Date
सोम, मंसिर ७, २०८३
Mon, November 23, 2026
Home Blog Page 1088

सोनार युवा समाजको समिती गठन

0

वीरगंज । नेपाल सोनार युवा समाज पर्साको आज तदर्थ समिती गठन भएको छ । वीरगंजको बसपार्कमा भएको सोनार समाजका युवाहरुको बैठकले श्याम सर्राफको संयोजक्तवमा एकाईस सदस्यीय तदर्थ समिती गठन गरेको हो ।

जुन समितिको सह संयोजक विंकी सर्राफ, सदस्य सचिव किशन सर्राफ, कोषाध्यक्ष दयाशंकर सरार्फ(राज), सदस्य उजज्वल सर्राफ, संजय सर्राफ, हरीओम सर्राफ, नीतेश सरार्फ लगायतका रहेका छ्न ।

नेपाल सोनार समाजका जिल्ला सचीव प्रबेश सरार्फको अध्यक्षतामा भएको कार्यक्रममा जिल्ला सदस्य ओमप्रकाश सर्राफ, जलेश्वर सर्राफ लगायतको सहभागिता रहेको थियो ।

मोबाईल चोरी गर्ने गिरोहका ४ जना पक्राउ

0

वीरगंज । पर्सा प्रहरीले मोबाईल चोरीकाेे घटनामा संलग्न ४ जनालाई पक्राउ

आदालतमा मुद्दा विचाराधीन हुदाहुदै पटक पटक दाजुभाईबाट नै यातना खेप्दै सुनिल

0
khandewal bibad_kalikatimes

वीरगन्ज । वीरगन्ज महानगरपालिका वडा नं. १० बस्ने सुनिल खण्डेलवाल पटक पटक आफ्नै दाजुभाईबाट कुटिदै आएपनि प्रहरी प्रशासनले पीडकलाई कारवाही गर्न सकेको छैन । विभिन्न बहानामा सुनिलका दाजुभाई राजेश खण्डेलवाल, पशुपति खण्डेलवाल तथा सचिव खण्डेलवाल तिनै दाजुभाई मिली सुनिललाई पटक पटक कुटपिट गर्दै आएका छन् ।

६ जना दाजुभाई रहेका खण्डेलवाल परिवारका दुई दाजुभाई भारतमा बस्दै आएकोमा ४ जना दाजुभाई वीरगन्जमा बसोबास गर्दै आएका छन् । चार जनै दाजुभाई एकै ठाउँमा बस्दै आएकोमा केही दिनदेखि तीन जना दाजुभाई मिली कान्छाभाई सुनिललाई घरबाट निकाल्ने प्रयासमा लागेका छन् ।

उनीहरु तिनै जना मिली सुनिलले संचालन गर्दै आएको व्यापारलाई पनि हड्पेका छन् । व्यापार हड्पनुको साथै सुनिललाई घरबाट निकाल्नका लागि राजेश, पशुपति तथा सचिन विभिन्न प्रपँच रच्दै सम्बन्धित व्यक्तिहरुलाई आफ्नो प्रलोभनमा पारी सुनिललाई पटक पटक यातना दिदै आएका छन् ।

खण्डेलवाल परिवारमा सानो सानो विवाद तथा चारै जना दाजुभाई बीचको कलहले उग्र रुप लिएपछि विगत ८ महिना पहिला ति दाजुभाई बीच अँश बाँडफाँडको लागि जिल्ला अदालत पर्सामा मुद्दा दर्ता भएको थियो । अँश सम्बन्धि मुद्दा अदालतमा विचाराधीन रहेको अवस्थामा राजेश, पशुपति तथा सुचिन तिनै जना दाजुभाई मिली कान्छा भाई सुनिललाई घरबाट निकाल्न पटक पटक मानसिक तथा शारिरिक यातना दिनुका साथै विभिन्न प्रयास गरेका छन् । तर पटक पटक दाजुभाईको कुटपिट सहँदै कानूनी उपचार खोजि रहेका सुनिल भने प्रहरी प्रशासनसँग अहिलेसम्म न्याय पाउन सकेका छैनन् ।

