Date
सोम, मंसिर ७, २०८३
Mon, November 23, 2026
Home Blog Page 1071

शाहरुखकी छोरी सुहानाको पहिलो फिल्म ‘द ग्रे पार्ट अफ ब्लू’ रिलिज

0
sharukh khan doughter movie_kalikatimes

बलिउड अभिनेता शाहरुख खानकी छोरी सुहाना खानको पहिलो फिल्म ‘द ग्रे पार्ट अफ ब्लू’ रिलिज भएको छ । सुहाना खानको यो छोटो फिल्मले निकै प्रशंसा बटुलेको भारतीय सञ्चारमाध्यमहरूले जनाएका छन् । फिल्ममा सुहानाको अभिनयको पनि खुब तारिफ भइरहेको छ।

सुहाना खानले आफ्नो इन्स्टाग्राममा फिल्मको भिडिओ शेयर गर्दै आफ्नो पहिलो फिल्मको खुसीयाली मनाएकी छन् । छोटो फिल्म भए पनि यसको ‘क्रेज’ दर्शकमा निकै राम्रो परेको पनि सञ्चारमाध्यमहरूले जनाएका छन् ।

मुख्य भूमिकामा देखिएकी सुहानाको यो पहिलो फिल्म उनकै कक्षाका साथीहरूले बनाएका हुन् । यो उनीहरूको ‘प्रोजेक्ट’ हो । केही समयअघि फिल्मको पोस्टर सुहानाकै समकक्षी थ्योडोर जिमीनोले आफ्नो इन्स्टाग्राममा शेयर गरेका थिए । बलिउड ‘बादशाह’की छोरी सुहानाको डेब्यू फिल्मका लागि प्रशंसकहरू निकै उत्साहजनक देखिएका छन् ।

वर्षाको ‘लभ यू’

0
barsha siwakoti_kalikatimes

नायिका वर्षा सिवाकोटी पछिल्लो केही समयदेखि प्रेममा छिन् । अमेरिका गएर आफ्नो प्रेमी सार्वजनिक गरेकी वर्षा रोमान्टिक मुडमा देखिन्छिन् । वर्षाको सामाजिक संजालमा अहिले उनको रोमान्टिम मुडका तस्वीर धेरै पोष्ट हुने गरेको पाइन्छ । सायद, प्रेममा परेपछि यस्तै हुन्छ होला ।

वर्षाले हालैमात्र ‘लक्का जवान’ नामक चलचित्रको छायांकन सकेकी छिन् । बक्स अफिसमा निरन्तर असफल रहेकी वर्षा यो चलचित्रबाट भने सफल हुनेमा विश्वस्त छिन् ।

उनै, वर्षाले फेसबुकमा ‘लभ यू’ लेख्दै आफ्नो हँसिलो फोटो पोष्ट गरेकी छिन् । वर्षाको ‘लभ यू’ उनका फ्यानलाई हो या उनका अमेरिकामा रहेका प्रेमीलाई हो, यो उनले नै जान्ने कुरा भयो ।

तर, वर्षा गहिरो प्रेममा छिन् भन्ने कुरा उनको फोटो र स्टाटसले पनि वुझ्न सकिन्छ । आखिर, यो प्रेम भन्ने चिज हुन्छ नै यस्तो । वर्षाको ‘लभ यू’मा धेरै दर्शकले ‘लभ यू टू’ भन्दै प्रतिक्रिया भने दिएका छन् ।

सांसद शर्मा र अध्यक्ष कलवार बिच कुटाकुट, कलवारलाई थप उपचारका लागि काठमाण्डाै लगियाे

0

वीरगंज । नेपाली कांग्रेस पर्साका समानुपातिक प्रदेश संसाद ओमप्रकाश शर्मा र वीरगंज महानगरपालिका नगर कमिटिका अध्यक्ष भोला कलवार बीच कुटाकुट भएको छ ।

वीरगंज नगर सभा गृह (टाउन हल) सम्बन्धित विषयलाई लिएर विवाद हुँदा बुधबार बिहान दुवै नेता विच कुटाकुट भएको हो । वीरगंज आदर्शनगरस्थित रहेको बब्लु टि स्टलमा टाउन हलको विषयलाई लिएर प्रदेश सांसद शर्मा र नगर अध्यक्ष कलवार बीच भएकाे भना-भन उग्र रुप लिए पछि कुटाकुट समेत भएकाे प्रत्यक्षदर्शीले बताएका छन् ।

