पर्सा, ८ माघ ।
पोखरिया नगरपालिकामा आज एक कार्यक्रमका बिच सरसफाई किट वितरण गरिएको छ । पोखरिया नगरपालिका अन्तर्गतका सबै वडाका बेस्ट चर्पी प्रयोगकर्ता ६० जनालाई सरसफाई किट वितरण गरिएको हो ।

पोखरिया नगर कार्यापालिकाको कार्यालय पोखरियामा भएको सरसफाई सामग्री वितरण कार्यक्रममा वडा नं. १ देखी १० सम्मका प्रति वडा ६/६ जनाको दरले ६० जनालाई सरसफाई किट वितरण गरिएको आईटी अफिसर अरबिन्द दुबेले वताए ।

नगर प्रमुख दिपनारायण रौनियारको अध्यक्षतामा भएको कार्यक्रममा प्रमुख प्रशासकिय अधिकृत धर्मराज थापा, वडा नं. २ का वडा अध्यक्ष सुरेन्द्र यादव, समाजिक विकास शाखाका विनोद पाण्डे, युनिसेफका प्रतिनिधि नरेन्द्र साह लगायतकाको सहभागिता रहेको थियो ।

ययुनिसेफ नेपालको सहयोगमा र पोखरिया नगरपालिकाको आयोजनामा सरसफाई किट वितरण गरिएको हो ।

पर्सा, ७ माघ ।
लामो समय पछि पर्साको कालिकामाई गाउँपालिकाको गाउँ सभा सम्पन्न भएको छ । असार मसान्त भित्र गरि सक्नु पर्ने सभा ६ महिना पछि मात्र बहुमतले भएको वताईएको छ । स्वास्थ्य चौकी मुडलीमा भएको सभाले आर्थिक बर्ष २०७५/७६ को लागि कुल रु २८ करोड १६ लाख ३४ हजार एक सय ४८ बराबरको बजेट तथा कार्यक्रम तय गरेको छ ।

जसमा आर्थिक बिकास तर्फ रु ८० लाख, समाजिक बिकास तर्फ रु एक करोड २३ लाख, पुर्वधार विकास तर्फ रु एक करोड ३६ लाख, वातावरण तथा बिपत ब्यवस्थापन तर्फ रु १५ लाख, संस्थागत क्षमता विकास तथा क्षेत्र विकास तर्फ रु २ करोड २७ लाख ९२ हजार, कार्यालय संचालन चालू तर्फ रु ४ करोड ५० लाख, वडा कार्यालयको ५ वटैको विकास तर्फ रु ४ करोड ५० लाख, बहुक्षेत्रिय पोषण कार्यक्रम तर्फ रु २ करोड ४ लाख, नेपाल सरकारको ससर्त अनुदान रु ७ करोड २४ लाख, प्रदेश सरकारको २४ लाख ७१ हजार बजेट छुट्याइएको प्रमुख प्रशासकिय अधिकृत सन्देश यादवले वताए ।

गाउँपालिका अध्यक्ष नथुनी प्रसाद कुशवाहाको अध्यक्षतामा चौथो गाउँ सभा सम्पन्न भएको अधिकृत यादवले वताए । चौथो गाउँ सभाको नीति, बजेट तथा कार्यक्रम आजै सार्वजनिक समेत गरिएको यादवले जानकारी गराए ।

जनप्रतिनिधि बिच बजेट भाग बान्डाको कुरा नमिल्दा गाउँ सभा हुन्न सकिरहेको थिएन । गाउँ सभा नहुदा बिकासको काम प्रभाभित भएको थियो । केही समय पहिला मात्र सरुवा भई आएका प्रमुख प्रसाशकिय अधिकृत यादवको १५ दिनकाे निरन्तरको प्रयासले गाउँ सभा सम्पन्न भएको हो ।

गाउँ सभा सम्पन्न भए पनि श्री सुकैइ साह मा.वि. भेडिहारीलाई १०+२ बनाउन निर्णय गरिएको छैन । ४ महिना देखि बिधालयलाई १०+ २ बनाउ विभिन्न किसिमको आन्दोलन नै भए पनि त्यसको वेवास्त गाउँ सभाले गरेकाे छ ।

महिला आत्मरक्षा र आत्म विश्वास बढाउन मिशन सहासी अभिया /
वीरगंज, ६ माघ ।
विद्याथीहरुको हितको लागी मिसन सहासी अभियान शुरु भएको छ । प्राज्ञिक विद्यार्थी परिषद नेपालको आयोजनामा आइतवार मिशन साहासी अभियान शुरु भएको हो । वीपरगंज स्थित त्रिजुद्ध माध्यमिक विद्यालयमा अभियानको उद्घाटन गर्दै शुरुवात गरिएको हो ।
देशमा भइरहेको विकृती तथा महिला हिंसा बढदै गएको कारण, महिला आत्मरक्षा र आत्म विश्वास बढाउनका लागि मिशन सहासी अभियान शुरु गरिएको हो ।
आयोजित कार्यक्रमको उद्घाटन गदै प्रमुख जिल्ला अधिकारी नारायण प्रसाद भट्टराई, प्रहरी उपरीक्षक रेवती ढकाल, ट्राफिक प्रहरी उपरीक्षक किरण बज्राचार्य प्राध्यापक डा दिपक शाक्य लगायतले आत्म विश्वास नै सबैभन्दा बलियो हतियार भएको बताएका थिए ।
कार्यक्रम संयोजक डा सुस्मा तिवारीले समाजमा विद्यमान महिला हिंसा न्युनिकरण गर्नका लागी आत्म विश्वास बढाउने उद्देश्यले अभियान शुरु गरिएको जानकारी दिईन ।
अभियानमा सहभागी युवतीहरुलाई आफु प्रति सेल्फ डिफेन्स टेकनिकहरु सिकाउनुको साथै आत्म विश्वासी बढाउन प्रेरित गर्नेगरी कराँतेका प्रशिक्षकहरु बाट हासिल गर्ने अभियान संयोजन समितिका केन्द्रिय सदस्य लक्ष्मी कर्णले बताईन । आइतबार ६ गते देखि शुरु भएको प्रशिक्षक प्रशिक्षण तालिम माघ १२ गते सम्म चल्ने छ ।

पर्सा, ६ माघ ।
पर्साको ठोरी गाउँपालिका हाती आतंक अझै रोकिएको छैन । शनिबार राती वडा नं. १ मा आएको हातीले ३ वटा घर भत्काएका छन । राती ११ बजेको करिबमा आएको हातीले स्थानिय होमनाथ अधिकारी, चन्द्रबादुर सुनारी र लालकाजी गुरुंगको घर भत्काएको प्रहरीले जनाएको छ ।

हाती आतंकका कारण स्थानियहरु रातभरी सुतन सकेका थिएन भने होहल्ला गर्दै हाती लखेटनमा ब्यस्त रहेका थिए । हातमा लौरो, घरेलु हतियार, टिन, डब्बा र आगो वाली होहल्ला गर्दा पनि बिहान ४ बजे हाती जंगल पसेको गाउँपालिका अध्यक्ष पिएल श्रेष्ठले बताए ।

हातीको आंतकबाट घरमा रहेको तैयारी चामल, पिठो र अन्य खाद सामग्रीहरु नोक्सान गरेको पिडितहरुले बताएका छन । स्थानियको हल्ला पश्चात आएका प्रहरीले पनि हातीलाई भगाउन प्रयास गरेको थियो ।