Date
सोम, मंसिर ७, २०८३
Mon, November 23, 2026
Home Blog Page 1079

काजल अग्रवाल बिहेको तयारीमा

0
kajal agwal_kalikatimesr

उमेरले ३४ लागिसकेकी काजल अग्रवाल तामिल र तेलुगु फिल्मकी अग्रपंक्तिकी अभिनेत्री हुन् । सन् २००४ मा बलिउड फिल्म ‘क्यूँ, हो गया ना’ बाट अभिनयमा ब्रेक पाए पनि काजल दक्षिण भारतीय फिल्ममा जमिन् । हालसम्मकै सर्वाधिक कमाइ गर्ने तामिल फिल्म ‘मगधीरा’ की नायिका काजल पछिल्लो पटक बलिउडमा ‘सिंघम’ र ‘स्पेसल २६’ मार्फत् देखिएकी थिइन् ।

सुन्दर अभिनेत्रीका रूपमा समेत चिनिने काजलले हालै आफू बिहेका लागि तयारीमा रहेको बताएकी छन् । एक कार्यक्रममा बोल्दै उनले बिहेको प्रस्ताव स्वीकार गरिसकेको र छिट्टै बिहे गर्ने योजनामा रहेको खुलासा गरेकी छन् । ‘हो, अब छिट्टै बिहे गर्नेछु,’ काजलको बिहे धारणा उनकै ‘बाहुबली’ को–स्टार प्रभासको बिहे चर्चा लगत्तै आएको छ । कतिपयले त प्रभासले काजलसँग नै बिहे गर्न सक्नेसम्मको सम्भावना व्यक्त गरेका थिए । त्यसो त काजललाई कुन अभिनेतासँग बिहे गर्ने चाहना छ भन्ने सवालमा उनले पनि प्रभासकै नाम लिएकी थिइन् ।

भोजपुरी सुपर स्टार ‘निरहुआ’ र सेलिना कुवँरको छठ गीत

0
chhath geet_kalikatimes

काठमाण्डौ । तराईबासीको महानपर्व छठलाई मध्यनजर गर्दै भोजपुरी सुपर स्टार दिनेशलाल यादव ‘निरहुआ’ र सेलिना कुवँरको स्वरमा रहेको छठ गीत बजारमा आएको छ ।

‘मत होख ए धनियाँ’ बोलको गीत सुपर स्टार ‘निरहुआ’को आधिकारीक आधिकारीक युट्यूब च्यानल निरहुआ म्युजिक वल्र्डबाट सार्वजनिक गरिएको हो । गीतमा छट पर्वमा प्रयोग हुने पुजा सामग्रीका साथै घाटमा दौरा पुर्याउनका लागि पतिको सहयोगका कुराहरु उल्लेख गरिएको छ ।

सन्तोषराज सहनीको संगीत तथा आनन्द अस्तिभाको रचनामा तयार पारिएको गीतमा भोजपुरी सुपरस्टार ‘निरहुआ’ र सेलिना कुँवरले आवाज भरेका हुन् । भोजपुरी चलचित्र रोमियो राजाको सुटिङका क्रममा काठमाण्डौ आएका बेला सेलिनाले भोजुरी सुपरस्टार ‘निरहुआ’सँग काम गर्ने मौका पाएकी हुन् ।

आफूले ‘निरहुआ’सँग एल्बममा पहिलो पटक गीत गाउन पाउँदा खुसी लागेको सेलिनाले बताइन् ।

https://www.youtube.com/watch?v=oA3DxYpLlOA

एनएमसीकाे बचाउमा नेता, मन्त्री महासेठले हस्ताक्षार नबुझेकाे खुलासा

0
nekapa prabhakar gupta_kalikatimes

वीरगंज । नेपाल पिछडा वर्ग (ओबिस) महासंघ पर्साले बुधबार दिपावली तथा छठ पर्वको उपलक्ष्यमा आयोजना गरेको शुभकामना आदान प्रदान कार्यक्रम सम्पन्न भएको छ ।

कार्यक्रमलाई सम्बोधन गर्दै प्रतिनिधि सभा सदस्य (सांसद) पुष्पा कर्णले वीरगंजको मुख्य सडक फरिकलो पार्ने कार्य नरोकिने वताईन । कार्यक्रमकी प्रमुख आतिथी समेत रहेकी सांसद कर्णले सडक फराकिलो पार्ने सरकारको निर्णय भएकोले पक्ष र विपक्षमा आन्दोलन हुदैमा नरोकिने वताईन ।