दुवै जना उपचारकाे लागि नारायणी अस्पताल वीरगंजमा भर्ना भएका थिए । उपचार पछि प्रदेश सांसद शर्मा घर फर्के पनि कलवार पहिला देखी नै ब्लडप्रेसरका बिरामी रहेकाले उनकाे स्वास्थ्यमा समस्या देखिए पछि थप उपचारकाे लागि उनलाई काठमाण्डाै लगिएकाे छ ।

दुबै जना विच एक बर्ष पहिला देखी नै टाउन हलकाे बिषयमा विवाद हुदै आएकाे थियाे । साेही विवाद आज उग्र रुप लिदा दुबै नेता विच कुटाकुट समेत भएकाे कांग्रेस निकट स्राेतले जनाएकाे छ ।

मंत्रिपरिषद फेरबदल हुनै लाग्दा अचानक किन दिल्ली पुगे उपेन्द्र यादव ?

0
upendra-yadav_kalikatimes

वीरगंज । नेपालमा मंत्रिपरिषद फेरबदल हुने चर्चा चलि रहंदा उपप्रधानमंत्री तथा स्वास्थ्य मंत्री अचानक किन दिल्ली गए ? यो अहिले कौतुहलताको विषय हो । स्वास्थ्य मन्त्रालयले औषधि व्यवस्थापन सम्बन्धी कार्यक्रममा भाग लिन उनी भारत गएका बताए । यद्यपि उक्त कार्यक्रमको अवधि तीन दिनमात्र रहने भए पनि यादव एक सातासम्म भारतमै रहने भएकाले उनको भ्रमणलाई राजनीतिक रुपबाट हेर्न थालिएको हो । यादव यतिबेला राजनीतिक रुपमा चुनौतीको चाङमा छन् ।

पार्टीको हालै सम्पन्न संघीय परिषद र केन्द्रीय समिति बैठकले सरकारमा रहिरहने वा फिर्ता हुने भन्ने सवालमा निर्णय गर्ने जिम्मेवारी पदाधिकारीहरुलाई नै दिएको छ । पदाधिकारी बैठकनै नबसाई यादव दिल्ली पुगेका हुन् । उपेन्द्र यादव दिल्लीमा राजनीतिक भेटघाटको प्रयासमा रहेको बुझिएको छ। उनले व्यक्तिगत संपर्कको आधारमा दिल्लीमा सत्तारूढ़ भाजपा नेताहरू संग भेटघाटको प्रयास गरि रहेको स्रोतले जनाएको छ। तर सत्तारूढ़ भाजपाका नेताहरू उपेन्द्र यादव सहित समाजवादी पार्टीका अर्का अध्यक्ष डा बाबूराम भट्टराई प्रति अझै सशंकित भएका छन् ।

भारतको जम्मू कश्मीरमा हटाईएको धारा ३७० प्रति नेपालमा सबैभन्दा पहिले विरोध गर्नेमा समाजवादी पार्टीनै थियो । समाजवादीका अध्यक्ष भट्टराईले ट्वीट गरेर १७ पटक आफ्नो विरोध जनाएका थिए भने अहिले भारतले जारी गरेको नक्शामा समाजवादी पार्टीका विद्यार्थी संगठनले सबैभन्दा पहिले भारतीय प्रधानमंत्री नरेन्द्र मोदीको पुतला जलाएका थिए ।

समाजवादी पार्टीको पछिल्लो गतिविधि बारे अवगत रहेका भाजपाका शीर्ष नेतृत्वले उपेन्द्र माथि पटक्कै विश्वास गरेका छैनन् । यी नै क्रियाकलाप बारे सफाई दिन र आफू भारत विरोधी नभएको विश्वास दिलाउन भारत भ्रमणमा गएका हुन । पछिल्लो पटक समाजवादी पार्टी भारत भन्दा पनि चीन तिर ढल्केको जानकारहरू बताउंदै आएका छन् । चिनियां दूतावासको दबाबमा आफ्ना सांसद प्रदीप यादवलाई पार्टीबाट निलम्बन गर्नु र पाकिस्तानी दूतावासद्वारा आयोजित भारत विरोधी कार्यक्रममा आफ्ना केन्द्रीय सदस्य रेखा यादवलाई पठाएर समर्थन गरेको समाचार बाहिरिए पछि भारतीय संस्थापन पक्ष उपेन्द्र संग निकै चिढिएको छ ।

