Date
सोम, मंसिर ७, २०८३
Mon, November 23, 2026
Home Blog Page 1074

कालिकामाई गाउँ कार्यपालिकाको कार्यालय मुडलीबाट हरिहरपुरमा सारियो

0
kalikamai gapa_kalikatimes

वीरगंज । पर्साको कालिकामाई गाउँ कार्यपालिकाको कार्यालय मुडलीबाट हरिहरपुरमा सरेको छ । वडा नं. १ मुडलीबाट संचालन हुदै आएको गाउँ कार्यपालिकाको कार्यालय वडा नं. ३ हरिहरपुरमा सरेको हो ।

साबिक गाबिस कार्यालयकाे हरिहरपुरकाे भवन हालकाे वडा नं. ३ को कार्यालयकाे भवनमा गाउँ कार्यपालिकाको कार्यालय संचालनमा आएको वडा नं. ५ का वडाध्यक्ष पवन तिवारीले वताउनु भयो । केही दिन पहिला देखी नै वडा कार्यालयको भवनलाई गाउँ कार्यपालिकाको कार्यालय संचालनको लागि मर्मत तथा रंग रोहनको काम थालिएको थियो । काम पुरा भए लगतै गाउँपालिका अध्यक्ष नथुनी प्रसाद कुशवाहाद्वारा उदघाटन भए पछि विध्वत कार्यालय संचालनमा आएको वडाध्यक्ष तिवारीले जानकारी गराउनु भयो ।

कार्यालय शुभारम्भ कार्यक्रममा प्रमुख प्रशासकिय अधकृत राजु साह, वडा नं. ३ का वडाध्यक्ष संजय कुमार पटेल लगायत कर्मचारी र केही स्थानियहरुको सहभागिता रहेको थियो ।

२०७५ असार चैतमा गाउँ सभाकाे बहुमत सदस्यले हरिहरपुर स्थित रहेको कालिकामाई मन्दिर नजिक गाउँ कार्यपालिकाको कार्यालय सार्न निर्णय गरेको थियो ।

सो निर्णयलाई आधार मानी मिति २०७५ असार ३२ गतेकाे नेपाल सरकारकाे निर्णयले गाउँपालिकाकाे सेवा केन्द्र मुडलीबाट हरिहरपुरमा परिवर्तन गरेकाे थियाे । तर वडा नं. १ मुडलीका जनप्रतिनिधि सहितको स्थानियहरुको विरोधका कारण कार्यालय मुडलीबाट सार्न सकिएको थिएन ।

बिरोध गर्नेहरुले सेवा केन्द्र सार्ने निर्णय विरुद्ध हालेको मुद्दा हाल वचारधिन अवस्थामा रहेको वताएका छन् ।

वीरगंजमा झुण्डिएकाे अवस्थामा एक युवककाे शव फेला

0

पर्सा । विरगंज महानगरपालिकाकाे वडा नं. ११ नयाँ वस्ती स्थित आँपको रूखमा झुण्डिएकाे अवस्थामा एक युवकाे शव फेला परेकाे छ । स्थानिय ३६ बर्षिय रामा महतोकाे झुण्डिएकाे अवस्था बुधबार दिउसाे ४ बजे शव फेला परेकाे प्रहरीले जनाएकाे छ ।

घटना स्थल पुगेकाे वडा प्रहरी कार्यालय श्रीपुरकाे प्रहरी टोलीले लाश जाँच मुचुल्का लगायतका प्रारम्भिक अनुसन्धान कार्य सम्पन्न गरी शवकाे पोष्टमार्टमकाे लागी नारायणी अस्पताल पठाईएको थियाे ।

पाेष्टमार्टम पछि मृतकको आफन्तले शव बुझी लगेको र घट्ना सम्बन्धमा थप अनुसन्धान कार्य भईरहेको जिल्ला प्रहरी कार्यालयले जनाएकाे छ । मृतकले झुण्डिएर आत्महत्या गरेकाे हुन सक्ने प्रहरीकाे प्रारम्भिक अनुसन्धान छ ।

