Date
सोम, मंसिर ७, २०८३
Mon, November 23, 2026
Home Blog Page 1061

पर्सामा एक वडाध्यक्ष कुटिए, कुटपिट गरेकाे आराेपमा २ जना पक्राउ

0
adadhyakx kanu_kalikatimes_n
स्थानियद्वारा कुटिएका वडाध्यक्ष विनाेद साह कानु

वीरगंज । पर्साकाे छिपहरमाई गाउँपालिका वडा नं. ३ जयमंगलापुरका वडाध्यक्ष विनाेद साह कानु स्थानियद्वारा कुटिएका छन् । वडा कार्यालय मै मंगलबार दिउसाे भएकाे एक विवाद झडपमा परिणत हुदा वडाध्यक्ष कानु कुटिएका हुन् ।

कुटपिट गरेकाे आराेपमा २ जनालाई प्रहरीले पक्राउ समेत गरेकाे छ । घटना बारे अनुसन्धान गर्न स्थानिय वृजेश मुखिया विन र अनिश कुमार साहलाई वुडगाई प्रहरी चाैकीले नियन्त्रणमा लिएकाे इलाका प्रहरी कार्यालय पाेखरियाका प्रहरी निरिक्षक चन्द्र सिंहले वताए ।

वडा कार्यालयमा मंगलबार दिउसाे १ बजे पुगेकाे सेवाग्राही र वडाध्यक्ष कानु विच विवाद हुदा झडप समेत भएकाे स्थानियहरुले वताएका छन् ।

स्थानियहरुका अनुसार वडा कार्यालयमा सेवाग्राही पुग्दा वडाअध्य कानु र वडा कार्यालयकी सहयाेगी महिला एउटा काेठामा बसेका थिए । दुबै जना रहेकाे काेठाकाे ढाेका वडा कार्यालय पुगेका सेवाग्राहीले खाेल्दा वडाध्यक्ष कानु गालीगलाैज गर्न थाले पछि हुहल्ला भएकाे थियाे ।

हल्ला सुनेर वडा कार्यालयमा जम्मा भएका स्थानियहरु वडाध्यक्ष कानुलाई कुटपिट गरेका हुन् । यसका साथै वडा कार्यालय पुगेका २ जना गाउँपालिका प्रहरी समेत कुटिएकाे समाचार प्राप्त भएकाे छ । गाउँपालिका कार्यालयबाट वडा कार्यालय पुगेका गाउँपालिका प्रहरी विकाउ साह र दिलिप यादव पनि कुटिएका हुन् ।

गाउँपालिका कार्यालयबाट पुगेका गाउँपालिका प्रहरीहरुले स्थानियहरु माथी जाईलागे पछि स्थानियहरु तिनिहरुलाई समेत कुटपिट गरेका थिए ।

यस बिषयमा इलाका प्रहरी कार्यालय पाेखरियाका प्रहरी निरिक्षक सिंह संग बुझ्दा घटना बारे भाेली मात्र बिस्तृत बताउन सकिने वताए । कर्मचारी माथी कुटपिट भएकाे बुझ्नमा आएकाे वताउदै उनले साेही बिषयमा अनुसन्धान गर्न वुडगाई प्रहरी चाैकीले २ जना युवालाई पक्राउ समेत गरेकाे वताए ।

समानताको पुस्ता: बलात्कार विरुद्ध ऐक्यबद्धता कार्यक्रम सम्पन्न

0
kisori sambad_kalikatimes
इलाका प्रहरी कार्यालय प्रसाैनीका प्रहरी निरिक्षकलाई किशाेरीहरु ज्ञपान पत्र बुझाउदै । तस्बिर : कालिका टाइम्स

वीरगंज । लैङ्गिक हिंसा विरुद्धको १६ दिने अभियान अन्तर्गत समानताको पुस्ता: बलात्कार विरुद्ध ऐक्यबद्धता कार्यक्रम मंगलबार सम्पन्न भएको छ ।

