वीरगंज । पर्साको पोखरिया नगरपालिका वडा नं. ८ जगतपुरको सडक अतिक्रमण सम्बन्धि विवाद साम्य भएको छ । पर्साका प्रमुख जिल्ला अधिकारी नारायण प्रसाद भट्टराई नतृत्वको गएको टोलीको उपस्थितीमा गाउँ भेला बसी सहमतीमा विवाद साम्य भएको हो ।
- Advertisement -
गाउँको मुख्य सडक अन्तर्गत ३० फिट भित्र पर्ने घर टहराहरु ५ दिन भित्र हटाउने सहमतीमा ववाद साम्य भएको वडाध्यक्ष किशोरी साहले वताए । सडक अतिक्रमण हटाउने सम्बन्धमा विवाद हुदा त्यहाँ हुने विकास निर्माणको काम प्रभावित हुदै आएको थियो ।
विवाद साम्य भए पछि अब बिकास निर्माणको काम अगाडी बढाउन सजिलो हुने नगरपालिकाका मेयर दिपनारायण रौनियारले वताए । विवाद समाधान गर्न भएको भेलामा मेयर रौनियार, पर्साका प्रहरी उपरिक्षक सोमेन्द्र सिंह राठोर, सशस्त्रका प्रहरी उपरिक्षक लगायतको उपस्थिती रहेको थियो ।