महिलामाथि हुने हिंसा अन्त्य गर्न मेरो ऐक्यबद्धता

0
Sanjog Thakuri_kalikaties

सन्दर्भ : अन्तर्राष्ट्रिय पुरुष दिवस                                                                                               – सन्जोग ठकुरी                      

सन् २०१५ मा संयुक्त राज्य अमेरिकाकी एक महिला एलेना लक्जेमले सुरु गर्नुभएको महिलामाथि हुने यौन दुव्र्यवहारबाट आवाज उठाउनका लागि सुरु गरिएको #MeTooले संसारभरमै ठूलो हलचल ल्याइदिएको छ भने हाम्रो समाज महिलाको निम्ति कति धेरै असुरक्षित रहँदै आएको छ भन्ने कुरा उजागर गरिदिएको छ । यसले वर्षौदेखि दबिएका उत्पीडित महिला, किशोरी र बालिकाहरुलाई आवाज प्रदान गर्यो, आफुले भोगेका समस्याहरुबारे बोल्न बल प्रदान गरेको छ । नेपाल पनि यसको प्रभावबाट अछुतो हुने कुरै रहेन । सांसददेखि लिएर सञ्चारकर्मीका कुरा होस् या नाट्य क्षेत्रमा देखिएको दुव्र्यवहारका घटनाहरु हुन् या विभिन्न स्थानमा दिनानुदिन महिलाहरुले भोग्नु पर्ने यौन दुव्र्यवहारका कुरा नै किन नहुन् क्रमशः मुखरित भए र हुँदै पनि जादैछन् र जानु पनि पर्दछ । महिलामाथि भइरहेको यिनै दुव्र्यवहार पूर्ण व्यवहारको विरोध र विरोधमा एकजुट रहनका निम्ति पुरुषहरुको प्रतिबद्धतास्वरुप यस वर्षको अन्तर्राष्ट्रिय पुरुष दिवसको नारा रहेको छ : महिलामाथि हुने हिंसा अन्त्य गर्न मेरो ऐक्यबद्धता ।

संसारभर महिलाको अधिकारको बारेमा कुरा उठिरहँदा सँगसँगै मेन मुभमेन्ट अर्थात् पुरुषको अभियान पनि आउन थाल्यो । पुरुषहरुल पनि एकजुट भएर आफ्ना अधिकार र समस्याका बारेमा कुराकानी सुरु गर्न थाले । पुरुष अभियानलाई खासगरी दुई भागमा बाँड्न सकिन्छ । एउटा पुरुष अधिकार अभियान (Men’s Rights Movement) र दोस्रो उदारवादी पुरुष अभियान (Men’sLiberation Movement) । पुरुष अधिकार अभियान महिला अधिकारकोविरोधमा उभिएको पुरुष अभियान हो ।यो अभियानले दुई कुरालाई खास महत्व दिने गर्दछ । पहिलो महिलालाई पित्तृसत्ताले दिएको जिम्मेवारी महिलाले नै पुरा गर्नु पर्ने र उनीहरुले पुरुषको भाग (काम र शक्तिमा) खोज्न आउन नहुने तर्क अघि सार्दछन् । दोस्रो हो पित्तृसत्ताका कारण विरासतमा पाएका जिम्मावारी र अवसरहरु पुरुषले पुरा गरिरहेका भएर उनीहरुलाई नै बढी सम्मान र अवसर दिइनु पर्ने आवश्यकता औल्याउदछ । उदाहरणका लागि सार्वजनकि यातायातमा महिलालाई मात्र सीट पुरुषलाई चैं खैं ? जागीर वा छात्रवृत्ति जहाँपनि महिलालाई मात्र प्राथमिकता हुँदा हामी पुरुष पछाडि परेका छौं जस्ता विचारले यो अभियानको मर्म बोक्दछ । अब दोस्रो अभियानको विषयमा चर्चा गरौं त्यो हो उदारवादी पुरुष अभियान जसलाई फेमिनिज्मको सहयात्रीको रुपमा पनि हेरिन्छ अर्थात् कोहि पनि व्यक्तिलाई उनको लैंगिक तथा यौनिक अभिमुखिकरणको आधारमा भेदभाव गर्न नहुने विचार यो अभियानले बोकेको छ जुन फेमिनिज्मको पनि मुख्य आधार हो । उदावादी पुरुष अभियानले महिलाले अधिकार माग्ने र पुरुषले दिने भन्ने सोचबाट नभई हरेक मानिस बराबर भएका कारण अवसर, शक्ति, सीपमा समान अधिकार हुन्छ भन्ने सोच राख्दछ । उदाहरणका लागि यो अभियानले शक्तिमा अवसरका कारण पछाडि रहेकोले महिलालाई कोटा प्रणालीबाटै भएपनि अवसर, सीप र शक्तिमा ल्याईनु पर्ने विचार राख्दछ ।

