Date
आइत, मंसिर ६, २०८३
Sun, November 22, 2026
Home Blog Page 1054

जग्गाकाे मूल्याँकन बढाउन मालपाेतकाे कर्मचारी मिलाउन दलाल सक्रिय

0
malpot karyalaya parsa_kalikatimes

वीरगंज । जग्गाकाे मूल्याँकन बढाउन मालपाेत कार्यालय पर्साका कर्मचारी मिलाउन दलाल सक्रिय भएका छन् । विगतमा हुदै आएकाे मूल्यांकन बढाउने कार्य हाल काठमाण्डाैकाे एक कम्पनीले वीरगंजमा खरिद गरेकाे जग्गाकाे मुल्यांकन बढाउने मालपाेतका कर्मचारीलाई मिलाउने कार्य भइरहेकाे समाचार प्राप्त भएकाे छ ।

हाम्राे ग्रुप अफ कम्पनी काठमाण्डाैले वीरगंज महानगरपालिकाकाे मनियारीमा खरिद गरेकाे जग्गाकाे नामसारी गर्ने क्रममा मूल्यांकन बढाउनकाे लागि दलाल मार्फत मालपाेतकाे कर्मचारीलाई मिलाउने कार्य भइरहेकाे बुझिएकाे छ । स्राेतका अनुसार बैंकबाट ऋण लिनकाे लागि कम्पनीले ठूलाे परिमाणमा कराेडाै रुपयामा खरिद गरेकाे जग्गाकाे मूल्यांकन बढाउन लागि परेकाे छ ।

मालपाेत कार्यालय पर्सामा तत्कालिन सुब्बा मदन गुप्ता हुदा समय साेही जग्गाकाे मूल्यांकन बढाएर नामसारी गराउन प्रयास हुदा पनि विफल भएकाे थियाे । साे समयमा जग्गा नामसारी गराउने समयमा जग्गाकाे थैली राख्दा दुई किसिमकाे रसिद काट्ने गरिन थियाे । थैली अनुसारकाे बुझाउनु पर्ने नामसारी करकाे रसिद एउटा नक्कली र एउटा सक्कली काट्ने गरिन थियाे ।

सक्कली रसिद मालपाेत कार्यालयकाे अभिलेखमा राखिने र नक्कली रसिद बाहिर देखाउने प्रयाेजनकाे लागि प्रयाेग गरिनथ्याे । सक्ली रसिदमा जग्गाकाे कम थैली देखाएर सरकारी दस्तुर कम जम्मा गरिने र नक्कली रसिदमा बढी थैली देखाएर दलाल मार्फत प्राप्त रकममा बाँडफाड गरिने गरिनथ्याे । जुन कार्य गर्ने मालपाेतका कर्मचारी र गराउने दलाललाई माेटाे रकम आमदनी हुने गर्थियाे ।

बैंक प्रयाेजनकाे लागि साेही प्रवृति पुन: पुनरावृत गराई जग्गाकाे मुल्यांकन बढाउन दलाल लेखन्दास सक्रिय भएकाे समाचार स्राेतले जनाएकाे छ ।

 

 

महानगरका विद्यालयमा १० दिन हिउँदे विदा

0
birgunj mahanagar notices_kalikatimes

वीरगंज । वीरगंज महानगरपालिकाले पनि विद्यालयहरुमा हिउँदे विदा दिएकाे छ । महानगरले सबै सामुदायिक तथा संस्थागत विद्यालयहरुमा १० दिन हिउँदे विदा दिइएकाे हाे ।

महानगरपालिकाकाे मिति २०७६ पुस ६ गतेकाे निर्णय अनुसार मिति २०७६ पुस ९ गते देखी १८ गते सम्मकाे लागि विदा दिएकाे शैक्षिक प्रशासन महाशाखा प्रमुख अरविन्द लाल कर्णले वताए ।

मौसम प्रकाेपका कारण अत्यधिक चिसाे बढदै गएकाेले बालबालिकाहरुकाे स्वास्थ्य बिग्रने अवस्था देखिएकाेले विदा दिइएकाे महानगरले एक सुचना जारी गर्दै जानकारी गराएकाे छ ।

