वीरगंज । पर्साको कालिकामाई गाउँपालिकाकाे डेलिगेशन राष्ट्रिय परिचय पत्र तथा पञ्जिकरण विभाग काठमाण्डाै पुगेकाे छ । वडा नं. ५ का वडाध्यक्ष पवन तिवारीकाे नेतृत्वमा गएकाे डेलिगेशनले विभागका महानिर्देशक दिपक काफ्लेलाई भेटी गाउँपालिकाकाे समाजिक सुरक्षा भत्ताकाे समस्या समाधान गर्न आग्रह गरेकाे छ ।
गत आर्थिक बर्षकाे अपुग २ महिना बराबरकाे समाजिक सुरक्ष भत्ता वापतकाे रकम गाउँपालिकालाई निकासा गर्न डेलिगेशनले मांग गरेकाे वडाध्यक्ष तिवारीले वताउनु भयाे ।
यसका साथै हाम्राे डेलिगेशन संघिय मामिला तथा समान्य प्रशासन मन्त्रालय र उर्जा, जलस्राेत तथा सिचाइ मन्त्रालय र स्वास्थ्य तथा जनसंख्या मन्त्रालयमा समेत पुगेकाे तिवारीले कालिका टाईम्स संग कुरा गर्दै जानकारी गराउनु भयाे । तिवारीका अनुसार डेलिगेशनले समान्य प्रशासन मन्त्रालयका सचिव यादव काेइरालालाई भेटी गाउँपालिकाको मुल सड़क कालोपत्र गर्ने, वड़ा तथा गाउँपालिकाको भवन निर्माण, गरीब बिपन्नका लागि जनता आवासकाे काम अगाडी बढाउन पहल गरेकाे छ ।
यस्तै सिचाई मन्त्रालयमा पुगेकाे डेलिगेशनले गाउँपालिका अन्तर्गत पर्ने गंगाेल नदी नियन्त्रण लागि पहल गर्नुकाे साथै स्वास्थ्य मन्त्रालयमा वडा नं. ३ हरिहरपुरको एम्बुलेंसको कर छूटको प्रकृया अगाडी बढाऊन पहल गरेकाे छ ।
डेलिगेशन वडा नं. ३ का वडाध्यक्ष संजय पटेल, वडा नं. ४ का वडाध्यक्ष हरिओम शाह र गाउँपालिका कार्यालयकाे योजना शाखा प्रमुख सुनील रौनियारकाे सहभागिता रहेकाे छ ।
