Date
आइत, मंसिर ६, २०८३
Sun, November 22, 2026
Home Blog Page 1053

फेन्सी ड्रेस कम्पिटिशन तथा पाठशाला आइडल सम्पन्न

0
royal acdemy_kalikatimes

वीरगञ्ज । वीरगञ्ज पाठशालाको आयोजनामा आज फेन्सी ड्रेस कम्पिटिशन तथा पाठशाला आइडल सम्पन्न भएको छ । वीरगञ्ज पाठशालाको परिसरमा सम्पन्न प्रतियोगिताले विद्यार्थीहरुको क्षमता अभिबृद्धि र व्यक्तित्व बिकासमा सहयोग पुग्ने बिश्वास गरिएको छ ।

प्रतियोगितामा रोयल एकेडेमीका अध्यक्ष तथा निर्देशक ओमप्रकाश श्रेष्ठ र सञ्चारकर्मी तथा स्थानिय कलाकार सुर्य नारायण बिकले निर्णायकको भुमिका निर्वाह गरेका थिए । फेन्सि ड्रेस कम्पिटिशन तथा पाठशाला आइडलमा बिजयी विद्यार्थिहरुलाई अतिथिहरुले पुरस्कार बितरण गरेका थिए । सो अवसरमा बिभिन्न सांस्कृतिक प्रस्तुती समेत विद्यार्थिहरुले प्रस्तुत गरेका थिए ।

पाठशालाकी प्रिन्सिपल बिजया ओझैयाको सभापतित्वमा भएको प्रतियोगितामा पाठशालाका अध्यक्ष सन्दिप रौनियार, पाठशालाका सल्लाहकार एवम् ग्लोबल बिजनेश कलेजका निर्देशक तथा प्रिन्सिपल श्रीराम दास, बालअधिकारकर्मी ज्योति शाह, लगायत अभिभावक तथा स्थानिय बासिको उल्लेख्य उपस्थिती रहेको थियो ।

कार्यक्रमको समापन गर्दै पाठशालाकी प्रिन्सिपल ओझैयाले आगामी दिनमा पनि यस्ता कार्यक्रमलाई निरन्तरता दिने बताउँदै कार्यक्रमलाई सफल बनाइदिएकोमा अतिथि, शिक्षक, शिक्षिका, अभिभावक एवम् सम्पुर्ण सहयोगी हातहरुलाई आभार व्यक्त गर्नुभयो ।

सखुवा प्रसाैनीले गर्भावति महिलाहरुलाई विभिन्न सामग्री वाडदै

0
sakhuwa prasauni samgri badade_kalikatimes

वीरगंज । पर्साको सखुवा प्रसौनी गाउँपालिकाले आज देखी गर्भवति महलिाहरुलाई आवश्यक पर्ने विभिन्न सामग्री वितरण सुरु गरेकाे छ । गर्भवती महिलाहरुलाई मेडिकेटेड झुल १ थान, आयोनुन १ थान र गर्भवतिले खाने क्यालसियम चक्की नि:शुल्क बितरण कार्यक्रमकाे सुरुवात गरेकाे हाे ।

एक कार्यक्रमका बिच सखुवा प्रसौनी गाउँपालिकाका अध्यक्ष प्रदिप जयसवालले स्वास्थ्चौकी महुअवनबाट गर्भवति महिलाहरुलाई सामग्री बितरण गरी शुभारम्भ गर्नु भएको हाे । गाउँपालिका अन्तर्गतका ६ वटा स्वास्थ्य शाखाबाट गर्भवती जाँच गराउने आउने महिलाहरुले नि:शुल्क सामग्री वितरणकाे औपचारिक सुरुवात गरिएकाे प्रमुख प्रशासकिय अधिकृत संदेश कुमार यादवले वताए ।