दिनहुँ फाइल बोकेर जिल्ला प्रहरी कार्यालय, वडा प्रहरी कार्यालय तथा जिल्ला प्रशासन कार्यालय धाई रहेका छन् तर न्याय भने पाउन सकेका छैनन् । अदालतमा मुद्दा विचाराधीन अवस्थामा रहेको बखत दुई तीन महिना अगाडि तिनै जना दाजुभाई मिली सुनिललाई निर्घात कुटपिट गरेका थिए । जसबाट सुनिलको खुट्टा भाँचिएको थियो ।

भाँचिएको खुट्टा लिएर जिल्ला प्रशासन कार्यालय तथा जिल्ला प्रहरी कार्यालय धाउँदा धाउँदै महिनौं वितिसक्दा पनि प्रहरीले पीडकलाई कारवाही गरेन । उनको साथमा रहेको फाइल च्यातियो तर उनीले न्याय पाएनन् उल्टै प्रहरीको धाक धम्की खेप्नुपर्यो । बेला बखत विभिन्न निहुँ खोजेर तिनै दाजुभाई मिलेर सुनिललाई पटक पटक निर्घात कुटपिट गर्ने गरेको तथ्य पुनः बाहिरिएको छ ।

यही मंगलबार त्यही राजेश, पशुपति तथा सुचिन तिनै दाजुभाई मिलेर सुनिललाई निर्घात कुटपिट गरेका छन् । तिनै जनाले सुनिललाई चप्लल, झापड, मुक्काले बेसरी हानेका छन् । उनीहरुको कुटपिटबाट सुनिलको हात, खुट्टा, टाउको, पिठ्यु तथा कन्चटमा चोट पटक लागेको छ ।

ग्याँस सिलिण्डर, शौचालय तथा घरको ढोकाको बीचबाटै पर्खाल लगाउने जस्ता विभिन्न कार्यको बहानामा सुनिलमाथि पटक पटक कुटपिट हुने गरेको छ । चार जनामध्ये ३ जना दाजुभाईको समूहले १ जना भाईलाई सधैं कुटपिट गर्ने गरेको छ । उनीमाथि कुटपिट हुनु यो नयाँ विषय होइन, अदालतमा विचाराधीन अवस्थामा मुद्दा रहेको अवस्थामा पनि सुनिल सधैं यातना खेपी रहेका छन् ।

सुनिल आफू एक्लै भएको कारण उनी कानूनी उपचार खोजि रहेका छन्, तर उनी न्याय पाउन सकि रहेका छैनन् । उनलाई न्याय दिन अर्थात पीडकमाथि कारवाही गर्नका लागि उच्च अदालत जनकपुर अस्थायी इजलास वीरगन्जले प्रहरीलाई परमादेश नै जारी गरेको थियो तर उनीमाथि केही कारवाही हुन सकेन् । जसले गर्दा तिनै दाजुभाईको मनोबल झनै बढ्दै गएको छ । जसको सिकार बनि रहेका सुनिल र दिनुहँ उनीहरुको यातना खेप्न बाध्य छन् ।

शुभकामना आदान प्रदान कार्यक्रम सम्पन्न

0

वीरगन्ज । नेपालीहरुको महानपर्व बडादशै, दिपावली तथा छठ पर्वको अवसरमा शुभकामना आदान प्रदान कार्यक्रम आज वीरगंजमा सम्पन्न भएको छ । नेपाल फोटो पत्रकार महासंघ पर्साको आयोजनामा पत्रकार महासंघ पर्साको सभाहलमा शुभकामना आदान प्रदान कार्यक्रम सम्पन्न भएको हो ।

