Date
सोम, मंसिर ७, २०८३
Mon, November 23, 2026
Home Blog Page 1072

महुवन उपनिर्वाचनका उम्मेदवारहरुलाई चुनाव चिन्ह वितरण

0
chunaw chinh pradan_kalikatimes

वीरगंज । पर्साकाे सखुवा प्रसाैनी गाउँपालिका वडा नं. ५ महुवन उपनिर्वाचनका उम्मेदवारहरुलाई निर्वाचन कार्यालयले चुनाव चिन्ह वितरण गरेकाे छ ।

मंसिर १४ गते हुने उपनिर्वाचनका लागि वडाध्यक्षका उम्मेदवारहरुलाई चुनाव चिन्ह वितरण गरिएकाे निर्वाचन कार्यालय पर्साकी प्रमुख रंजिता झाले वताईन । उपनिर्वाचनका ४ दलका उम्मेदवारहरुलाई सम्बन्धीत पार्टीकाे चुनाव चिन्ह र एक जना स्वतन्त्र उम्मेदवारलाई हात मिलाएकाे चुनाव चिन्ह वितरण गरिएकाे झाले जानकारी गराईन ।

उनका अनुसार नेकपाका उम्मेदवार उदयशंकर राैनियारले सूर्य, नेपाली कांग्रेसका उम्मेदवार अशेसर यादवले रुख, समाजवादी पार्टीका उम्मेदवार रुपलाल यादवले पांच औला सहितकाे हात्केला (पंजा), राप्रपाका उम्मेदवार सदरी महराले गाई र स्वतन्त्र उम्मेदवार गाेपाल साह कानुले हात मिलाएकाे चुनाव चिन्ह पाएका छन् ।

पर्सामा ५ वटा मदरसा इजाजत विना सञ्चालन

0
madarsa sanchalan_kalikatimes

वीरगंज । पर्सा जिल्लामा पाँचवटा मदरसा सरकारी इजाजतविना सञ्चालनमा रहेको पाइएको छ । सरकारी अनुमतिविना सञ्चालनमा रहेका मदरसामा पर्सा जिल्लाकै सबैभन्दा पुरानो मदरसा बरकतु उलुम–३ र पाँच वर्षदेखि सञ्चालनमा रहेको प्रदेश नं. २ का मुख्यमन्त्री लालबाबू राउत गद्दीको जन्मथलो जगरनाथपुर गापामा रहेको जायमा खुल्फाए रासेदिन आतिका लिलबनातलगायत पाँचवटा मदरसा स्वीकृतिबेगर सञ्चालनमा छन् ।

स्थानीय तह गठन हुनुभन्दा अगाडि जिल्ला शिक्षा कार्यालय पर्साबाट मदरसा सञ्चालनको लागि स्वीकृति लिनुपर्नेमा यी दुई मदरसासमेत जिल्लामा पाँचवटा मदरसाले स्वीकृति नलिएको पाइएको छ । पर्सा जिल्लामा सरकारी अनुदानसहित ३७ वटा मदरसा सञ्चालनमा छन् । यी मदरसाहरूमा सरकारले प्रतिमदरसा वार्षिक रु २ लाख ४१ हजारको अनुदान सहयोग पु¥याउँदै आएको छ । सरकारी अनुदानमा रहेका मदरसाहरूमा धार्मिक शिक्षाकाे साथै आधुनिक शिक्षाकाे अध्यापन गराइन्छ । अनुमतिविना चलेका पाँचवटा मदरसामा भने धार्मिक शिक्षा मात्र दिइँदै आएको छ ।

जिल्लाको सबैभन्दा पुरानो मदरसामा कहलिएको  बरकतु उलुम–३ मा धार्मिक शिक्षा मात्र अध्यापन गराइन्छ । त्यहाँ ५० जनाभन्दा बढी अनाथ बालकहरू छन् । यसैगरी, करिब ३५ जना बालिका छन् । बालक र बालिकालाई छुट्टाछुट्टै अध्यापन गराइन्छ । बालिका अध्ययनको लागि दुईजना शिक्षिकाकाे व्यवस्था गरिएको मदरसाका कलाम मियाँले बताए । उनले मदरसामा धार्मिक शिक्षा मात्र अध्यापन हुँदै आएको जानकारी गराए । त्यस्तै, वीरगंज महानगर–२ छपकैयास्थित पुरानो यतिमखाना पनि इजाजतविना सञ्चालनमा छ । सयभन्दा बढी अनाथ बालकहरू सो यतिमखानामा धार्मिक शिक्षा आवासीय सुविधासहित लिंदै आएका छन् ।

