Date
सोम, मंसिर ७, २०८३
Mon, November 23, 2026
Home Blog Page 1066

पर्साकाे महुवन मतदान केन्द्रमा ८२ प्रतिशत मत खस्याे

0
mahuwan matdan kendra2_kalikatimes

वीरगंज । पर्साकाे सखुवा प्रसाैनी गाउँपालिकाकाे वडा नं. ५ महुवनकाे उपनिर्वाचन आज कडा सुरक्षाकाे बिच शान्तिपूर्ण रुपले सम्पन्न भएकाे छ । श्री नेपाल राष्ट्रिय मा‍.वि. महुवन मतदान केन्द्रमा भएकाे मतदानमा जम्मा २ हजार एक सय २८ मत खसेकाे छ ।

महिला ९ सय १७ र पुरुष एक हजार २ सय ११ गरी जम्मा २ हजार एक सय २८ मत खसेकाे निर्वाचन अधिकृत रंजिता झाले वताइन । २ हजार ६ सय २ मतदाता  मध्ये ८२ प्रतिशत मतदान भएकाे अधिकृत झाले जानकारी गराइन । कडा सुरक्षाकाे विच विहान ७ बजे देखी सुरु भएकाे मतदान शान्तिपूर्ण रुपले सांझ ५ बजे सम्पन्न भएकाे हाे ।

हाल मतपेटिका मतगणता केन्द्र औंराहा पाँचगावामा लग्ने कार्य भइरहेकाे हाम्रा सम्वाददाताले जनाएका छन् । मतपेटिका मतगणना केन्द्रमा पुगि सके पछि सर्वदलिय बैठक बसी मतगणना सुरु गरिने वताइएकाे छ ।

मतदान केन्द्रलाई तिन तहकाे सुरक्षा निकायले सुरक्षा दिएका थिए । पहिलाे चरणमा जनपथ प्रहरी, दाेस्राेमा सशस्त्र प्रहरी र तेस्राेमा नेपाली सेना गरी तिन तहका सुरक्षा निकायले सुरक्षा दिएका थिए । २५ जना सेना गरी जनपथ र सशसत्र प्रहरीकाे वाक्लाे संख्यामा शान्ति सुरक्षाकाे लागि खटाइएकाे थियाे । मतदान केन्द्रलाई चारै तर्फबाट सेनाले घेरा हालेर सुरक्षा दिएकाे थियाे ।

मतदान केन्द्र भन्दा ५ सय मिटर टाढा आम जनतालाई राखिएकाे थियाे । आ आफ्नाे उम्मेदवारकाे समर्थनमा उम्मेदवारी दिएका दलका नेता तथा स्थानियहरुकाे भिड लागेकाे थियाे ।

वडाध्यक्षकाे लागि भइरहेकाे उपचुनावमा नेकपाबाट उदयशंकर, नेपाली कांग्रेसबाट अशेसर यदाव, समाजवादी पार्टीबाट रुपलाल यादव, राप्रपाबाट सदरी महरा र स्वतन्त्र उम्मेदवार गाेपाल साह कानु गरी ५ जना चुनावी प्रतिस्पर्धामा छन् ।

महुवन मतदान केन्द्रमा नेताहरुकाे भिड

0
mahuwan matdan kendra

वीरगंज । पर्साकाे सखुवा प्रसाैनी गाउँपालिका वडा नं. ५ महुवन उपनिर्वाचनकाे मतदान केन्द्रमा नेताहरुकाे भिड लागेकाे छ । वडाध्यक्षकाे लागि आज भइरहेकाे निर्वाचनकाे मतदान केन्द्रमा चुनावी प्रतिस्पर्धी दलका नेताहरुकाे भिड देखिएकाे हाे ।