जसरी महिलाको अधिकारको आन्दोलन अघि बढ्यो सँगसँगै पुरुषहरुका पनि यी दुई अभियानहरु अघि बढ्दै गए । हामीले आजको दिनमा खासगरी पश्चिमा मुलुकहरुमा यी दुबै धारका प्रशस्त संस्था तथा अभियानहरु देख्न सक्छौं । भारतमै पनि पुरुष अधिकार अभियानका कार्यहरु भएगरेका देखिन्छन् । नेपालमा संस्थागत रुपमा नआएपनि विचार, लेख, कुराकानी, हाम्रा संस्थागत सोच र संकीर्णता आदिले दैनिक व्यवहारमा पुरुष अधिकार अभियानको भाव प्रशस्त भएको पाउन तपाई हामीलाई गाह्रो छैन । पुरुष अधिकार सम्बन्धी यी दुई अभियानहरुको संघर्षबाट आएको उपज नै अन्तराष्ट्रिय पुरुष दिवस हो ।

के हो अन्तर्राष्ट्रिय पुरुष दिवस
पुरुष दिवसको विषयमा ६० को दशकबाटै कुरा उठ्न सुरु गरेको र सुरुवाती ताका यसलाई फेब्रुअरी २३ तारिखको दिनमा मनाउन थालिएको देखिन्छ । तर केहि समयपछि यसको निरन्तरता घटेपश्चात पुनः सन् १९९९ मा ट्रिनिडाडएण्ड टोबागो स्थिति वेस्ट इन्डिज विश्वविद्यालयका इतिहासका प्राध्यापक डा. जेरोम तिलकसिं (Jerome Teelucksingh) ले १९ नोभेम्बरलाई अन्तर्राष्ट्रिय पुरुष दिवसको रुपमा मनाउन सुरु गरे र यसलाई विश्वव्यापी पनि बनाए । दक्षिण एसियाका भारत र पाकिस्तानमा समेत मनाइने यो दिवस नेपालमा भने गतवर्ष सन् २०१८मा “हामी दाजुभाइ” को सक्रियतामा मनाउन सुरु गरिएको हो ।विश्वमा चिन, अमेरिका, अष्ट्रेलिया, वेलायत, सिंगापुरु, दक्षिण अफ्रिका, डेनमार्क, नर्वे, अष्ट्रिया, जिम्बाबे, घाना, वेस्ट इन्डिज, फ्रान्स, इटाली लगायतका मुलुकमा पनि यो दिवस मनाउँदै आइरहेको छ ।

पितृसत्तात्मक समाजमा महिलाले आफुमाथिको हिंसा जन्मपछि मात्र नभएर जन्मनु अघि गर्भबाटै भोग्न सुरु गर्दछ । गर्भमा छोरी भएकै कारण गर्भ नै तुहाउने होस् या छोरी भएकै कारण घरका काम गर्नु पर्ने बाध्यता, दिनानुदिन समाचारमा आइरहने बलात्कार र एसिड आक्रमणका घटना हुन् या विशिष्ट तथा सार्वजनिक पद ओगटेका मानिसहरुबाट महिलामाथि दुव्र्यवहार र हिंसा भए गरेका सूचनाहरु हुन् हाम्रो समाजमा महिला तथा बालिकाहरु लैंगिक असमानताका कारण सामाजिक र संरचनागत रुपमै कमजोर पार्नका निम्ति यथेष्ट प्रयासहरु नीति, मान्यता, संस्कार, धर्मका नाममा भएगरेका छन् । पित्तृसत्ताले पुरुषलाई शक्तिको केन्द्रविन्दुमा राख्दछ तसर्थ लैंगिक समानताका लागि पुरुषहरुको पनि ऐक्यवद्धता र संलग्नताले लैंगिक समानता हासिल गर्ने हाम्रो लक्ष्य चाँडो र सजिलोसँग प्राप्त हुनेछ । लैंगिक असमानताले पुरुषलाई पनि समस्यामा पारेको छ जसबाट उनीहरुले पनि छुटकारा पाउने छन् । यसबारेमा चर्चा र छलफल गर्ने अन्तर्राष्ट्रिय पुरुष दिवस एउटा महत्वपूर्ण अवसर हो । आजपनि तपाई आफ्ना नानीको लागि भने किण्डर ज्वय नामक चकलेट किन्न जानु भयो भने केटा र केटिका लागि छुट्टाछुट्टै पाईन्छ जसमा केटाका निम्ति आर्मी, प्लेन जस्ता खेलौना पाइन्छ भने केटीका लागि पुतली, उनका लुगा जस्ता कुराहरु तयस चकलेट भित्र हुने गर्दछन् । विश्व चर्चित दाह्री काट्ने मेशिन जिलेटले कसरी हामीहरुले पुरुषको पौरखलाई गलत रुपमा बुझेका छौं भनी एउटा विज्ञापन बनाउँदा यसको विरोधमा कैयन् पुरुषहरु उठे । यो लेख लेख्दा सम्म उक्त भिडियोलाई लाईक गर्ने ८ लाख छन् भने मननपराउने १५ लाख ।