नेपाल फोटो पत्रकार महासंघ पर्साका अध्यक्ष बिजय चौहानको अध्यक्ष्तामा भएको कार्यक्रममा नेपाल पत्रकार महासंघ प्रदेश २ का अध्यक्ष दिपेन्द्र चौहान , नेपाल फोटो पत्रकार महासंघ २ का अध्यक्ष राम सरार्फ ,उपाध्यक्ष पंकज श्रेष्ठ , नेपाल पत्रकार महासंघ पर्साका अध्यक्ष श्याम बन्जारा लगायतकाले मन्तव्य राखेका थिए ।

कार्यक्रममा फोटो पत्रकार महासंघ पर्सामा आवद्ध भएका नयां सदस्यहरुलाई परिचयपत्र र प्रेस ज्याकेट पनि वितरण भएको थियो । कार्यक्रमको संचालन नेपाल फोटो पत्रकार महासंघ पर्साका सचिव तिवारी यादवले गरेका थिए ।

मुस्कान संग सांसद यादवले भेटे, अवस्था सुधार हुदै जानकारी

0
muskan sang sansad yadavko vet_kalikatimes
मुस्कान संग भेट गर्दै सांसद प्रदिप यादव

काठमाडौँ । एसिड आक्रमण पिडित मुस्कान संग प्रतिनिधि सभा सदस्य (सांसद) प्रदिप यादव आज पनि भेटेका छन ।

काठमाण्डौको कीर्तिपुर अस्पताल उपचार गराई रहेकी मुस्कान संग निरन्तर भेट गरे जस्तै बिहिबार विहान भेट गरी अवस्था बारे जानकारी लिएका छन । उपचारमा संलग्न चिकित्सकहरु संग मुस्कानको अवस्था बारे सांसद जानकारी समेत लिएका हुन ।

सांसद यादवका अनुसार मुस्कानको अवस्थामा क्रमिक सुधार हुदै गएको र छिटै अवस्था सामान्य पनि हुने उपचारमा संलग्न चिकित्सकहरुले जानकारी गराएका छन । एसिड प्रहारबाट गम्भीर घाईते मुस्कानको अवस्था बारे जानकारी लिन र आवश्यक सहयोग गर्न सांसद यादव अस्पताल पुगि रहन्छन ।

मुस्कान अस्पताल भर्ना भएको आज २७ औ दिन पुगेको छ ।
येस्तै देश र देश बाहिर बाट मुस्कान का लागि संदेश र हौसला बढाउने सुभकामना हरु आउने क्रम निरन्तर जारि रहेको र सोहि बीच हिन्दि चलचित्र का महानायक अमिताभ बच्चन ,अभिनेता वरुण धावन, अभिनेत्री कृतित सेनोन नेपाली गायक राजु लामा लगायतका कलाकारहरु पनि संदेश पठाउन साथ देश भरीबाट निरन्तर सहयोग मा जुटेका छन् |

केही हप्ताअघि वीरगञ्जमा १५ वर्षीया बालिका मुस्कान खातुनलाई स्थानीय दुई किशोरले एसिड प्रहार गरेका थिए । अहिले उनको कीर्तिपुर अस्पतालमा उपचार भैरहेको छ ।

मदिराको टयाङ्कीमा परेर एकै परिवारका चार सहित पाँच जनाको मृत्यु

0
टयाङकी देखाउँदै मृतक महिन्द्र मुखियाका छोरा श्याम मुखिया र मृतकका परिवार। तस्बिर : प्रणय साह

बारा । घरेलु मदिरा उत्पादन गर्न बनाइएको भूमिगत टयाङ्कीमा परेर एकै परिवारका चार सहित पाँच जनाको मृत्यु भएको छ। बाराको फेटा गाँउपालिका ४ बतरा गाँउमा रहेको जोगा मुखिया बिनको घरभित्र बनाइएको भूमिगत ट्याङकीभित्र मुखियासहित पाँचजनाको मृत्यु भएको हो।