madarsa teacher_kalikatimesयसैगरी, मुख्यमन्त्रीको जन्मथलो पर्सा जिल्लाको जगरनाथपुर गापा–४ मा छात्राहरूको लागि मात्र जायमा खुल्फाए रासेदिन आतिका लिलबनात मदरसा सञ्चालनमा छ । आवासीय सुविधासहितको यो मदरसा पाँच वर्षदेखि सञ्चालनमा छ । मदरसा सञ्चालनका लागि हाल प्रदेश नं. २ का मुख्यमन्त्री लालबाबू राउत गद्दीका पिता दशरथ राउत गद्दीले २ कट्ठा जग्गा उपलब्ध गराएका थिए । यो मदरसामा पनि धार्मिक शिक्षा मात्र अध्यापन गराइन्छ । छात्राहरू मात्रै रहेको सो मदरसामा २ सयभन्दा बढी छात्राहरू छन् ।

जगरनाथपुर, पाडेपुर, परसवा, पिडारी, बिजवनिया, निचुटा, सोलखपुर, जीतपुरका ५ देखि १८ वर्ष उमेरका बालिकाहरू रहेको मदरसाका मौल्वी ग्यासुद्दीन मौलानाले बताए । सो मदरसामा ९ जना शिक्षिकाको व्यवस्था गरिएको छ । उनीहरूलाई महीनाको ६–७ हजार तलब मदरसाले बेहोर्दै आएको छ । मुस्लिम समुदायले मदरसा सञ्चालनको लागि दिने सहयोगबाट मदरसाका सम्पूर्ण कार्य भइरहेको मौलवी मौलानाले बताए ।

मदरसामा चारवटा कोठा छन्, जसमा एउटा कोठामा भण्डारणको व्यवस्था गरिएको छ भने तीनवटा कोठामा छात्राहरूको आवासीय र अध्ययन दुवैको व्यवस्था गरिएको छ । गरीब, अनाथ बालबालिकाहरूलाई मदरसामा व्यवस्थापन गर्दै आएको मौलवी मौलानाले बताए ।

जिल्लामा रहेका मदरसाहरूमा अनाथ बालकहरूको आवासीय व्यवस्था गरिए पनि मुस्लिम अनाथ बालिकाहरूको लागि भने तीनवटा मात्र मदरसा छन्, जसमा एउटाले इजाजत लिएको छैन । इजाजत लिएर महिला छात्रावास वीरगंज महानगरको गण्डक बहुअरी र सखुवाप्रसौनीमा सञ्चालित छन् । मदरसा अर्गनाइजेशन अफ नेपालका प्रदेश महासचिव इमामुद्दीन अहमदले पर्सा जिल्लाका तीनवटा स्थानमा मुस्लिम अनाथ बालिकाहरूको लागि मदरसा सञ्चालनमा रहेको बताए ।

जगरनाथपुर गापामा जायमा खुल्फाए रासेदिन आतिका लिलबनात मदर्सा, वीरगंज, गण्डक बहुअरीमा कुलिया उमे कुलसुम लिलबनात मदरसा र सखुवाप्रसौनीमा फैजुल उजुम देउरवाना मदरसा सञ्चालनमा छन् । जगरनाथपुरमा दुई सयभन्दा बढी अनाथ, गरीब बालिकाहरू छन् भने बहुअरीमा १५० र सखुवाप्रसौनीमा १६५ जना आवासीय सुविधासहितको धार्मिक तथा आधुनिक शिक्षा लिंदैछन् ।

जगतपुरकाे विवाद साम्य

0
jagatpur bibad samya_kalikatimes

वीरगंज । पर्साको पोखरिया नगरपालिका वडा नं. ८ जगतपुरको सडक अतिक्रमण सम्बन्धि विवाद साम्य भएको छ । पर्साका प्रमुख जिल्ला अधिकारी नारायण प्रसाद भट्टराई नतृत्वको गएको टोलीको उपस्थितीमा गाउँ भेला बसी सहमतीमा विवाद साम्य भएको हो ।