विश्वमा ५ महिलामध्ये एकले जीवनमा यौन दुव्र्यवहार भोग्ने गर्दछन् भने ३ मध्ये एकले हिंसा । यो एउटा डरलाग्दो तथ्यांक हो । त्यस्तैगरी संसारभर १ करोड २० लाख बालिकाहरुको विवाह १८ वर्ष नपुग्दै हुने गरेको छ । जसको अर्थ प्रतिमिनेट २३ जना र प्रति २ सेकेन्डमा १ जना बालिका दुलही हुने गर्दछिन् । नेपाल आफैं पनि दक्षिण एसियामा बाल विवाह उच्च भएको तेस्रो ठूलो देश हो । एक समाचारमा उल्लेख भए अनुसार नेपाल प्रहरिकै तथ्यांकले अन्दाजी प्रति महिना १८५ र प्रतिदिन ६ वटा बलात्कारको घटना प्रहरिकोमा दर्ता हन्छ । तर परिवार र समाजको दबाब तथा लाञ्छना, न्याय पाउने अविश्वासका कारण यस्ता घटना या त दर्ता हुँदैनन् या त बीचमै पीडितले छाडिदिन्छन् जसले पीडकको मनोबललाई थप शक्ति प्रदान गर्छ । महिलामाथि हुने यस्ता हिंसामा पुरुषहरुको संलग्नता अत्याधिक हुने गरेको छ । पछिल्लो समयमा नेपालमै पनि समाचारमा आइरहने बलात्कार, एसिड आक्रमण, सार्वजनिक यातायातमा महिलामाथि हुने दुव्र्यवहार र हिंसा जस्ता अपराधमा किशोरहरुको संलग्नता देखिनु आफैमा दुःखद विषय हो ।

पित्तृसत्ता र पुरुसत्व जस्ता विषयले जसरी महिलालाई गाँजेको छ त्यसै गरी पुरुष र बालकहरु पनि यसका कारण समस्यामा छन् । तसर्थ लैंगिक हिंसा विरुद्ध पुरुषहरुको ऐक्यबद्दता, लैंगिक असमानताका कारण पुरुष र बालकमाथि परेको असर र समाजमा पुरुष र बालकहरुले गरेका सकारात्मक कामहरुको बारेमा चर्चा गर्ने उद्देश्यले तथा नेपाल सरकारले वि.सं. २०७६ लाई “लैंगिक हिंसा विरुद्ध अभियान वर्ष”घोषणा गरेको सन्दर्भमायसवर्ष महिलामाथि हुने हिंसा अन्त्य गर्न मेरो ऐक्यबद्धता भन्ने नाराका साथ अन्तर्राष्ट्रिय पुरुष दिवस मनाउन लागिएको छ ।गत वर्ष यौन दुव्र्यवहारमा बालक पनि पर्दछन् भन्ने नाराका साथ पहिलोपटक नेपालमा अन्तर्राष्ट्रिय पुरुष दिवस मनाइएको थियो । जसरी महिला दिवस हाम्रा आमा, दिदी, वहिनीप्रतिको सम्मानको दिवस हो त्यसरी नै पुरुष दिवस हाम्रा जीवनमा देखिएका असल पुरुषहरुप्रतिको सम्मानको दिवस हो । महिला आन्दोलन र महिला अधिकारलाई वेवास्ता गर्ने दिवस पुरुष दिवस हुन सक्दैन न त वास्तविक अर्थमा पुरुष नै हुन सक्दछ । पूर्व प्रधानान्यायधिस कल्याण श्रेष्ठले गतवर्षको पुरुष दिवसको कार्यक्रममा भन्नु भएको थियो, “महिलामाथि हिंसा र अन्याय गर्ने मानिस पुरुष हुनै सक्दैन । ती त मात्र अपराधीहरु हुन् ।”

