमिताभ बच्चनलाई बधाई दिएका छन।रजनीकांत ले आफ्नो ट्विटर मा ट्वीट गर्दै यस सम्मान को हक़दार अमिताभ बच्चन नै हुनुहुन्छ भन्ने कुरा जनाएका छन।

सुरक्षित गर्भपतन सेवा सुचारु गर्न ज्ञापन

0
gayapan patra_kalikatimes

बारा । सुरक्षित गर्भपतन सेवा सुलभ र निशुल्क रुपमा शुरु गर्नका लागि सखीः महिलाको साथी संस्थाले अन्र्तराष्ट्रिय सुरक्षित गर्भपतन दिवस २८ सेप्टेम्बरको अवसर पारी प्रसौनी गाँउपालिका आज ज्ञापन पत्र बुझाएको छ । सुरक्षित गर्भपन सेवा सर्वसाधारणको पहुँचमा पुर्याउने विषयमा सर्वोच्च अदालतले सरकारलाई निर्देशन पनि दिएको छ ।

सर्वोच्चले गरिब र ग्रामीण महिलाहरुसम्म सुरक्षित गर्भपतन सेवा पुर्याउन सरकारलाई निर्देशन दिएकाले तथा नेपाल सरकारको स्वास्थ्य नितिमा यसलाई आधारभुत स्वास्थ सेवाको रुपमा सुचिकृत गरि सुलभ र निशुल्क रुपमा सबैको पहुँचमा पुर्याउने लक्ष्य लिएकोले प्रसौनी गाँउपालिकामा रहेका कुनै पनि स्वस्थ चौकीमा यसको व्यवस्था नभएकोले सो सम्बन्धि व्यवस्था गर्न ज्ञापन पत्रमा माग गरिएको छ ।

नेपाल सरकारले सुरक्षित गर्भपतनलाई कानुनी मान्यता दिएको छ । सरकारले सुचिकृत गरेको स्वास्थ्य संस्थामा सुचिकृत डाक्टरबाट गर्भपतन सेवा लिने कानुनी व्यवस्था गरेको छ । मुलुकी ऐन २०७४को ज्यानसम्बन्धि दफा २८ देखि ३३ सम्म गर्भपतन सम्बन्धि व्यवस्था गरिएको छ ।

मुलुकी ऐनको दफा २८ (ख) मा गर्भवती महिलाको इच्छामा १२ हप्तासम्मको जुनसुकै गर्भलाई सुरक्षित रुपमा गर्भपतन गर्न सकिने उल्लेख छ । त्यसैगरी हाडनाता करणी वा बलात्कारबाट रकेको १८ हप्ता सम्मको गर्भलाई गर्भवती महिलाको इच्छामा सुरक्षित गर्भपतन गर्न सकिन्छ ।

गर्भको कारण महिलाको ज्यान जोखिनमा पर्ने अवस्था भएमा विज्ञ चिकित्सकको सल्लाहमा गर्भवती महिलाको इच्छामा सुरक्षित गर्भपतन गर्न सकिन्छ । गर्भवती महिलाको मञ्जुरीमा कुनै पनि गर्भ विकलाङ्ग, अंग भंग वा अन्य कुनै रोगजन्य अवस्था भएर जन्मन सक्ने भै महिलाको ज्यान जान सक्ने अवस्थामा भएमा सुरक्षित गर्भपतन गर्न सकिन्छ । यसकालागि विज्ञ चिकित्कको सल्लाह अनिवार्य हुन्छ ।

गर्भवती महिला १६ वर्ष भन्दा कम उमेरको वा नाबालिग भएमा नातेदारको सहमतिमा सुरक्षित गर्भपतन गर्न सकिन्छ तर लिङ्ग पहिचान गरेर गर्भपतन गर्न भने पाइदैन । त्यसो गरेको पाईएमा गर्ने र गराउने दुबैलाई कानुन बमोजिमको कारवाहीको व्यवस्था गरेको छ ।  सुरक्षित गर्भपतन सेवा भएको क्लिनिक वा स्वास्थ संस्थामा विवाहित अविवाहित जो सुकै महिलाले १२ हप्तासम्मको गर्भलाई गर्भपतन गराउन सक्छिन ।