पटेर्वा सुगौलीबाट लागु औषध सहित एक युवक पक्राउ

0
lagu ait manxe pakarau_kalikatimeswsadh sah

वीरगंज । पर्सा प्रहरीले लागु औषध गांजा सहित एक युवकलाई प्रकाउ गरेकाे छ । पर्साकाे पटेर्वा सुगौली गाँउपालिका वडा नं.४ बस्ने बर्ष २५ को शिवजन्म माझीलाई प्रहरीले पक्राउ गरेकाे हाे ।

ईलाका प्रहरी कार्यालय पटेर्वा सुगौली तथा प्रहरी चाैकी रङ्गपुर पर्साबाट खटिएको प्रहरी टोलिले बुधबार राति १० बजे पटेर्वासुगौली गापाकाे वडा नं.२ स्थित रंगपुर चौकबाट १० के‍.जी. लागु औषध गाँजा सहित माझीलाई पक्राउ गरिएकाे प्रहरीले जनाएकाे छ ।

चेकजांच गर्ने क्रममा निजकाे साथमा रहेको झोलाबाट ला.औ.गाँजा वरामद भएकोले उक्त ला.औ.सहित निजलाई नियन्त्रणमा लिई ई.प्र.का.पटेर्वासुगौली, पर्सामा राखि आवश्यक अनुसन्धान भईरहेको जिल्ला प्रहरी कार्यालय पर्साले जनाएकाे छ ।

मंसिरमा बिवाह गर्दै आँचल शर्मा

0

काठमाडौं । हरेक वर्ष मंसिर लाग्दै गर्दा अभिनेत्रीका बिबाहको चर्चा चल्ने गरेको छ । यो बर्षपनि यस्तै चर्चा हुन थालेका छन् ।

गत साता पोखरामा ब्याचलर पार्टी दिएकी ऋचा शर्मा अहिले बिबाह तयारीमा जुटेकी छन् । मंसिर अन्तिमसाता उनले बिबाह गर्ने समाचार बाहिर आएको छ ।

ऋचाको बिबाहको चर्चा सेलाउन नपाउँदै अर्की अभिनेत्री आँचल शर्माले पनि घरजम बसाउन लागेको समाचार मिडियामा आउन थालेका छन् ।

आँचलले डा. उदीप श्रेष्ठसँग घरजम बसाउन लागेको हुन् ।  एक वर्षदेखि उदीपको प्रेममा रहेकी आँचल अहिले प्रेमका विषयमा समेत खुल्न थालेकी छन् ।

उनले उदीपको तारिफ गरेर नथाकेका भिडियो अन्तवार्ता अहिले युट्युवमा जताततै भेट्न सकिन्छ । उक्त अन्तर्वार्तामा उनले विवाहको बिषयमा पनि बताएकी छन् ।  एक कुराकानीमा उनले भनेकी छन्,‘अहिले नै विवाहको मिति तय भैसकेको छैन । तर, यो वर्ष कट्ने सम्भावना कम छ ।’

प्रेमी उदीपसँगको सल्लाह र दुवैतर्फका परिवारको चाहना अनुसार आफुहरू वैवाहिक सम्बन्धमा बाँधिन आँचलले बताउदै आएकी छन् । आँचलको नजिकका साथीका अनसार उनले मंसिरमै बिवाह गर्दैछिन् ।  तर यस बिषयमा भने आँचलले केही बोलेकी छैनन् ।

हुन त आँचलको नाम यसअघि अभिनेता पल शाहसँग जोडिएर सधै आउने गरेका छन् । फिल्म ‘नाईं नभन्नू ल ४’ बाट एकसाथ डेब्यू गरेका दुबैले ‘जोनी जेन्टलम्यान’ र ‘शत्रु गते’मा पनिसँगै काम गरेका थिए ।

धेरै म्युजिक भिडियोमा पनि जोडीका रुपमा देखिने आँचल र पलको प्रेमको चर्चा पनि नचलेको होइन, तर दुबैले भने यो बिषय कहिलै स्वीकारेनन् ।

फिल्म अभिनयको अलवा आँचल म्युजिक भिडियोमा समेत ब्यस्त रहदै आएकी छन् । राताेपाटीबाट

