मेघराज राय/ जिराभवानी, १७ माघ ।

विद्यार्थीमा अन्तरनिहित प्रतिभा प्रष्फुटन गराउने उदेश्यले राष्ट्रिय सहिद दिवसको अवसरमा ठोरी गाउँपालिकाले दुईदिने विद्यालय स्तरीय विविध कार्यक्रमको आयोजना सुरु गरेको छ ।

“ठोरीको अभियान ,प्रतिभाको पहिचान” भन्ने मूख्य नारा तय गरेर शुरु गरेको कार्यक्रमको उद्घाटन प्रतिनिधि सभा सदस्य शेखचाँद तारा र ठोरी गाउँपालिकाका अध्यक्ष पदमलाल श्रेष्ठले बिरुवामा पानी हालेर सयुक्त रुपमा गरेका छन् ।

ठोरी गाउँपालिकाको आयोजना तथा श्री विजयवस्ती माविको संयोजनमा जारी कार्यक्रमलाई सम्बोधन गर्दै प्रतिनिधि सभा सदस्य शेखचाँद ताराले बिद्यालय स्तरबाटै प्रतिभाको खोजी कार्यक्रमले भोलिका देशका कर्णधारलाई जिम्मेवार बनाउन सघाउने बताए ।

विद्यालयमा पढाई संगसंगै अतिरिक्त क्रियाकलाप नियमित रुपमा संचालन गर्न जरुरी रहेको भन्दै उनले ठोरीले थालेको यो अभियानलाई अन्य स्थानीय तहले पनि अनुशरण गर्नु पर्ने बताए ।

राष्ट्रिय महिला आयोगकी पुर्व अध्यक्ष समेत रहेकी उनले ठोरीको पर्यटन प्रवर्द्धनमा सघाउने आश्वासन समेत दिइन् । गाउँपालिका अध्यक्ष पदमलाल श्रेष्ठले प्रतिभावान बालबालिका भित्र रहेको क्षमता अभिवृद्धिमा यो अभियानले सघाउने विश्वास लिएको बताए । आर्थिक अभावका कारण प्रतिभा भएका कोही पनि खुम्चिएर बस्नु नपर्ने उनले बताए ।

ठोरीलाई नमूना गाउँपालिका बनाउनका लागि सबै पक्ष जिम्मेवार भएर लाग्नु पर्ने तर्क उनको थियो । कार्यक्रमका जगरनाथपुर गाउँपालिकाका अध्यक्ष जालिम मियाँ, ठोरी गाउँपालिकाकी उपाध्यक्ष शान्तिमाया थिङ्, ठोरीका प्रमुख प्रशासकीय अधिकृत नवीन लामा लगायतले सम्बोधन गर्दै विद्यार्थीहरुमा लुकेर रहेका प्रतिभाको पहिचान गर्दै विद्यार्थीमा नयाँ सोचको विकास हुने विश्वास व्यक्त गरेका थिए ।

श्री विजयवस्ति माविका प्रधानाध्यापक नारायण लामाले स्वागत मन्तव्य राखेको कार्यक्रममा वडाध्यक्ष बईबहादुर पाख्रीन, साविक सुवर्णपुर गाविसका पुर्व अध्यक्ष जरी लामा, शिक्षक महासंघ ठोरीका अध्यक्ष अमृत श्रेष्ठ, सामुदायिक विद्यालयका प्रधानाध्यापकहरु,प्रतिनिधि शिक्षकहरु, विद्यार्थीहरु लगायतको सहभागीता रहेको थियो।

शैक्षिक उत्सवकै रुपमा आयोजना गरिएको कार्यक्रमको पहिलो दिन निबन्ध, कविता र वकतृत्व कला प्रतियोगिता कार्यक्रम सम्पन्न भएको छ । दोस्रोदिन शुक्रवार नृत्य , हाजिरी जवाफ र भलिबल प्रतियोगिताको आयोजना गरिने लामाले बताए ।

वीरगंज : शाहिद दिवसको उपलक्ष्यमा बिरगंज, १४ बहुवरी पिपरामा बुधबार निशुल्क आँखा परीक्षण शिविर सम्पन्न भएको छ । समुदाय प्रहरी साझेदारी कार्यक्रम आन्तर्गत स्टार युथ क्लब बहुवारी पिपरा र माट्रिका आई फाउन्डेसनको संयुक्त आयोजनामा आँखा परीक्षण शिविर सम्पन भएको हो ।