मृत्यु हुनेहरुमा ४० वर्षीय मुखिया बिन, उनकी श्रीमति ३७ वर्षीया वर्षीया लालमुनि देवी, छोरी १० वर्षीया सुमनी कुमारी, जोगाका भाइ ३५ वर्षीय महेन्द्र मुखिया बिन र मदिरा भट्टीमा काम गर्ने भारतको बहुकठवाका ५५ वर्षीय गुलाबचन्द मुसहर रहेका छन्।

घरेलु रक्सी उत्पादनका लागि घरभित्रै बनाइएको भूमिगत टयाङ्कीमा बुधबार बेलुकी साढे ७ बजेतिर गुलाब चन्द पसेका थिए। टयाङ्कीभित्र पसेका गुलाब चन्द, बाहिर ननिस्किएपछि उनलाई हेर्न टयाङ्कीभित्र पालै पालो पसेका घरमुली जोगासहित अरु चार जनाको पनि मृत्यु भएको हो। जोगा मुखियाको घरमा लामै समयदेखि अवैध रुपमा घरेलु मदिरा उत्पादन हुँदै आएको थियो।

गत भदौ २३ गते प्रहरीले उनको घरमा छापा मारेर छतमा बनाइएको रक्सी उत्पादन गर्ने भट्टी र भाँडाकुडा नष्ट गरेको थियो। त्यसपछि मुखियाले घरभित्र नै सिमेन्टको भूमिगत टयाङ्की बनाएर फेरि घरेलु रक्सी उत्पादन गर्दै आएका थिए।

मृतक पाँचै जनाको शव पोष्टमार्टमका लागि कलैया अस्पतालमा राखिएको छ।

पक्की घरभित्र चारैतिरबाट पर्खाल लगाएर जमिन मुनि बनाइएको झण्डै ५ फिट गहिरो भूमिगत टयाङ्कीभित्र मदिरा बनाउनका लागि कुहाइएको वस्तुबाट विषाक्त ग्यास बन्न गइ अक्सिजनको कमीका कारणले निसास्सिएर उनीहरुको मृत्यु भएको प्रहरीको प्रारम्भिक अनुमान छ। तर मृत्युको यकिन कारण भने पोष्टमार्टम रिपोर्ट आएपछि मात्र खुल्ने बाराका प्रहरी उपरीक्षक विकासराज खनालले बताए।

 बुधबार राति टयाङ्की भित्रबाट शव निकाल्ने क्रममा अक्सिजनको कमी हुन गइ प्रहरीसमेत बेहोश हुने अवस्था आएपछि टयाङ्कीको दुईतिरको पर्खाल भत्काएर शव निकालिएको बुधबार राति घटनास्थलमा पुगेर फर्किएका बाराका प्रहरी प्रवक्ता प्रहरी नायव उपरीक्षक रन्जित सिंह राठौरले बताए।

प्रहरीले मृत्युको यकिन कारण खुल्न नसकेको बताए पनि स्थानीयले भने घरेलु मदिरा उत्पादनका लागि बनाइएको भूमिगत टयाङ्कीभित्र पसेका बेला करेन्ट लागेर पाँचै जनाको मृत्यु भएको हुनसक्ने आशंका गरेका छन्।

 

वीरगंजमा आयोजित रमाईलो मेलाको सांसद प्रदिप यादवद्वारा उदघाटन

0
ramailo mela udghatan_kalikatimes

वीरगंज ।  वीरगंजको घण्टाघर नजिक रहेको शहिद उद्यान पार्कमा आज देखी सुरु भएको रमाईलो मेलाको उदघाटन प्रतिनिधि सभा सदस्य (सांसद) प्रदिप यादवले गरेका छन । वडा दशैंको उपलक्ष्यमा आस्था नेपालले आयोजना गरेको मेलाको उदघाटन एक कार्यक्रमका बिच सांसद यादवले रिबन काटी र परेवा उडाई गरेका हुन ।