लेखक अन्तर्राष्ट्रिय पुरुष दिवस २०१९ का राष्ट्रिय संयोजक तथा हामी दाजुभाइ नामक संस्थाका अध्यक्ष हुन् ।

वीरगंजमा पुरुष दिवस मनाइयाे

0
purus diwas_kalikatimes

वीरगंज । महिला माथि हुने हिंसा अन्त्य गर्न मेरो ऐक्यबद्धता भन्ने नाराका साथ आज अन्तर्राष्ट्रिय पुरुष दिवस वीरगंजमा मनाइएकाे छ । हामी दाजु भाईकाे आयाेजनामा वीरगंजमा ~याली तथा काेण सभाकाे आयाेजना गरि दिवस मनाइएकाे हाे ।

पित्तृसत्ता र पुरुसत्व जस्ता विषयले जसरी महिलालाई गाँजेको छ त्यसै गरी पुरुष र बालकहरु पनि यसका कारण समस्यामा छन् । तसर्थ लैंगिक हिंसा विरुद्ध पुरुषहरुको ऐक्यबद्दता, लैंगिक असमानताका कारण पुरुष र बालकमाथि परेको असर र समाजमा पुरुष र बालकहरुले गरेका सकारात्मक कामहरुको बारेमा चर्चा गर्ने उद्देश्यले तथा नेपाल सरकारले वि.सं. २०७६ लाई “लैंगिक हिंसा विरुद्ध अभियान वर्ष” घोषणा गरेको सन्दर्भमा यसवर्ष दिवस मनाइएकाे हाे ।

गत वर्ष यौन दुव्र्यवहारमा बालक पनि पर्दछन् भन्ने नाराका साथ पहिलो पटक नेपालमा अन्तर्राष्ट्रिय पुरुष दिवस मनाइएको थियो ।

वीरगंजकाे घण्टाघरबाट विभिन्न नारा लेखिएकाे प्ले कार्ड सहित निस्केकाे ~याली माईस्थानमा पुगी काेण सभामा परिणत भएकाे थियाे । सभामा वाेल्ने वक्ताहरुले जसरी महिला दिवस हाम्रा आमा, दिदी, वहिनीप्रतिको सम्मानको दिवस हो त्यसरी नै पुरुष दिवस हाम्रा जीवनमा देखिएका असल पुरुषहरुप्रतिको सम्मानको दिवस भएकाे वताए ।

दिव्य युवा क्लबका कार्यक्रम प्रमुख रामाकान्त पटेलकाे अध्यक्षतामा भएकाे काेण सभामा बिरगंज महानगरपालिकाकी उप-मेयर शान्ति कार्की, भिजिट मधेशका राष्ट्रिय संयोजक ओमप्रकास सरार्फ, विद्यार्थी नेता बद्रीनाथ तिवारी, वीरगन्ज युवा समाजका अध्यक्ष कमल चौलागाईं, समाज सेवी जलेश्वर सरार्फ, धर्मेन्द्र पटेल, कोपिला चौलागाईं लगायतकाले मन्तव्य राखेका थिए ।

डेभलपमेन्ट समाज पर्साका अध्यक्ष राहुल गुप्ताकाे संयाेजनमा भएकाे कार्यक्रमकाे सहजिकरण बाल अधिकार कर्मी जया साहले गरेका थिए । वीरगंजमा पहिलाे पटक पुरुष दिवसकाे अवसरमा कार्यक्रमकाे आयाेजना गरी मनाईएकाे हाे ।

महुवन उपनिर्वाचनको रौनक सांसदको चुनाव भन्दा कम छैन्

0
ghardailo_kalikatimes

वीरगंज । पर्साको सखुवा प्रसौनी गाउँपालिका वडा नं. ५ महुवनमा हुन लागेको वडाध्यक्षको उपनिर्वाचनको चहलपहल सांसदको चुनाव जस्तो देखिएको छ । मंसिर १४ गते हुने उपनिर्वाचनको चहलपहल उम्मेदवारी दर्ता भएको दिन देखी बढन थालेको छ ।

