बिरगंज, १२ माघ ।
वीरगंजमा शनिवार नेपाल मार्शल सेल्फ डिफेन्स संघ पर्सा गठन भएको छ । बिरगंज दरबार होटेलमा भएको भेलामा विभिन्न खेल प्रेमी तथा खेल संघ आबद्ध खेलाडीहरुको सहभागिता रहेको थियो ।

सोहि भेलाबाट प्रभाकर गुप्ताको अध्यक्ष्तामा २३ सदसिय सेन्फ डिफेन्स संघको जिल्ला कार्यसमिति गठन भएको हो । जुन समितिको उपाध्य्क्ष धनन्जय मिश्र, राजबाबु रौनियार, इश्वर यादव, सचिवमा राजन श्रीवास्तव, सह सचिवमा प्रकाश शर्मा र कोषाध्यक्षमा रोशनी श्रेष्ठ रहेका छ्न ।

त्यस्तै सदस्यहरुमा बिशाल कुमार, रबि कुमार महम्मद वेश, राजकुमार महतो, सैली चौधरी,अल्का कलवार, कारण यादव,दिपेश मानन्धर,सुब्रत श्रेष्ठ, पृथ्वी कुसुवाह, प्रगति खड्का, आरजु देवकोटा, बिमल पौडेल, सन्दिप बिक्रम साह, रंजिता कलवार, अजय शर्मा लगायतका रहेका छन ।

जिल्ला खेलकुद बिकाश समितिपर्साका अध्य्क्ष निशान्त लामिछानेको बिशेस उपस्थिति तथा रास्ट्रिय कब्बडी संघका केन्द्रीय अध्यक्ष् शिव जी गुप्ता र ब्लोड डोनोर्स अफ एसोसियन पर्सा को सचिव अरविन्द सिंहको उपस्तिथीमा समिती गठन भएको अध्यक्ष गुप्ताले वताए ।

त्यस्तै डा. दिपक शाक्यको संयोजकत्वमा सेन्फ डिफेन्स सङ्को सल्लाहकार समिती पनि गठन भएको गुप्ताले जानकारी गराए । गणेश लाठ, अशोक टेमानी, निशान्त लामिछाने, अरविन्द सिंह, सोनम लामा, शिव जी गुप्ता, दिपक तुल्स्यान गरि आठ जना रहेको सल्लाहकार समिति गठन भएको उनले जानकारी गराए ।

वीरगंज, १२ माघ ।
राधेश्याम साह बचाउ संघर्ष समिति, बाराले फेरी आन्दोलन सुरु गरेको छ । लागु औषध खैरो हिरोइन मुद्दामा वीरगंज जेलमा रहेका कलैया उपमहानगरपालिका वडा नं. २१, भोडहा निवासी ३४ बर्षिय राधेश्याम साहको रिहाईको मांग गर्दै संघर्ष समितिले आन्दोलन सुरु गरेको हो । २०६७ श्रावण २३ गते पक्राउ परेका साह निर्दोष रहेको भन्दै संघर्ष समितिले रिहाईको मांग गर्दै फेरी आन्दोलन सुरु गरेको हो ।

आन्दोलनको कार्यक्रम अन्तर्गत संघर्ष समितिले बिहिबार कलैयामा शान्ति पूर्ण जुलुश निकालेका थिए । कलैया स्थित रहेको सिद्धेश्वर विद्यालयबाट निस्केको जुलुशका सहभागिहरुले निर्दोश राधेश्याम साहलाई रिहा गर, दोषीलाई कार्वाही गर, निर्दोशलाई फसाउन पाइदैन, न्यालय उचित न्याय गर, सरकार छानविन समिति गठन गर, पेशी मुद्दा सहज गर लगायतका नारा लगाएका थिए ।

सयौंको संख्यामा सहभागिता रहेको जुलुश नगर परिक्रममा पछि जिल्ला प्रशासन कार्यालय, बारामा पुगी ज्ञापन पत्र समेत बुझाएका थिए । बाराका सहायक प्रमुख जिल्ला अधिकारी मार्फत प्रधानमन्त्री तथा मन्त्री परिषदको कार्यालयलाई ज्ञापन पत्र बुझाइएको संघर्ष समितिका अमित साहले वताए ।

राष्ट्रि विधि विज्ञान–प्रयोग शालाको रिपोर्ट पनि साहको हात संग नमिलेका कारण पनि उनि निर्दोष रहेको प्रमाणित गरेकोले फेरी आन्दोलन सुरु गरिएको अमितले वताए । तत्कालिन नेकपा माओबादी केन्द्रका नेता समेत रहेका साह निर्दोस रहेको भन्दै पक्राउ परेका २०६७ सालमा पनि संघर्ष समितिले आन्दोलन गरेका थिए । स्थानिय प्रहरी चौकी जइतापुरका असई भिष्म कुमार लमसाले साहलाई फसाएको संघर्ष समितिको आरोप छ ।

वीरगंज, १२ माघ ।
मुख्यमन्त्री स्वच्छता अभियान अन्तर्गत वीरगंजमा प्रथम सरसफाई जागरण महाअभियान हुने भएको छ । माघ १४ गते वीरगंजमा हुने सरसफाई जागरण महाअभियान बारे शुक्रबार छलफल समेत गरिएको छ । मुख्यमन्त्री स्वच्छता अभियान मुख्यमन्त्री तथा मन्त्रीपरिषदको कार्यालयको आयोजनामा वीरगंजमा भएको छलफल कार्यक्रमका सहभागिहरुले सरसफाईको निति, नियममा कडाई गर्नु पर्ने वताए ।