नेकपाका केन्द्रिय सदस्य तथा पर्सा इन्चार्ज रामचन्द्र साहले आफु अहिले पनि वीरगंजको मुख्य सडक तोड्नै पक्षमा रहेको तर सडकमा पर्ने एउटै घर मात्र सम्पती भएकाहरुको बारेमा सोच्नु पर्ने वताए । मन्त्री समक्ष डेलिगेशन जादैमा विकास वरोधी नहुने साहले जिकिर समेत गरे ।

नेकपाका नेता राजकुमार गुप्ताले वीरगंज मुख्य सडक २५/२५ मिटर तोड्नु पर्ने वताए । आफुहरु नै सडक फराकिलो गर्ने अगुवाई गर्ने व्यक्ति भएको वताउदै नेता गुप्ताले वीरगंजको मुख्य सडक फराकिलो पार्ने कार्य नरोकिने वताए । संविधान सभा सदस्य समेत रहेका नेता गुप्ताले मेडिकल कान्डको बारेमा नेशनल मेडिकल कलेजका संचालक बशरुदिन अन्सारीले गलत गरेको भएको कार्वाही हुने वताए ।

नेकपा पर्साका अध्यक्ष प्रभु हाजराले नेशनल मेडिकल कलेजका संचालक अन्सारीको बचाउ गरे ।

नेकपाका युवा नेता प्रभाकर गुप्ताले वीरगंजको मुख्य सडक फरकिलो गर्नु हुदैन् भन्नेहरु भारतिय भएको वताए । २०६२/०६३ मा नागरिक्ता लिएका नव भारतियहरु नै सडक फराकिले गर्नु हुदैन् भनिरहेको र तिनिहरु नै वीरगंज विकासको मुख्य बाधक भएको वताए । सडक फराकिलो पार्न अभियानमा लागेका युवाहरु संग भौतिक पुर्वधार मन्त्री रघुबिर महासेठले नभेट्नु कार्य दुखद भएको वताए ।

उनले सडक फराकिलो पार्न संकलित हस्ताक्षर मन्त्रीलाई बुझाउन जादा मन्त्री ज्युले नबुझ्नु र पार्टीका जिल्ला अध्यक्ष प्रभु हजरालाई लगेर बुझाउन भन्नु कार्य प्रति आपति समेत जनाए । नेशनल मिडिकल कलेज कान्डको बारेमा वोल्दै विद्यार्थी नेता समेत रहेका गुप्ताले कलेजमा अध्ययनरत वद्यार्थीहरुलाई बन्धक बनाउनु र कुटनु कार्यको आफुहरुले छानिविन गर्ने वताए । आफुहरु तिहार र छठ कुरीरहेका थयौं वताउदै उनले छठ सकेलग्तै छानविन गरी वास्तवमा बढी शुल्क अशुल भएको पाइएमा आन्दोलन गर्ने वताए ।

प्रधानमन्त्री तथा पार्टीको नजिक हुदैमा कानुन विपरितको काम गर्नु नहुने धारणा राखे । प्रधानमन्त्री संग घुमेको फोटो फेसबुकमा राखी उनको नजिक धाकमा गलत कार्य गर्न जोकोहीलाई नछिडिने वताए । त्यस्ता व्यक्तिहरुलाई बचाउ समेत पार्टी अध्यक्ष तथा प्रधानमन्त्रीले गर्नु नहुने धारणा राखे ।

महासंघ पर्साका जिल्ला अध्यक्ष अकलेश साहको अध्यक्षतामा भएको कार्यक्रममा नेकपाका नेता बिचारी यादव, बसरुदिन अन्सारी, शम्भु गुप्ता, नेकपाका प्रदेश कमिटी सदस्य एवं ओविसीका संस्थापक महासचिव तेजप्रकाश निषाद, भिजिट मधेशका संयोजक ओमप्रकाश सर्राफ, वडा नम्बर २३ का वडाध्यक्ष अवधकिसोर कुशवाहा, महमुद अंसारी, लगायतकाले शुभकामना मन्तव्य व्यक्त गरेका थिए ।

वीरगंज दरबारमा भएको कार्यक्रममा ओविसीका क्षेत्रिय अध्यक्ष शुभनारायण ठाकुरले स्वागत मन्तव्य राखेका थिए भने कार्यक्रमको संचालन बाल अधिकारकर्मी जया साहले गरेका थिए ।