वडाध्यक्षको मनाेनयन दर्ता – पूर्व मन्त्री देखी सांसद सम्मकाे सहभागिता

0
mononayan darta julus_kalikatimes

वीरगंज । पर्साकाे सखुवा प्रसाैनी गाउँपालिका वडा नं. ५ महुवनकाे वडाध्यक्षकाे लागि मंसिर १४ गते हुने उपनिर्वाचनकाे आज भएकाे मनाेनयन दर्तामा मतदाता भन्दा बढी जिल्लाका नेता तथा कार्यकर्ताकाे सहभािगता देखिएकाे छ ।

सखुवा प्रसौनी गाउँपालिका वडा न:२ स्थित श्री दिपनरायण उच्च माध्यमिक बिधालयको भवनमा स्थापना भएकाे प्रमुख निर्वाचन अधिकृतकाे कार्यालयमा मनाेनयन दर्ता गराउन पुगेका सबै दलले आ आफ्नाे शक्त्ति प्रदर्शन समेत गरेका छन् । नेपाल कम्युनिष्ट पार्टी (नेकपा), नेपाली कांग्रेस (नेका), समाजवादी पार्टी (सपा), राष्ट्रिय प्रजातन्त्र पार्टी (राप्रपा) र एक जना स्वतन्त्र गरी ५ जनाले मनाेनयन दर्ता गराएका छन् । राष्ट्रिय जनता पार्टी (राजपा) ले मनाेनयन दर्ता गराएकाे छैनन् ।

बाहिर सबै दलकाे  तामझाम देिखए पिन विहान १० बजे देखी दिउसाे एक बजे सम्म मनाेनयन दर्ताकाे निर्धारित समय भित्र शान्ति पुर्ण तरिकाले मनाेनयन दर्ता सम्पन्न भएकाे निर्वाचन अधिकृतकाे कार्यालयले जनाएकाे छ ।

सबै दल महुवनबाट जुलुश सहित निर्वाचन अधिकृतकाे कार्यालय पुगेका थिए । बजागाजा सहित मनाेनयन दर्ता गराउने निकालिएकाे जुलुशमा मतदाता भन्दा बढी बाहिरी मान्छेकाे सहभािगता देखिएकाे स्थािनयहरुले वताएका छन् । पर्साकाे महुवनमा मात्र उप निर्वाचन हुने भएकाेले जिल्ला कै नजर त्यस तर्फ रहेकाे छ ।

मनाेनयन दर्ता गराउन नेकपाबाट पूर्व मन्त्री तथा नेकपा प्रदेश २ का सह इन्चार्ज नागेन्द्र चाैधरी, जिल्ला इन्चार्ज रामचन्द्र साह, जिल्ला अध्यक्ष प्रभु हाजरा, क्षेत्रिय अध्यक्ष प्रधुमन चाैहान, जिल्ला सदस्य शम्भु गुप्ता, फारमान मियाँ, बासदेव चाैधरी लगायतका नेता तथा कार्यकर्ता पुगेका थिए ।

यस्तै नेपाली कांग्रेसबाट जिल्ला सचिव श्याम पटेकाे नेतृत्तवमा नेता रामेश्वर राैनियार, चन्द्रकिशाेर चाैधरी, रामनरेश यादव, मनाेज यादव, असर्फी साह, शैलेन्द्र यादव लगायतका नेता, कार्यकर्ता पुगेका थिए ।

यस्तै समाजवादी पार्टीकाे मनाेनयन दर्तामा पर्सा क्षेत्र नं. १ का सांसद प्रदीप यादव, क्षेत्र नं. ३ का निलम्वित सांसद हरिनारायण रौनियार, प्रदेश सांसद प्रहलाद गिरी, मन्जुर आलम अन्सारी, गाउँपालिका अध्यक्ष प्रदीप जैसवाल, उपाध्यक्ष फुलमती देवी चौधरी, वडा ३ का वडाध्यक्ष सलिम अन्सारी लगायतकाकाे सहभािगता रहेको थियो ।

दुई हजार दुई मतदाता संख्या रहेको ‍वडाध्यक्षकाे मनाेनयन दर्तामा हजाराै‌ंकाे सहभागिता देखिएकाे हाे ।