मेला उदघाटन कार्यक्रमलाई सम्बोधन गर्दै सांसद यादवले दशैंको अवसरमा आयोजित मेला भव्य र सभ्य बनाउने सबैमा अपिल गरे । मन्तव्य मार्फत दशैंको सुभकामना व्यक्त गर्दै सांसद यादवले दशैंमा रमाईलो सभ्य तरिकाले गर्नु पर्ने आग्रह समेत गरे ।

pradip Yadav_kalikatimes

मेला समितिका अध्यक्ष कुन्दन सिंहको अध्यक्षतामा भएको उदघाटन कार्यक्रममा समाजवादी पार्टीका पर्सा अध्यक्ष रामनरेश यादव, सचिव तबरेज अहमद, नेता सुन्दर कुर्मी, वीरगंज महानगर अध्यक्ष इशवर यादव, समाजवादी विद्यार्थी संगठनका केन्द्रिय सदस्य निखिल बर्णवाल, आस्था नेपालका अध्यक्ष गरौव बर्मा लगायतकाको उपस्थिती रहेको थियो ।

असोज २५ गते सम्म लाग्ने मेलामा विभिन्न राष्ट्रिय तथा स्थानिय कलाकारहरुको सांगिति प्रस्तुती पनि रह्ने आयोजकले जनाएको छ ।

वीरगंजको श्रीपुरमा मध्य रातमा आगलगी

0
brj shreepuma agalagi_kalikatimes

वीरगंज । वीरगंज महानगरपालिकाको वडा नं. १३ श्रीपुरमा मंगलबार मध्य रातमा आगलगी भएको छ । स्थानिय भोज प्रसाद चौरसियाको खाजा पसलमा राती १२ः१५ बजेको समयमा करेण्ट सर्ट भई अचानक आगलगी हुदा रु ३ लाख ५० हजार बराबरको क्षति भएको प्रहरीले जनाएको छ ।

आगलगी भएको खबर प्राप्त हुनासाथ वडा प्रहरी कार्यालय श्रीपुर पर्साबाट प्रहरी टोली घटना स्थल खटी गई स्थानिय, प्रहरी र वीरगंज महानगरपालिकाको दमकलको सहयोगमा आधा घण्टा पछि आगो पूर्ण रुपमा नियनत्रणमा आएको जिल्ला प्रहरी कार्यालय पर्साले जनाएको छ ।

आगलगीबाट पसल तथा पसलभित्र रहेको सम्पूर्ण सर–सामान जलि नष्ट भए पछि मानवीय तथा चौपाया क्षति नभएको प्रहरी कार्यालय पर्साले प्रेस विज्ञप्ती मार्फत जनाएको छ ।

तिलावे खोलामा अचेत फेला परेका युवकको मृत्यु

0
acheta fela_kalikatimes

वीरगंज । पर्साको पर्सागढी नगरपालिकाको वडा नं. ६ स्थित तिलावे खोलाको किनारमा मंगलबार अचेत अवस्थामा फेला परेका युवकको मृत्यु भएको छ ।

खोला किनारमा सांझ ६ः३० बजे अचेत अवस्थामा फेला परेका पर्सागढी नगरपालिकाको वडा नं. ७ निवासी बर्ष ३५ का उमेश रामको उपचारको लागि अस्पताल लगिने क्रममा मृत्यु भएको प्रहरीले जनाएको छ ।

मृतकको शव पोष्टमार्टमको लागि नारायणी अस्पतालमा पठाइएको र सो घटना सम्बन्धमा थप अनुसन्धान कार्य भइरहेको जिल्ला प्रहरी कार्यालय पर्साले जनाएको छ ।

प्रहरी कार्यालय पर्साका अनुसार तिलावे खोलामा एक जना अचेत अवस्थामा छन भन्ने खबर प्राप्त हुनसाथ ईलाका प्रहरी कार्यालय इकटांगाका पर्साबाट तत्कालै प्रहरी टोली घटना स्थलमा खटी गई निजलाई उपचारको लागि स्थानिय अस्पतालमा पुर्याउँदा बाटोमा नै मृत्यु भएको हो ।