यसमा डाक्टरले तपाईको व्यक्तिगत विवरण केही माग गर्दैन तथा गोप्य राख्छ भन्ने कुरा धेरै महिलाहरुलाई थाहा नभएकोले पनि इच्छा नभएको गर्भलाई पनि राख्न बाध्य हुने तथा घरायसी तथा परम्परागत विधिले गर्भपतन गर्न खोज्दा धेरैको ज्यान जोखिनमा पर्ने भएकोले सबैलाई जानकारी गराउनका लागि पनि ज्ञापन पत्र  बुझाइएको सखी संस्थाकी अध्यक्ष प्रियंका कुमारी कुशवाहाले बताइन । गाउँपालिकाका प्रमुख प्रशासकिय अधिकृत शेरे मुस्तुफालाई ज्ञापन पत्र बुझाइएका हुन ।

नेपाल ‘खुला दिसामुक्त राष्ट्र’ घोषणा

0
khuladisamuktadesh-kalikatimes

काठमाडौं । नेपाल ‘खुला दिसामुक्त राष्ट्र’ घोषणा भएको छ । खानेपानी तथा सरसफाइ मन्त्रालयले सोमबार संघीय राजधानी काठमाडौंमा आयोजना गरेको समारोहमार्फत प्रधानमन्त्री केपी शर्मा ओलीले नेपाललाई ‘खुला दिसामुक्त राष्ट्र’ घोषणा गरेका हुन् ।

नेपालका ७५३ स्थानीय तह र ७७ जिल्लाले गरेको खुला दिसामुक्त क्षेत्र घोषणा कार्यलाई सदर गर्दै नेपाललाई खुला दिसामुक्त घोषणा गरिएको हो ।

सोमबारको घोषणासँगै नेपाल दक्षिण एसियाकै पहिलो ‘खुला दिसामुक्त राष्ट्र’ भएको दाबी गरिएको छ । नेपालभन्दा २ दिन पछि (२ अक्टोबर) मा भारतले पनि आफूलाई खुला दिसामुक्त राष्ट्र घोषणा गर्ने कार्यक्रम छ ।

दक्षिण एसियामा सन् २००३ पछि खुला दिसामुक्त क्षेत्र घोषणा गर्ने अभियान शुरु भएको मानिन्छ । सन् २००३ को अक्टोबरमा बंगलादेशको ढाकामा दक्षिण एसियाका ८ वटा राष्ट्र नेपाल, भारत, पाकिस्तान, अफगानिस्तान, भुटान, बंगलादेश, श्रीलंका र माल्दिभ्सको खानेपानी तथा सरसफाई सञ्जालको संयुक्त बैठक बसेको थियो ।

त्यसपछि उक्त सञ्जालका बैठकहरु सन् २००६ को सेप्टेम्बरमा पाकिस्तानमा, सन् २००८ को नोभेम्बरमा भारतको दिल्लीमा, सन् २०११ को अप्रिलमा श्रीलंकामा बसेका थिए ।

दक्षिण एसियाली खानेपानी तथा सरसफाई सञ्जालको बैठकमा भएका निर्णयकै आधारमा नेपालले २०६८ सालमा सरसफाइ गुरुयोजना तयार गरी लागू गरेको थियो ।

उक्त योजना लागू भइसकेपछि तत्कालीन गाउँ विकास समिति (गाविस) र नगरपालिकासँगै जिल्लाहरुलाई खुला दिसामुक्त क्षेत्र घोषणा गर्ने कार्यक्रम शुरु भयो । पहिलोपटक खुला दिसामुक्त घोषणा भएको जिल्लामा कास्की पर्छ । कास्कीलाई २०६८ सालको असार १० गते खुला दिसामुक्त जिल्ला घोषणा गरिएको थियो ।

हावाको ट्याङ्की पडकिँदा एकको मृत्यु, एक घाइते

0
hawako tanki padkida_kalikatimes

सिमरौनगढ । बाराको सिमरौनगढ नगरपालिकामा रहेको मोटरसाइकल वर्कसपमा हावाको ट्याङ्की पडकिँदा एक जनाको मृत्यु भएको छ ।

समरौनगढ नगरपालिकाको बजारमा रहेको अलिम मोटरसाइकल वर्कसपमा रहेको हावाको ट्याङ्की पडकिँदा मोटरसाइकल मिस्त्रीसहित २ जना घाइते भएका थिए । घाइते मध्येको सिम्रोनगढ नगरपालिका वडा नम्बर ४ हरिहरपुरका मोटरसाइकल मिस्त्री २६ वर्षीय फैजुल्लाह अन्सारीको मृत्यु भएको छ ।