निर्वाचनका मुख्य प्रतिस्पर्धी नेकपा, कांग्रेस र समाजवादीले आ आफ्नो दलको शक्त्ति प्रदर्शन गर्दै मनोनयन दर्ता गरएको थियो । नेकपा र समाजवादीको मनोनयन दर्तामा केन्द्रिय नेता देखी पूर्व सांसद, मन्त्री देखी सांसद सम्मको सभागिता थियो भने कांग्रेसको मनोनयन दर्तामा जिल्ला स्तरका नेता मात्र सहभागि थिए ।

मनोनयन दर्ता भएको भोली पल्ट देखी नै तिनै दलले चुनावी सभा र घरदैलो थालेका छन् । नेपाली कांग्रेसले महुवनमा पार्टीको वडा कार्यालय समेत स्थापन गरी संचालनमा ल्याएको छ । तिनै दलले सयौंको सहभागितामा घरदैलो थालेकाले सांसदको चुनाव जस्तो देखिएको हो । स्थानियका अनुसार यस भन्दा पहिला भएको स्थानिय तहको निर्वाचनमा यतीको चहलपहल देखिएको थिएन ।

गाउँपालिका अध्यक्ष र उपाध्यक्षका उम्मेदवारहरुको घरदैलोमा यस्तै सहभागिता देखिए पनि वडाध्यक्षका उम्मेदवारहरुले गर्ने घरदैलोको सहभागिता भन्दा धेरै गुणा बढीको सहभागितामा अहिले गर्न थालिएको हो । यो पालिकाको चुनावमा वाहिरी सहभागितामा पनि देखिएको स्थानियहरुले जनाएका छन् ।

यसै बिच नेकपाका उम्मेदवार उदयशंकर रौनियारले आज महुवनमा घरदैलो गरेका छन् । सयौंको सहभागितामा वडाध्यक्षका उम्मेदवार रौनियारले घरदैलो गर्दै सुर्य चुनाव चिन्हमा मतदान गर्न मतदाताहरुलाई आग्रह गरेको नेकपाका स्थानिय नेता नरेश जयसवालले वताए । जयसवालका अनुसार नेकपाको घरदैलोमा स्थानिय नेता शम्भु साह तेली, कनाही तेली, कृष्णा पटेल, श्रवण कानु, सुरेन्द्र पासवान, गौरी यादव, शसी गिरी, अशोक राम, नन्दु पटेल, जयराम गिरी, शम्भु रौनियार, पुरन राम, जयकिशोर रौनियार लगायत सय भन्दा बढीको सहभागिता रहेको थियो ।

यस्तै नेपाली कांग्रेसका उम्मेदवार अशेसर प्रसाद यादवले पनि महुवनमा घरदैलो गरेका छन् । वडाध्यक्षका उम्मेदवार यादवले महुवनमा घरदैलो गर्दै मतदाताहरु संग नेपाली कांग्रेसको चुनाव चिन्ह रुखमा मतदान गर्न आग्रह गरेको स्थानिय युवराज यादवले वताए । उनका अनुसार नेपाली कांग्रेसकाे घरदैलाेमा निर गिरी, जटाशंकर यादव, सिताराम यादव, पप्पु यादव लगायत सय भन्दा बढीकाे सहभागिता रहेकाे थियाे ।

यस्तै समाजवादी पार्टीका उम्मेदवार रुपलाल यादवले आइतबार बलुवा र सोलखपुरमा सयौंको सहभागितामा घरदैलो गरेका थिए । वडाध्यक्षका उम्मेदवार यादवले घरदैलाे गर्दै पार्टीकाे चुनाव चिन्ह पंजामा मतदान गर्न मतादाताहरु संग आग्रह गरेका थिए । जुन घरदैलाे कार्यक्रममा गाउँपालिका अध्यक्ष समेत रहेका समाजवादीका जिल्ला सदस्य प्रदिप जयसवाल लगायतकाकाे सहभागिता रहेकाे थियाे ।

दिनहु जसो हुने विभिन्न दलको घरदैलो, चुनावी सभा र भोजभत्तेरले मंसिर १४ गते हुने उप निर्वाचनको चहलपहल सांसदको चुनाव जस्तो नै देखिएको स्थानियहरुले वताएका छन् ।

अक्षय र करिनाको ‘गुड न्यूज’ ट्रेलर रिलिज

0
good news trailer_kalikatimes

अक्षय कुमार, करिना कपुर, दिलजित र कियरा अडवानीको मुख्य भूमिका रहेको चलचित्र ‘गुड न्यूज’को ट्रेलर सार्वजनिक भएको छ । राज मेहत्ताको निर्देशनमा तयार भएको यो चलचित्रलाई धर्मा प्रोडक्शनले निर्माण गरेको हो । चलचित्रमा ज्योती कपुरको कथा तथा पटकथा छ ।