सखुवा प्रसौनी गाउँपलिका वडा न: ५ काे रिक्त रहेकाे वडा अध्यक्ष पदकाे लागि नेकपाबाट उदयशंकर प्रसाद रौनियार, नेपाली कांग्रेसबाट अशेशर प्रसाद यादव, समाजवादी पार्टीबाट रुपलाल कुमार यादव, रा.प्र.पा. बाट सदरी महरा र स्वतन्त्र गोपाल साह कानुले मनाेनयन दर्ता गराएका छन् । 

नेकपा, नेपाली कांग्रेस र समाजवादी पार्टी बिच मुख्य प्रतिस्पर्धा हुने मतादाताहरुले वताएका छन् ।

नेकपा महानगर कमिटिले बढाए सकृयता, वडा नं.३० मा सम्पर्क समिति गठन

0

बीरगंज । नेकपा बीरगंज महानगर कमिटिको आयोजनामा वडा नं. ३० लालपर्साको वडा कार्यालयमा भएकाे भेलामा ५ सदस्यीय जन सम्पर्क समिति गठन गरिएको छ ।

जसमा वडा नं. ३० का निर्वाचित नेकपाका वडा अध्यक्ष अमानत मियाँ, दिपेन्द्र मण्डल, कन्चन शाह, कुरान अलि र रामअशरे राय साह तेली रहेका छन् ।

उक्त कार्यक्रमलाई सम्बोधन गर्दै  महानगर अध्यक्ष रहबर अन्सारीले बलियो र सशक्त कमिटि बनाउनमा मद्दत पुर्याउन हाथोमालो गरेर आपसी तनावलाई सुमुधुर सम्बन्ध कायम गर्दै जाने लक्ष्यका साथ आफ्नो महानगरको वार्डहरुमा तीव्र गतिका साथ लागि परेका बताए ।

वडा नं. १ देखि ३२ वडामा सकृय भई यस्तै खाले दुवै पार्टीका कार्यकर्ताहरुलाई समन्वय गरि समिति बनाउन लागेको भन्दै आउदो दिनमा पर्सा जिल्लामा सब भन्दा ठुलो पार्टीको रुपमा रहेका नेकपालाई अझ सशक्त र बलियो बनाउनका लागि आफु रातोदिन मिहिनेत गरी रहेको कुरा बताए ।

उक्त कार्यक्रममा लालपर्सा, प्रसोतीपुर र सडक टोल लगायत वडा नं. ३०का पार्टी कार्यकर्ताहरुको बीच एउटा छुटटै सम्पर्क समिति चयन गरि दुई पार्टीबीच समन्यव भएकोले दुवै पार्टीका कार्यकर्ताहरुलाई एक आपसबीच रहेको दुरी, मनमुटावलाई कसरी मिलाएर अगाडी बढनका लागि यो समिति चयन भएको हो ।

उक्त कार्यक्रममा महानगर ईन्चार्ज दिनेश राई, सचिव डा. विश्वम्भर शर्मा, नाजिर हुसैन, सेराजुल मिया, कमरुदिन अन्सारी, मोबारक मियाँ अन्सारी, वृजेश मण्डल, पन्नालाल यादव, सुब्हान अलि लगायत स्थानिय नेता एवं कार्यकर्ताहरुको उल्लेखनीय सहभागिता रहेको थियो ।

महुवन उपनिर्वाचन, ५ जनाले गराए मनोनयन दर्ता

0
manonayan darta_kalikatimes

वीरगंज । पर्साको सखुवा प्रसौनी गाउँपालिकाको वडा नं. ५ महुवनमा मंसिर १४ गते हुने उपनिर्वाचनको लागि आज मनोनयन दर्ता भएको छ । वडाध्यक्ष पदको हुने निर्वाचनको लागि एक जना स्वतन्त्र गरी ५ जनालाले मनोनयन पत्र दर्ता गराएको प्रमुख निर्वाचन अधिकृत प्रकाश खरेलले वताउनु भयो ।