अन्सारीको उपचराको क्रममा कलैया अस्पतालमा मृत्यु भएको बाराका प्रहरी प्रवक्ता प्रहरी नायब उपरीक्षक रञ्जित सिंह राठौरले जानकारी दिए । यस्तै अर्का घाइते २० वर्षीय मेराज आलमको उपचार भइरहेको छ ।

बिहान करिब १० बजेको समयमा हावाको ट्याङ्कीबाट हावा भर्ने क्रममा अचानक पड्किँदा दुवैजना घाइते भएका थिए ।

छोहडा सहित वीरगंजबाट एक भारतिय युवक पक्राउ

0
chhohada pakrau_kalikatimes

वीरगंज । पर्सा प्रहरीले छोहडा सहित एक भारतिय युवकलाई पक्राउ गरेको छ । भारत बिहार पन्टोका बर्ष १८ को लालु पासवानालाई नेपालबाट भारत तर्फ छोकडा लगि रहेको अवस्थामा वीरगंजबाट पक्राउ गरिएको जिल्ला प्रहरी कार्यालय पर्साले जनाएको छ ।

जिल्ला प्रहरी कार्यालय पर्साबाट खटिएको प्रहरी टोलीले वीरगंज महानगरापलिकाको वडा नं. १० आदर्शनगर स्थितबाट आइतबार दिउसो २ः३० बजे ६० किलो छोकडा सहित पासवानलाई नियन्त्रणमा लिई आपश्यक अनुसन्धान भइरहेको प्रहरी कार्यालयले जनाएको छ ।

यस्तै पर्सा प्रहरीले भंसार छलीको कपडा समेत बरामद गरेको छ । जिल्ला प्रहरी कार्यालय पर्साबाट खटिएको प्रहरी टोलीले भंसारी छली गैरकानुनी तवरले नेपाल भित्रयाइरहेको ३२ पिस कुर्ता सुरुवालको कपडा बरामद भएकोको जनाएको छ ।

वीरगंजको छपकैयाबाट आइतबार बरामद भएको कपडा जिल्ला प्रहरी कार्यालयमा ल्याई आवश्यक कर्वाही र वीरगंज भन्सार बुझाउने कार्य भइरहेको प्रहरी कार्यालय पर्साले प्रेस विज्ञप्ती मार्फत जनाएको छ ।

जिल्ला स्तरिय नेतृत्व विकास तथा पैरवी कार्यक्र सम्पन्न

0
prarmabhik padhai karyakarm_kalikatimes

वीरगंज । राष्ट्रिय प्रारम्भिक कक्षा पढाई कार्यक्र अन्तर्गत आज वीरगंजमा जिल्ला स्तरिय नेतृत्व विकास तथा पैरवी कार्यक्र सम्पन्न भएको छ । युएसआईडीको सहयोगमा र नेपाल सरकार शिक्षा, विज्ञान तथा प्रविधि मन्त्रालयको आयोजनामा होटल भिस्वा वीरगंजमा भएको कार्यक्रम सम्पन्न भएको हो ।

शिक्षा विकास समन्वय कार्यालय पर्साका प्रमुख फथबहादुरको श्रेष्ठको अध्यक्षता र जिल्ला समन्वय समिति पर्साका सह संयोजक ठाकुर प्रसाद न्यौपानेको प्रमुख आतिथ्यतामा कार्यक्रम भएको थियो ।

कार्यक्रममा पर्सागढी नगरपालिकाका प्रमुख लोकनारायण यादव, पोखरिया नगरपालिकाकी उप प्रमुख सलमा खातुन, पकहा मैनपुर गाउँपालिकाका प्रमुख विजय चौरसिया, कालिकामाई गाउँपालिकाका प्रमुख नथुनि प्रसाद कुशवाहा, सखुवा प्रसौनी गाउँपालिकाकी उप प्रमुख फुलमती चौधरी, गैसस महासंघ नेपाल पर्साका अध्यक्ष छठु साह लगायत पर्साका विभिन्न स्थानिय तहका प्रतिनिधि, प्रमुख प्रशासकिय अधिकृतहरुको सहभागिता रहेको थियो ।

कार्यक्रममा स्वागत मन्तव्य जिल्ला शिक्षा समन्वय कार्यालय पर्साका अधिकृत हरि राउत कुर्मीले राखेका थिए भने कार्यक्रमको उद्देश्य माथी प्रकाश क्षेत्रिय कार्यालयका संयोजक कुमार गुप्ताले पारेका थिए ।

