Date
आइत, मंसिर ६, २०८३
Sun, November 22, 2026
Home Blog Page 1051

समाजबादी पार्टी वीरगंज महानगर समितिको समायोजन घोषणा सम्पन्न

0
samajh badi ghosana_kalikatimes

वीरगंज । समाजबादी पार्टी पर्साले बिरगंज महानगर कार्य समितिको समायोजन घोषणा मुड्ली पार्टी पैलेसमा आज सम्पन्न गरेको छ । ईश्वर चन्द्र यादवको अध्यक्षतामा भएकाे कार्यक्रममा समायोजन घोषणा पार्टी सचीव तबरेज अहमदले गरेका थिए ।

जिल्ला अध्यक्ष रामनरेश प्रसाद यादवले नव घोसित सामितिलाई पद तथा गोपनियताको सपथ ग्रहण गराएका थिए । समाजबादी पार्टी केन्द्रिय सदस्य एंव प्रदेश सांसद प्रहलाद गिरिको प्रमुख आतिथ्यमा भएकाे कार्यक्रममा प्रदेश सांसद जनत अन्सारी, भिमा यादव, पार्टीका सल्लाहकार बिरेन्द्र यादव, केन्द्रिय परिषद सदस्य सिवजी सोनि, सलावदिन अहमद, प्रदेश सदस्य महाराज यादव, जिल्ला समन्वय समिति पर्साका संयाेजक नेक महम्मद अन्सारी, जिल्ला उपाध्यक्ष बासुदेव यादव, कोषाध्यक्ष चन्द मिश्रा, जिल्ला सदस्य बृजमोहान तिवारी, सुनिता शर्मा लगायतले नवनिर्वाचित समितिको सफलताको सुभकामना व्यक्त गरेका थिए ।

कार्यक्रममा बोल्दै सांसद गिरिले जुन बर्गको विरुद्ध हिजो कम्युनिस्टहरु आन्दोलन गरे आज ति सबै कम्युनिस्टहरु आफु त्यही ठाउँमा आएर उभेका छ्न । त्यसैले समाजको सम्रग बिकास लागी समाजबादी पार्टीको विकल्प नभए बताए ।

घाेषणा सभाकाे अन्तयमा बरिष्ट जिल्ला सदस्य सुन्दर कुर्मीले सम्पुर्ण सहभागीहरुलाई सकृय सहभागीताको लागी धन्यवाद ज्ञापन गरेका थिए ।

वीरगंज श्रीपुर स्थित खाजा पसलमा आगलगी, ५ लाख बराबरकाे क्षति

0
shreepur aglagi_kalikatimes

वीरगंज । वीरगंज महानगरपालिकाकाे वडा नं. ११ श्रीपुरमा आज दिउसाे आगलगी भएकाे छ । वडा प्रहरी कार्यालय श्रीपुर नजिक मेन राेड स्थित रहेकाे खप्डाकाे घरमा ग्यसा लिक भएर आगलगी भएकाे प्रहरीले जनाएकाे छ ।

पर्साकाे बहुदरमाई नगरपालिका डकैला बहुअरी निवासी गया साह राैनियारकाे घरमा संचालित २ वटा खाजा पसलमा दिउसाे ३ बजे आगलगी भएकाे वडा प्रहरी कार्यालय श्रीपुरले जनाएकाे छ । वीरगंज श्रीपुर निवासी बरेलाल साह साेनार र रामराज चाैधरीले संचालन गरेकाे खाजा पसलमा भएकाे आगलगीले ५ लाख बराबरकाे क्षति भएकाे पिडितले जनाएका छन् ।

आगलगीले साेनारकाे खाजा पसलमा रहेकाे भाँडा ब्रतन, टेबुल, कुर्सी, फ्रिज, पंखा लगायतकाे सरसामान जलेर नष्ट भएकाे पिडितले वताएका छन् । साे नजिकै रहेकाे चाैधरीकाे खाजा पसल पनि पुर्ण रुपले जलेर नष्ट भए पनि त्यसमा रहेकाे सरसामान निकालिएकाे प्रहरीले जनाएकाे ।

वीरगंज महानगरपालिकाबाट पुगेकाे दमकल, स्थानिय र प्रहरीकाे सहयाेगमा आगाे नियन्त्रणमा आएकाे वडा प्रहरी कार्यालय श्रीपुरका प्रहरी निरिक्षक दिपक साहले वताए ।

प्रभु अस्पतालमा २ महिलाकाे मृत्युकाे कारण बारे यस्तो भन्छ अस्पताल

0
prabhu hospital_kalikatimes

वीरगंज । वीरगंज पानीटंकी स्थित रहेको प्रभु अस्पतालमा प्रसुती गराउन आएकी दुई महिलाको मृत्यु भएको छ । बाराको पचरौता नगरपालिका वडा नं. १ पिपरपाती पंचराैता निवासी २५ बर्षिय सुनिता देबी र वीरगंज महानगरपालिका वडा नं. ३ भगवती टोल निवासी ३० बर्षिय अमृता श्रेष्ठको मृत्यु भएको हो ।