गर्भवति तथा गर्भमा रहेका बच्चालाई आवश्यक पोषण पाउनुको साथै लामखुटेको टोकाईबाट गर्भवति तथा बच्चालाई सुरक्षित राख्न मदत पुग्ने उद्देश्यले गाउँपालिकाबाट सामग्री वितरण गर्न थालिएकाे स्वास्थ्य शाखाका संयोजक राजेश रौनियारले बताए ।

समाजवादीले सरकार छाड्यो, उपेन्द्र यादवले दिए राजीनामा

0
Upendra Yadav

काठमाडौं । समाजवादी पार्टीले सरकार छाडेको छ । संविधान संशोधन प्रस्ताव मन्त्रिपरिषदमा पेश गर्ने प्रयास असफल भएपछि समाजवादी पार्टीले सरकार छाड्ने निर्णय गरेको हो ।

त्यसको भोलिपल्ट उपप्रधानमन्त्री तथा कानूनमन्त्री उपेन्द्र यादव र सहरी विकासमन्त्री मो. इस्तियाक राइले पदबाट राजीनामा दिएका छन् ।

पार्टी अध्यक्षसमेत रहेका यादवले प्रधानमन्त्रीलाई सम्बोधन गर्दै राजीनामा पत्रमा संविधान संशोधन प्रस्ताव अस्वीकार गरेर सरकार दुईबुँदे सहमतिबाट पछि हटेको उल्लेख गरेका छन् ।

पत्रमा भनिएको छ, ‘सहमतिलाई एकतर्फी रुपमा तोडेको प्रष्ट भएकाले नैतिकताको आधारमा सरकारमा बसिरहन औचित्य नभएको हुँदा आजकै मितिबाट लागू हुने गरी उपप्रधानमन्त्री एवं कानूनमन्त्री पदबाट राजीनामा दिएको व्यहोरा अनुरोध छ ।’

प्रधानमन्त्री ओलीलाई सम्बोधन गर्दै यादवले मङ्गलबार एक विज्ञप्ती जारी गर्दै राजीनामा दिएका हुन् । मन्त्री यादव २०७५ जेठ १४ गते केपी ओली नेतृत्वको सरकारमा सहभागी भएका थिए ।

केही दिनअघिदेखि समाजवादी पार्टी नेपालले सरकारबाट बाहिरिने तयारी गरेको थियो ।  संविधान संशोधनको लागि भन्दै सरकारमा सहभागी भएको सो पार्टीले त्यो सम्भव नहुने देखिएपछि सरकारबाट बाहिरिनुपरेको बताएको छ ।

मन्त्री यादवले राजीनामा दिनुअघि सो पार्टीले मंगबालर नै संसदीय दलको बैठक बोलाइएको थियो ।  स्वास्थ्यमन्त्रीबाट कानुन मन्त्रीमा सरुवा भएपछि पहिलोपटक सोमबार मन्त्रिपरिषद्को बैठकमा सहभागी भएका यादवले संविधान संशोधनको प्रस्ताव लगेका थिए । उनको प्रस्तावको पहिलो बैठकमै प्रधानमन्त्री एवम् नेपाल कम्युनिस्ट पार्टी (नेकपा) अध्यक्ष ओलीसँग विवाद भएको थियो ।

मन्त्री यादवले संविधान संशोधान प्रस्ताव सिधै मन्त्रिपरिषद्मा लगेका थिए । तर बैठकमा प्रस्तुत नहुँदै प्रधानमन्त्री ओलीले उक्त प्रस्तावलाई अस्वीकार गरिदिएपछि विवाद भएको हो ।

हिमाल बचतकाे १२ औं बार्षिक साधारण सभा सम्पन्न

0
himal bachat2_kalikatimes

वीरगन्ज । ‘दिगो विकास लक्ष्य प्राप्तिका लागि सहकारी’ भन्ने नारा सहित संचालित श्री हिमाल बचत तथा ऋण सहकारी सँस्था वीरगंजको १२ औं बार्षिक साधारण सभा साेमबार सम्पन्न भएको छ ।

