वीरगन्ज । नायिका तथा समाजसेवी श्वेता खड्काले बिरगन्जको शान्तिटोलका दलित बालाबालिकाहरुलाई शैक्षिक सामाग्री बितरण गरेकी छिन् ।
बिहिबार देखि वीरगन्जमा शुरु हुन लागेको नेपाली फिल्म महोत्सवमा सहभागीहुनआईपुगेकी नायिका खड्का स्थानीय बालबालिकाहरुलाई बिद्यालय जानको लागि अभिप्रेरित गर्ने उद्देश्य शैक्षिक सामाग्री बितरण गरेकी हुन ।
वीरगन्ज महानगरपालिका वडा २ छपकैयाको शान्ति टोलमा रहेका ३५ जना दलित बालबालिकालाई नायिका खड्काले शैक्षिक सामाग्री उपलब्ध गराएकी हुन ।
लुमन्ती आवासको लागि सहयोग समुहद्वारा ९ बर्ष अगाडि सामुहिक आवास निर्माण गरिएको सो बस्तिका अधिकांस बालबालिकाहरु बिद्यालय नजाने गरेको थाहा पाएर उनिहरुलाई अभिप्रेरित गर्नको लागि आफु त्यस बस्तिमा आएको उनले बताइन । उनले अबिभावकहरु समक्ष आफ्ना बालबालिकाहरुलाई बिद्यालय पठाउन आग्रह समेत गरिन । स्थानिय महिलाहरु बचत समुह मार्फत बिभिन्न आय आम्दानिको कार्यमा सहाभागी भएको देखेर खुशी भएकी नायिका खड्काले महिला समुहलाई रु १५ हजार आर्थिक सहयोग समेत् गरेकी थिईन् ।
शैक्षिक सामाग्री बितरण कार्यक्रममा नेकपाका युवा नेता अरबिन्द सिहले नायिका खड्काले सामाजिक क्षेत्रमा पुर्याएको योगदान प्रशंसा गरे ।
सिन्धुपाल्चोकका भुकम्प पीडित माझी समुदायको लागि एकिक्रित बस्ती बिकास गरिरहेकी नायीका खड्काको सामाजिक कार्यप्रतीको लगाव प्रशंसा योग्य छ उनले भने , नेपाली कलाकारहरु सिनेमाको पर्दामा मात्र नभई वास्तविक रुपमा पनि समाजको लागि प्रेरणाको स्रोत बन्नु पर्छ ।
नायिका खड्काले कलाकारीतासंगै सामाजिक दायित्व समेत निर्वाह गरिरहेकोमा धन्यवाद ब्यक्त समेत उनले गरे ।
त्यस्तै कार्यक्रममा सहभागी नेपाली काग्रेसकी महिला नेतृ सुश्मा तिवारी दुवेदीले नायिका श्वेता खड्काले मधेशको भुमीमा टेकेर सामाजिक भाव सहित एउटा बिपन्न बर्गको ढोका सम्म आईपुगेकोमा धन्यवाद प्रकट गरिन ।
स्मरण रहोस्, नेपाली चलचित्र” कहाँँ भेटिएला” मार्फत नेपाली सिने क्षेत्रमा स्थापित नायिका खड्का स्वर्गिय नायक श्री कृष्ण श्रेष्ठकी पत्नी हुन् ।
आफ्न स्वर्गिय पती श्रीकृष्ण श्रेष्ठको स्मृतिमा श्वेताश्री फाउण्डेशन नामक संस्थाको स्थापना गरी एकिकृत बस्ती बनाई रहेकी नायिका खड्काले ५३ घर माझी पारीवारको लागि सिन्धुपाल्चोक जिलाकै नमुना बस्ती निर्माण गरिरहेकी छन् ।
कार्यक्रममा नेपाली कांग्रेसका जिल्ला सभापति अजय दुवेदी, श्वेता श्री फाउण्डेशनका कार्यक्रम ब्यवस्थापक यज्ञराज कार्की, लुमन्तिका फिल्ड संयोजक अब्दुल कैस लगायतको उपस्थिती सहभागिता रहेको थियो ।