किशोरी सशक्तिकरणका लागी संवाद कार्यक्रम अन्तर्गत भएकाे कार्यक्रममा महिला हिंसा बन्द गरौ, किशोरीको आवश्यकता शिक्षा र सुरक्षा, महिला सम्मान समाज कल्याण, बलत्कारी होशियार होशियार, नारि जगतको जन्नी हो, किशोरी माथी दुव्र्यवहार अन्त होस लगायतकाे नारा लगाउदै र्‍याली निकालिएको थियो ।

चाईल्ड नेपाल र संरक्षण नेपालको सहकार्य तथा नेपाल ग्रामिण पूननिर्माण संस्था (आर.आर.एन )काे आयोजनामा कार्यक्रम भएको थियो । कार्यक्रम अन्तर्गत किशोरी संवादबाट प्राप्त गरेको शिक्षा अनुसार परवानीपुर गा. पा वडा नं ५ की लक्ष्मी सरर्फले भनिन् हामी महिला हिंसाको बारेमा जनकारी पायौ, दाईजो विरुध र बाल विवाहका बारेमा बताईन् ।

लक्ष्मी सरार्फले बालबालिकालाई आधिकार पाउने र ठुला बढालाई पाउने सम्मान बालबालिकालाई समेत पाउनु पर्ने वताइन । उनले समाजमा भइरहेको महिला हिंसा, रक्सी खाई महिलामाथी हुने दुब्र्यहार अन्त हुुनु पर्ने बताउदै हाम्रो समाजमा देखा सिकी बालविवाह हुने गरेकाे वताइन ।

खुशि गप्ताले बालविवाह गर्नु हुदैन, उमेर पुगेमात्र गर्ने र दाइजो लिनु दिनु अप्राध हो तथा महिला हिंसा अन्त गनु पर्ने धारणा राखिन ।

परावनीपुर गाउँपालिका वडा नं ५ को वडा भवन आगाडीबाट निकालीएको र्‍याली गाउँ परक्रिमा गरी इलाका प्रहरी कार्यलय प्रसौनीमा पुगेकाे थियो । इलाका प्रहरी कार्यलय प्रसौनीका प्रहरी निरिक्षक ओम प्रकाश यादवलाई महिला हिंसा तथा किशोरी सुरक्षा सम्बन्धमा ज्ञापन पत्र बुझाएका थिए ।

र्‍याली नेतृत्व गर्दै आएकी किशोरी कञ्चन साहले ज्ञापन पत्र पढदै लेखिएका अनुसार समाजमा दिन प्रतिदिन बढदै गएको महिला हिंसा, किशोरी दुव्र्यहार, बालविवाह तथा हिंसात्मक दैनिक घटना प्रति भयभित किशोरीहरु भएका कारण विषयमा ध्यान आकर्षण गराएका थिए । सथै कार्यक्रम स्थलमै किशोरीद्वारा ‘‘म प्रतिबद्ध छु बाल विवाह गर्दिन र गर्न दिन् ” मा हास्ताक्षर गरी प्रतिबद्धता जनाएका थिए ।

विधार्थीहरुमाथि प्रहरीले चलाएको गोलीप्रति समाजवादी विधार्थीको निन्दा

0

वीरगंज । बाँकेको कोहलपुर नगरपालिकामा ट्रकको ठक्करले घाईते भएकी छात्रा प्रकृती चन्दको दुर्घटनाप्रति समाजवादी विधार्थी युनियनको गम्भीर ध्यानाकर्षण भएकाे छ ।

बाँकेको कोहलपुर रत्नराजमार्ग अन्तर्गत हाईस्कुल चोकमा त्रिभुवन नमुना मा.वि. कक्षा ७ मा अध्ययनरत छात्रा प्रकृतीको घटना प्रति दुःख व्यक्त गर्दै आन्दोलित भाई बिहिनीहरुलाई संयमता अपनाउन समाजवादी विधार्थी युनियनले आग्रह गरको छ ।

समाजबादी विद्यार्थी युनियन ठाकुर राम बहुमुखी क्याम्पसका अध्यक्ष हरिन्द्र साहद्वारा जारी विज्ञप्ति मार्फत शैक्षिक परिवर्तनका साथै मुलुकलाई विकास र निकासको बाटो देखाउने उदेश्यले स्थापन भएको समाजवादी विधार्थी संगठनले दुर्घटनाको उच्च दर बारे जानकारी हुँदा हुँदै पनि ट्राफिक प्रहरीको लापर्वाहीले उक्त घटना भएको दाबी गरिएको छ ।