माैसम अनकुल भएमा विदा रद्द हुने गरी वर्षे विदाबाट मिलान हुने गरी हिउँदे विदा गरिएकाे कर्णद्वारा हस्ताक्षरित सुचनामा उलेख गरिएकाे छ ।

सुत्रकाे सिस्टम काम नगर्दा स्थानिय तहकाे आर्थिक काम प्रभावित

0
sutra sistam_kalikatimes

वीरगंज । स्थानिय तहबाहरुबाट बजेटिङ तथा लेखांकनकाे कार्यका लागि प्रयाेग हुदै आएकाे सुत्र सफ्टवेयर काम नगर्दा पालिकाहरुकाे आर्थिक काम प्रभावित भएकाे छ ।

सिस्टममा अनलाईन विवरण अपलाेड गरी मात्र चेक काट्नु पर्ने भएकाेले सिस्टम नै काम नगर्दा आर्थिक काम प्रभावित भएकाे हाे । सुत्रकाे सिस्टम काम नगर्दा स्थानिय तहकाे सम्पूर्ण किसिमकाे निकास राेकिएकाे लेखापालहरुले जनाएका छन् ।

सफ्टवेरमा प्रविष्ट गरिएका केही तथ्यांक तथा डाटाहरु प्राविधिक कारणवश नाेक्सान समेत हुन गएकाे महालेखा नियन्त्रक कार्यालयले जनाएकाे छ । कार्यालयकाे अथक प्रयास पछि सुत्र सिष्टम तथा २०७६ मंसिर ११ सम्मकाे डाटा रिकाेभर गर्न सकिए ता पनि त्यस पछिकाे डाटा भने प्राप्त गर्न नसकिएकाे जनाएकाे छ ।

सुत्रकाे प्रयाेगकर्ताहरुले सुत्र सिष्टममा उक्त मिति पछि प्रविस्ट गरिएकाे भाैचर तथा बजेट सम्बन्धि तथ्यांकहरु पुन प्रविष्ट गरि सके पछि मात्र नयाँ भाैचर सुत्र सफ्टवेयरबाट तयार गर्न आग्रह गरेकाेले नयाँ आर्थिक काम प्रभावित भएकाे हाे ।

 

सोनाक्षी भन्छिन्–‘दबंग ३’ भन्दा आन्दोलन महत्वपूर्ण

0
sonakxhi sinha_kalikatimes

नायक सलमान खान र नायिका सोनाक्षी सिन्हा अभिनित चलचित्र ‘दबंग ३’ अहिले विश्व बजारमा रिलिज भैरहेको छ । तर, भारतमा केही दिनदेखि चर्किएको नागरिकता संसोधन विधेयक विरुद्धको आन्दोलनका कारण यो चलचित्रको व्यापारमा घाटा लागेको छ । जसकाकारण, चलचित्रले सुरुवाती दिनमा अपेक्षित व्यापार गर्न सकेन । चलचित्रले ३ दिनमा करिब ८० करोडको आसपासमा व्यापार गरेको छ । यो सलमान खान स्टारर चलचित्रका लागि कम हो ।

तर, चलचित्रकी नायिका सोनाक्षी सिन्हा भने अहिले ‘दबंग ३’को व्यापार भन्दा पनि भारतमा भैरहेको आन्दोलनको बिषयमा कुरा गर्ने समय भएको बताउँछिन् । सोनाक्षीले भनिन्–‘हामी सबैलाई थाहा छ भारतमा के भैरहेको छ । जनतालाई के महत्वपूर्ण हो भन्ने थाहा छ । तर, म दर्शकले जुन तरिकाको प्रतिक्रिया दिनुभएको छ, यसले उत्साहित छु । यो समयमा सिंगो देश नै एकत्रित भएको छ । यो चलचित्र भन्दा महत्वपूर्ण पक्ष हो ।’

यो चलचित्रको अनलाइन पाइरेसी समेत भैसकेको छ । जसलेगर्दा, चलचित्रको व्यापारमा ठूलो असर गर्ने पक्का छ । सोनाक्षी भन्छिन्–‘हामीले लामो समयदेखि दर्शकलाई पाइरेट फिल्म नहेर्ने भनिरहेका छौ । यसले सिंगो चलचित्र क्षेत्रलाई नै असर गर्छ ।’

