पर्सा । वीरगंजको मुख्य सडक फराकिलो बनाउन आज देखि वीरगंजमा हस्ताक्षर अभियान संचालन गरिएको छ ।
वीरगंज बिकास युवा संघर्ष समितिको आयोजनामा वीरगंजको घण्टाघरमा आइतबार देखी हस्ताक्षर अभियान संचालन गरिएको हो । नेपाल सरकारको निर्णय अनुसार वीरगंजको मुख्य सडक पनि २५/२५ मिटर फराकिलो पार्नका लागि हस्ताक्षर अभियान संचालन गरिएको संघर्ष समितिका सदस्य समेत रहेका बिद्यार्थी नेता संदिप बिक्रम साहले वताए ।
हस्ताक्षर अभियानको उद्घाटन पर्साको छिपहरमाई गाउँपालिकाका अध्यक्ष मनोज कुमार गुप्ताले गरेका छन । हस्ताक्षर अभियानको उद्घाटन गर्दै अध्यक्ष गुप्ताले वीरगंजको बिकासको लागि नेताहरु अगाडी नबढनु र युवाहरु अगाडी बढनु लाजमर्दो भएको वताए । वीरगंजको मख्य सडक फराकिलो बनाउन बढी चलखेल भए गाउँ गाउँबाट हजारौ जनता वीरगंजको सडकमा उतार्ने वताए ।
संघर्ष समितिका सदस्य अकलेश साहले वीरगंजको मुख्य सडक २५/२५ मिटर नतोडन कुनै आदेश नआएको वताए । अदालतले कार्तिक ७ गते सम्म मात्र नतोडन आदेश दिएकोले वताउदै उनले यसलाई भ्रम छर्ने काम गरिएको वताए ।
हस्ताक्षर अभियान उद्घाटन कार्यक्रममा नेपाल पत्रकार महासंंघ पर्साका अध्यक्ष श्याम बन्जारा, संघर्ष समितिका महमुद अन्सारी लगायतकाले मन्तब्य राखेका थिए ।