दुर्घटनापछि आक्रोसित विधार्थी र अभिभावकले ट्रकमा आगजनी गरेपछि प्रहरी प्रशासनले आन्दोलित विधार्थीमाथि आसुग्यास र गोली प्रहार गरेको कार्यलाई घोर निन्दा गरेको भन्दै आन्दोलनका क्रममा घाईते भएका सुरक्षाकर्मी र विधार्थीहरुको सिघ्र स्वास्थयको कामना गरेको छ ।

जिवन उपयोगी सिप सम्बन्धि २० दिने अभिमुखिकरण सुरु

0

वीरगंज । युवालयको आयोजनामा आजबाट जिवन उपयोगी सिप तथा दिगो बिकास लक्ष्य सम्बन्धि २० दिने अभिमुखिकरण कार्यक्रम सुरु भएको छ ।

DKA Austria को सहयोगमा वीरगंज महानगरपालिकाको वडा नं १५ स्थीत नवदिप एकेडेमीको सभाहलमा वीरगन्ज महानगरपालिकाका बाल मैत्री सम्पर्क व्यक्ति मुकेश गुप्ताले बनाईनर पढि शुभारम्भ गरेका छन् ।

कार्यक्रमका प्रमुख अतिथि समेत रहेका गुप्ताले कुनैपनि व्यक्तिले दैनिक रुपमा आईपर्ने समस्याहरुलाई सजिलो र प्रभावकारी तरिकाले समाधान गर्नका लागि अग्रसर हुने क्षमताको विकास तथा सकारात्मक व्यवहार को प्रयोग गर्न सक्ने दक्षताको विकासनै जीवनउपयोगी सिप हो भन्ने कुरामा जोड दिए ।

साथै युवालय नामक संस्थाले बिगत दिनहरुबाटै वीरगंजका किशोरकिशोरीको चौतर्फी बिकासको लागि काम गर्दै आएको हुदा वीरगंज महानगरपालिका भित्रका किशोरकिशोरीको लागि एक दमै ठुलो अवसर रहेको बताए ।

गुप्ताले किशोर किशोरीहरुमा आइपर्ने विभिन्न किसिमका शारीरिक तथा मानसिक स्वास्थ्य सम्बन्धी समस्याहरु, दुर्वलता आदिका कारणहरु केलाउन र तिनको प्राथमिक रोकथाम गर्न अभिमुखिकरणले सहयोग पुर्याउने कुरामा जोड दिए ।

विधालयका प्रधानाध्यापिका शुसिला साहको अध्यक्षतामा भएको कार्यक्रममा युवालयका कार्यसमिति सदस्य जया साह , बिधालय संयोजक गिता साह, सहजकर्ता निशा गुप्ता , मुनि गुप्ता लगायत ३० जना किशोरकिशोरीहरुको सहभागिता रहेको युवालयका सहजकर्ता निशा गुप्ताले जानकारी दिईन् ।

यसै गरि यो अभिमुखिकरण आगमी महिनाको पौष ९ गतेबाट त्रैमासिक परिक्षा पछि अन्य पांच समुदायिक बिधालयहरूमा संचालन हुने छ ।

सडक बिस्तारकाे मांग गर्दै वीरगंजमा प्रदर्शन तथा महानगर अगाडी धर्ना

0
mahanagar agadi dharna_kalikatimes

वीरगंज । सडक विस्तारकाे मांग गर्दै वीरगंज बिकाश युवा संर्घष समितीले आज वीरगंजमा प्रर्दशन गरेको छ । वीरगंजकाे मुख्य सडक बिस्तारमा षडयन्त्र भएको भन्दै समितीले साेमबार पुनः वीरगंजमा प्रर्दशन गरेको हो ।