श्री नेपाल राष्ट्रिय माध्यमिक विद्यालय महुवमा रहेकाे मतदान केन्द्र बाहिर नेकपा, नेपाली कांग्रेस र समाजवादी पार्टीका नेताहरुकाे वाक्लाे उपस्थिती छ । नेकपाका प्रदेश २ का सह संयाेजक नागेन्द्र चाैधरी, केन्द्रिय सदस्य रामचन्द्र साह, नेता राजकुमार गुप्ता, शम्भु गुप्ताकाे उपस्थिती रहेकाे छ ।

यस्तै नेपाली कांग्रेसका केन्द्रिय सदस्य रमेश रिजाल, अजय चाैरसिया, पूर्व केन्द्रिय सदस्य सुरेन्द्र चाैधरी, जिल्ला सभापति अजय द्विवेदी, युवा नेता नविन सिंह लगायतकाे उपस्थित रहेकाे छ ।

यस्तै समाजवादी पार्टीका केन्द्रिय सदस्य एवं निलम्बित सांंसद हरिनारायण राैनियार, प्रदेश सांसद प्रहलाद गिरी, मंजुर अन्सारी, सिंघासन साह कलवार, जन्नत अन्सारी,  करिमा बेग्म, जिल्ला अध्यक्ष रामनरेश यादव, जिल्ला सचिव तबरेज अहमद लागयतकाे नेता तथा कार्यकर्ताहरुकाे उपस्थिती रहेकाे छ ।

तिनै दलका नेताहरु आ आफ्नाे पार्टीका उम्मेदवारलाई जिताउन प्रयासरत देखिन्छन ।

यता नेपाली कांग्रेस र समाजवादीका उम्मेदवार तथा नेताहरुले आफुहरु नै जुनवा जिति रहेकाे दावी गर्दै दुबैले आफुहरुलाई नेकपाका उम्मेदवारले समर्थन गरिसकेकाे वताइरहेका छन् ।  तर याे कुरा नेकपाका नेताहरु हवादारी भएकाे वताए छन् ।

यता समाचार लेख्दाकाे समय सम्म १९ सय ५० जनाले मतदान गरिसकेका छन् । विहान ७ बजे देखी सुरु भएकाे मतदान सांझ ५ बजे सम्म चल्ने छ । मतदान शान्तिपूर्ण रुपले भइरहेकाे छ ।

महुवन उपनिर्वाचन : प्रदिप जयसवाल र नीर गिरी बिचकाे जुङ्गाकाे लडाई

0
mahuwan upchunaw_kalikatimes

वीरगंज । पर्साकाे सखुवा प्रसाैनी गाउँपालिका वडा नं. ५ महुवनमा आज भइरहेकाे उपनिर्वाचन स्थानिय प्रदिप जयसवाल र नीर गिरी बिचकाे जुङ्गाकाे लडाई भएकाे छ ।

वडाध्यक्षकाे लागि भइरहेकाे उपनिर्वाचन समाजवादी पार्टीका नेता एवं गाउँपालिका अध्यक्ष प्रदिप जयसवाल र नेपाली कांग्रेसका नेता एवं गत निर्वाचनका गाउँपालिका अध्यक्षका उम्मेदवार नीर गिरीले जुङ्गाकाे लडाईकाे रुपमा लिएकाे स्थानियहरुले वताएका छन् ।

गाउँपालिका अध्यक्ष जयसवाल समाजवादी पार्टीका उम्मेदवार रुपलाल यादवलाई जिताउन र गत निर्वाचनका गाउँपालिका अध्यक्षका प्रत्यासी गिरी नेपाली कांग्रेसका उम्मेदवार अशेसर यादवलाई जिताउन कमर कसेर लागेका छन् । दुबै जना आ आफ्नाे पार्टीका उम्मेदवारकाे हार जितलाई आफ्नाे प्रतिस्ठाकाे रुपमा लिएकाे स्थानियहरुकाे भनाई छ ।

तत्तकालिन संघिय समाजवादी फाेरमबाट निर्वाचित बृजमाेहन यादवकाे हृदयघातका कारण निधन भए पछि साेही पदपुर्तिकाे लागि आज उपनिर्वाचन हुदैछ । समाजवादी पार्टीले बृजमाेहन कै जेठाे छाेरा रुपलाललाई उम्मेदवार बनाएकाे छ । उनलाई नै जिताई आफ्नाे साख बचाई राख्न जयसवाल लागि परेका छन् ।