चलचित्रको ट्रेलरलाई कमेडी शैलीमा तयार पारिएको छ । एक फरक कथामा तयार भएको चलचित्रले बक्स अफिसमा राम्रो कमाई गर्ने अपेक्षा गरिएको छ ।

सन्तानको अपेक्षामा रहेका २ जोडीको कथामा यो चलचित्र बनेको छ । चलचित्र डिसेम्बर २७ तारिखबाट रिलिज हुँदैछ ।

बसकाे ठक्करले युवककाे मृत्यु

0
sawari durghatana_kalikatimes

वीरगंज । वीरगंज-कलैया सडकखण्ड अन्तर्गत बाराको परवनिपुर गाउँ पलिक वडा नं. ५ श्री रामा जानकी मन्दिर सडकमा बसको ठक्करबाट एकजनाको मृत्यु भएको छ । मृत्यु हुनेमा पैदल यात्रु स्थानिय १९ वर्षिय दिपेश साह रहेका छन् ।

वीरगंजबाट घर फर्कने क्रममा कलैया तर्फ जाँदै गरेको ना ४ ख ३७५६ नम्बरको बसले बेलुका ५ बजे ठक्कर दिए पछी घटना स्थलमै मृत्यु भएको थियो । घटना लगत्तै स्थानीयले केही समयको लागि सडक अवरुद्ध  समेत गरेका थिए ।

जिल्ला प्रहरी कर्यालय बाराले बसबकाे ठक्करबाट साहको घटनास्थलमा नै मृत्यु भएको जनाएको छ । ठक्कर दिने बस चालक फरार रहेको र बस प्रहरीको नियन्त्रणमा रहेको जिल्ला प्रहरी कार्यालय बाराका प्रवक्ता प्रहरी नायव उपरीक्षक रञ्जितसिंह राठौरले जानकारी दिए ।

वीरगंज महानगरकाे निर्माण योजनाले तिब्रता पाए

0
sadak nirman_kalikatimes

वीरगंज । वीरगंज महानगरपालिकाको जनप्रतिनिधिहरुको सक्रियता पछि संधन सहरी योजनाले तिब्रता लिएको छ । नगर प्रमुख विजय कुमार सरावगीको अध्यक्षमा  बसेको त्रिपक्षीय बैठकले सधन सहरीयोनालाई तिब्रता दिने निर्णय पश्चात  महानगरपालिका मित्र रहेका सडक तथा नाला निर्माण कार्यलाई तिब्रता दिइएको हो ।

महानगरपालिकाका जनप्रतिनिधि, सधन सहरी एवं भवन कार्यालय र ठेक्केदार पक्ष विच भएको छलफलमा आएका सवै अवरोधहरुलाई बल पुर्वक समाधान गर्ने सहमती भएको थियो । स्थानिय वडा वासिहरुद्धारा उत्पन्न गरिएको अवरोधहरुलाई अबिलम्ब समाधान गर्न वडाअध्यक्षहरुलाई नगर प्रमुख सरावगीले दिएको निर्देशन पक्ष्चात निर्माण कार्यमा तिब्रता आएको हो ।

यसैगरी महानगरपालिकालाई जिल्लासगं जोडने महानगरपालिकाको मुटुकै रुपमा रहेको  घण्टाघर – रानीघाट हुदै रामगढवामा हुलाकि सडकसगं जोडने सडक तथा नाला निर्माणको  कामले तिब्रता पाएको छ । ठेकदारले  निर्माणठेक्का लिएको तिन बर्षसम्म पनि बाटो निर्माणका कार्यलाई सुरु नगरेको कारण जिल्लाको ग्रामिण भेगबाट आवागमन गर्ने सवारी एवम जिल्लावासीलाई ठुलो सास्ती भोगनु परेको थियो ।

रानीघाटका स्थानियहरुले नगरप्रमुख विजयकुमार सरावगीलाई गुनासो गरेपछि  सरावगीको पहलमा वीरगन्जको घण्टाघर देखि रानीघाटको पुल जाने बाटो निर्माणका  कामले तिब्रता पाएको हो । काम सुरु भएको देखेर रानीघाटका स्थानियहरु चौकमा जम्मा भई नगरप्रमुख सरावगीलाई धन्यबाद समेत दिएका छन ।