अस्पतालकी डा. लक्ष्मी थापाले पुस ८ गते मंगलबार राती ८:४२ बजे सुनिताकाे सल्यक्रिया गरी प्रसुति गराएकी थिइन । अस्पतालले जनाए अनुसार पुस ९ गते बुधबार विहान ३ बजे सुनिताकाे पिसाब राेकिएकाे थियाे । पिसाब नभए पछि अस्पतालले डायलायसीसकाे लागि सुनिताकाे आफन्तलाई सलाह दिएकाे अस्पतालका मेडिकल डाइरेक्टर डा. अभिषेक आर्यालले वताए ।

अस्पतालले रेफर गरे पछि भरतपुर गएकी सुनिताकाे पुस १० गते राती नै मृत्यु भएकाे मृतकका आफन्त साहेब ठाकुरले वताए । ओमप्रकाश ठाकुरकी श्रीमती सुनिताको अस्पतालकी डा. थापाकाे लापरवाहीले मृत्यु भएको ओमप्रकाशका दाई साहेबले आराेप लगाए ।

यता वीरगंजकी अमृता पुस ८ गते नै मंगलबारका दिन प्रभु अस्पतालमा भर्ना भएकी थिइन् । पुस ९ गते बुधबार विहान अस्पतालकी डा. थापाले उनको सल्यक्रिया गरे उनी छाेरा पाएकी थिइन । डा. थापाकै निगरानीमा उनको सबै चेकजाँच भएको थियाे । उपचार कै क्रमा बुधबार दिउसाे १२ बजे अमृताकाे पनि अचानक पिसाब रोकियाे ।

अस्पताले जनाए अनुसार अमृतालाई औषधी दिए पछि दिउसाे २ बजे पिसाब आयाे । त्यस पछि दिउसाे ४ बजे सुनितालाई भेन्टिलेटरमा राखियाे । भेन्टिलेटरमा राखेर उपचार गर्ने क्रममा सांझ ५:४० बजे सुनिताकाे धडकन वन्द भयाे र सांझ नै अचानक अमृताकाे मृत्यु भयाे ।

अस्पताल र अस्पतालकी डा. थापाकाे लापरवाहीको कारण नै अमृताकाे मृत्यु भएकाे आरोप अमृताको आफन्तजनकाे पनि छ ।

यस विषयमा अस्पतालकी डा. थापा संग सम्पर्क गर्न खाेज्दा सम्पर्क हुन सकेन । पछि घटनाकाे कारण थाह पाउन अस्पताल पुग्दा अस्पतालमा भेटिएका डा. अर्यालले मृत्युकाे कारण वताउन नसकिने वताए । उनले भने दुबै महिलाकाे पिसाब राेकिए पछि नै मृत्यु भएकाे देिखिन्छ तर पिसाब के कारणले र किन राेेकियाे भने थाह पाउन सकिएकाे छैन ।

घटना बारे अनुसन्धान गर्नकाे लागि मेडिकल काउन्सिललाई पत्रचार समेत गरि सकिएकाे उनकाे भनाई थियाे । अस्पतालले गरेकाे अप्रेशन मध्ये २ दिनमा २ जनाकाे मृत्यु भए पछि अस्पतालमा अप्रेशन गर्ने कार्यलाई हालकाे लागि राेकिएकाे समेत उनले जानकारी गराए ।

यता डा. थापा माथी पहिला देखी नै कमिशनकाे भरमा औषधी चलाउने गरेकाे आराेप लाग्दै आएकाे छ । बढी कमिशन पाउने कम्पनीकाे औषधी डा. थापाले चलाउने र लेख्ने गरेकाे आराेप केहि समय पहिला देखी नै लाग्दै आएकाे थियाे । यस्ताे घटना भए पछि डा. थापा माथी थप प्रशन चिन्ह खडा भएकाे जानकारहरु वताउँछन् । मृत्युकाे कारण औषधी वा डाक्टर मध्ये कुनै एक हुन सक्ने अस्पतालकाे पनि बुझाई छ ।

उपाध्यक्ष लामिक्षानेलाई मातृशाेक

0
mithu devi_kalikatimes

वीरगंज । नेपाल पत्रकार महासंघ प्रदेश नं. २ का उपाध्यक्ष एवं प्रेस संगठनका लेखा समिति सदस्य केसी लामिछानेलाई मातृशोक परेको छ ।
वहाँको ममतामयी आमा मिठु देवी लामिछानेकाे ६७ बर्षकाे उमेरमा शुक्रबार दिउसाे ३ बजे निधन भएकाे हाे । अस्वस्थ्य तथा स्वस्थ्य तवरले पीडित आमाकाे चितवन कृष्णपुर स्थित आफ्नै निवासमा निधन भएकाे हाे ।