गाउँको मुख्य सडक अन्तर्गत ३० फिट भित्र पर्ने घर टहराहरु ५ दिन भित्र हटाउने सहमतीमा ववाद साम्य भएको वडाध्यक्ष किशोरी साहले वताए । सडक अतिक्रमण हटाउने सम्बन्धमा विवाद हुदा त्यहाँ हुने विकास निर्माणको काम प्रभावित हुदै आएको थियो ।

विवाद साम्य भए पछि अब बिकास निर्माणको काम अगाडी बढाउन सजिलो हुने नगरपालिकाका मेयर दिपनारायण रौनियारले वताए । विवाद समाधान गर्न भएको भेलामा मेयर रौनियार, पर्साका प्रहरी उपरिक्षक सोमेन्द्र सिंह राठोर, सशस्त्रका प्रहरी उपरिक्षक लगायतको उपस्थिती रहेको थियो ।

राजपा पर्साको सम्मेलन सम्पन्न, जिल्ला अध्यक्षको जिम्मेवारी सिंहलाई

0
rajama adhyakx rajesh man sing_kalikatimes

वीरगंज । राष्ट्रिय जनता पार्टी (राजपा) पर्साको जिल्ला सम्मेलन सम्पन्न भएकाे छ । सम्मेलनले जिल्ला अध्यक्षकाे जिम्मेवारी पार्टीका महासचिव राजेशमान सिंहलाई दिएको छ । स्थानिय पार्टीका नेता कार्यकर्ताहरुको माँग अनुसार जिल्ला सम्मेलन मार्फत महासचिव सिंहलाई जिल्ला अध्यक्षको पदको जिम्मेवारी दिएको हो ।

वीरगन्जको होटल पुजनमा आईतबार सम्पन्न जिल्ला सम्मेलनको प्रमुख अतिथि पार्टीका राष्ट्रिय उपाध्यक्ष एवं पर्वेक्षक जुनैल राईनले पार्टीको जिल्ला अध्यक्षको जिम्मेवारी सिंहलाई नै दिएको घोषणा गरे । सिंह जिल्ला अध्यक्ष भएपछि स्वत महासचिवको पद रिक्त भएको छ ।

गत कार्त्तिक ८ गते बसेको पार्टीको केन्द्रिय अध्यक्ष मण्डलको बैठकले पार्टीको अधिवेशन नहुन्जेल सम्म पार्टीलाई क्रियाशिल रुपमा संचालन गर्न निर्देशीका बनाई जिल्ला सम्मेलन मार्फत एउटै तदर्थ समिति बनाई अगाडी बढ्ने निति अनुसार अगाडी बढेको उपाध्यक्ष राईन्ले बताए ।

पार्टीकै निति अनुरुप कार्त्तिक ३० गते शनिबार वीरगन्जको होटल कुमु प्यालेसमा विस्तारीत बैठकको आयोजना गरिएको थियो, उपाध्यक्ष राईनले भने, त्यही बैठकको निर्णयको आधारमा आज जिल्ला सम्मेलनको आयोजना गरी पार्टी तथा जनवर्गिय संगठनहरुको तदर्थ समितिहरु सर्वसहमतिबाट चयन गरिएको हो ।

नवगठित तदर्थ समिति ५१ सदस्यीय रहेको छ । जसको उपाध्यक्ष द्धयमा मदन प्रसाद यादव, जटाशंकर गुप्ता, सचिवमा उमेशलाल सहनी रहेका छन । पार्टीको क्षेत्रिय कार्य समिति प्रतिनिधि सभा क्षेत्र नं. १ का क्षेत्रिय अध्यक्षमा अयुब मियाँ, क्षेत्र नम्बर २ का अध्यक्षमा बैजुलाल स्वर्णकार, ३ काे अध्यक्षमा मनाेज कुमार ठाकुर र ४ काे अध्यक्षमा अकलेश कुमार यादव चयन भएका छन् । यस्तै वीरगन्ज महानगर, पर्सागढी, बहुदरमाई र पोखरीया नगर कार्यसमितिको अध्यक्ष पदको क्रमश लियाकत अलि, नितेश मिश्रा, अजय साह तेली र प्रयाग चौहानलाई जिम्मेवादी दिएको छ ।