सरसफाईको महत्व महसुस नभए सम्म वीरगंजको सरसफाई अवस्था नसुधिरिने वताउदै सहभागिहरुले महसुस गराउन पनि जरुरी रहेको धारणा रोखेका थिए । वीरगंज बजार क्षेत्रमा महानगरपालिकाको समन्वयमा ठाउँ ठाउँमा फोहर राख्ने भाँडो समेत राख्नु पर्ने वताएका थिए । कार्यक्रमका प्रमुख अतिथी मुख्यमन्त्री स्वच्छता अभियान प्रदेश नं. २ का संयोजक सलाउदिन अहमदले स्वस्थ्य नागरिकको परिकल्पनालाई सकार गर्दै प्रदेशलाई समृद्ध बनाउ मुख्य मन्त्री स्वच्छता अभियान संचालन गर्न लागिएको वताए । माघ १४ गत वीरगंजबाट अभियानको सुभारम्भ मुख्य मन्त्रीले गर्ने समेत उनले जानकारी गए ।

मुख्य मन्त्री लालबाबु राउतको उपस्थितीमा वीरगंजको घण्टाघरबाट सरसफाई सम्बन्धी चेतनामुलक र्यालीको आयोजना गरिने र नारायणी उपक्षेत्रिय अस्पतालमा पुगी सरसफाई गरिदै नागवा पोखरिमा पुगी सभाबाट अभियानको सुभारम्भ गरिने संयोजक अहमदले जानकारी गराए । त्यो दिनको अभियानमा सहभागि हुने घरघरमा निमन्त्रणा कार्ड पुर्याउन लागिएको संयोजक अहमदको भनाई थियो ।

नेपाल रेडक्रस सोसाइटी प्रदेश नं. २ का संयोजक फुलमहमद मियाँको अध्यक्षतामा भएको कार्यक्रममा समाजिक अभियान्ता प्रकाश थारु, वीरगंज युवा समाजका अध्यक्ष कमल चौगाई, गैसस महासंघ नेपाल, पर्साका कोषाध्यक्ष मनोज यादव लगायत २ दर्जन जति क्रियाशिल गैरसकारी संस्थाका प्रतिनिधिहरुको सहभागिता रहेको थियो । रेडक्रस पर्सा शाखाको भवनमा भएको कार्यक्रमको सहजिकरण उमेश मिश्रा र राजन श्रीवास्तवले गरेका थिए ।

वीरगंज : पर्सागढी नगरपालिका वडा नं. ५, पचरुखी बहुअर्वाका एक स्थानिय समाजसेवीले ईदगाहका लागि ४ कठ्ठा गग्गा दिनु भएको छ । पर्सागढी न.पा. वडा नं. ५ का वडा अध्यक्ष असलम आलमको विशेष पहलमा मुस्लिम समुदायको महान चाड ईद, बकरीदमा नवाज पढनका लागि (ईदगाह बनाउन) आज एक समारोहका बिच सो जग्गा हस्तान्तरण गर्नु भएको छ ।

पर्सागढी नगरपालिका –५ पचरुखी बहुअर्वा स्थित दोस्तीया सल्फीया मदर्सामा भएको मुस्लिम समुदायको भेलामा स्थानिय शेख हमिद मियांले वडा अध्यक्ष असलम आलमलाई हस्तान्तरण गर्नु भएको थियो ।

सो अवसरमा मदर्साका मौलाना मसहुर रहमान, मौलाना एैतुल्लाह, त्यसैगरी स्थानिय समसुल हवारी, महम्मद उमर मिया, अब्दुल हकिम मिया, सैनुल्लाह मिया, सैनुल्लाह मिया मंसुरी, वकिल मिया, फजिल मिया, सफुदिन मिया, फकिर मिया, ईस्लाम मिया, तारिफ मिया लगायत मुस्लिम समुदायको उल्लेखनिय सहभागीता रहेको थियो ।

जग्गा दाता शेख हमिद मिया र उनका छोराहरु शेख मिरहासन, शेख नुरहसन, शेख अलीहसन, शेख फिरोजको मंजुरीबाट सो जग्गा हस्तान्तरण गरिएको जनाइएको छ । सो अवसरमा वडा अध्यक्ष आलमले जग्गादातालाई सम्मान गर्नु भएको थियो ।

पर्सा – सीमावर्ती भारतीय बजार रक्सौलबाट भन्सार छली नेपाल भित्र्याइएको १ लाख मूल्य बराबरका सामान सशस्त्र प्रहरीले बरामद गरी वीरगञ्ज भन्सार कार्यालयमा बुझाएको छ ।

ससस्त्र प्रहरीले वीरगञ्जको भकुवा नाका, रजतजयन्ती चोक र छपकैयामा सुरक्षा जाँचका क्रममा उक्त परिमाणको सामान बरामद गरेको हो ।

भन्सार छलेर साइकलमा ल्याउँदै गरेको लत्ताकपडा, मोटर पार्टस, स्टेशनरी सामान बरामद भएको उहाँले बताउनुभयो ।

बरामद गरिएको सामान वीरगंज भन्सार कार्यालयमा बुझाइएको सशस्त्र प्रहरी बल नेपाल बोर्डर आउट पोष्ट सिर्सियाका सशस्त्र प्रहरी निरीक्षक जीवनकुमार मल्लले जानकारी दिनुभयो ।