वेलफेयर र सेवाकेन्द्रद्वारा एक सय ५० छठ ब्रतालुलाई साडी र पिठो

0
kapada bitran_kalikatimes

वीरगंज । रुगंटा वेलफेयर सोसाईटी वीरगंजको सहयोगमा ग्रिन सिटी समुदायिक प्रहरी सेवा केन्द्र आदर्शनगरले एक सय ५० जना छठ ब्रतालुहरुलाई साडी वितरण गरेको छ ।

सबैको हात, सबैको साथ जरुरतमन्द र असहाय व्यक्तिको लागि कपडा बैंक अन्तर्गत छठ पुजाको अवसरमा साडी वितरण गरिएको व्यवस्थि वीरगंज अभियानका अध्यक्ष दिलिप राज कार्कीले वताए । वीरगंज महानगरपालिका कार्यालय अगाडी एक कार्यक्रमका बिच वीरगंजका एक सय ५० गिरिब, दलित र विपन्न परिवारलाई नयाँ साडीको साथै पिठो वितरण गिरएको कार्कीले जानकारी गराए ।

सेवा केन्द्रका अध्यक्ष जयप्रकाश खेतानको अध्यक्षतामा र वेलफेयर सोसाईटीका मुरलिधर रुगंटाको प्रमुख आतिथ्यतामा भएको कार्यक्रममा त्रिलोकी चन्द्र दारुका, कैलास बजाज, कुन्ता देवी रुगंटा, राधा देवी रुगंटा, बसुन्धरा रुगंटा, वडा प्रहरी कार्यालय विर्ताका प्रहरी निरिक्षक निर्मल पनेरु लगायतकाको सहभिगता रहेको थियो ।

सांसद यादवले बाडे छठ ब्रतालुलाई साडी

0
chhath bratalulai sadi_kalikatimes

वीरगंज । पर्सा क्षेत्र नम्बर १ का सांसद प्रदिप यादवले सामुदायगत परम्परा कायम राख्न एक अर्काप्रति श्रदासुमन हुन जरुरी रहेको बताउनु भएको छ । हिन्दुले मुस्लिम, मुस्लिमले हिन्दु, त्यसैगरी सिक, ईसाई र विभिन्न जातजातीको पर्व एकअर्काले मनाउदाँ सास्कृतिक विस्तार हुने बताउनु भएको हो ।

छठपर्वका लागी ब्रतालुहरुलाई साडी तथा पिठो वितरण गर्नु हुँदै उहाँले सदियौँ देखि बस्दै आएको एक अर्काको भाईचार हुन जरुरी रहेको बताउनु भएको छ । वीरगंज महानगरपालिकाको वडा नं. ३१ बेल्वाको कोन्हिया दलित बस्ती, लक्ष्मीपुर, कटगेनवा र मिलन चोकमा रुगंटा वेलफेयर सोसाइटीको सहयोगमा साडी तथा पिठो वितरण गर्नुहुँदै उहाँले समपन्नताले अपुगलाई सहयोग गरे समाज सृद्धढ हुदैँ जाने बताउनु भएको थियो ।

प्रत्येक वर्ष झै यस वर्ष पनि उहाँको सहयोगमा आवश्यक्ता हेरेर दिन दुःखीलाई छठपुजाका लागी साडी तथा पिठो वितरण गर्नु भएको हो । भोलि विहिबारदेखी नहाय खाए सुरु भएसंगै छठपर्व शुरु हुँदैँछ यसैको अवसरमा सांसद प्रदिप यादवको पहलमा हरेकवर्ष दिन दुखी गरिब तथा असहायलाई साडी तथा पिठो वितरण गरिने गर्दछ ।

दुई सय २५ घर परिवारलाई साडी तथा पिठो वितरण गरिएको कार्यक्रममा प्रदेश सांसद जन्नत अंसारी, उधोगी सुरेश रुगंटा, समाजवादी पार्टी नेपालका उपाध्यक्ष सुन्दर कुर्मी, सुलमान अंसारी, इमामुल अंसारी, जितेन्द्र यादव लगायतको उपस्थिति रहेको थियो ।

मोटरसाईकल ओवर टेकको बिषयलाई लिएर बहुदरमाईमा झडप, ५ घाइते

0
kalikatimes

वीरगंज । पर्साको बहुदरमाई नगरपालिका वडा नं. ४ डकैला बहुअरीमा आज दुई समुह बिच झडप भएको छ । मोटरसाईकल ओवर टेकको बिषयलाई लिएर विवाद हुदा स्थानिय राजदेव कुशवाहा र बलिराम कलवार पक्ष बिच झडप हुदा पांच जना घाइते भएको प्रहरीले जनाएको छ ।