महराले सांसद पदबाट राजिनामा नगरे पार्टीले हटाउने

0

काठमाडौं । बलात्कारको आरोप लागेपछि सभामुख पदबाट राजीनामा दिएपनि कृष्णबहादुर महराले अझै सांसद पदबाट राजीनामा दिएका छैनन्।

सत्तारुढ नेकपाको सचिवालय बैठकले महरालाई सभामुख र सांसद दुवै पदबाट राजीनामा गर्न सुझाव दिएको छ। तर महरा भने तत्कालै सांसद पद त्याग्ने मुडमा देखिएका छैनन्। उनले सभामुख पदबाट राजीनामा दिदाँ समेत लटरपटर भाषा प्रयोग गरे। न त उनले संविधानको धारा उल्लेख गरेका छन्। न त राजीनामा सभामुख पदबाट दिएको वा सांसद पदबाट दिएको नै खुलाएका छन्।

‘पार्टीले छानबिनमा सहयोग होस् भनेर सभामुख र सांसद पदबाट राजीनामा दिन भनेको हो,’ नेकपाका एक सचिवालय सदस्यले भने, ‘सांसद रहिरहँदा पनि छानबिनमा असर पर्छ भनेर राजीनामा दिन भनिएको हो।’

नेकपाका अध्यक्षद्वय केपी शर्मा ओली र प्रचण्डले राजीनामा दिन सुझाव दिनुअघि महरासँग टेलिफोनमा कुराकानी गरेका थिए।

महराले फोनमा अध्यक्षद्वयलाई आफूले कुनै महिलालाई भेट्न नगएको बताएका थिए।

जवाफमा प्रधानमन्त्री केपी शर्मा ओलीले, ‘विज्ञप्तीबाटै थाहा भयो नि’ भन्दै जवाफ फर्काएका थिए। महराले आफू आरोप लगाउने महिलालाई भेट्न नगएको बताए लगत्तै ओलीले व्यङ्ग्य गर्दै ‘सुरक्षाकर्मीहरुबाट थाहा भयो’ भन्ने जवाफ दिएका थिए।

नेकपाका एक सचिवालय सदस्यले महरालाई सांसदको हैसियतमा पार्टीले नचिन्ने बताए। ‘उहाँ अब संसदीय दलको बैठकमा निम्त्याइनु हुन्न। किनभने दलले उहाँलाई चिन्दैन’, ती नेताले भने, ‘उहाँले कहाँ राजीनामा दिने भन्ने थाहा नपाएकाले सांसद पदबाट राजीनामा नदिनु भएको होला।’

कुनै सांसद पद छाड्न चाहे सभामुखलाई राजीनामा दिनुपर्ने संवैधानिक व्यवस्था छ। तर सभामुखले राजीनामा स्वीकार नगर्दासम्म पद रहन्छ। संविधान जारी भए लगत्तै बाबुराम भट्टराईले तत्कालिन सभामुख सुवास नेम्वाङलाई राजीनामा दिएका थिए। उनको राजीनामा स्वीकृत भएको थियो। तर संविधानको विरोध गर्दै राजीनामा तत्कालिन सद्भावनाका सांसद लक्ष्मणलाल कर्ण लगायतको राजीनामा सभामुखले स्वीकृत गरेका थिएनन्। फलस्वरुप उनीहरुले संविधान जारी भैसकेपछि संसदमा फर्किएका थिए।

महराले राजीनामा नदिए उनलाई राजनीतिक दल सम्बन्धी ऐनको दल त्याग सम्बन्धी व्यवस्था मार्फत् हटाउने तयारी नेकपाको छ। ऐनको दफा ३२ मा दलको केन्द्रीय समितिले कुनैपनि सदस्यलाई दलबाट निस्कासन गर्न सक्ने व्यवस्था रहेको छ। यसरी निस्कासन गरेपछि उनको सांसद पद गुम्नेछ। सेताेपाटीबाट