त्यसैगरी राष्ट्रिय युवा संघ जिल्ला कार्य समितिको अध्यक्षमा शुशिल कुमार पटेल, युवा दस्ता जिल्ला समितिका अध्यक्ष शत्रुधन प्रसाद कुर्मी, राष्ट्रिय महिला संघ जिल्ला कार्य समिति अध्यक्षमा प्रतिमा सिंह, दलित संहका अध्यक्षमा रेखा देवी पासवान, विद्यार्थी संघका जिल्ला अध्यक्षमा मधुसुदन चौरसिया रहेका छन ।

सम्मेलनले मजदुर संघका अध्यक्षमा रेहान अंसारी, राष्ट्रिय शिक्षक संघको जिल्ला अध्यक्षमा उमेश ठाकुर, किसान संघको जिल्ला अध्यक्षमा अम्बीका राउत, निजामती कर्मचारी संघका सन्तोष साह, राष्ट्रिय कानुन व्यवसायी संघका जिल्ला अध्यक्षमा मेराज मियाँ लगायत जनवर्गिय गठनको तदर्थ समिति गठन गरिएको घोषणा गरेको हो ।

नवनियुक्त पदाधिकारीहरुलाई कार्यक्रमका प्रमुख अतिथी राईन्ले अबिरकाे टिका र माला लगाई भव्य स्वागत र सम्मान गरेका थिए । पूर्वअध्यक्ष प्रेमबाबु पटेलको अध्यक्षतामा सम्पन्न जिल्ला सम्मेलनमा पार्टीका केन्द्रिय सचिव राजेश राय यादव, केन्द्रिय सदस्यहरु शम्भु प्रसाद चौरसिया, महाविर शर्मा, परमानन्द चौधरी लगायतले शुभकामना मन्तव्य व्यक्त गर्दै नवनियुक्त्त पददाधिकारीकाे कार्यकाल सफलताको कामना सहित उत्तरोउत्तर प्रगतिको कामना गरेका थिए ।

राप्रपाको जागरण अभियान पर्सामा, हिन्दु राष्ट्रको लागि चरणवद्ध संघर्ष आवश्यक : जबरा

0
jagaran abhiyan_kalikatimes

वीरगंज । राष्ट्रिय प्रजातन्त्र पार्टी (संयुक्त)को बैदिक, सनातन हिन्दु, धर्म जागरण अभियान सिता-बुद्ध रथ यात्रा आज पर्साको पोखरियामा पुगेको छ । प्रदेश २ को अस्थाई राजधानी जनकपुरबाट सुरु भएको हिन्दु जागरण महाअभियान अन्तर्गतको रथ यात्रा पर्साको दोस्रो सदरमुकामको रुपमा चिन्निने पोखरिया पुगेको हो ।

वीरगंज हुदै पोखरिया पुगेको रथ यात्रा अन्तर्गत भएको कोण सभालाई सम्बोधन गर्दै राप्रपा संयुक्तका अध्यक्ष शुपति शमशेर राणा जबराले ८१ प्रतिशत हिन्दु रहेको राज्य हिन्दु राष्ट्र नै हुनु पर्ने वताए । उनले भने हिन्दुको बाहुल्यता भएको राज्यमा धर्म निर्पेक्ष हुनुहुन्न, बिदेशीको इशारामा धर्म निर्पेक्ष गर्नु दु:खद हो ।

pokhariyama jagaran abhiyan_kalikatimes

कार्त्तिक २८ गते देखी जनकपुरधामबाट सुरु भएको रथ यात्रा सर्लाही, रौतहटको चहपुर, बाराको सिम्रौनगढ, पर्साको वीरगंज हुदै पोखरिया पुगेको सुचना संचार तथा जनसम्पर्क समितिका संयोजक पानालाल पटेलले वताए ।

जागरण अभियानको चौथो दिन पोखरियामा भएको कार्यक्रम जिल्ला अध्यक्ष बिश्वनाथ साहको अध्यक्षतामा भएको थियो ।