रेविज रोगबाट बाच्न भुस्याहा(छाडा) कुकुरहरुलाई रेविज खोप

0
rebij khop_kalikatimes

बीरगंज । विश्व रेविज दिवसको अवसरमा भुस्याहा(छाडा) कुकुरहरुलाई निशुल्क रेविज खोप लगाउने कार्य आज देखी सुरु भएको छ ।

१३ औं विश्व रेविज दिवसको अवसरमा सोमबार देखी एशोसियसन अफ भेटेरिनरी प्राक्टिसनर पर्साको अयोजनामा भुस्याहा(छाडा) कुकुरहरुलाई निशुल्क रेविज खोज लगाउने कार्य सुरु गरिएको एशोसियन पर्साका सदस्य अरुण पटेलले वताए ।

एशोसियसन संग आवद्ध ५/५ जनाको तिन वटा पशु प्राविधिकहरुको समुह बनाएर सडक भुस्याहा कुकुरहरुलाई खोप लगाउने कार्य थालिएको पटेलले जानकारी गराए ।

वीरगंजको घण्टाघरमा एशोसियसन पर्साका कोषाध्यक्ष जय सुन्दर पालको नेतृत्वमा पावरहाउस चोकमा सचिव ललन साह रौनियार र बाराकाे बिश्रामपुर गाउँपालिकाको बिश्रामपुरमा सदस्य पटेलको नतृत्वको पशु प्राविधिकहरुको समुहले खोप लगाउन थालेका हुन ।

भुस्याहा कुकुरहरुलाई रेविज खोज लगाउने कार्यमा डा. दिनेश तिवारी, डा. हरेराम यादव, एशोसियसन पर्साका अध्यक्ष बैजुलाल गुप्ता र बिश्रामपुरको पशु शाखा प्रमुख गुलाब मेहताले सहयोग समेत गरिहेका छन ।

वीरगंज महानगरपालिकाको कार्यालय र पशुपंक्षी रोग अन्वेषण प्रयोगशाला जनकपुरको सहयोगमा संचालन गरिएको रेविज खोज लगाउने कार्य ४ दिन सम्म चल्ने आयोजकले जनाएको छ ।

रेविज रोगबाट बाच्नको लागि रेविज खोप लगाउने अभियान चलाइएको एशोसियसन पर्साका सदस्य सुभम पाण्डे वताए । यस अघि शनिबार रेविज दिवसको अवसरमा एशोसियन पर्साले वीरगंजमा चेतनामूलक र्याली समेत निकालेको थियो ।

दशैंको अवसरमा वीरगंजमा नाम मात्रको सस्तो बजार संचालन

0
sasto bajar_kalikatimes

वीरगंज । वीरगंजमा आज देखी नाम मात्रको सस्तो बजार संचालनमा आएको छ । दशैंको अवसरमा वीरगंज उद्योग वाणिज्य संघमा संचालनमा आएको सस्तो बजार नाम मात्रको रहेको बजार अवलोकन गर्नेहरुले गुनासो गरेका छन ।

उद्योग वाणिज्य संघको सहयोगमा संचालनमा आएको सस्तो बजारको भाउ बाहिरको बजार भाउ जस्तै रहेको वीरगंज रानिघाटका जय प्रकाश कुशवाहाले वताए । उनका अनुसार बाहिर चिनीको भाउ प्रति किलो रु ७५ रहेको छ भने उद्योग वाणिज्य संघमा लागेको सस्तो बजारमा रु ७४ प्रति केलो रहेको छ । प्रति किलो एक रुपयाको मात्र फरक रहेको छ ।

यस्तै सस्तो नामको बजारमा पाइने चामल, दाल, चाना, केराउ, सतुवा, तेल, अगरबती लगायतको सामग्रीको बिक्री दर बजार जस्तै भएको अर्का अवलोकनकर्ता वीरगंज श्रीपुरका राधेश्याम पटेलले वताए ।

उद्योग वाणिज्य संघको भवनमा लागेको सस्तो बजारमा १२ वटा स्टलमा विभिन्न सामग्रीहरु राखिएको छ । बजारमा राखिएको स्टलको लागि उद्योग वाणिज्यले ठाउँ मात्र उपलब्ध गराइदिएको छ ।