वीरगंज । पर्साकाे सखुवा प्रसाैनी गाउँपालिकाकाे वडा नं. ५ महुवनकाे उपनिर्वाचन आज कडा सुरक्षाकाे बिच शान्तिपूर्ण रुपले भइरहेकाे छ । श्री नेपाल राष्ट्रिय मा.वि. महुवन मतदान केन्द्रमा कडा सुरक्षाकाे विच विहान ७ बजे देखी सुरु भएकाे मतदान शान्तिपूर्ण रुपले भइरहेकाे हाम्रा सम्वाददाताले जनाएका छन् ।
मतदान केन्द्रलाई तिन तहकाे सुरक्षा निकायले सुरक्षा दिइरहेका छन् । पहिलाे चरणमा जनपथ प्रहरी, दाेस्राेमा सशस्त्र प्रहरी र तेस्राेमा नेपाली सेना गरी तिन तहका सुरक्षा निकायले सुरक्षा दिइरहेका छन् । २५ जना सेना गरी जनपथ र सशसत्र प्रहरीकाे वाक्लाे संख्यामा शान्ति सुरक्षाकाे लागि खटाइएकाे छ । मतदान केन्द्रलाई चारै तर्फबाट सेनाले घेरा हालेर सुरक्षा दिईरहेकाे छ ।
मतदान केन्द्र भन्दा ५ सय मिटर टाढा आम जनतालाई राखिएकाे छ । आ आफ्नाे उम्मेदवारकाे समर्थनमा उम्मेदवारी दिएका दलका नेता तथा स्थानियहरुकाे भिड लागेकाे छ । वडाध्यक्षकाे लागि भइरहेकाे उपचुनावमा २ हजार ६ सय २ मतदाता रहेका छन् ।
जस मध्ये समाचार लेख्दा सम्म १२ सय जनाले मतदान गरि सकेकाे निर्वाचन अधिकृतले जनाएका छन् ।
नेकपाबाट उदयशंकर, नेपाली कांग्रेसबाट अशेसर यदाव, समाजवादी पार्टीबाट रुपलाल यादव, राप्रपाबाट सदरी महरा र स्वतन्त्र उम्मेदवार गाेपाल साह कानु गरी ५ जना चुनावी प्रतिस्पर्धामा छन् ।