संघर्ष समितिकाे पूर्व निर्धारित विराेधकाे कार्यक्रम अन्तर्गत वीरगंजमा विराेध र्‍याली तथा धर्ना कार्यक्रम सम्पन्न भएकाे संघर्ष समितिका सचिव संदिप बिक्रम साहले वताए । वीरगंजकाे घण्टाघरबाट शुरु भएको विराेध र्‍याली वीरगंज महानगरपालिकाको कार्यलयमा पुगी धर्नामा परिणत भएकाे थियाे । महानगर कार्यालयकाे मुल गेटमा प्रदर्शनकारीहरु एक घन्टा धर्ना बसेका थिए ।

प्रर्दशनकारीहरुलाई मेयर बिजय सरावगीले समय नदिदा थप आक्रोशित हुदै प्रर्दशनकारीहरुले मेयर बिरुद्ध चर्को नारावाजी गर्दै राजिनामाको माँग समेत गरेका थिए । वीरगंजको मुख्य सडक २५/२५ मिटर नतोड्न मुद्दाकाे पेशी सर्वोच्च अदालतमा ५ पटक सरेका कारण त्यस भित्र ठुलो आर्थिक चलखेल भएको संर्घष समितीको आरोप छ ।

pradrsan ra dharna_kalikatimes

प्रर्दशनमा संर्घष समितीका अकलेश साह, संदिप बिक्रम साह, महमुद अंसारी, रंजित चौरसिया, बिवेक साह, रोमी साह, मुना मियाँ तेली, राकेश पटेल, धर्मेन्द्र पटेल, सदाम हुसेन, कलिम अंसारी, कलाम शेख रसमुदिन मंसुरी, दिपेन्द्र साह, दिनेश कुमार यादव, शुभनारायण ठाकुर लगायतको सहभागिता रहेको थियो ।

भीएफएक्सको कारण देखाउँदै रणवीर आलियाको ‘ब्रम्हास्त्र’ पोष्टपोन्ड

0
ranbir kapoor & alia vatt

नायक रणवीर कपुर र नायिका आलिया भट्टको साथमा नायक अमिताभ बच्चनको मुख्य भूमिका रहेको चलचित्र ‘ब्रम्हास्त्र’को प्रदर्शन मिति फेरि पछि सरेको छ । यो चलचित्रको रिलिज यही बर्षको क्रिसमसमा गर्ने तयारी गरिएको थियो । तर, काम नसकिएको भन्दै अर्को बर्षको समरमा चलचित्रको प्रदर्शन मिति धकेलिएको थियो ।

तर, अब यो चलचित्रलाई आउँदो बर्षको अन्तिममा प्रदर्शन गर्ने तयारी गरिएको छ । यसको मुख्यकारण, भीएफएक्सलाई नै मानिएको छ । चलचित्रको छायांकन मनालीमा भैरहेको छ । यसपछि, चलचित्रको एक गीतको छायांकन गर्न बाँकी नै रहेको निर्माणपक्षले भारतीय मिडियालाई बताएको छ ।

चलचित्रको छायांकन सकिएपछि भीएफएक्सको काम बल्ल सकिनेछ । साहरुख खानको समेत केमियो रहेको चलचित्रलाई समरमा तयार गर्न नसकिने जानकारी भीएफएक्स कम्पनीले दिएको छ ।

चलचित्रका निर्देशक आयन मुखर्जी यसलाई बलिउडकै सबैभन्दा ठूलो चलचित्र बनाउन चाहन्छन् । यसैले, यसको निर्माणटिमले कुनै पनि संझौता नगर्ने बताएको छ । यहीकारणले गर्दा चलचित्रको प्रदर्शन मिति बारम्बार सरेको हो । यसलेगर्दा, चलचित्रको बजेट समेत बढेको छ ।

माेटरसाईकल दुर्घटनामा परी पटेलकाे निधन भए पछि गाउँ नै शाेकमा

0
jay patel_kalikatimes
माेटरसाइकल दुर्घटनामा परी मृत्यु भएका लंगडी नवासी जय पटेल । तस्बिर : उनकाे फेसबुकबाट

वीरगंज । पर्साकाे धोबिनी गाउँपालिका वडा नम्बर ४ लंगडी निवासी एक युवककाे माेटरसाईकल दुर्घटनामा परी निधन भए पछि गाउँ नै शाेकमा परेकाे छ ।

