वीरगंज, २० पुस ।
पर्साका क्रियाशिल गैर सरकारी संस्थाहरु संग पर्साका प्रमुख जिल्ला अधिकारी नारायण प्रसाद भट्टाराई बिहिबार विपद व्यवस्थापन सम्बन्धमा छलफल गर्नु भएको छ । गैसस महासंघ नेपाल पर्साको समन्वयमा जिल्ला प्रशासन कार्यालय, पर्सामा गैर सरकारी संस्थाहरुको बैठक बोलाई जिल्ला विपद व्यवस्थापनन समितिका अध्यक्ष समेत रहेको प्रजिअ भट्टाराई छलफल गर्नु भएको हो ।

बैठकमा बौल्दै प्रजिअ भट्टाराईले शितलहर सुरु हुनु भन्दा पहिला नै सजक गराउन हिसाबले भोली देखी नै काममा लाग्न बैठकमा सहभागि गैर सरकारी संस्थाका पदाधिकारीहरुलाई आग्रह समेत गर्नु भयो । प्रजिअ भट्टाराईले विपद व्यवस्थापनको लागि सबैले आ आफ्नो ठाउँबाट लाग्नु पर्ने र शितलहरको बारेमा सजक गराउनुको साथै सुचना प्रवाहमा सहयोग गर्नु पर्ने बताउनु भयो ।

बैठकमा सहभागि गैर सरकारी संस्थाका अध्यक्ष एवं प्रतिनिधिहरुलाई संग संगै मिलेर काम गर्नु पर्ने बताउदै भट्टाराईले कहि कतै विपदको घटना भए सुचना प्रवाह समेत गर्नु पर्ने बताउनु भयो ।

बैठकमा पर्साका सहायक प्रमुख जिल्ला अधिकारी नेत्र प्रसाद शर्मा, जिल्ला प्रहरी कार्यालय, पर्साका प्रमुख प्रहरी उपरिक्षक रेवती ढकाल, सशस्त्र प्रहरी उपरिक्षक प्रेम द्धवज साह, गैसस महासंघ नेपाल, पर्साका अध्यक्ष छठु साह, रितेश त्रिपाठी, तबरेज अहमम्द, इब्राहिम देवान, सुरज पण्डित लगायतकाको उपस्थिती रहेको थियो ।

वीरगंज, १९ पुस ।

वीरगन्ज महानगरपालिका कर्मचारी बिहीबारदेखि कामकाज ठप्प पारेर अनिश्चितकालिन आन्दोलनमा उत्रिएका छन् । कर्मचारी आन्दोलनमा उत्रिएका कारण बिहीबारदेखि महानगरपालिकाको काम ठप्प भएको छ । कर्मचारीको अनिश्चितकालिन आन्दोलनका कारण महानगरपालिकामा वारुण यन्त्र शाखाको काम बाहेक महानगरको फोहोर संकलन, कार्यालयका प्रशासनिक लगायतका सबै कामकाज ठप्प भएको हो ।

स्थानीय तह कर्मचारी संघ नेपाल वीरगन्ज महानगरपालिका इकाइ र नेपाल नगरपालिका कर्मचारी एशोसिएसन वीरगन्ज महानगरपालिका इकाइ समितिको आह्वानमा महानगरपालिकामा अस्थायी, करार र ज्यालादारी गरी कार्यरत कर्मचारी कामकाज नै ठप्प पारेर आन्दोलनमा उत्रिएका हुन् ।

अस्थायी, करार र ज्यालादारीमा कार्यरत कर्मचारीको रोजगारीको ग्यारेन्टी गर्नुपर्ने, कर्मचारीको वृतिविकास र बढुवा हुनुपर्ने, तहगत दरबन्दी लागू गर्नु पर्ने लगायतका माग आन्दोलनरत कर्मचारीको छ।

आफ्ना मागका बारेमा वीरगन्ज महानगरपालिकाका नगर प्रमुख र प्रमुख प्रशाकीय अधिकृतलाई पटकपटक ध्यानाकर्षण गराउँदा पनि कुनै सुनुवाई नभएपछि कामकाज ठप्प पारेर आन्दोलनमा उत्रिन बाध्य भएको स्थानीय तह कर्मचारी संघ नेपाल वीरगन्ज  इकाइ समितिका अध्यक्ष मुकेश गुप्ताले बताए ।

वीरगंज, १८ पुस ।
पर्साको जिराभवानी गाउँपालिकाको वडा नं. ३, जितपुर स्थित गहु बारीमा बुधबार फेला परेको शवको पहिचान भएको छ । फेला परेको शव जिराभवानी गाउँपालिकाको वडा नं. २, सेढवाको मुसहर बस्ती घर भएका अन्दाजी ३० बर्षिय विनोद माझीको रहेको प्रहरीले जनाएको छ ।

बुधबार विहान ९ः४५ बजेको समयमा स्थानियहरु माझीलाई अचेत अवस्थामा देखे पछि प्रहरीलाई खबर गरेका थिए । माझीलाई उपचारको लागि नारायणी उप–क्षेत्रिय अस्पतालमा ल्याउदै गर्दा बाटोमा नै मृत्यु भएकोे जिल्ला प्रहरी कार्यालय, पर्साले जनाएको छ । शव पोष्टमार्टमको लागि नारायणी उपक्षेत्रिय अस्पतालमा राखिएको छ ।

विपन्न समुदायका मmाझी हुन रहेको र चिसोका कारण मृत्यु भएको हुन सकने स्थानियहरुको अनुमान रहेको छ । घटना बारे अनुसन्धान भइरहेको र पोष्टमार्टम पछि मात्र केही भन्न सकिने प्रहरी जनाएको छ ।