यस भन्दा अघि वीरगंजको घण्टाघर नजिको पार्कमा राप्रपा संयुक्तले हिन्दु धर्म जागरण सभा गरेको थियो । शनिबार राती वीरगंज आईपुगेको रथ यात्रा आईबार वीरगंज नगर परिक्रममा गर्दै घण्टाघरमा पुगी सभामा परिणत भएको थियो ।

bara pugeka jagaran abhiyan_kalikatimes

यस्तै नेपाललाई हिन्दु राष्ट्र बनाउन जनकपुरबाट सुरु भएको राप्रपा संयुक्त्तको जागरण अभियान शनिबार बारा पुगेका थियो । बाराको कलैया स्थित भरत चोक पुगेको जागरण अभियानमा बोल्ने नेताहरुले सबै धर्मबीच समानता, पूर्ण धार्मिक स्वतन्त्रतासहितको सनातन धर्म सापेक्ष हिन्दू मुलुक बनाउनका लागि जनकपुरको जानकी मन्दिरबाट बिहिबार धार्मिक जागरण अभियान सुरु गरिएको वताए ।

अभियानमा सहभागि हुन् राप्रपा संयुक्त्तका राष्ट्रिय अध्यक्ष पशुपति शमशेर राणा जबरा, नेता प्रकाशचन्द्र लोहोनी लगायतका केन्द्रीय नेताहरु बारा पुगेका थिए । जागरण अभियान अन्तर्गत कलैयामा भएको कोण सभामा वोल्दै राप्रपा संयूक्तका केन्द्रिय अध्यक्ष जबराले संसारमै एक मात्र हिन्दु राष्ट्र नेपाल रहेकाले पुनः हिन्दु राष्ट्र स्थापनाका निम्ति चरणबद्ध संघर्ष गर्न आवश्यक रहेको वताए ।

सनातन धर्म सापेक्ष हिन्दु राष्ट्र कायम गर मुल नारासहित कलैयाको भरत चौकमा भएको कार्यक्रममा अध्यक्ष जबराले नेपालको धर्म र संस्कृति माथि प्रहार गरी धर्म निरपेक्षता घोषणा गरेकाले चरणबद्ध यात्राको आरम्भ भएको बताए । उनले नेपाललाई हिन्दु राष्ट्र घोषणा गर्नु बाहेकको विकल्प नरहेको जिकिर गरे । नेपाल हिन्दु राष्ट्र भएमा हिन्दुस्तान र चीन समेतले स्वागत गर्ने उनको भनाई थियो ।

ईभेन्ट म्यानेजमेनट ट्रेनिङ्ग सम्पन्न

0
training_kalikatimes

वीरगंज । रोट्राक्यट क्लब अफ पिपल्स् क्याम्पसको आयोजना एक दिने ईभेन्ट म्यानेजमेनट ट्रेनिङ्ग सम्पन्न भएको छ । काठमाण्डौस्थित प्रेसिडेन्सीयल बिजनेस स्कुलको सभाहलमा सम्पन्न भएको ट्रेनिङ्गमा विभिन्न उमेर समुहका ४० जनाको सहभागिता रहेको थियो ।

प्रशिक्षण कार्यक्रममा रेलईभेन्ट म्यानेजमेन्टका प्रमुख कार्यकारी अधिकृत बलिराम यादव र प्रमुख बजार व्यवस्थापक अभिषेक गौतमले प्रशिक्षण दिएका थिए । समयसँगै स्थापना बजारमा थुप्रै ईभेन्ट म्यानेजमेन्ट कम्पनी स्थापना भएपनि गुणस्तरीय म्यानेजमेन्टका सिप सिकाउने उदेश्यले प्रशिक्षणको आयोजना गरिएको आयोजकले जनाएका छन् ।

क्लबकी प्रोफेसनल सर्भिस डाईरेक्टर प्रयुशा थिङ्गको अध्यक्षतामा सम्पन्न प्रशिक्षण कार्यक्रममा क्लबका अध्यक्ष सदिक्षा कँडेल, सचिव जुना पुन, सर्भिस डाईरेक्टर अस्मिता भट्ट, सामुदायिक सेवा निर्देशक प्रमिला, सदस्यहरु पवन, परिना, अनुश्री लगायतकाको उपस्थिती रहेको थियो ।

वीपिएल क्रिकेट प्रतियाेगिताकाे टिम तथा खेलाडी छनाेट सम्पन्न

0
BPL Cricket Match_kalikatimes

वीरगंज । वीरगंज स्थित नारायणी रंगशाला क्रिकेट मैदानमा आउँदो मंसिर १४ देखि २१ सम्म हुने वीरगंज प्रिमियर लिग (विपिएल) टि ट्वान्टी क्रिकेट प्रतियोगिताको अक्सन आज सम्पन्न भएको छ । वीरगञ्ज मुर्लीस्थित सिटि प्यालेसमा सम्पन्न भएको अक्सन कार्यक्रममा प्रतियोगितामा सहभागि हुने ६ टिमले खेलाडी छनोट गरेका हुन् ।