गत निर्वाचनमा तत्तकालिन एमालेबाट गाउँपालिका अध्यक्षका उम्मेदवार भएका गिरी हाल नेपाली कांग्रेसमा छन् । गाउँपालिका अध्यक्षमा जयसवालबाट केही मतले मात्र पराजित भएका गिरी आफ्नाे पार्टीका उम्मेदवार अशेसरलाई जिताई आफ्नाे गुमेकाे शाख फिर्ता गर्न लागि परेका छन् ।

दुबै जना महुवन निवासी नै हुन् । श्री ने.रा.मा.वि. महुवन मतदान केन्द्रमा मतदान भइरहदा दुबै जना मतदान केन्द्र बाहिर मतदातालाई रिझाउन ब्यस्त देखिएका छन् । दुबै जनाकाे कार्यशैली देख्दा उनीहरु नै चुनाव लड्डेकाे महसुस गर्न सकिन्छ ।

नेकपाबाट उदयशंकर राैनियार चुनावी प्रतिस्पर्धामा छन् । समाजवादी, नेपाली कांग्रेस र नेकपाका उम्मेदवार बिच नै त्रिपक्षिय कडा प्रतिस्पर्धा रहेकाे छ ।

मतदान केन्द्र बाहिर तिनै दलका नेता, कार्यकर्ता र समर्थकहरुकाे भिड लागेकाे छ । तिन दलका उम्मेदवार, नेता, कार्यकर्ता र समर्थकहरुकाे आ आफ्नाे पार्टी कै जित सुनिश्चित रहेकाे दावी गरिरहेका छन् । विहान ७ बजेबाट सुरु भएकाे मतदान सांझ ५ बजे सम्म चल्ने वताइएकाे छ ।

मतदान सम्पन्न भए पछि मतदाताहरुले गरेकाे मतदानकाे मत पेटिका मतगणना स्थलमा लगिने छ । त्यसकाे केही बेर मै मतगणना सुचारु हुने र त्यस पछि मात्र नतिजा थाह पाउन सकिने छ । निर्वाचनमा त्रिपक्षिय कडा प्रतिस्पर्धा रहेकाले चुनावनी परिणाम सम्बन्धमा अहिले केही भन्न नसिकने स्थानीयहरुले वताएका छन् ।

लखनपुरमा ट्रिपरले ई रिक्सालाई ठक्कर दिदा ६ घाइते

0
sawari durghatana_kalikatimes

वीरगंज । पर्साकाे सखुवा प्रसाैनी गाउँपालिका वडा नं. ६ लखनपुरमा ट्रिपरले ई रिक्साई ठक्कर दिदा दिदा ६ जना घाइते भएका छन् । घाइते हुनेमा ई रिक्सामा सवार यात्रु पर्साकाे पटेर्वा सुगाैली गाउँपालिका वडा नं. ५ निचुटा निवासी जाेगिन्द्र यादव, रामबालक साह कानु, संताेशी देवी, लालमुनी देवी यादव, धिरज यादव, लालसा देवी यादव घाइते भएका छन् ।

घाइतेहरुकाे नारायणी अस्पताल वीरगंजमा उपचार भइरहेकाे छ । घाइतेहरु मध्ये केहीकाे हातखुट्ट पनि भाँचेकाे छ ।

ना. ७ ख. ८११६ नम्बरकाे ट्रिपरले ना. २ ह. २७३३ नम्बरकाे ई रिक्सालाई लखनपुर स्थित नहर चाेकमा ठक्कर दिदा दुर्घटना भएकाे प्रहरीले जनाएकाे छ । ठक्कर दिने ट्रिपर र ई रिक्सा इलाका प्रहरी कार्यालय पाेखरियाकाे नियन्त्रणमा रहेकाे छ ।