वीरगंज स्थित भिस्वा होटलमा आयोजित साधारणसभालाई सभाका प्रमुख अतिथि नेशनल मेडिकल कलेजका चेयरमैन जैनुद्दिन अन्सारीले पानसमा दीप प्रज्वलित गरि उद्घाटन गरेका थिए ।

सहकारी सँस्थाका अध्यक्ष डा. सधिया यासमीनको सभापतित्वमा भएकाे कार्यक्रममा नेपाल प्राइभेट मेडिकल कलेज एशोसिएशनका अध्यक्ष बसरुद्दिन अन्सारी, राष्ट्रिय सहकारी बोर्डका संचालक समितिका सदस्य शम्भु प्रसाद गुप्ता, नेफस्कुन प्रदेश २ का इन्चार्ज हरेराम पटेल, जिल्ला बचत तथा ऋण सहकारी संघका अध्यक्ष जिस्नु बराल लगायतकाले शुभकामा मन्तव्य व्यक्त गरेका थिए ।

कार्यक्रममा नवनियुक्त्त सहकारी बोर्डका संचालक समिति सदस्य गुप्ता र नेफस्कुन प्रदेश २ का इन्चार्ज पटेललाई सम्मान समेत गरिएको थियो ।

पाेखरियामा पुन: आगलगी

0
फाइल तस्बिर

पाेखरिया । पर्साको पोखरीया नगरपालिका वडा नम्बर २ लमरियामा आज दिउसो १.३० बजे पुन: आगलगी भएकाे छ । स्थानिय रहिद मियाँको परालमा लागेकाे आगो पोखरीया नगरपालिकाबाट पुगेको दमकलले नियन्त्रमा लिएको छ ।

पराल नजिक बच्चाहरुले खेल्ने क्रममा आगो लागेको इलाका प्रहरी कार्यालय पोखरीयाले जनाएको छ । गाउँको दक्षिणपटि रहेको परालको कुईनोमा आगो लाग्दा स्थानियहरुले प्रहरीलाई खबर गरेका थिए । आगलगी एक विगहा धानकाे राखिएकाे पराल जलेर नष्ट भएकाे छ । आगलगी कसरी भएकाे हाे बारे खुल्न सकेकाे छैन् ।

आगलगी स्थल पुगेकाे प्रहरी, स्थानियवासी र नगरपालिकाकाे दमकलकाे सहयाेमा आगाे नियन्त्रणमा आएकाे र त्यस नजिकै रहेका अरुल परालहरु बाँच्न सफल भएकाे प्रहरीले जनाएकाे छ । केही दिन पहिला मात्र पाेखरिया नगरपालिकामा एकै रातमा ८ ठाउँमा आगलगी भएकाे थियाे ।

मेयर सरावगीद्वारा बसडिलवामा कम्बल वितरण

0
mayer bijay sarawagi_kalikatimes

वीरगंज । वीरगंज महानगरपालिकाका मेयर विजय कुमार सरावगीले मंगलबार बिरगंज महानगरपालीकाकाे वडा नं. २९ बसडिलवामा कम्बल वितरण गरेका छन् ।

समाजसेवि राम सरार्फकाे सहयोगमा मेयर सरावगीले बसडिलवाका दलित, थारु, एक्ल महिला, गरिब, अशहायको घर घरमा पुगी मेयर सरावगीले १०० थान कम्बल वितरण गरेका हुन् ।

साे कार्यमा मेयरका राजनितिक सल्लाहकार मुकेश द्विवेदी, समाजवादी पार्टीका बालेश्वर चौधरी, वार्ड न‍‍ं. २९  का वडाध्यक्ष धर्मेन्द्र चौधरी, युवा नेता पिन्टु उपाध्यय, अनुज गुप्ता, हिरा चौरसिया, असलम अन्सारी लगायतकाे उपस्थिति रहेको थियो ।

पर्साकाे २ ठाउँमा आगलगी, ८ लाख ५० हजार बराबरकाे क्षति

0
aaglagi_kalikatimes
छिपहरमाई गाउँपालिकाकाे मिर्जापुरमा भएकाे आगलगीले माेटरसाइकल सहित जलेकाे सरसमान र घरकाे अवस्था । तस्बिर : कालिका टाईम्स

