वीरगंज । वीरगंजमा आज देखी नाम मात्रको सस्तो बजार संचालनमा आएको छ । दशैंको अवसरमा वीरगंज उद्योग वाणिज्य संघमा संचालनमा आएको सस्तो बजार नाम मात्रको रहेको बजार अवलोकन गर्नेहरुले गुनासो गरेका छन ।
उद्योग वाणिज्य संघको सहयोगमा संचालनमा आएको सस्तो बजारको भाउ बाहिरको बजार भाउ जस्तै रहेको वीरगंज रानिघाटका जय प्रकाश कुशवाहाले वताए । उनका अनुसार बाहिर चिनीको भाउ प्रति किलो रु ७५ रहेको छ भने उद्योग वाणिज्य संघमा लागेको सस्तो बजारमा रु ७४ प्रति केलो रहेको छ । प्रति किलो एक रुपयाको मात्र फरक रहेको छ ।
यस्तै सस्तो नामको बजारमा पाइने चामल, दाल, चाना, केराउ, सतुवा, तेल, अगरबती लगायतको सामग्रीको बिक्री दर बजार जस्तै भएको अर्का अवलोकनकर्ता वीरगंज श्रीपुरका राधेश्याम पटेलले वताए ।
उद्योग वाणिज्य संघको भवनमा लागेको सस्तो बजारमा १२ वटा स्टलमा विभिन्न सामग्रीहरु राखिएको छ । बजारमा राखिएको स्टलको लागि उद्योग वाणिज्यले ठाउँ मात्र उपलब्ध गराइदिएको छ ।