शनिबार राती बाराकाे सिमिराबाट घर फर्कने क्रममा लंगडी निवासी रामनाथ पटेलको छोरा बर्ष २८ का जयकुमार पटेलको मृत्यु भए पछि गाउँ नै शाेकमा डुबेकाे हाे । परवानीपुर सडक खण्डमा अनुपम काेल्ड स्टाेर नजिक दुर्घटना हुदा उनकाे मृत्यु भएकाे थियाे ।

ना ६५ प ५८२ नम्बरको मोटरसाइकल अनियंत्रित भई सडकमा कुदिरहेको गाडीले कुल्चेर पटेलको मृत्यु भएको प्रहरीले जनाएको छ । दुर्घटनामा परी वीरगंज महानगरपालिका वडा नम्बर २१ परवानीपुर चिकनीका बर्ष २५ का अर्जुन पटेल घाइते भएका थिए ।

ठक्कर दिने ना. ४ ख. १८०२ नम्बरकाे ट्रिपर र चालकलाई आइतबार प्रहरीले नियन्त्रणमा लिएकाे छ । दुर्घटनामा परेका माेटरसाईकलमा सवार अर्जुनलाई पनि प्रहरीले नियन्त्रणमा लिएकाे छ । घटना सम्बन्धमा अनुसन्धान गर्न अर्जुनलाई प्रहरीले नियन्त्रणमा लिएकाे हाे । 

मृतकको शव पोस्टमार्टम पछि आइतबार परिजावरले गाउँमा लगे पछि घटना बारे गाउँवासीलाई थाह भएकाे थियाे । मृतककाे शव गाउँमा पुगे पछि गाउँ नै शाेकमा परेकाे थियाे । आइतबार नै मृतक जयकाे दाह संस्कार पनि गरिएकाे थियाे । 

मृतक जयकाे एउटा ३ बर्षका छाेरा र एउटा ६ महिनाकाे छाेरी छन् । उनी वीरगंज स्थित रहेकाे नारायणी केमिकल अगरबती उद्याेगमा लेखापालको काम गर्दै आएका थिए ।

प्रहरीद्वारा विद्यार्थीहरुलाई लैङ्गिक हिंसा सम्बन्धी प्रशिक्षण

0
subash yadav_kalikatimes
श्री दिपनारायण माविका विद्यार्थीहरुलाई प्रशिक्षण दिदै इप्रका पटेर्वा सुगाैलीका प्रसनि यादव । तस्बिर : कालिका टाईम्स

वीरगंज । इलाका प्रहरी कार्यालय पटेर्वा सुगाैलीले आज श्री दिपनारायण माध्यमिक विद्यालयका छात्र/छात्राहरुलाई लैङ्गिक हिंसा सम्बन्धि प्रशिक्षण दिएकाे छ । लैङ्गिक हिंसा विरुद्धकाे १६ दिने अभियान अन्तर्गत प्रहरी कार्यालयले विद्यालयमा अध्ययनरत कक्षा ११ र १२ का विद्यार्थीहरुलाई लैङ्गिक हिंसा सम्बन्धि प्रशिक्षण दिएकाे हाे ।

समुदाय प्रहरी साझेदारी कार्यक्रम अन्तर्गत ७० जना छात्र/छात्राहरुलाई अडियाे, भिडियाे मार्फत प्रशिक्षण दिइएकाे इप्रका पटेर्वा सुगाैलीका प्रहरी निरिक्षक दिपक चाेरवारले वताउनुभयाे ।

महिला हिंसा, घरेलु हिंसा लगायतकाे लैंङ्गिक हिंसाबाट आफै सुरक्षित कसरी बाँचन सकिन्छकाे विषयमा इप्रका प्रहरी सहायक निरिक्षक सुभाष यादवले विद्यार्थीहरुलाई प्रशिक्षण दिएका थिए । साे कार्यक्रममा विद्यालयका प्रअ शिवथान थारु लगायतकाे पनि सहभागिता रहेकाे थियाे ।