युनाइटेड क्रिकेट क्लब वीरगंजको आयोजनामा हुने प्रतियोगितामा ६ टिमको सहभागिता रहने छ, जसका लागि ६ मार्की खेलाडीको पनि चयन गरिएको क्लबका प्रवक्ता राजुल हवारीले वताए । प्रतियोगितामा वीरगंज स्टार्स, रौतहट राईनोज, डिसिसी स्टार्स, ड्रागन साहेब दरबार, केआईसी वीरगंज, सिंह ईलाभेन लायन लगायतका टिम सहभागि हुने हवारीले जानकारी गराए ।

प्रतियोगिताका संयोजक प्रफुल्ल सागर प्रधानको सभापतित्वमा र क्रिकेट एसोसिएसन नेपालका कोषाध्यक्ष रोशन सिंहकाे प्रमुख आतिथ्यतामा भएकाे कार्यक्रममा क्रिकेट एशाेसिएसन अफ नेपालकाे भू.पू. चिप सेलेक्टर मवारफ इजहार, सप्तरीका तिलाठी काईलाडी नगरपालिकाका मेयर सतिश सिंह लगायतकाको सहभागिता रहेको थियो । कार्यक्रमको सहजीकरण प्रतियोगिताका प्रवक्ता हवारीले गरेका थिए ।

पिप्राका युवा साहले जन्मदिन मनाए मानव सेवा आश्रममा

0
janam din_kalikatimes

वीरगंज । वीरगंज महानगरपालिकाका बाल मैत्री सहजकर्ता तथा विकास समाज, पर्साका अध्यक्ष राहुल कुमार साहले वीरगंज स्थिति मानव सेवा आश्रम खाजा तथा केक वितरण गरी आफ्नो जन्मोत्सव मनाएका छन् ।

लामो समय देखि बाल क्लबमा तथा समाज सेवा लागेर समाजमा रहेका अति विपन्न समुदाय, आशाय तथा अभिभावक विहिन बालबालिकालाई सहयोग गर्दै आएका साहले आफ्नो जन्मोत्सव अवसरमा आश्रम खाजा वितरण गर्दा खुशी व्यक्त गर्दै सबैलाई यस्तो सम्बेदनशिल स्थान तथा आशायलाई सहयोग गर्न आग्रह गरेका हुन् ।

साहले यसैगरी हरेक नागरिकले आश्रमलाई सहयोग गरी त्यसको संरक्षण गर्ने हो भने हाम्रो देशको कुनै पनि व्यक्ति अशाय नरहने कुरा जिवन्त रहने बताए । २१ बर्ष पुरा गरि २२ अौ बर्षमा प्रवेश गरेका साहको जन्मोत्सव कार्यक्रममा समाज सेवी शभ्भु साह , शिक्षक संजय पटेल, बाल अधिकार कर्मी जया साह, अोबिसी वीरगन्ज नगर अध्यक्ष रोशन सरार्फ, भोजपुरी युवा समाजका अध्यक्ष दिपेन्द्र साह, रूपेश साह, राजु साह लगायतको उपस्थिति रहेको थियो ।

राजपाको विस्तारित बैंठक सम्पन्न, सिंहलाई नतृत्व दिनु पर्ने माग

0
rajapa baithak_kalikatimes

वीरगंज । राष्ट्रिय जनता पार्टी (राजपा) पर्साको विस्तारित बैठक शनिबार वीरगन्जको होटल कुमु प्यालेसमा सम्पन्न भएको छ । कार्यक्रमका प्रमुख अतिथी पार्टीका राष्ट्रिय उपाध्यक्ष एवं प्रर्वेक्षक जैनुल राईनले पर्सा जिल्लामा केन्द्रको सर्कुल अनुसार एकल नेतृत्व दिनको लागि आजको विस्तारित बैठकको आयोजना गरिएको बताए ।

राजपामा आवद्ध छ दलका अध्यक्ष विच विचार नमिले पनि भोलीको दिनमा एकल नेतृत्व दिने कुरा सहमत छ, निषेद गरिएको छैन उनले भने, काम गर्ने नेताको सपोर्टमा जनता छन ।

