वीरगंज, ३० कात्तिक ।
वीरगंज तिलावे पुलमा दिनहु जामह लाग्ने गरेका कारण यात्रुहरुलाई सास्ती भोग्नु परेको छ । पर्सा जिल्लालाई नै वीरगंज संग जोडने पुलको जामहले यात्रुहरु दिनहु मर्कामा पर्ने गरेका छन । वीरगंज र विन्दवासनीको बिचमा पर्ने पुल पर्साको सदरमुकाम वीरगंज संग सबै स्थानिय तहलाई जोडद छ ।

पुलमा विशेष गरी विहान ९ बजे देखी ११ बजे सम्म र बेलुका ४ देखी ६ बजे सम्म सवारी जामह लाग्ने गरेको स्थायिनहरु बताउँछन । विहिबार १० बजे देखी लागेको जामह १ बजे मात्र खुलेको कालिकामाई गाउँपालिकाका यात्रु आनन्द साहले वताए । साहले भने विहान १० बजे घरबाट निस्केर ११ बजे पुलमा पुग्दा जामह लागेको थियो ।

जामहको लाइनमा ११ बजे देखी १ बजे सम्म बस्नु पर्यो । संगै लाइनमा बसेका यात्रुहरु संग बुझदा दिनहु जसो जामह लाग्ने गरेको र आजको जामह १० बजे देखी नै लागेको साहले वताए । पुलमा लागेको जामह सशस्त्र प्रहरी र ट्राफिक प्रहरीको सक्रियतामा खुलाउने गरिएको छ ।

सवारी साधनको चाप बढी बढे पनि पुलमा एक तर्फी चार पांग्रे सवारी साधन जाने आवतजावत गर्न सक्ने रहेकोले दिनहु जामह लाग्ने गरेको हो । अर्को पुलको निर्माण कार्य सुरु भए पनि निर्माणमा ढिलाई भएका कारण यात्रुहरुलाई सास्ती भोग्नु परेकोले यस तर्फ सम्बन्धीत निकायको ध्यान पुग्न जरुरी देखिन्छ ।

वीरगंज, २६ कार्तिक ।
तिहारको समाप्तिसंगै तराइको मुख्य पर्व छठको तैयारी सुरु भए पछि वीरगन्ज महानगरपालिकाका नगर प्रमुख विजय कुमार सरावगीको दौरधुप बढेको छ । दुइ दशकपछि स्थानिय निकायका जन प्रतिनिधिहरुको उपस्थितीमा भएको यसबर्षको छठपर्वको तैयारीको लागी नगर प्रमुख सरावगीको दौरधुप बढेको हो ।

छठपर्वलाइ हर्सोल्लास साथ मनाउन नगर प्रमुख सरावगी तथा प्रदेस सभा सांसद रागीनी वर्णवालले महानगरपालिकामा रहेका विभिन्न वडाका दलित ब्रतालु परिवारलाई साडी तथा आर्थिक सहयोग प्रदान गर्नु भएको छ । सोमबार विहान वीरगन्ज महानगरपालिकाका वडा नम्बर १,५,१५,१३,२३ र २६ मा रहेका दलितवस्तीहरुमा पुगी नगर प्रमुख सरावगी र सांसद बर्णवालले ३ सय छठ ब्रतालुहरुलाई साडी तथा आर्थिक सहयोग प्रदान गर्नुभएको छ । छठ सामग्रहि वितरणका लागी पुग्नु भएको नगर प्रमुख सरावगी र सांसद वर्णवालले सम्पन्न हुन गइरहेको छठपर्वको तैयारीको बारेमा जानकारी समेत लिनु भएको थियो ।

वडा अध्यक्ष प्रदिप कुमार यादव ,स्थानिय नेता दयानन्द उपाध्या,इमाम अंसारी लगायतको उपस्थितीमा वडा नम्बर २६को उदयपुर टोलमा सम्पन्न भएको कार्यक्रममा स्थानियहरुको मागं अनुसार दलित भवन बनाउने प्रतिवद्धता नगर प्रमुखसरावगीले व्यक्त गर्नु भयो । यस्ौ गरी सांसद रागीनी बर्णवाल तथा नगर प्रमुख बिजय कुमार सरावगीले पर्सौनीविर्ताको बैरिया टोलका पासवान,डोम,तत्वा लगायतका दलित परिवारहरुलाई साडी तथा आर्थिक सहयोग प्रदान  गर्नु भएको थियो ।

कार्यक्रममा वीरगन्ज महानगरपालिकाद्धारा निर्माण भइरहेको सडक निर्माण योजनाको निरिक्षण र अवलोकन समेत उहाहरुले गर्नुभयो ।पंचायती व्यवस्था देखि अहिलेसम्म आफुहरु विकासबाट बंचित रहेको बताउदै नगर प्रमुख सरावगीका ठुला बुबाद्धारा प्रदान गरिएको चापा कल पछि सरावगी परिवार द्धारानै पुन विकासको कार्य थालनी गरिएकोमा स्थानि दलितहरुले धन्यवाद समेत व्यक्त गरेका थिए ।

विभिन्नवडाहरुमा सम्पन्न भएको छठसामग्र वितरण कार्यक्रममा संघीय समाज वादी फोरम नेपाल पर्साका जिल्ला कोषाध्यक्ष रबि बर्णवाल ,सहसचिव एवम नगर प्रमुख सरावगीका राजनैतिक सल्लाहकार मुकेश द्धिवेदी,युवा नेता सज्जन अग्रवाल, प्रकाश शर्मा तथा महमह नासिर खाल लगायतका व्यक्तिहरुको उपस्थिती रहेको थियो ।