झडपमा परी बहुदरमाई नपा ४ बहुअरी निवासी बर्ष ५५ का राजदेव कुशवाहा, बर्ष २१ का दिपेन्द्र कुशवाहा, बर्ष २२ का रवि साह कलवार, बर्ष २१ का राहुल साह कलवार र पर्सागढी नगरपालिका वडा नं. ६ बागेश्वरीका पशुराम साह कलवार घाईते भएका छन् ।

घाईतेहरुको उपचार नारायणी उपक्षेत्रिय अस्पताल बीरगंजमा भईरहेको छ भने घाइते मध्ये राजदेवको टाउकोमा गम्भीर चोट लागेको र अवस्था गम्भीर रहेको उपचार सलग्न रहेका चिकित्सकले जनाएका छन् ।

मंगलबार राजदेवका छोरा शिव कुशवाहा र बलिरामका छोरा राहुल बिच मोटरसाईकल ओवर टेकको बिषयमा विवाद भएको थियो र दुवै जनालाई प्रहरी चौकी डकैलाले पक्राउ समेत गरेको थियो ।

छठ पछि पञ्चायती गरी विवाद समाधान गर्ने दुबैको अभिभावकको सहमती अनुसार प्रहरीले दुबै जनालाई अभिभावकको जिम्मा लगाएको थियो । तर आज विहान गाउँ कै चोकमा दुबै जना संग भेट भए पछि सोही बिषयलाई लिएर विवाद हुदा झडप भएको प्रहरीले जनाएको छ ।

प्रहरीले झडपमा संंलग्न ९ जनालाई प्रकाउ समेत गरेको छ तर प्रकाउ परेकाहरुको नाम खुलाएको छैन ।

पर्सामा पासाे लगाई र बिषादी सेवन गरी २ को मृत्यु 

0
kalikatimes

वीरगंज । पर्साको पर्सागढी नगरपालिका ३ सबैयापुल नजिकै बकैनाको बोटमा एक युवकको शव फेला परेको छ । बारा बगरमपुर घर भई हाल ससुराली घर जिल्ला पर्सा पर्सागढी न.पा.३ सबैया बस्ने बर्ष २५ को बिजुली सहनीको घाँटीमा सलको पासो लगाई झुण्डीएको अवस्थामा शव फेला परेको प्रहरीले जनाएको छ ।

मंगलबार साझ ६:३० बजेको समयमा फेला परेको शवको प्रकृति मुचुल्का लगायतका प्रारम्भिक अनुसन्धान कार्य सम्पन्न गरी पोष्टमार्टमका लागी नारायणी अस्पताल वीरगंजमा पठाई थप अनुसन्धान कार्य भईरहेको जिल्ला प्रहरी कार्यालय पर्साले जनाएको छ ।

यस्तै पर्सा सखुवा प्रसौनी गा.पा.५ महुवन बस्ने बर्ष ५४ को राजेन्द्र प्रसाद कलवारको बिषादी सेवनबाट मृत्यु भएको छ । मिति २०७६।०६।३० गते घरायसि बिवादको कारण नाम नखुलेको बिषादी सेवन गरी उपचारको लागि नेशनल मेडिकल कलेज बिरगंजमा ल्याई उपचार भईरहेकोमा मिति मंगलबार राती ११ बजेको समयमा उपचारको क्रममा निजको सोही अस्पतालमा मृत्यु भएको जिल्ला प्रहरी कार्यालय पर्साले जनाएको छ ।

मृत्यु भएको खबर पश्चात जिल्ला प्रहरी कार्यालय पर्साबाट टोली खटि गई लाश जाँच प्रकृति मुचुल्का लगायतका प्रारम्भिक अनुसन्धान कार्य सम्पन्न गरी शव पो.मा.को लागी नारायणी अस्पतालमा पठाईएको प्रहरी कार्यालयले जनाएको छ ।

वीरगंजमा लौकाको मूल्य रु ४ सय

0
laukako mulya_kalikatimes
वीरग‌जकाे घण्टाघरमा बिक्री गर्नको लागि राखिएकाे लउका । तस्विर : जाकिर हुसेन

वीरगंज । पर्साको सदरमुकाम र प्रदेश नं. २ को एक मात्र महानगरपालिका वीरगंजमा छठ पर्वको चहलपहल सुरु भए संगै तरकारीको मूल्य अकाशिएको छ ।

