वीरगंज । बीरगंज महानगरपालिकाकाे वडा नं.११ श्रीपुर स्थित एक पसलमा आइतबार विहान आगलागी भएकाे छ । भोज प्रसाद चौरसियाको घुम्ति पसलमा भएकाे अचानक आगलागिमा रु २ लाख बराबरकाे क्षति भएकाे प्रहरीले जनाएकाे छ ।
- Advertisement -
विहान ४ बजे भएकाे आगलागी वडा प्रहरी कार्यालय श्रीपुरबाट खटिएकाे प्रहरी, स्थानीय र वीरगंज महानगरपालिकाबाट पुगेकाे दमकलको सहयोगमा ०४:२० बजे पूर्णरुपमा नियन्त्रणमा आएको जिल्ला प्रहरी कार्यालय पर्साले जनाएकाे छ ।
आगलागीमा दुई लाख बराबरको सामानहरु जली नष्ट भए पनि मानविय क्षति नभएको प्रहरी कार्यालय पर्साले जनाएकाे छ ।
