वीरगंज । वीरगंज महानगरपालिकाको वडा नं. १३ श्रीपुरमा मंगलबार मध्य रातमा आगलगी भएको छ । स्थानिय भोज प्रसाद चौरसियाको खाजा पसलमा राती १२ः१५ बजेको समयमा करेण्ट सर्ट भई अचानक आगलगी हुदा रु ३ लाख ५० हजार बराबरको क्षति भएको प्रहरीले जनाएको छ ।
आगलगी भएको खबर प्राप्त हुनासाथ वडा प्रहरी कार्यालय श्रीपुर पर्साबाट प्रहरी टोली घटना स्थल खटी गई स्थानिय, प्रहरी र वीरगंज महानगरपालिकाको दमकलको सहयोगमा आधा घण्टा पछि आगो पूर्ण रुपमा नियनत्रणमा आएको जिल्ला प्रहरी कार्यालय पर्साले जनाएको छ ।
आगलगीबाट पसल तथा पसलभित्र रहेको सम्पूर्ण सर–सामान जलि नष्ट भए पछि मानवीय तथा चौपाया क्षति नभएको प्रहरी कार्यालय पर्साले प्रेस विज्ञप्ती मार्फत जनाएको छ ।
