वीरगंज । वीरगन्ज १६ नगवाको श्री बौद्धीमाई मन्दिर प्राङ्गणमा आयोजना गरिएको छठ पुजाको अवसरमा उपहार वितरण कार्यक्रम शनिबार सम्पन्न भएको छ । श्री बौद्धीमाईको प्राङ्गणमा छठ पूजा समितिले आयोजना गरेको उपहार वितरण कार्यक्रममा करिब ४० जनालाई सम्मान गरेको छ ।
मन्दिर प्राङ्गणमा आयोजना गरिएको भव्य छठ पूजामा विभिन्न क्षेत्रबाट सहयोग पु¥याउँने ४० जना व्यक्तिलाई प्रशंसा पत्र उपलब्ध गराएर सम्मान गरेको हो । कार्यक्रमका प्रमुख अतिथी नेपाली काग्रेसका नेता एवं पूर्व सांसद अनिल कुमार रुगंटाले समितिका पदाधिकारी तथा अन्य छठ पूजामा योगदान पु¥याउँनेलाई प्रशंसा पत्र उपलब्ध गराएर सम्मान गरे ।
कार्यक्रममा बोल्दै प्रमुख अतिथी पूर्व सांसद रुगंटाले यसबर्ष झै आउँने दिनमा पनि नगवाको बौद्धीमाई मन्दिर प्राङ्गणमा भव्य र सभ्य रुपमा छठ पर्व मनाउँन शुभकामना दिए । उनले भने, छठ पर्व हिन्दुहरुको तथा तराई मधेशको महान पर्व रहेकोले यसलाई अझै व्यवस्थित रुपमा मनाउँन सबैको सहयोग र सदभाव हुन आवश्यक छ ।
छठ घाट सजावट ईलेक्ट्रिक डेकोरेशन, सर सफाई तथा परिसर भित्र सुरक्षा व्यवस्था मिलाउनको लागि आयोजना गरिएको उपहार कार्यक्रममा वीरगन्ज १६ नगवाका रामचन्द्र पटेलले मोटरसाईकल जित्न सफल भएका छन । पटेलले काट्ेका चिठ्ठा नम्बर ७०६ लक्की ड्र निकाल्दा महिन्द्रा कम्पनीको मोटरसाईकल हात पार्न सफल भएका हुन ।
त्यसैगरी वासिंग मेसिन, फ्रिज, एलईडी, साईलक, गैस चुल्ला, राईस कुकर, मिक्चर ग्रेन्डर र स्कुल व्याग गरी ९५ जनाले उपहार जित्न सफल भएका हुन । छठ पूजाको लागि समितिले २ हजार उपहार चिठ्ठा राखेको थियो । त्यसमध्ये १९ सय जनाले मात्र चिठ्ठा काटेका थिए ।
समितिका अध्यक्ष सुरेश महतोको अध्यक्षतामा सम्पन्न कार्यक्रममा श्री बौद्धीमाई मन्दिर संचालन विकास समितिका अध्यक्ष रामधार प्रसाद चौरसिया, वडा नम्बर ५ का वडा अध्यक्ष प्रदीप चौरसिया, समितिका वरिष्ठ सल्लाहकार रविन्द्र श्रीवास्तव, नगवा हाट बजार व्यवस्थापन समितिका अध्यक्ष अशोक पटेल लगायत समितिका पदाधिकारीहरुको सहभागिता रहेको थियो ।