विहान १० बजे देखी एक बजे भएको मनोनयन दर्तामा नेपाल कम्युनिष्ट पार्टी (नेकपा) बाट उदयशंकर प्रसाद रौनियार, नेपाली कांग्रेसबाट अशेशर प्रसाद यादव, समाजवादी पार्टीबाट रुपलाल कुमार यादव, रा.प्र.पा. नेपालबाट सदरी महरा र स्वतन्त्र गोपाल साह कानुले मनोनयन पत्र दर्ता गराएको निर्वाचन अधिकृत खरेलले जानकारी गराउनु भयो ।

कार्त्तिक २८ गते बुधबार मनाेनय दर्ता गराएका विरुद्ध उजरी गर्न सकिने र मनाेनयन फिर्ता लिन सकिने निर्वाचन कार्यतालिका रहेकाे छ भने कार्त्तिक शनिबार अन्तिम नमावली प्रकाशन गरी चुनाव चिन प्रदान गरिने निर्वाचन अधिकृत खरेलले जानकारी गराउनु भयाे ।

manonayan darta namawali_kalikatimes

तामझामकाे साथ विभिन्न दलले मनाेनय दर्ता गराउन बाहिरी शक्ति समेत प्रदर्शन गरेका छन् ।

सम्भाैतामा पनि प्लस २ संचालन भयाे तर भेडिहारीमा अझै भएन

0
palas 2 sanchalan_kalikatimes
सम्भाैता संचालन हुने प्लस २ काे उदघाटन गर्दै गाउँपालिका अध्यक्ष गुप्ता र भेडीहारीमा प्लस २ संचालनकाे लागि ज्ञापन पत्र बुझाउदै गाउँका अगुवाहरु । तस्बिर : कालिका टाइम्स

वीरगंज । पर्साको छिपहरमाई गाउँपालिका वार्ड नं.२ सम्भौतामा रहेको श्री नवगावा माध्यमिक विधालय चारगाहमा प्लस २ संचालन हुने भएकाे छ । साेमबार गाउँपालिका अध्यक्ष मनाेज कुमार गुप्ताले एक कार्यक्रमका बिच विद्यालयमा संचालन हुने प्लस २ काे उदघाटन गरेका छन् ।

संचालन हुने प्लस २ मा प्राविधिक विषयकाे समेत पढाई हुने गाउँपालिकाले जनाएकाे छ ।

बिधालय व्यवस्थापन समितिका अध्यक्ष श्याम सुन्दर साहको अध्यक्षतामा भएको कार्यक्रममा प्रमुख प्रासाशकिय अधिकृत देवनाथ साह, वडा अध्यक्ष महेन्द्र प्रसाद कलवार, बिनोद साह कानु, राजबली यादव, बालक राउत गद्दी, मौजीलाल साह कानु लगायतकाले शुभकामना मन्तव्य राखेका थिए ।

यता पर्साकाे दुर्गम क्षेत्रकाे रुपमा रहेकाे छिपहरमाईकाे चारगाहामा प्लस २ संचालन भए पनि कालिकामाई गाउँपालिकाकाे वडा नं. २ भेडिहारीमा रहेकाे विद्यालयमा अझै प्लस २ संचालन हुन सकेकाे छैन् । श्री सुकई साह माध्यमिक विद्यालयमा प्लस २ संचालनकाका लागि आन्दाेलन नै भए पिन हुन सकेकाे छैनन् ।

स्थानिय गैर सरकारी संस्था ब्रिलिएन्ट युवा क्लबकाे अगुवाईमा करिब दुई बर्ष देखी विद्यालाई प्लस २ बनाउन विभिन्न दबाउ मुलक कार्यक्रम भए पनि जनप्रतिनिधिहरुकाे उदासिन्ताका कारणा हुन नसकेकाे स्थानियहरुले गुनासाे गरेका छन् ।

भारत तर्फ लागि रहेको रक्सी सशस्त्र प्रहरीद्वारा पक्राउ गरि नष्ट

0
rakasi nast_kalikatimes

वीरगंज । अबैध रूपमा भारत तर्फ लागि रहेको रक्सि सशस्त्र प्रहरी नेपाल बोर्डर आउट पोष्ट अमरपट्टीले पक्राउ गरि नष्ट गरेको छ। पर्साको बिन्दबासिनी गाउँपालिका वडा न:३ स्थित झौवा गुठीबाट सशस्त्र प्रहरी निरीक्षक अरुण बिक्रम बस्नेतको टोलिले मंगलबार बिहान ६ बजे भारतमा लागि रहेको करिब ११ हजार ८ सय रुपैयाँ बराबरको कस्तुरी र लिच्ची पक्राउ गरेको थियोे ।

