वीरगंज । पर्साको छिपहरमाई गाउँपालिकाका विद्यालय पनि ५ दिनको लागि बन्द भएको छ । बढेको चिसो र शितलहरलाई मध्य नजर गर्दै पुस ७ गते देखि ११ गते सम्मको लागि विदा दिइएको गाउँपालिकाका प्रमुख प्रशासकीय अधिकृत देवनाथ साहले वताए ।
बढेको चिसो र शितलहरका कारण पठन पाठन समस्य भए पछि गाउँपालिका अन्तर्गतका सम्पूर्ण विद्यालमा सोमबार देखि शुक्रबार सम्म बिदा दिने निर्णय भएको प्रमुख प्रशासकिय अधिकृत साहले जानकारी गराए ।
यस्तै कालिकामाई गाउँपालिकाले पनि विदा दिएको छ । आज बसेको गाउँ कार्यपालिकाको बैठकको निर्णय अनुसार विदा दिईएको प्रमुख प्रशासकिय अधिकृत राजु साहले वताए ।
कक्षा एक देखि ७ सम्म पुस ७ गते देखि १३ गते सम्म र कक्षा ८ देखि १० सम्म गाउँपालिकाद्वारा संचालित लागु औषध विरुद्धको तालिम सम्पन्न भएको भोलि पल्ट देखि एक हप्ता सम्म विदा दिने निर्णय भएको प्रसासकिय अधिकृत साहले जानकारी गराए ।