भारतमा भैरहेको नागरिकता संसोधन विधेयकको विरुद्धमा सोनाक्षीले भनिन्–‘म यो देशका नागरिकको पक्षमा छु । म ती मानिसहरुमाथि गर्व गरिरहेकी छु, जो आफ्नो आवाज उठाउन सडकमा आएका छन् । म उनीहरुको पक्षमा छु ।’

बलिउडका नाम चलेका कलाकारले यो बिषयमा नबोलेको प्रश्नमा सोनाक्षीले भारतीय मिडियासँग भनेकी छिन्–‘मलाई लाग्छ कि, कोही यो बिषयमा बोल्न चाहन्छ भने उसले बोल्न सक्छ । कसैले चाहदैन भने नबोल्दा पनि हुन्छ । आखिर, यो उसको अधिकारको कुरा हो ।’

बलिउडका ठूला कलाकार सडकमा आउँदा सिंगो ध्यान नै उनीहरुतर्फ तानिने सोनाक्षीको भनाई छ । यदि मानिसहरुले कलाकार पनि भीडको एक सदस्य हुन् भन्ने वुझेको खण्डमा, सेलिब्रिटी पनि सडकमा आउने सोनाक्षीले बताइन् ।

नमुना सयुक्त राष्ट्र संघको पहिलो संस्करण वीरगंजमा हुने

0
patrakar samelan5_kalikatimes

वीरगंज । वीरगंजमा नमुना सयुक्त राष्ट्र संघको पहिलो संस्करण हुने भएको छ । वीरगंज पब्लिक कलेजमा यही पौष ११ गतेदेखी १३ गते सम्म कार्यक्रम आयाेजना हुने आयाेजकले जनाएकाे छ ।

युवाहरुको क्षमता अभिबृद्धि र व्यक्तित्व बिकास गराउने र राष्ट्रनिर्माणमा युवाहरुको सहभागिता गराउने अभिप्रायले कार्यक्रमको आयोजना गर्न लागिएकाे आयाेजक संस्था बैचारिक युवा समाजका दिलिप हजाराले वताए ।

बैचारिक युवा समाज र अमेरीकी दुतावास नेपालको सहकार्यमा प्रदेश न. २ मै पहिलो पटक यस्तो कार्यक्रम हुन लागेको आयोजकको दाबी छ । वीरगञ्ज पब्लिक कलेजको सभाहलमा आज पत्रकार सम्मेलनको आयोजना गरी कार्यक्रमको बारेमा आयोजकले जानकारी गराएको हो ।

संयुक्त राष्ट्रसंघका गतिबिधि र आगामी दिनमा गर्ने क्रियाकलापका साथै बिकास निर्माण, वातावरणको संरक्षण र महिला हिंसा लगायतका बिषयमा छलफल र बिचारको आदान प्रदान गर्न पनि यस कार्यक्रमले सहयोग पुग्ने बिश्वास आयाेजककाे छ ।

सो कार्यक्रममा प्रदेश न. २ का ८ वटै जिल्लाबाट बिभिन्न क्षेत्रका ६० जना युवाहरुको सहभागिता रहने छ । यसैगरी ७ वटै प्रदेशमा कार्यक्रम समापन भइसकेपछि त्यसमध्येबाट छनौट भएकाहरुलाई काठमाण्डौमा हुने अन्तराष्ट्रिय सम्मेलनमा पनि सहभागि गराइने संस्थाका निमेश बाबु ओलिले जानकारी गराए ।

सशस्त्र प्रहरीद्वारा भारी परिमाणमा लागु औषध चरेश बरामद

0
kalikatimes news pic

वीरगंज । सशस्त्र प्रहरीले पर्साकाे धोबिनी गाउँपालिका वडा नम्बर ५ बाट भारी परिमाणमा लागु औषध चरेस बरामद गरेको छ । सशस्त्र प्रहरी बेस क्याम्प बोर्डर आउट पोष्ट भीस्वा बंजारीले लागु औषध २१ पोका चरेस बरामद गरेकाे हाे ।