वीरगंज तर्फ आइरहेकाे ई रिक्सालाई विपरित दिसाबाट आईरहेकाे ट्रिपरले ठक्कर दिएकाे हाे ।

महुवनमा कडा सुरक्षाकाे बिच मतदान हुदै, १२ सय जनाले गरे मतदान

0
mahuwan matdan kendra_kalikatimes
महुवन मतदान केन्द्रमा मतदान गर्दै एक जेष्ठ नागरि । तस्बिर : प्रणय साह

वीरगंज । पर्साकाे सखुवा प्रसाैनी गाउँपालिकाकाे वडा नं. ५ महुवनकाे उपनिर्वाचन आज कडा सुरक्षाकाे बिच शान्तिपूर्ण रुपले भइरहेकाे छ । श्री नेपाल राष्ट्रिय मा‍.वि. महुवन मतदान केन्द्रमा कडा सुरक्षाकाे विच विहान ७ बजे देखी सुरु भएकाे मतदान शान्तिपूर्ण रुपले भइरहेकाे हाम्रा सम्वाददाताले जनाएका छन् ।

मतदान केन्द्रलाई तिन तहकाे सुरक्षा निकायले सुरक्षा दिइरहेका छन् । पहिलाे चरणमा जनपथ प्रहरी, दाेस्राेमा सशस्त्र प्रहरी र तेस्राेमा नेपाली सेना गरी तिन तहका सुरक्षा निकायले सुरक्षा दिइरहेका छन् । २५ जना सेना गरी जनपथ र सशसत्र प्रहरीकाे वाक्लाे संख्यामा शान्ति सुरक्षाकाे लागि खटाइएकाे छ । मतदान केन्द्रलाई चारै तर्फबाट सेनाले घेरा हालेर सुरक्षा दिईरहेकाे छ ।

mahuwan matdan kendra2_kalikatimes
महुवन मतदान केन्द्रमा मतदान गर्नकाे लागि लाइनमा बसेका मतदाताहरु । तस्बिर : प्रणय साह

मतदान केन्द्र भन्दा ५ सय मिटर टाढा आम जनतालाई राखिएकाे छ । आ आफ्नाे उम्मेदवारकाे समर्थनमा उम्मेदवारी दिएका दलका नेता तथा स्थानियहरुकाे भिड लागेकाे छ । वडाध्यक्षकाे लागि भइरहेकाे उपचुनावमा २ हजार ६ सय २ मतदाता रहेका छन् ।

जस मध्ये समाचार लेख्दा सम्म १२ सय जनाले मतदान गरि सकेकाे निर्वाचन अधिकृतले जनाएका छन् ।

नेकपाबाट उदयशंकर, नेपाली कांग्रेसबाट अशेसर यदाव, समाजवादी पार्टीबाट रुपलाल यादव, राप्रपाबाट सदरी महरा र स्वतन्त्र उम्मेदवार गाेपाल साह कानु गरी ५ जना चुनावी प्रतिस्पर्धामा छन् ।

नेपालकाे प्रबेशद्वार शंकराचार्यमा सरसफाईलाई निरन्तरता दिदै

0
sankaracharya_sarsafai_kalikatimes
सरसफाई गरिए पछि नेपालकाे मुख्य प्रबेशद्वार शंकराचार्य । तस्बिर : कालिका टाइम्स

वीरगंज । नेपालकाे मुख्य प्रबेशद्वार शंकराचार्यमा आज तेस्राे शनिबार पनि सरसफाई गरिएकाे छ । ‘भोलन्टियर’ नामक समूह वीरगंजको आयाेजनामा बीरगंज रक्सौल वीचमा रहेको मितेरी पुल नजिक शंकराचार्य गेट र आसपासको क्षेत्रमा सरसफाई गरिएकाे हाे ।

सरसफाई अभियानमा महानगरपालिकाले अरु शनिबार साथ दिए जस्ताे आज पनि दिएकाे छ । महानगरले बु्रमर, दमकल सहित केहि सरसफाईकर्मी पठाएर सहयाेग गर्दै आएकाे छ ।