विस्तारित बैठक बारे जिल्लाका ६ अध्यक्षलाई जानकारी गराउँदा पनि यस बैठकमा केहि अध्यक्षहरु सहभागिता जनाएन् उनले भने, केन्द्रिय सर्कुलको आदेश पनि उनीहरु मानेन् । उपाध्यक्ष राईन्ले भने, वडादेखि नगर सम्म क्षेत्र देखि जिल्ला सम्मको कमिटि गठन गरेर आउँनुस् २४ घण्टाभित्र पार्टीले दिएको जिम्मेवारी २४ घण्टाभित्र पुरा गर्न आफू प्रतिबद्ध छु ।

कार्यक्रममा पार्टीका महासचिव राजेशमान सिंहले प्रदेश सांसद रमेश प्रसाद कुर्मीले बजेटको प्रलोभन देखाएर पार्टी भित्र हैकमवादी लाद्न खोजेको आरोप लगाए । उनले भने, सांसद पटेलले पार्टीभित्र फुट् ल्याएर पार्टीको हित विपरित कार्य गईरहेकोले नेतृत्व वर्गले यसलाई गम्भिर रुपमा लिई कारवाही गर्नुपर्छ ।

पार्टी भित्र रहेको केहि असन्तुष्ट व्यक्तिलाई आफूले मिलाउँने प्रयास गरेको थियो, महासचिव सिंहले भने, तर कसैले मानेन् । यदी आफूसंग केहि गल्ती भएको छ भने, पार्टीले प्रष्टयाएर त्यसको कारवाहीको भागिदार हुन तयार समेत छु । होईन भने पार्टी फुटाउँने विरुद्ध नेतृत्व वर्गले कारवाहीको प्रकृया अगाडी बढाउँनु पर्छ ।

बैठकका सहभागि बक्ताहरुले पार्टीका महासचिव राजेशमान सिंहलाई जिल्लाको सभापती पदमा चयन गर्नुपर्ने माँग गरे । महासचिव सिंह केन्द्रमा गएका कारण जिल्ला स्तरमा पार्टीको काम सम्भाल्ने सक्षम नेतृत्वको अभाव भएकोले जिल्ला अध्यक्षमा सिंहलाई नै नेतृत्व दिनुपर्नेमा बक्ताहरुको जोड थियो ।

पार्टीका जिल्ला अध्यक्ष प्रेमबाबु पटेलको अध्यक्षतामा सम्पन्न विस्तारित बैठकमा पार्टीका केन्द्रिय सदस्य महाविर शर्मा, परमानन्द चौधरी, शम्भु प्रसाद चौरसिया, राष्ट्रिय मुस्लिम संघका अध्यक्ष खैरोदिन, जिल्ला उपाध्यक्ष मदन यादव, सचिव राजेश राय यादव, विद्यार्थी नेता अमित यादव, महिला नेतृ प्रतिमा जोशी लगायतले बोलेका थिए ।

जुनियर टिम सिनियरलाई हराउदै विजयी

0
kriket match_kalikatimes

वीरगंज । बाराकाे परवानिपुर गाउँपालिका वडा नं. ३ लिपनीमा आज क्रिकेट प्रतियाेगिता सम्पन्न भएकाे छ । प्रतियाेगितामा सिनियर टिमलाई हराउदै जुनियर टिम विजयी भएकाे छ ।

टस जितेर ब्याटिङ गरेकाे सिनियर टिमले जुनियर टिमलाई १६ ओभर खेल्दै सबै विकेटकाे नाेक्सानीमा एक सय ६ रनकाे टार्जेट दिएकाे थियाे । जवाफी ब्याटिङमा उत्रकाे जुनियर टिमले १३ भाेभर ५ बलमा १ विकेटकाे नाेक्सानीमा जित्न सफल भएकाे थियाे ।

प्रतियाेगितामा सिनियर टिमबाट सबैभन्दा बलराम सराफले ५३ रन बनाएका थिए भने जुनियर टिमबाट बढी रन टिमका कप्तान प्रेम यादवले ४० रन बनाएका थिए ।

योगेन्द्र साह सोनारकाे प्रमुख अतिथ्यतामा भएकाे प्रतियाेगितामा पुन्यदेव प्रसाद यादव लगायतकाे सहभािगता रहेकाे थियाे ।