खेतको बाटो हुदै भारत तर्फ लगिरहेको तस्करहरु सशस्त्र प्रहरी बेस क्याम्प भीस्वा बंजारकाे गस्ती टोलीलाई देखे पछि चरेश छाेडी  फरार भएको प्रहरीले जनाएको छ ।

आइतबार राती १ बजेको समयमा बराम्मद गरिएको चरेस २० किलो ८ सय ६० ग्राम रहेको ईलाका प्रहरी कार्यालय पोखरीयाले जनाएको छ । बराम्मद भएकाे चरेस ईलाका प्रहरी कार्यालयमा पाेखरियामा बुझाईएको सशस्त्र प्रहरीले जनाएकाे छ ।

पर्साकाे ८ स्थानिय तहमा अझै पनि दिवाखाजा सुरु भएन

0
diwa khaja _kalikatimes

वीरगंज । पर्साको जनप्रतिनिधीहरुको लापरवाहीका कारण ८ वटा स्थानिय तहका दर्जनौ बिधालयहरुमा दिवा खाजा संचालन हुन सकेकाे छैन् । १४ स्थानिय तह मध्ये ६ वटा स्थानिय तहले मात्रै दिवाखाजा संचालन गरेको जिल्ला शिक्षा विकास समन्वय ईकाई पर्साले जनाएको छ ।

दिवाखाजा संचालनमा नआउदा ८ वटा स्थानिय तहमा रहेका दर्जनौ बिधालयको हजारौ बिधार्थीहरु दिवाखाजा सेवाबाट बंचित भएका छन । आर्थिक बर्ष २०७६।०७७ को ५ महिना बितिसक्दा पनि दिवाखाजा संचालनमा नआउनु दु:खद रहेको राष्ट्रिय प्रारम्भीक कक्षा पढाई कार्यक्रमका पर्सा संयोजक भरत सहनीले बताए ।

प्रत्येक बिधार्थीको १५ रुपैयाको दरले प्रतिदिन पाउने रकम स्थानिय तहले बिधालयलाई उपलब्ध नगराउदा लाखौ रकम पर्साबाट फ्रिज हुने जनाइएको छ । खर्च नभएको रकम ब्यर्थमा फ्रिज हुनु र बिधार्थीले सेव नपाउनु दु:खद भएको पर्सावासीहरुको गुनासो छ ।

अहिले सम्म दिवाखाजा संचालन गरेको पालिका मध्ये बिरगंज महनगरपालिका, पोखरिया नगरपािलका, सखुवा प्रसौनी, पकहामैनपुर, पटैवर्वा सुगौली र छिपहमाई गाउँपालिका रहेकाे छ । ५ महिना बितिसक्दा पनि दिवाखाजा संचालन गर्न नसकेका पालिका कालिकामाई, धोबिनी, बिन्दवासिनी बहुदरमाई, जिराभवानी, जगरनाथपुर, ठोरी गाउँपालिका, पर्सागढी र बहुदरमाई नगरपालिका रहेका छन ।

यसै गरी गत बर्ष पनि दिवाखाजा शुरु नै नगरी लाखौ रकम फ्रिज गराएका पालिका मध्ये कालिकामाई, धोबिनी, बिन्दवासिनी र बहुदरमाई नगरपालिका रहेका छन ।

यसरी नै बालबालिकाको शिक्षालाई स्तोरन्ती र शिक्षा प्रति लगनशिलता तथा बालबालिकाहरु बिधालयमा नियमित आओस उदेश्यले संचालनमा ल्याईएको दिवाखाजा कार्यक्रम नै संचालन नहुनुले सम्बन्धित स्थािनय तहकाे जनप्रतिनिधिकाे लापरवाही देखिएकाे बुद्धीजीवहरुकाे आरोप छ ।