वीरगंज । पर्साकाे २ ठाउँमा आज विहान आगलगी हुदा ८ लाख ५० हजार बराबरकाे क्षति भएकाे छ । पर्साकाे कालिकामाई गाउँपालिकाकाे वडा नं. ३ हरिहरपुर विर्ता र छिपहरमाई गाउँपालिकाकाे वडा नं. १ मिर्जापुरमा मंगलबार विहान आगलगी भएकाे प्रहरीले जनाएकाे छ ।

कालिकामाई गाउँपालिका वडा नम्बर ३ हरिहरपुर बिर्ता निवासी राधेश्याम गाेढको खपडाको भान्छा घरमा आगलगी हुदा ३ लाख मुल्य बराबरको क्षती भएको छ । खाना पकाउने चुल्होबाट आगो सल्केर बिहान ५.१५ बजे भएको आगलगीबाट अन्नपात, भाडाकुडा, मसुरोकाे दाल २ ड्राम, लताकपडा लगायतका सरसमान जल्दा रु ३ लाख बराबरको क्षती भएको ईलाका प्रहरी कार्यालय पोखरीयाका प्रहरी नायब निरिक्षक बिनोद रानाले बताए ।

आगलगीले घर पूर्ण रुपले जल्नुकाे साथै घरमा राखिएकाे अन्नपात र सरसमान जलेर नष्ट भए पनि पशुचाैपाय तथा मानविय क्षति नभएकाे उनले जानकारी गराए ।

aglagi ma motercycle_kalikatimes
छिपहरमाई गाउँपालिकाकाे मिर्जापुरमा भएकाे आगलगीमा जलेकाे माेटरसाइकल । तस्बिर : कालिका टाईम्स

यस्तै छिपहरमाई गाउँपालिका वडा नम्बर १ मिर्जापुर निवासी चन्जीत महतो कोईरीको खपडाकाे भान्छा कोठामा आज बिहान ३.३० बजेको समयमा अकस्मात आगलगी हुदा रु ५ लाख ५० हजार बराबरकाे क्षति भएकाे छ । भान्छा घर मै राखिएकाे ना.६२ प. ६२५३ नम्बरको अपाचे मोटरसाईकल र बिआर २२ के. ९५३२ भारतिय नम्बरको गलेमर मोटरसाईकल पुर्ण रपमा जलेर नष्ट भएको छ ।

आगलगीले घर पूर्यण रुपले जल्नुकाे साथै घरमा रहेको २ वटा माेटरसाईक,  धान,  चामल,  दाल लगायतकाे सरसमान जलेर नष्ट भएकाे प्रहरीले जनाएको छ । पोखरिया नगरपालिकाबाट पुगेकाे दमकल, स्थानिय र प्रहरीकाे सहयाेगमा आगाे नियन्त्रणमा आएकाे प्रहरी चाैकी मिर्जापुरले जनाएकाे छ ।

आगलगी कसरी भयाे भने नखुले पनि आगाे अज्ञात समुहले लगाएकाे हुन सक्ने स्थानियहरुले वताएका छन् ।

chhipaharmaiko mirjapurma aglagi_kalikatimes
छिपहरमाई गाउँपालिकाकाे मिर्जापुरमा आगलगी भएकाे घर । तस्बिर : कालिका टाईम्स

पटेर्वा सुगौली गाउँपालिका अध्यक्ष सहितकाे जनप्रतिनिधि विदेश भ्रमणमा

0
paterwa sugawali_kalikatimes

वीरगन्ज । पर्साको पटेर्वा सुगौली गाउँपालिकाको अध्यक्षसहित सम्पूर्ण पदाधिकारीहरु कामकाज छोडेर विदेश भ्रमणमा निस्केका छन् ।

