वीरगंज, २२ मंसिर ।
कालिकामाई गाउँपालिकाको यस बर्षको गाउँ सभा अझै हुन सकेको छैन । गाउँ सभा नहुदा आर्थिक बर्ष २०७५/०७६ को बजेट, निति तथा कार्यक्रम तय हुन सकेको छैन । वजेट, निति तथा कार्यक्रम तय नहुदा गाउँपालिकाको विकास निर्माणको काम प्रभावित भएको छ ।
पर्साको १४ स्थानिय तह मध्य १३ वटा स्थानिय तहको दोस्रो गाउँ सभा सम्पन्न भई विकास निर्माणको काम पनि सुरु भए पनि कालिकामाई गाउँपालिकाको गाउँ सभा नभए कारण कामकाज सुरु हुन सकेको छैन । संघिय मामिला तथा समान्य प्रशासन मन्त्रालयले असार २५ गते सम्म गाउँ सभा सम्पन्न गर्न सबै स्थानिय तहलाई पत्रचार समेत गरेको थियो ।
वीरगंज महानगरपालिका, छिपहरमाई गाउँपालिकाले मात्र असार २५ गते भित्र दोस्रो गाउँ सभा गर्न सकेको थियो भने वाकी सबै स्थानिय तहले साउन देखी कात्तिक अन्तिम सम्म गाउँ सभा गरेका छन । तर आर्थिक बर्षको ५ महिना सक्न लाग्दा पनि कालिकामाईका जनप्रतिनिधिहरुले अझै सम्म गाउँ सभा गर्न सकेका छैन ।
जनप्रतिनिधिहरु विच बजेट वांडफाडको कुरा मिलन नसकेर र प्रमुख प्रशासकिय अधिकृतको सरुवा भएका कारण गाउँ सभा हुन नसकेको स्थानियहरुले वताएका छन ।
यस्तै छिपहरमाई गाउँपालिकाको वडा नं. २ टिहुकी र भारतको प्रसोतिपुर नाका भएर पनि धान नेपाल भित्रिने गरेको छ । यस्तै प्रहरी चौकी टिहुकीको मिलोमतोमा नेपालको भेडिहारवा र भारतको भेडिहारवा नाका भएर पनि भारतिय धान भित्रिने गरेको स्थानियहरुले वताएका छन ।
