वीरगंज । पर्सा प्रहरीले १८ लाख नगद सहित ३ जना हुण्डी काराेवारीलाई प्रकाउ गरेकाे छ । जिल्ला प्रहरी कार्यालय पर्साबाट खटेकाे प्रहरी टाेलीले शुक्रबार विहान १०:३० बजे वीरगंज १६ रजतजयन्ती चौक स्थितबाट ३ नै जनालाई पक्राउ गरेकाे हाे ।
भारतको रक्सौल तर्फबाट बीरगंज तर्फ BR05S3792, BR05B 1444 र BR06AR 3789 नं.को मोटरसाइकल चलाई आउदै गरेका ३ नै जनालाई नियन्त्रणमा लिईएकाे प्रहरीले जनाएकाे छ ।
भारत बिहार सुगौली बजार बस्ने बर्ष २२ को बिक्की कुमार, भारत रक्सौल नागा रोड बस्ने बर्ष २६ को सुधिर कुमार र ऐ.ऐ. बस्ने बर्ष ३० को सहिद आलमको साथबाट श्रोत नखुलेको अवैध नेपाली रुपैया रु. १८ लाख सहित पक्राउ गरिएकाे जिल्ला प्रहरी कार्यालय पर्साले जनाएकाे छ ।