गाउँपालिका अध्यक्ष, वडा नम्बर १ देखि ५ नं. सम्मका वडा अध्यक्ष, गाउँपालिका सदस्य, प्रशासकिय अधिकृत, इन्जिनियरलगायतका पदाधिकारीदेखि कर्मचारीसम्म १५ जनाको टोली एकैसाथ विदेश भ्रमणमा निस्केका हुन् ।

गाउँपालिकाका अध्यक्ष हरिनारायण चौधरीको नेतृत्वमा रहेको जम्बो टोली थाईल्याण्ड, मलेसिया, कम्बोडिया र सिंगापुरको भ्रमणमा गएका हुन् ।

भ्रमण टोलीमा चौधरीसहित गाउँपालिकाका निमित्त प्रशासकिय अधिकृत भुजेन्द्रप्रसाद यादव, वडा नं. १ का अध्यक्ष फरमान मिया अन्सारी, २ नं. वडाका अध्यक्ष विजय गैरे, वडा नं. ३ का अध्यक्ष माधव राउत थारु, ४ नं. वडाका अध्यक्ष राजेश्वर महतो थारु, वडा नं. ५ का वडा अध्यक्ष मोतिलाल साह रहेका छन् ।

त्यसैगरी गाउँपालिकाका सदस्यद्धय विपिन मुखिया, दिपक कुमार रसाइली, गाउँपालिकाको योजना, प्रशासन, शिक्षा स्टोर शाखाका अधिकृत शम्भुप्रसाद साह, सिभिल इन्जिनियर प्रदीप चौरसिया, उर्जा तथा वातावरण अधिकृत निर्मलकुमार सिंह, लेखापाल वीरेन्द्रप्रसाद साह, प्रशासन तथा योजना शाखाका नासु राजकुमार महतो र खरिदार वीरेन्द्रप्रसाद चौधरी छन् ।

भ्रमण टोलीमा महिला भने एकजनालाई पनि सहभागीता गराइएको छैन । गाउँपालिकाका अध्यक्ष चौधरीले कार्यवाहक अध्यक्षको जिम्मेवारी उपाध्यक्ष ममता महतोलाई दिएका छन् । उपाध्यक्ष महतोले अध्यक्ष नेतृत्वको जम्बो टोलीसहित के उदेश्य लिएर विदेश भ्रमणमा निस्किएका हुन् आफूलाई केही जानकारी नभएको बताइन् ।

गाउँपालिकाको सम्पूर्ण जिम्मेवार व्यक्तिनै विदेश भ्रमणमा रहेकाकारण गाउँपालिका र त्यस अन्तर्गतका वडा कार्यालयहरु सुनसान बनेको छ । काम लिएर गएका सेवाग्राही गाउँपालिका र आफ्ना सम्बन्धित वडा कार्यालयहरुको ढोकामा पुगेर निराश भएर फर्किन बाध्य भएका छन् ।

कार्यालय कुरेर बसेका तल्ला तहका कर्मचारीहरु गाउँपालिका अध्यक्ष, पदाधिकारीहरु हुनुहुन्न पछि आउनु भन्दै सेवा लिन आउँने सेवाग्राहीलाई फर्किन आदेश दिइरहेको भेटिन्छ । तल्ला कर्मचारीहरु पनि शितलहरमा आगो तापेर दिन काटिरहेका छन् ।

विगत एक सातादेखि निरन्तर चिसो बढेसंगै गाउँपालिकाको स्थानीय जनता जाडोले प्रभावित भएपनि अध्यक्ष लगायत पदाधिकारी नहुँदा राहत वितरण गर्न सकेको छैन । नामको लागि मात्र जिम्मेवारी तोकिए पनि गाउँपालिका उपाध्यक्ष चौधरीले भनिन्, अत्यधिक जाडोका कारण दलित लगायत गरिब जनताको दैनिकी कष्टकर बन्दै गएको छ ।