यसका साथै सरसफाई अभियान अन्तर्गत नै शंकराचार्यद्वारमा रहेकाे नेपालकाे झन्डा फेरिएकाे छ । हिजाे शुक्रबार शंकराचार्यद्वारकाे अवलाेकन तथा निरिक्षण गर्दै पर्साका प्रमुख जिल्ला अधिकारी नारायण प्रसाद भट्टराईले झन्डा फेर्ने गरेकाे आग्रह अनुसार झन्डा समेत फेरिएकाे भाेलन्टियर वीरगंजका संयाेजक राजन श्रीवास्तवले वताए ।

सरसफाई सम्पन्न पश्चात सरसफाई अभियानकर्मीहरु शंकराचार्यद्वारकाे झन्डा फेर्दै राष्ट्रगान समेत गाएकाे भाेलन्टियर समुहका महासचिव श्याम सरार्फले वताए ।

सरसफाई कार्यक्रममा वीरगंज महानगरपालिकाका मेयर वीजय सरावगी, नेकपाका युवा नेता अरबिन्द सिंह, भोलेन्टियर समुहका करण यादव, राजा रौनियार, बिनय गुप्ता, कम्लेश कुश्ववाहा, नुतन सरावगी, सुशिला पौडेल, देवेस गुप्ता, अनिल हजरा, सेशकुमार हजरा, बिक्की सरार्फ, अनिस कुश्वाहा, किस्सु सरार्फ, राजा सरार्फ, दिपलाल साह लगायतकाे सहभागिता रहेकाे थियाे ।

भिखमपुरमा आँखा शिविर सम्पन्न

0
ankha sibir_kalikatimes_n

वीरगंज । पर्साको धोविनी गाउँपालिला वडा नं. २ भिखमपुरमा आज नि:शुल्क अँखा शिविर समपन्न भएको छ । सामुदायिक आँखा अस्पताल हेटौंडाको सहयोग र जन सामुदायिक विकास केन्द्र भिखमपुर पर्साको आयोजना शिविर सम्पन्न भएकाे हाे ।

शिविरकाे उदघाटन पर्साका प्रमुख जिल्ला अधिकारी नारायण प्रसाद भट्टराईले फिता काटेर गर्नु भएको थियो । शिविरमा ३ सय ४४ जनाको आँखा परिक्षण भएकाे थियो । जसमा ९७ जनामा मोतिया विन्द समेत फेला परेको आयाेजक संस्थाका अध्यक्षा संताेष पटेलले वताए ।  आखाँ परिक्षण गराएका विरामीहरुलाई औषधी समेत वितरण गरिएकाे पटेलले वताए ।

आयोजक संस्थाका अध्यक्ष पटेलको अध्यक्षता भएकाे कार्यक्रममा धाेबिनी गाउँपालिकाका प्रमुख प्रशासकिय अधिकृत सुरेश साह, वडाध्यक्ष ललन पटेल, नन्दलाल राउत कुर्मी, नगिना यादव, सरिफा गदी, गाउँपालिका स्वास्थ संयोजक संजय यादव, भिखमपुर प्राथमिक स्वास्थ चौकीका स्वास्थकर्मी नवनित रौनियार, समाजिक अभियान्ता प्रकाश थारु, हेटौंडा आँखा अस्पतालका महिला स्वास्थकर्मी सृजना भुसाल लगायतकाले मतव्य व्यक्त राखेका थिए ।

शिविरमा डा. सृजना भुसाल, कन्च्न चौधरी र जनक वस्तीले चेकजाँच गरेका थिए । मोतियाबिन्दु फेलापरेकाहरुलाई नि:शुल्क हेटौंडा अँखा अस्पतालमा सल्यक्रिया समेत गरिने आयोजक संस्थाका अध्यक्ष सन्तोष पटेलले बताए । अध्यक्ष पटेलका अनुसार याे शिविर संस्थाले पांचाै पटक आयाेजना गरेकाे हाे ।

