वीरगञ्ज । बाराको विश्रामपुर गाउँपालिकाका अध्यक्ष अमिरीलाल राउत भेडिहर पक्राउ परेका छन् । सवारी ज्यान मुद्दाका फरार प्रतिवादी अध्यक्ष भेडिहरलाई आइतबार पक्राउ गरिएको जिल्ला प्रहरी कार्यालय बाराले जनाएको छ ।
भेडिहरलाई जिल्ला अदालत बाराले २०६३ सालको भदौ २९ गते सवारी ज्यानमुद्धामा २९ दिन कैद र २ हजार रुपैयाँ जरिवानाको फैसला सुनाएको थियो ।
बारा विश्रामपुर गाउँपालिका वडा नं. ३ घर भएका अध्यक्ष भेडिहरलाई प्रहरी निरीक्षक ओमप्रकाश यादवको कमाण्डमा खटिएको प्रहरि टोलिले नियन्त्रणमा लिएको हो ।
प्रतिवादी अध्यक्ष भेडिहरलाई नियन्त्रणमा लिई बारा जिल्ला अदालत कलैयामा पेश गरिएको र आदालतको आदेशानुसार निजलाई २९ दिन कैद भुक्तानको लागी पर्सा जिल्ला कारागार बिरगंजमा पठाइएको प्रहरी कार्यालय बाराले जनाएको छ ।
