विरगंज, १४ मंसिर ।

पर्साको छिपहरमाई गाउपालिकाको वडा नं.१ मा रहेको मिर्जापुर आज खुल्ला दिशामुक्त घोषणा भएको छ । जिल्लाको ५२ औ साविक गाविस मिर्जापुर खुल्ला दिशामुक्त कार्यक्रमको प्रमुख अतिथी पर्सा क्षेत्र नं.१ का सांसद प्रदिप यादवले  खुला दिशामुक्त भएको घोषणा गर्नुभयो ।

महादेव अधारभुत विद्यालयमा भएको घोषणा सभालाई सम्बोधन गर्दैसांसद यादवले पर्सा जिल्लाको बाकी वडालाई १ बर्षभित्रमा खुल्ला दिशामुक्त गरेर जिल्लालाई नै खुल्ला दिशामुक्त बनाउनु पर्नेमा जोड दिनुभयो । वहाले सरसफाई सामाजको लागि एक आधारभुत आवश्यकता भएको बताउदै स्वास्थ्य सामाज निमार्णको लागि सबैभन्दा पहिले खुल्ला दिशामुक्त हुनुपर्ने कुरामा जोड दिनुभयो ।

एक घर एक चर्पी छिपहमाई गाउपालिकाको शान, स्वच्छ जिवन, स्वच्छ वातावरण हामी सबैको स्वभिमान भन्ने मान्यताका साथ खुल्ला दिशामुक्त वडा घोषणा भएको छिपहरमाई गाउँपालिकाका अध्यक्ष मनोज गुप्ताले वताउनु भयो ।

वडाध्यक्ष राजबली प्रसाद यादवको अध्यक्षतामा भएको कार्यक्रममा प्रदेशसभा सदस्य ईन्द्राशन कल्वार ,पर्साका प्रहरी उपरिक्षक रेवती ढकाल, खानेपानी सरसफाई कार्यालयका  जाकिर हुसेन, संघिय सामाजबादी फोरम नेपालका केन्द्रिय सदस्य विरेन्द्र यादव लगायत स्थानिय बासिन्दा समेतको उपस्थिती रहेको थियो ।

विरगंज,१४ मंसिर  ।

पर्साको पकहामैनपुर गाउपालिका वडा नंं.४ को लहावरथकरीमा रहेको श्री ब्रहम स्थान ने.रा.प्रा.वि.मा गत मंगलबार गठन भएको विद्यालय व्यवस्थापन समितीका पदाधिकारीको पदभार ग्रहण कार्यक्रम सम्पन भएको छ । विद्यालयका प्रधानाध्यापक अशोक साह तेलीको अध्यक्षता तथा वडाध्यक्ष ढेडी प्रसाद यादवको प्रमुख आतिथ्यमा पदभार ग्रहण कार्यक्रम सम्पन भएको हो ।

कार्यक्रममा विद्यालय व्यवस्थापन समितीका अध्यक्ष सिकेन्द्र प्रसाद यादवलाई प्रधानाध्यापक अशोक साहले पदभार ग्रहण गराउनु भयो । समितीका सदस्यहरु लतिफ मिया धोवी, हसर्दिन हवारीलाई समितीका अध्यक्ष यादवले र गाउपालिकाका वोर्ड सदस्य सुशिला देवीले महिला सदस्यहरु सुरसती देवी, अफिफा खातुन ,श्रीमती महापती देवी अहिरिनलाई पदभार ग्रहण गराउनु भयो ।

पदभार ग्रहण कार्यक्रममा बोल्दै समितीका अध्यक्ष सिकेन्द्र यादवले आफनो कार्यकालमा विद्यालयलाई बोर्डिगं स्कुलभन्दा बलियो बनाउदै शिक्षामा नयाँ सुधार ल्याउने बताउनुभयो । अध्यक्ष यादवले विगत ४ बर्षदेखि व्यवस्थापन समिती विहिन रहेको विद्यालयको शैक्षिक तथा भौतिक अवस्था दैयनीय रहेकाले १ बर्षभित्रमा नै सुधार ल्याएर आफनै कार्यकालमा कक्षा ८ सम्मको पठनपाठन सुचारु गराउने प्रतिवद्धता जनाउनु भयो ।

कार्यक्रममा प्रमुख अतिथि रहेका वडाध्यक्ष ढेडि प्रसाद यादवले आफनो मुख्य एजेन्डा शिक्षा ,स्वास्थ्य र भौतिक पुर्वाधार रहेको बताउदै वडाभित्रका सम्पुर्ण विद्यालयको शिक्षाको सुधारको लागि आफुले सहयोग गर्ने बताउनु भयो ।

पदभार ग्रहण कार्यक्रममा नेकपाका स्थानिय नेता सुरेश मेहता ,नेपाली कांग्रेसका जोधा चौहान,रामा प्रसाद यादव ,वृजकिशोर यादव ,पकहमैनपुर गाउपालिकाका वोर्ड सदस्य सुशिला देवी,वडा सदस्य अनिल साह तेली सबैठवाका प्रधानाध्यापक अब्दुलाह मियाँ राकी,बनकटवाका प्रधानाध्यापक गोपाल प्रसाद लगायतको उपस्थिती रहेको थियो ।