नारायणी सिचाईका हाकिम माेटाे पैसा कमाउने लाेभमा नियम विपरित काम गर्दै

0
narayani sinchai_kalikatimes
नारायणी सिचाई अन्तर्गतकाे बलक नं. ५ मा हुदै गरेकाे काम र कार्यालय प्रमुख साह । तस्बिर : कालिका टाईम्स

वीरगंज । नारायणी सिचाई डिभिजन कार्यालय वीरगंज, पर्साका कार्यालय प्रमुख राजिन्द्र साहले पैसकाे लाेभमा नियम विपरित काम गरि रहेकाे तथ्य फेला परेकाे छ ।

कार्यालय प्रमुख साहले माेटाे कमिशनकाे लाेभमा टेन्डरबाट गर्नु पर्ने काम उपभाेक्ता समितिलाई दिएर पैसा कमाउन लागि परेका छन् । नारायणी सिचाई बलक नं. ५ अन्तर्गतका नहर सफा विना टेन्डर बलक नं. २ का उपभाेक्ता समितिलाई दिएर काम गराउन थालेका हुन् ।

कार्यालय प्रमुख साहले बलक नं. २ का उपभाेक्ता समितिका अध्यक्ष कुशमी देबी संगकाे मिलाेमताेमा बलक नं. ५ सफा गराई माेटाे रकम कमाउन लागि परेका छन् । उपभाेक्ता समितिका अध्यक्ष कुशमी भए पनि सब करता धर्ता दिनेश कलवाहर रहेका छन् ।

विना टेन्डर काम गर्नु परेमा कार्यालयले आफै गर्नु पर्ने नियम भए पनि साे नियमकाे कार्यालय प्रमुख साहले खुल्याम धजिया उडाइरहेका छन् । नारायणी सिचाई डिभिजन कार्यालय वीरगंज, पर्सा संग २ वटा एसकाभेट हुदा हुदै पनि अन्य उपभाेक्ता समिति मार्फत काम गराउन थालेका हुन् ।

उपभाेक्त्ता समितिले सम्बन्धित बलकमा काम गर्नु पर्नेमा अन्य बलकमा काम गर्नु नै नियत गलत भएकाे सजिलै बुझन सकिन्छ । हाल  भइरहेकाे काम विना स्टिमेट भइरहेकाे समेत बुझिएकाे छ । साे सम्बन्धमा बुझन कार्यालय प्रमुख साह संग निजकाे माेबाइलमा सम्पर्क गर्न प्रयास गर्दा पनि फाेन नउठेका कारण हुन सकेन ।

कालिकामाईमा ७ दिने अगरबती बनाउने तालिम सुरु

0
agarbati talim_kalikatimes

वीरगंज । पर्साकाे कालिकामाई गाउँपालिकाकाे वडा नं. २ भेडिहारीमा आज देखी ७ दिने अगरबती बनाउने तालिम सुरु भएकाे छ । कालिकामाई गाउँपालिकाकाे सहयाेग र एग्रीकल्चर एण्ड स्कील डेभलपमेन्ट प्रा‌.लि. पर्साकाे आयाेजनामा सिपमूलक तालिम सुरु भएकाे हाे ।

तालिमकाे एक कार्यक्रमकाे बिच गाउँपालिका अध्यक्ष नथुनी प्रसाद कुशवाहाले उदघाटन गरेका थिए । हरिकिशाेर प्रसाद चाैरसियाकाे अध्यक्षतामा भएकाे उदघाटन समाराेहमा आयाेजक प्रालिका अमाेद कुमार केवट, नरेन्द्र साह लगायतकाले मन्तव्य राखेका थिए ।

स्थानिय ३० जना महिलाकाे सहभागिता रहेकाे तालिममा सरिता उपाध्याय र विपिन उपाध्यायले प्रशिक्षण दिइरहेका छन् । तालिमबाट सिप सिखेर महिलाहरुले घरेलु तथा साना उद्याेग संचालन गरि आत्मनिर्भर बन्न सहयाेग पुग्ने उद्देश्यले तालिम संचालन गरिएकाे आयाेजक प्रालिका केवटले वताए ।