निजगढमा यात्रु बाहक बस पुलबाट तल खस्दा ३० यात्रु घाइते

0
sawari durghatana2_kalikatimes

वीरगंज । पूर्वपश्चिम राजमार्ग अन्तर्गत बाराको निजगढमा यात्रु बाहक बस पुलबाट तल खस्दा बसमा सवार ३० जना यात्रु घाइते भएका छ्न । निजगढ नगरपालिका–८ स्थित उनासी पुलमा यात्रुबाहक बस पुलबाट तल खसेको हो ।

जनकपुरबाट विहान छुटेको ना ४ ख ७९९० यात्रुबाहक बस पुलको दक्षितर्फबाट करिब १० फिट तल झरेर बस पल्टिएको हो । बस पुलबाट खस्दा बसमा सवार ३० जना यात्रु घाईते भएकाे प्रहरीले जनाएकाे छ । घाईतेहरुकाे स्थानीय निजगढ सामुदायिक अस्पतालमा उपचार हुन नसके पछि २८ जनाकाे उपचार वीरगंज स्थित नेशलन मेडिकल कलेजमा भइरहेकाे छ भने २ जना लागि काठमाण्डाै लगिएकाे छ ।

गम्भीर घाइते २ जना आर्मीलाई थप उपचारकाे लागि काठमाण्डाै स्थित आर्मी हस्पिटल लगिएकाे ईलाका प्रहरी कार्यालय निजगढले जनाएको छ । घाइते मध्ये ४ अवस्था गम्भिर रहेको छ । जसमा एक जना प्रहरी पनि रहेका छन् ।

yatrau ghaite_kalikatimes

घाईतेलाई नेपाल प्रहरी, शसस्त्र प्रहरी, द्रुतमार्गमा खटिएको नेपाली सेना र स्थानीयले उद्धार गरेका थिए। भैरहवाका लागि ४० जना यात्रु बोकेर गन्तव्यतर्फ लागेको बस निजगढ बजारबाट ३ किलो मिटरपश्चिमतर्फ निजगढ–काठमाण्डौं फास्ट ट्रयाकको प्रवेशद्धार नजिक रहेको उनासी पुलको बार भत्काउँदै तल झरेको थियो ।

पट्टा भाँचिएर बस दुर्घटनामा परेको चालक धनुषाको मिथिला नगरपालिका ३ का २८ वर्षिय सुनिल यादवलाई उदृत गर्दै ईलाका प्रहरी कार्यालय निजगढका प्रहरी निरीक्षक विकाश थपलियाले जानकारी दिए । तिब्र गतिमा रहेको बसको अगाडी पट्टा भाँचिएको कारण अनियन्त्रित भएर पुलबाट खसेको प्रहरीले जनाएको छ।

भोलन्टियरको सरसफाई अभियान प्रति प्रजिअ भट्टराईको चासो, शंकराचार्य गेटको अवलोकन तथा निरिक्षण

0
sakaracharya sarsafai_kalikatimes

वीरगंज । भोलन्टिएर समुहले थालेको सरसफाई अभियान तर्फ पर्साका प्रमुख जिल्ला अधिकारी नारायण प्रसाद भट्टराईको चासो बढेको छ । भोलन्टियरको आयोजनामा नेपाल प्रवेश गर्ने मुख्यद्वार ‘गेट वे अफ नेपाल’ भनिरे चिनिने शंकराचार्य प्रवेशद्वारमा २ हप्ता पहिला देखी प्रत्येक शनिबार  हुन थालेको सरसफाई प्रति प्रजिअ भट्टराईको चासो बढेको हो ।

