वीरगञ्ज । पर्साको ग्रामीण भेगका एक युवक परम्परागत रूपमै २० वटा गाइपालन गरेका छन् । जगरनापुर गाउँपालिका–३, विजबनियाका ३२ वर्षीय लालबाबु यादव गाईपालनबाट वार्षिक २ लाख ५० हजार आम्दानी हुने गरेको बताए ।

निरक्षर यादवले आफूले १० वर्षदेखि गाइपालन गरी घरपरिवारको पालनपोषण गरिरहेको बताए । हाम्रो मुलुकमा अधिकांश युवा वैदेशिक रोजागारमा रहेका वेला उनी गाईपालन गरी आफ्नाे परिवारसँग बस्दा खुसी लागेको बताउँछन् । उनले गाईपालनका लागि फर्म वा व्यावसाय दर्ता गरेका छैनन् । नेपाल सरकार व्यावसायिक रूपमा पशुपालनलाई प्रोत्साहनका लागि विभिन्न नीति तथा कार्यक्रम सञ्चालन गरिरहँदा उनीसम्म पुगेको छैन । उनीसँग भएका १५ देखी २० वटा गाई मध्य ५ देखि १० वटा गाई सधँै दुध दिने गर्छन् ।

हाल उनका पाँच वटा गाई दुध दिने र १० वटा गाई गर्भवती रहेको बताए । प्रति गाई ५ देखि ६ लिटरसम्म गरी जम्मा २० लिटर दुध दिने गरेको वताए । दूध प्रतिलिटर ६० का दरले बिक्री गर्ने गर्छन् । साइकलबाट उनी स्थानीय होटेलमा दूध बिक्री गर्छन् । दूधबिक्रीबाट उनी मासिक ३६ हजार लिने गर्छन् । ६ हजारको दाना खरिद गर्छन् र बाँकी रकमबाट घरपरिवार चलाउँछन् । उनीसहित उनका परिवारमा सात सदस्य छन् । तीन जना छोरा-छोरी निजी विद्यालयमा पढ्छन् । आपूm पढेलेखेका नभए पनि छोराछोरीलाई उच्च शिक्षा पढाउने रहर रहेको उनी बताउँछन् ।

मुलुकमा तीन तहको सरकार भए पनि उनलाई कुनै तहको सरकारको अनुभूति भएको छैन । सरकार देशमै स्वरोजगार सिर्जना गर्ने र व्यावसायिक प्रवद्र्धन गर्नतर्फ लागिरहँदा पनि उनलाई यसबारे केही थाहा छैन । सरकारले सञ्चालन गरेको व्यावसायिक प्रवद्र्धन कार्यक्रमबारे आफूलाई केही थाह नभएको बताए । उनेको यो पेसालाई उनकी पत्नीले पनि सघाउँछिन् । उनीहरू बिहान ४ देखि राती ९ बजेसम्म गाईकै स्याहारसुसारमा हुन्छन् ।

उनीहरूले गरे अनुसारको मुनाफा भने अझ लिन सकेका छैनन् । सरकारको साथ पाएमा उन्नत जातका गाईपालन गरी मुनाफा लिन सक्ने थिए पशु प्राविधिक रामप्रसाद चौरसियाले वताए । परम्परागत गाईपालन गरेका उनलाई व्यावसायिक रूपमा गर्न सघाए राम्रो हुने थियो र उनीजस्ता व्यक्तिलाई व्यावसायिक रूपमा प्रवद्र्धन गर्न सहयोग गरे अरूले यो पेसा रोज्ने बुद्धिजीवीहरू बताउँछन् । त्यसबाट दिनहुँ बिदेसिने युवाहरूको संख्यामा कमी आउने थियो ।

वीरगंज, ९ माघ ।

राष्ट्रिय प्रारम्भीक कक्षा पढाई कार्यक्रम अन्तर्गत बुधबार जिल्ला स्तरिय समिक्षा बैठक बिरगंजको भिस्वा होटलमा सम्पन भएको छ ।

जिल्ला समन्वय समिती पर्सा एवम् जिल्ला शिक्षा विकास तथा समन्वय ईकाई पर्साका प्रमुख कृष्ण प्रसाद सिंग्देलको अध्यक्षतामा बसेको बैठकले प्रारम्भीक कक्षा पढाई कार्यक्रम अन्तर्गत देखा परेका बिधालयहरुको पढाईको समस्यालाई निराकरण गर्न अनुगमनमा निरन्तरता दि जोड दिने, कक्षाकोठामा सन्दर्भ सामाग्री र शिक्षक तालिमको प्रभावकारिताका लागी कक्षाकोठको अवलोकन गरी प्राबिधीक सहयोग तथा परामर्शमा जोड दिने, बिधालय अनुदानका लागी छनौट भएका १ सय १५ वटा बिधालय मध्ये बाकी रहेका २५ वटा बिधालयको बिधालय ब्यवस्थापन समिती माघ महिना भित्र गठन गर्नु पर्ने निर्णय गरेको छ ।

गठन नभएको बिधालयमा र बिधालय पर्ने गाउँपालिकामा अबिलम्ब बिधालय ब्यवस्थापन समिती गठन गर्नु पर्ने पत्रचार गर्ने समेत निर्णय गरेको राष्ट्रिय प्रारम्भीक कक्षा पढाई कार्यक्रमका जिल्ला संयोजक भरत सहनीले बताए ।

यस कार्यक्रम अन्तर्गतका बिधालयहरु मध्ये कालिकामाई गाउँपालिका र धोबिनी गाउँपालिकाको सबै भन्दा बढी बिधालयहरुमा बिधालय ब्यवस्थापन समिती नरहेकोले अनुदानका रकम पनि ती गाउँपालिकामा पर्ने बिधालयहरुमा जान नसकेको स्रोत ब्यक्ति छोटेलाल साहले बताए ।

बैठकमा गैरसरकारी संस्थाका अध्यक्ष छठु साह, नेपाल पत्रकार महासंघ पर्साका सचिव युवराज खडका, शिक्षक महासंघका अध्यक्ष तिर्थराज यादव, अभिभावक संघका अध्यक्ष अमर गौतम, स्रोत केन्द्रका स्रोत ब्यक्तिहरु लगायतकाको सहभागीता रहेको थियो ।

वीरगंज, ९ माघ ।
आज विहान देखी मौसममा बदली आएको छ । मौसममा बदली आई पानी पर्न थाले पछि चिसो बढेको छ भने जनजिवन कस्टकर भएको छ । पानी पर्न थाले पछि वीरगंज बजार क्षेत्रमा चहलपहल पनि घटेको छ । बर्षाका कारण घरबाट कम मानिसहरु बाहिर निस्केका छन भने सर्वसाधारणको जनजिवन कष्टकर भएको छ ।

पश्चिमी वायुको प्रभावले मौसममा बदली आई वीरगंज सहित देशको अधिकांश भागमा वर्षा भइरहेको छ । मौसम पूर्वानुमान महाशाखाकी मौसमविद् गंगाा नगरकोटीका अनुसार, पश्चिमी वायुको प्रभावले पश्चिम क्षेत्रबाट अस्ति देखी सुरु भएको बर्षा गएराति देखि देशको मध्य तथा पूर्वी भागमा सम्म फैलिएको छ ।

यो प्रणाली आज राती सम्म कायम रहने मौसमविद्हरुको अनुमान छ । राती देखी परेको पानी बुधबार दिउँसो केही समय रोकिए पनि बेलुकीपखबाट फेरी सुरु हुने मौसमविद् नगरकोटीले बताइन ।