वीरगंज । वीरगंजमा नयाँ बेकरी उद्योग थपिएको छ । वीरगंज २ छपकैयाँ रेलवे रोडमा एक करोडभन्दा बढी लागतमा बेकरी उद्योग स्थापना भएको हो ।
रोयल समानी प्रा.ली.को नाममा स्थापना भएको उद्योगले बिस्कुट, केक, बटर, पाउरोटी, टोस्ट लगायत बेकरी आइटम उत्पादन गर्ने लक्ष्य राखेको छ । वीरगंजमा बेकरी आइटमको माग बढी रहेकाले माग पूर्ति गर्न उद्योग स्थापना गरेको उद्योगका प्रवन्ध निर्देशक इम्तियाज आलमले जानकारी दिनुभयो ।
उद्योगको आज एक कार्यक्रमका बीच उद्घाटन गरिएको छ । वरिष्ठ समाजसेवी जौवाद हुसेन समानीले रिवन काटेर उद्योगको उद्घाटन गर्नुभएको हो ।
उद्घाटन कार्यक्रममा नेपाली कांग्रेसका जिल्ला कोषाध्यक्ष इम्तियाज आलम, व्यवसायी हाजी मुजामिल समानी, एमडी मेराज, डा.नौसाद हुसेन, सञ्चारकर्मी महम्मद सद्दाब, आविद हुसेन लगायतको उपस्थिति रहेको थियो ।