‘भोलन्टियर’ नामक वीरगञ्जका सचेत तन्नेरी आवद्ध समूहको आव्हानमा बीरगंज रक्सौल वीचमा रहेको मितेरी पुल नजिक शंकराचार्य गेट र आसपासको क्षेत्रमा प्रत्येक शनिबार सरसफाई हुदै आएको छ । सरसफाईमा जुटेका तन्नेरी अभियानकर्मीलाई वीरगञ्ज महानगरपालिकाले समेत साथ दिएको छ । सरसफाई अभियानमा महानगरपालिकाको सफाई साझेदार एनके इन्टरनेशनल र महानगरले नाका क्षेत्र सफाईका लागि बु्रमर, दमकल सहित केहि सरसफाईकर्मी पठाएर सहयोग गरि रहेको छ ।

prajia vatarai3_kalikatimes

सरसफाईका क्रममा सडकमा जथाभावी फालिएको प्लाष्टिक टिपिनुको साथै ब्रुमर लगाएर धुलो टिप्नुको साथै पानी हालेर धुलो नउड्ने बनाईएको छ । सो सरसफाई अभियानमा भोलेन्टियर समूहमा वीरगञ्जका १८ जना तन्नेरी आवद्ध छन् । उनीहरुले थालेको सरसफाई अभियान अन्तर्गत शंकराचार्यद्वारको प्रदुषित र दुर्गन्धित केही मात्रमा नियरन्त्र भएको स्थानियले बताएका छन्।

शंकराचार्य गेटको फोहर नियन्त्रण हुने थाले पछि प्रजिअ भट्टराईको समेत चासो बढेको हाे । प्रजिअ भट्टराईको चासो बढे पछि भोली शनिबार हुने सरसफाईलाई मध्य नजर गरी आज शंकराचार्यद्वारको अवलोकन तथा निरक्षण समेत गर्नु भएकाे छ । नेपालको प्रबेशद्वार शंकराचार्य गेटको अवलोकन तथा निरिक्षण गर्दै प्रजिअ भट्टराईले भोलन्टियहरुलाई आवश्यक सरसल्लाह समेत दिएका छन् ।

prajia vatarai_kalikatimesप्रजिअ भट्टराईले भोलन्टियरहरुलाई धन्यावाद दिदै सरसफाईलाई निरन्तरता दिन आग्रह गरेका हुन् । अवलोकन तथा निरिक्षणको क्रममा शंकराचार्यद्वारा रहेको नेपालको झन्डा सानो साईजको रहेकोले त्यसलाई फेरी ६/८ साईजको झन्डा राख्न महानगरका प्रतिनिधि सङ फोन सम्पर्कमा कुरा गर्दै आग्रह समेत गर्नु भएको छ । यसका साथै प्रजिअ भट्टराईले मेयर सरावगी संग शंकराचार्यद्वारामा रहेको निर्माणधिन शौचालयको निर्माण कार्य पुरा गरी त्यसमा एक जना कर्मचारी राखी सो शौचालय सुचारु गर्न समेत आग्रह गर्नु भएको छ ।

भ्रमणवर्षलाई गिज्याउनेगरी यसअघि नाका प्रदुषित र दुर्गन्धित थियो । शंकराचार्य गेट देखि मितेरी पुलसम्मको सडक जीर्ण हुनुको साथै वीरगञ्ज महानगरपालिकाले सडक र सिर्सिया नदीको किनारमा फोहोर फाल्दै आएको थियो । जसले गर्दा नाका हुँदै नेपाल आउने पाहुनालाई धुलो र दुर्गन्धले स्वागत गर्ने गरेको थियाे ।

भोलन्टियर समुहका संयोजक राजन श्रीवास्तवले दुई साताको मेहनत पछि नाकाको अवस्थामा केहि सुधार आएको साथै यश मुख्य प्रवेशद्वारमा पाहुनाहरुले लिने गरेको तस्वीर देख्दा मन मगन हुने गरेकोले अझ राम्रो र सफासुगर र हराभरा बनाउन तर्फ हामी युवा लाग्नु पर्ने र यश कार्यमा सबैको सहयोगको आवस्यकता रहेको बताए ।  सरसफाइ कार्यमा जुटेका बिद्यार्थी एवं विभिन्न संघ संस्थाका प्रतिनिधि प्रती वहाँ आभार समेत ब्यक्त गरे ।