उपाध्यक्ष लामिछानेको आमाको दिवंगत आत्माको चिर शान्तिको कामना गर्दै शोकसन्तप्त परिवारजन प्रति हार्दिक समवेदना प्रकट गर्दछौ ।

 

प्रशासनकाे मिलाेमताेमा कराेडाैं राजस्व चुहावट गर्दै खण्डेवाल दाजुभाई

0
khandewal daju bhai_kalikatimes

वीरगन्ज । वीरगन्जका नामुद सुपारी तथा मरिच तस्कर पशुपति खण्डेलवाल, राजेश खण्डेलवाल तथा सचिन खण्डेलवाल करोडौं राजस्व चुहावट गरि उम्कदै आएका छन् ।

वीरगन्ज महानगरपालिका – १० आदर्शनगर निवासी तिनैजना खण्डेलवाल दाजुभाई हुन् । तिनै जनाको नाममा संचालित ग्लोबल ट्रेड एग्जिम प्रा.लि., ब्राइट फर्चुन प्रा.लि., आर.एस.पी. ट्रेडिङ्ग प्रा.लि., आदित्य इन्टरनेशनल प्रा.लि., राजेश मेडिट्रेड प्रा.लि. तथा विमक्रिस इन्टरनेशनल प्रा.लि. फर्म वीरगन्जमा संचालनमा रहेको छ ।

यि ६ वटा फर्म उदाहारणका पात्र मात्रै हुन्, यि तिनैजना दाजुभाईको नाममा यस्ता दर्जनौं फर्महरु संचालनमा रहेको छ । फर्महरुको नाममा वैध तथा अवैध कारोबार गर्नुको साथै सुपारी तथा मरिचको तस्करी गर्दै आएका खण्डेलवाल दाजुभाईहरु नेपालको राजस्व चुहावट गरि राजस्व अनुसन्धान कार्यालयका केही कर्मचारीहरुको मिलोमतोमा उम्कदै आएका छन् ।

दर्जनौं फर्म संचालन गर्दै आएका खण्डेलवाल दाजुभाईले अवैध कारोबार गरि नेपाल सरकारको राजस्व छलि गरेको भन्दै छानविनका लागि राजस्व अनुसन्धान कार्यालय पथलैयामा लिखित उजुरी पर्दा समेत राजस्व अनुसन्धान कार्यालयले छानविन प्रक्रियालाई अगाडि बढाएको छैन ।

खण्डेलवाल वीरगन्जका व्यापारी भएकै कारण र प्रशासन समक्ष राम्रो पहुँच भएकोले राजस्व अनुसन्धान कार्यालयका केही कर्मचारीहरुलाई प्रलोभनमा पारी आफु विरुद्ध परेको उजुरीको फाइललाई कार्यालयमै थन्काउन लगाएका छन् ।

यसरी नेपाल सरकारले राजस्व चुहावट गर्नेहरुलाई धमाधम पक्राउ गरि कानुनी दायरामा ल्याई रहेको अवस्थामा तिनैजना दाजुभाई पैसाको दम्भमा उम्किन सफल भएका छन् । खण्डेलवालले राजस्व छलि गरि रहेको भन्दै ४ महिना अघि नै राजस्व अनुसन्धान कार्यालय पथलैयामा लिखित उजुरी परेको छ तर खण्डेलवालको पहुँचले गर्दा त्यो उजुरी फाइललाई कार्यालयमा थन्काइएको बताइएको छ ।

तिनै जना दाजुभाई वीरगन्जमा सुपारी तथा मरिच तस्करी गरि कराडौं अकुत सम्पत्ति आर्जन गरेका छन् र ति सम्पत्तिलाई नेपालको विभिन्न भागमा जग्गा घड़ेरीमा लगानी गरेका छन् । नेपालमा थुपार्न नसकेर भारतमा समेत आफ्नों नाम अथवा श्रीमतीको नाममा सम्पत्ति आर्जन गरिरहेका छन् ।

१६ बर्ष अगाडीका डाका मुद्धाका फरार अभियुक्त अंसारी पक्राउ

0
ansari pakrau_kalikatimes

वीरगंज । पर्साको कालिकामाई गाउँपालिका वडा नम्बर ४ प्रशुरामपुरबाट एक फरार अभियुक्तलाई  प्रहरीले पक्राउ गरेको छ । ईलाका प्रहरी कार्यालय पोखरीयाले साेही ठाउँ निवासी ६० बर्षीय महम्मद गन्नी अंसारीलाई पक्राउ गरेेकाे हाे ।