प्रहरीलाई देखेपछि तस्करहरुले धानको खेतमा रक्सीको कार्टुन फालेर भागेका थिए । पक्राउ गरेको उक्त रक्सी स्थानीय बासी ,जनप्रतिनिधि, नेपाल प्रहरी र स्थानिय पत्रकारहरुको रहोबरमा खाल्टोमा खन्याइ नष्ट गरिएकाे सशस्त्र प्रहरी निरीक्षक अरुण बस्नेतले जानकारी दिनुभयो।

भारतकाे बिहार सरकारले रक्सी बिक्री बितरणमा रोक लगाएपछी नेपालबाट रक्सी तस्करी सुरु भएकाे हाे ।

महुवनमा चुनाव लाग्याे, समाजवादीले पनि उम्मेदवार घाेषणा गरे

0
umedwari ghosana_kalikatimes
समाजवादीले अाफ्नाे पार्टीकाे तर्फबाट उम्मेदवार घाेषणा गर्दै । तस्विर : साैजन्य

वीरगंज । पर्साको सखुवा प्रसौनी गाउँपालिकाकाे वडा नं. ५ महुवनमा हुने उप निर्वाचन लागेकाे छ । वडाध्यक्ष पदकाे लागि मंसिर १४ गते हुने उप निर्वाचनमा समाजवादी पार्टी पनि उम्मेदवार घाेषणा गरेकाे छ ।

एक भव्य कार्यक्रमका बिच पार्टीकाे तर्फबाट समाजवादीले वडाध्यक्षकाे उम्मेदवार रुपलाल प्रसाद यादवलाई घाेषणा गरेकाे हाे ।

यस अघि नै नेपाल कम्युनिष्ट पार्टी (नेकपा)ले उम्मेदवार घाेषणा गरि सकेकाे छ । नेकपाले पार्टीकाे तर्फबाट वडाध्यक्षकाे उम्मेदवार उद्यशंकर राैनियारलाई बनाउने घाेषणा गरेकाे छ । नेपाली कांग्रेसले अझै पनि अाैपचारीक रुपमा उम्मेदवार घाेषणा गरि सकेकाे छैनन् । तर नेपाली कांग्रेसबाट अशेसर यादवकाे नाम चर्चामा रहेकाे छ ।

समाजवादी पार्टीकाे उम्मेदवार घाेषणा सभामा केन्द्रीय सदस्य बिरेन्द्र प्रसाद यादव, प्रदेश सांसद अब्दुल रहिम अन्सारी विरगंज महानगरपालिकाका मेयर बिजय कुमार सरावगी, समाजवादीका जिल्लाका अध्यक्ष रामनरेश प्रसाद यादव, सचिव तबरेज अहमद, जिल्ला सदस्य सुन्दर कुर्मी, सखुवा प्रसौनी गाउँपालिका प्रमुख प्रदिप जयसवाल, इकाइ कमिटी महुवनका शिवनाथ साह तेलि, सचीव अनिल साह तेलि, पुरन यादव, पन्नालाल यादव, श्यामबाबु पटेल, चिरञ्जीवी चौधरी , सलिम मियाँ अन्सारी, जदु साह तेलि, गुलाम यादव, जादोलाल साह कलवार, प्रमोद जयसवाल, शिव साह तेलि, उपनिर्वाचनका वडा अध्यक्षका उमेदवार रुपलाल कुमार यादव लगायतकाकाे सहभागिता रहेको थियो ।

साेमबार भएकाे उम्मेदवार घाेषणा सभा मै निवर्तमा संघिय सामाजबादी पार्टी र नयाँ शक्ति पार्टी सखुवा प्रसौनी बिच एकिकरण समेत भएकाे समाजवादी पार्टीका स्थानिय कार्यकर्ता सुनिल प्रसाद कलवारले जानकारी गराए ।