शिविरमा २१३ जनाको आँखा जाँच गरिएकोमा ४२ जनामा मोतियाविन्दु फेला परेको माट्रिका आई फाउन्डेशनका मेडिकल कोअर्डीनेटर महेश सिंह धामीले जानकारी गराए । मोतियाविन्दु फेला परेका विरामीहरुको फाउन्डेशनले निशुल्क शल्यक्रिया समेत गर्ने उनले वताए ।

शिविरमा आएका सामान्य आँखाका विरामीहरुलाई निशुल्क औषधी समेत वितरण गरिएको पहलका दिलिप राजकार्कीले जानकारी गराए ।

क्लबका अध्यक्ष समसाद अलीको अध्यक्षतामा र वड़ा प्रहरी कार्यालय श्रीपुरका प्रहरी निरीक्षक चक्र बहादुर मल्लको प्रमुख आतिथ्य भएको कार्यक्रममा सामाजिक अभियन्ता समाज सेवी अबुलेश अंसारी लगायतको उपस्थिति रहेको थिय। कार्यक्रमका प्रमुख अतिथी प्र.नि. चक्रमल्लको आँखा चेक जांच गरी शिविर सुरु भएको थियो ।

पर्सा, १६ माघ ।
शहिद दिवसको सार्वजनिक विदा नभए पनि पर्साका धेरै जसो विद्यालयहरु बुधबार वन्द भएका छन । पर्साको पोखरिया नगरपालिका र पटेर्वा सुगौली गाउँपालिकाको सम्पूर्ण विद्यालयहरु बन्द थियो भने अरु गाउँपालिका र नगरपालिका केही बिद्यालयहरु संचालन र केही वन्द रह्यो ।

संघ र प्रदेश सरकारले सार्वजनिक विदा शहिद दिवसको नदिए पनि विद्यालयका प्रअहरु मनपरी गरी विद्यालय वन्द गरेका छन । पोखरीया नगरपालिकाको श्री जिल्ला उच्यांगल, रामदेव कलवार माध्यमिक बिधालय पोखरीया सहित सम्पुर्ण बिधालयहरु बन्द रहेका थिए भने सुगौली पटेवर्वा गाउपालिकाको श्री लक्ष्मण साह, चन्द्रज्योती माध्यमिक बिधालय रंगपुर, श्री नेपाल राष्ट्रिय आधारभुत बिधालय गादी ६ रंगपुर बिश्रामटोल लगायतका बिधालयहरु बन्द रहेका थिए ।

यता बहुदरमाई नगरपालिका वडानम्बर ८ रामनगरीका देवनन्दन देवराज माध्यमिक बिधालय रामनगरी, सखुवाप्रसौनी गाउपालिकाका रामसुरत महतो आधारभुत बिधालय श्रीपुर पांचगावा, श्री नेपाल राष्ट्रिय आधारभुत बिधालय जगदिशपुर जमुनिया लगायतका बिधालयहरु बन्द रहेको थियो । आज पर्साको अधिकांश बिधालयहरुमा जिल्ला शिक्षा विकास समन्वय ईकाई कार्यालय पर्साबाट सोही कार्यालयका निमित कार्यालय प्रमुखको नेतृत्वमा निस्केको अनुगमन टोलीले अनुगमन गर्न जादा धेरै बिधालयहरु संचालनमा रहेको पाएको छ भने अधिकांश बिधालयहरु बन्द रहेको प्रमुख हरि राउत कुर्मीले बताउनु भएको छ ।

प्रमुख कुर्मीका अनुसार हामा्रे प्रदेश सरकारले पनि बिदाको बारेमा नबोलेको र यो बिदालाई मिलान पनि गरिएकोले बिधालय बन्द नगर्नु पर्ने थियो । जसजसले बिधालय बन्द गरेका छन । सो गाउपालिकाका प्रमुख र बिधालयका प्रध्यानाध्यापकलाई कार्यालयबाट पत्र काटी जानकारी लिने र सो कुरामा छानबिन गरी अगाडी बढने बताउनु भयो ।