“भ्रमण वर्ष २०२० पूर्व सन्ध्यामा छौं, विश्व प्रसिद्ध गढीमाई मेला शुरु भईसकेको छ । लाखौं धार्मिक पर्यटक अब यही नाकाबाट आउँछन् । तर नाकाको अवस्था प्रदुषणले नाजुक थियो । श्रीवास्तवले भन्नुभयो ‘ त्यसैले सरसफाई अभियान शुरु गरेका हौं, दुई सातामा आउँदा सबै पक्षबाट राम्रो सहयोग मिलेको छ । नाकाको सफाईमा सुधार आएको भन्दै स्थानीय दंग छन् ।’

prajia anugaman4_kalikatimes

महागरपालिकाले सडकको दायाँ बाँया किनारमा फोहोर नगर्ने र नियमित सफाई गर्ने आश्वासन दिएको संयाेजक श्रीवास्तवकाे  भनाई छ । ‘महानगरपालिकाका जिम्मेवार अधिकारीले नियमित सफाई गर्छौ, फोहोर फाल्दैनौं भनेका छन् । निरन्तर फलोअप गर्छौ ।’ श्रीवास्तवले अगाडी भने ‘ बिहान बाहिरबाट भ्रमणका लागि आएका विद्यार्थी र अन्य पाहुना खुशी भएर गएका छन् ।’

सो समुहका महासचिव श्याम सरार्फले सक्दो छिटो हाम्रो बिरगंजको गौरवलाइ भिजिट प्वाईन्टको रुपमा देखन ठूलो रहर रहेको बताए, भोलेन्टियर समुहमा करण यादव, राजा रौनियार, बिनय गुप्ता, कम्लेश कुश्ववाहा, नुतन सरावगी, सुशिला पौडेल, देवेस गुप्ता, अनिल हजरा, सेशकुमार हजरा, बिक्की सरार्फ, अनिस कुश्वाहा, किस्सु सरार्फ, राजा सरार्फ, दिपलाल साह लगायत १८ जनाको सक्रियता रहेको छ ।

मेयर कल्याणकारी काेष अन्तर्गत रामगढवामा नि:शुल्क आँखा शिविर सम्पन्न

0
mayer sarawagi_kalikatimes

वीरगंज । वीरगंज महानगरपालीकाकाे वार्ड नं. २४ रामगढवा स्थित कुर्मी धर्मशालामा  आज भएकाे नि:शुल्क आँखा शिबिरमा एक सय ३१ जना ले अँखाको (opt) स्वस्थ्य परिक्षण गराएका छ्न । बिरगंज महानगरपालिका मेयर कल्याणकारी कोष र मातृका आई फाउन्डेसनबाट संचालित अँखा शिबिरमा आँखा परिक्षण गराएका मध्ये ६७ जनामा मोतियाबिन्द फेला परेकाे मेयरका राजनितिक सल्लाहकार मुकेश द्विवेदीले वताए ।

बिहान् ८ बजे देखी चलेको शिबिरमा अँखाको परिक्षण गराउने मध्ये फेला परेकाे मोतियाबिन्दकाे बिरामीहरुलाई शल्यक्रिया मंसिर २८ गते बिरगंज स्थित माटृका आइ फाउन्डेसनमा तिलगंगा अँखा अस्पतालबाट आएको डाक्टरको टोलिबाट गरिने द्विवेदीले जानकारी गराए । शिविरकाे मेयर विजय सरावगीले उदघाटन गरेका थिए ।

भोलि मंसिर १४ गते शनिबार बिरगंज महानगरपालिकाकाे वार्ड नं. ३ ठाकुर राम क्याम्पसकाे छात्रवासकाे छेउमा रहेकाे जनजाती स्कुल प्रगतिनगरमा बिहान ८ बजे देखी संचालन हुने समेत उनले जानकारी गराए ।