वीरगंजको घण्टाघरमा बुधबार बिहान प्रति लौकाको मूल्य रु २ सय देखी रु ४ सय सम्म बिक्री भएको छ । सानो लौका रु २ सय देखी रु २ सय ५० सम्म र ठूल्लो लौका रु २ सय ५० देखी रु ४ सय सम्म बिक्री भईरहेको हाम्रा सहकम्रीले जनाएका छन् ।

त्यही लौका तरकारी व्यापारीहरु संग वीरगंजका व्यापारीहरुले रु एक सय ५० देखी २ सय सम्म खरिद गरि दोबरमा बिक्री गरे पनि सम्बन्धित निकाय मौन देखिएको छ ।

चांड पर्वको बेल्ला सम्बन्धित निकायले बजार अनुगमनमा ध्यान नदिएका कारण व्यापारीहरु मनमानी गरिरहेको उपभोक्त्ताहरुले गुनासो गरेका छन् । छठ पर्वमा लउकाको तरकारी र झुरी बनाउनमा काम लाग्ने हुदा माग बढी भएका कारण पनि मुल्य अकाशिएको हो ।

मेयरलाई कालो मोसो दलनु पर्छ : नेता गुप्ता (भिडियाे सहित)

0

वीरगंज । वीरगंज महानगरपालिकाका मेयरलाई हामी कालो मोसो दलन तयार रहेको नेकपाका युवा नेता प्रभाकर गुप्ताले वताएका छन् ।

वीरगंजको मुख्य सडक फराकिलो हुने मेयरलाई थाह हुदा हुदै पनि सडक टिपकारीको नाउमा महानगरको ढुकुटी सिध्याउने मेयरलाई कालो मोसो दलनु पर्यो भने पनि आफुहरु तयार रहेको वताएका हुन् ।

ओ.बि.सि. पर्साले वीरगंजमा आयोजना गरेको शुभकामना आदानप्रदान कार्यक्रममा वोल्दै विद्यार्थी नेता समेत रहेका गुप्ताले नेशनल मेडिकल कलेजका विद्यार्थीहरुलाई बन्धक बनाइएको कान्ड बारे छानविन गरी आन्दोलन गर्ने चेतावनी वताएका हुन् ।

जगतपुरमा लोक सेवा पास गर्नेहरु सम्मानित

0
lok sewa pas garne samanit_kalikatimes

वीरगंज । पर्साको पोखरिया नगरपालिकाको वडा नं. ८ जगतपुरमा आज शैक्षिक जनचेतना कार्यक्रम सम्पन्न भएको छ ।

श्री ने.रा. अधारभुत विद्यालय जगतपुरमा भएको कार्यक्रलाई सम्बोधन गर्दै कार्यक्रमका प्रमुख अतिथी नेपाल कर्मचारी संगठन पर्साका अध्यक्ष अमित गिरीले हाम्रो समाजमा शिक्षाको स्तर अझै बढाउन जरुरी रहेको वताए । पर्साको जगरनाथुर गाउँपालिकाका प्रमुख प्रशासकिय अधिकृत समेत रहेका गिरीले उच्च शिक्षाको साथ साथै लोक सेवा तर्फ अझै बढी ध्यान दिन जरुरी रहेको वताए ।

गिरीले लोक सेवा आयोगमा सोरस फोर्स नचल्ने बताउदै मिहनेत र परिश्रमको आधारमा जागिर पाउने एउटै माध्यम भएको वताए । गरिब र पहुंच नभएकाहरुको सरकारी जागिरको लागि लोक सेवा आयोगको सुनौलो अधार भएको उनको भनाई थियो ।

वडाध्यक्ष किशोरी प्रसाद साहको अध्यक्षतामा भएको कार्यक्रममा विभिन्न पदमा लोक सेवा उर्तिण गर्ने स्थानिय ४ जनालाई सम्मानित समेत गरिएको थियो ।नेपाल प्रहरीको इन्सपेक्टरमा रंजन मिश्रा, खरिदारमा निरज सहनी, प्रा.वि. शिक्षकमा रमेश साह तेली र स्वास्थ्य तर्फ नाम निकालेकी संजु साहलाई सम्मानित गरिएको थियो ।

स्थानिय युवाहरुले आयोजना गरेका कार्यक्रम स्थानिय योगेन्द्र मिश्राको सक्रियतामा भएको थियो । कार्यक्रममा जितेन्द्र सहनी, किशोर मुखिया लगायतकाले मन्तव्य राखेका थिए ।