चाेरीकाे आराेपमा पकहा मैनपुरबाट एक युवक पक्राउ

0
chori aaropma pakrau_kalikatimes

वीरगंज । पर्साको पकहा मैनपुरबाट आज प्रहरीले एक जनालाई चोरीकाे आराेपमा पक्राउ गरेकाे छ । प्रहरी चौकी प्रसौनी भाठ्ठाले पकहा मैनपुर गाउँपालिका वडा नम्बर २ मधुबनी निवासी दिलिप सहनीलाई पक्राउ गरेकाे हाे ।

बिन्वासिनी गाउँपालिका वडा नम्बर ५ हाँसवा टोल स्थित रहेको निमियामाई मंन्दिरको झ्याल फुटाई समान चोरी रहेकाे अवस्थामा साेमबार बिहान मंन्दिरका पुजारीले सहनीलाई देखेका थिए । पुुजारीले देखे उनलाई देखे पछि उनी भागेका थिए । मन्दिरका पुजारीले घटना बारे प्रहरीलाई जानकारी गराए पछि निजलाई उनकाे घरबाट प्रहरी पक्राउ गरेकाे ईलाका प्रहरी कार्यालय पोखरियाले जनाएको छ ।

मंन्दिरको झ्यालकाे ५ वटा रड मध्ये ३ वटा रड ताेड्न उनी सफल भए पछि पुजारीले देखे पछि उनी भागेका थिए । पक्राउ परेका सहनीलाई आवश्यक कार्यवाहीका लागी जिल्ला प्रहरी कार्यालय पर्सामा पठाएको ईलाका प्रहरी कार्यालय पोखरीयाका सई बिनोद रानाले बताए ।

कालिकामाई र छिपहरमाईका विद्यालयमा पनि विदा

0

वीरगंज । पर्साको छिपहरमाई गाउँपालिकाका विद्यालय पनि ५ दिनको लागि बन्द भएको छ । बढेको चिसो र शितलहरलाई मध्य नजर गर्दै पुस ७ गते देखि ११ गते सम्मको लागि विदा दिइएको गाउँपालिकाका प्रमुख प्रशासकीय अधिकृत देवनाथ साहले वताए ।

बढेको चिसो र शितलहरका कारण पठन पाठन समस्य भए पछि गाउँपालिका अन्तर्गतका सम्पूर्ण विद्यालमा सोमबार देखि शुक्रबार सम्म बिदा दिने निर्णय भएको प्रमुख प्रशासकिय अधिकृत साहले जानकारी गराए ।

यस्तै कालिकामाई गाउँपालिकाले पनि विदा दिएको छ । आज बसेको गाउँ कार्यपालिकाको बैठकको निर्णय अनुसार विदा दिईएको प्रमुख प्रशासकिय अधिकृत राजु साहले वताए ।

कक्षा एक देखि ७ सम्म पुस ७ गते देखि १३ गते सम्म र कक्षा ८ देखि १० सम्म गाउँपालिकाद्वारा संचालित लागु औषध विरुद्धको तालिम सम्पन्न भएको भोलि पल्ट देखि एक हप्ता सम्म विदा दिने निर्णय भएको प्रसासकिय अधिकृत साहले जानकारी गराए ।

वडाध्यक्ष पटेलद्वारा एकल र दलित महिलाहरुलाई कम्बल बितरण

0

वीरगंज । पर्साको कालिकामाई गाउपालिकाको वडानम्बर ३ हरिहरपुरबिर्तामा आज एक समारोहका बिच १ सय थान कम्बल बितरण गरिएको छ ।

बिगत ४ दिन देखी बढेको शितलहरका कारण जाडोबाट बच्नका लागी कम्बल बितरण गरिएको वडानम्बर ३ का वडाअध्यक्ष संजय पटेलले बताउनु भएको छ । वडानम्बर ३ का ७६ जना एकल महिला र २४ जना बिपन्न र दलित महिलाहरुलाई कम्बल बितरण गरिएको वडा कार्यालयले जनाएको छ ।

वडाअध्यक्ष संजय पटेलको अध्यक्षतामा भएको कम्बल बितरण समारोहमा वडासदस्य रामराज चौरसिया, जाकिर हुसेन, कमलेश पासवान, संजय कुर्मी लगायतकाे सहभागीता रहेको थियो ।