वीरगंज, २४ मंसिर ।
मधेशी ट्रेड युनियन महासंघ नेपाल आवद्ध मधेशी कारखाना मजदुर मञ्चको केन्द्रिय समिति गठन भएको छ । नेपाल पत्रकार महासंघ पर्साको सभा कक्षमा सोमबार घोषणा सभाको आयोजना गरि केन्द्रिय समितिको घोषणा गरिएको हो ।

घोषणा गरिएको केन्द्रिय समितिको अध्यक्ष अवध किशोर साह, वरिष्ठ उपाध्यक्ष रामबाबु महतो, महिला उपाध्यक्ष उर्मिला महतो, महा सचिव कलम अंसारी, शिवचन्द्र राय, सह महा सचिव विनोद महतो, कोषा अध्यक्ष राजकपुर चौधरी, सदस्य जयकरण साह तेली, दिनेश कुशवाहा, संजय यादव, दिप सिह खडका, सुनिल वार्मा, प्रेम उपाआध्य र सत्यनारायण साह रहेका छन ।

मजदुरी मंचका केन्द्रिय अध्यक्ष अवध किशोर साहको अध्यक्षतामा भएको घोषणा सभामा मधेशी ट्रेड युनियन महासंघका राष्ट्रिय अध्यक्ष पल्टन ठाकुरले केन्द्रिय समितिको घोषणा गरे ।

घोषणा सभामा राजपा नेपालकी केन्द्रिय सदस्य रेखा घिमिरे, पर्सा अध्यक्ष मण्डलका सदस्य जगदिश पटेल, प्रेमबाबु पटेल, नितेन्द्र यादव, जिल्ला सचिव उमेश लाल सहनी, मालती कुशवाहा लगायतकाको उपस्थिती रहेको थियो ।

वीरगंज, २३ मंसिर ।

अखिल नेपाल सेक्युरेटी मजदुर संघले आइतबार नारा, जुलुश सहित वीरगंज उधोग वाणिज्य संघ घेराउ गरेको छ । अखिल नेपाल ट्रेड युनियन महासंघको पेशागत संगठन अखिल नेपाल सेक्युरेटी मजदुर संघ बारा, पर्सा र रौतहटले संयुक्त रुपमा नेपाल सरकारबाट जारी श्रम ऐन २०७४ भाद्र १९ कार्यन्वयनको मांग गर्दै वीरगंजमा नारा, जुलुश सहित उधोग वाणिज्य संघ घेराउ गरेको हो ।

जिल्ला प्रहरी कार्यालय अगाडी रहेको लाल बंगलाबाट निस्केको जुलुश विश्वको मजदुर एक हौं, नयाँ श्रम एन २०७४ लागु गर लगायतका नारा लगाउदै उधोग वाणिज्य संघमा पुगी घेराउ गर्नुको साथै एक घण्टा धारणा समेत दिएको थियो ।

नेपाल सरकारबाट जारी गरिएको श्रम ऐन २०७५ भाद्र १९ को कार्यन्वय र बेतन निर्धारण बोर्डले २०७५ श्रावण १ गते निर्धाण गरेको तलब सबै सेक्यूरेटी मजदुरलाई कार्यन्वयनको मांग गर्दै उधोग वाणिज्य संघ घेराउ गरिएको अखिल नेपाल सेक्युरेटी मजदुर संघका केन्द्रिय सदस्य शम्भु पटेलले वताए ।