समयमा राहत सामाग्रीे उपलब्ध नहुँदा जनता पीडामा परेका छन् ।

पुस २ गते भ्रमणमा निस्किएको जम्बो टोली एक सातापछि ११ गते मात्रै फर्किने कार्यक्रम रहेको बताइएको छ । गाउँपालिकको भ्रमण शीर्षकमा १० लाख रुपैयाँ मात्र विनियोजन गरिएको छ । तर स्रोतका अनुसार भ्रमणका लागि प्रतिव्यक्ति २ लाख ५० हजार रुपैया खर्च गरिएको छ ।

भ्रमण शीर्षकमा विनियोजन गरिएको रकम भन्दा तेब्बर अर्थात कुल ३७ लाख ५० हजार हुन आउँछ ।

मुखदेव सुशीला माविकाे विद्यालय व्यवस्थापन समिति गठन

0
bidyala bewsthapan samiti gathan_kalikatimes

वीरगंज । पर्साको बहुदरमाई नगरपालिका वडा नं. ८ रामनगरीमा रहेको मुखदेव सुशीला माविकाे आज विद्यालय व्यवस्थापन समिति गठन भएको छ । मुखदेव प्रसादको अध्यक्षतामा ९ सदस्यीय विद्यालय व्यवस्थापन समिति गठन भएको हाे ।

जुन व्यवस्थापन समितिकाे सदस्यहरुमा सुखाडी राउत, अच्छेलाल राउत, सोना देवी, इन्दु देवी, जयमती देवी, शिक्षक प्रतिनिधि लालबाबू पटेल तथा प्रधानाध्यापक अकलेश प्रसाद रहेका छन् ।

यस्तै शिक्षक अभिभावक संघ पनि गठन भएकाे छ । बहुदरमाई नपा शिक्षा शाखा का प्रमुख विदुर उप्रेती को संयोजकत्व मा रामअशीष राउतको अध्यक्षतामा ११ सदस्यीय शिक्षक अभिभावक संघ गठन भएको विद्यालयका शिक्षक धनंजय पटेलले वताए । अभिभावक संघका सदस्यहरुमा जादोलाल राउत, ठग साह गोढ, सुनीता देवी, झोटी साह, राजदेव राउत, रामबाबू राउत, राजेन्द्र ठाकुर, मधुवन सहनी, गायत्री देवी, दुलारचन्द सहनी रहेका छन् ।

बहुदरमाई नगरपालिका शिक्षा शाखाका प्रमुख विदुर उप्रेतीको उपस्थितीमा दुबै समिति गठन भएकाे हाे ।

सखुवा प्रसौनीमा गर्भावतीकाे पिसाब तथा चिनी राेग जाँच नि:शुल्क हुने

0
pradip jaiswal_kalikatimes

वीरगंज । पर्साकाे सखुवा प्रसाैनी गाउँपालिकामा गर्भावतीहरुकाे पिसाब जाँच सम्बन्धि अभिमुखिकरण कार्यक्रम आज सम्पन्न भएकाे छ । सखुवा प्रसाैनी गाउँ कार्यपालिकाकाे कार्यालय, स्वास्थ्य शाखाकाे आयाेजनामा भएकाे कार्यक्रम सम्पन्न भएकाे हाे ।

कार्यक्रमकाे उदघाटन गर्दै गाउँपालिका अध्यक्ष प्रदिप जयसवालले गाउँपालिकाकाे जनताकाे स्वास्थ्य प्रति आफु सधै सचेत र क्रियाशिल रहेकाे वताए । कार्यक्रमकाे सहजिकरण स्वास्थ्य शाखा प्रमुख राजेश प्रसाद राैनियार तथा मंकेशर साहले गरेका थिए।

यता भाेली(मंगलबार) देखी सखुवा प्रसाैनी गाउँपालिका अन्तर्गत रहेका ६ वटा स्वास्थ्य चाैकीबाट गर्भावतीकाे पिसाब जांच तथा चिनी राेग जाँच नि:शुल्क हुने गाउँपालिकाका प्रमुख प्रशासकिय अधिकृत संदेश कुमार यादवले वताए ।