पर्सा जिल्ला अदालतको मिति २०५९।०६।०८ गतेको फैसलाले ६ बर्ष कैद र रु ३६ हजार ४ सय ३२ जरिवाना तोकिएको डाँका मुद्दाका फरार प्रतिवादीलाई पक्राउ गरिएकाे इलाका प्रहरी कार्यालय पाेखरियाका प्रहरी निरिक्षक चन्द्र सिंहले वताए ।

१६ बर्ष अगाडी डाका मुद्धाका फरार अभियुक्त अंसारीलाई बिहिबार राती उनकै घर नजिकबाट नियन्त्रणमा लिइएको प्रहरीले जनाएको छ । बिशेष सुराकीको आधारमा प्रहरीले अंसारीलाई नियन्त्रणमा लिएको र आज जिल्ला अदालतमा पेश गर्ने तयारी भइरहेकाे प्रहरी कार्यालय पाेखरियाले जनाएकाे छ ।

ग्यस वाल्ने क्रममा कालिकामाईमा आगाे लाग्दा‍‍

0
kalikatimes news pic

वीरगंज । पर्साको कालिकामाई गाउँपालिका वडा नम्बर २ भेडिहारीमा बिहिबार राती ग्यासबाट आगलगी भएकाे छ । ग्यास वाल्ने क्रममा स्थानिय सोनालाल ठाकुर हजामको घरमा आगलगी भएकाे प्रहरीले जनाएकाे छ ।

ग्यासकाे पाइप लिक रहेका कारण ग्यास वाल्ने क्रममा भएकाे आगलगीले २१ हजार बराबरको क्षती भएको ईलाका प्रहरी कार्यालय बिरन्चीवर्वा उपशाखाले जनाएको छ ।

आगाे लागे पछि त्यस आसपासकाे क्षेत्रमा भगदाैड मचेकाे थियाे । स्थानियहरुले ग्यासलाई घर भित्रबाट हरियो बासको लठीबाट नालामा फालेका थिए । गैसबाट आगो बढने क्रममा प्रहरीलाई जानकारी भए पछि प्रहरीले आगो नियन्त्रण गर्ने यन्त्र सहित आए घटना स्थल पुगेकाे केही छिनमा आगे नियन्त्रणमा आएको प्रहरी कार्यालय वीरन्चीबर्वाले जनाएको छ ।

प्रभु अस्पतालकी डा. लक्ष्मी थापाको लापरवाहीले २ महिलाको मृत्यु

0

वीरगंज । वीरगंज स्थित रहेको प्रभु अस्पतालको लापरवाहीले प्रसुती गराउन आएकी दुई महिलाको मृत्यु भएको छ । बाराको पचरौता नगरपालिका वडा नं. १ पिपरपाती पंचराैता निवासी सुनिता देबी र कलैया निवासी अमृता श्रेष्ठको मृत्यु भएको हो ।

माइती घर वीरगंज महानगरपालिका वडा नं. ३ भगवती टोलमा बस्दै आएकी वर्ष ३० की अमृता श्रेष्ठ मंगलबारका दिन प्रभु अस्पतालमा भर्ना भएकी थिइन् । सोही दिन अस्पतालकी डा. लक्ष्मी थापाले उनको अप्रेसन गरी बच्चा जन्माएकी र डा. थापाकै निगरानीमा उनको सबै चेकजाँच भएको आफन्तजनले जनाएका छन् ।

उपचार कै क्रमा बुधबार उनको अचानक पिसाब रोकिएको तथा धडकन नचलेको कारणले निज अमृतालाई अस्पतालले भेन्टिलेटरमा राखेको थियो । भेन्टिलेटरमा राखेपनि निज अमृतको बुधबार अस्पतालमै मृत्यु भएको उनका आफन्तजनले जनाएका छन् । अस्पतालको लापरवाहीको कारणले यस्तो घटना हुन गएको आरोप अमृताको आफन्तजनको रहेको छ ।

अस्पतालले सो दिन ३ जनाको अप्रेसन गरी बच्चा जन्माएको थियो भने एक जनाको अवस्था चिन्ताजनक भएपछि उसका आफन्तजनले रेफर गराई उपचारका लागि भरतपुर लगेका थिए ।

भरतपुर लगिएको सुनिताको पनि बिहिवार राती मृत्यु भएको उनको आफन्त साहेब ठाकुरले वताए ।

ओमप्रकाश ठाकुरकी श्रीमती सुनिताको अस्पतालकी डा. थापाकाे लापरवाहीले मृत्यु भएको ओमप्रकाशका दाई साहेबले वताए ।

यश विषयमा पर्साका प्रहरी उपरीक्षक सोमेन्द्र सिंह राठौर संग बुझ्दा आफुलाई केही थाह नभएको वताए । अस्पतालकी डा. थापाले घटना बारे ढाकछाेप गर्दै मृत्युको कारण बारे अनुसन्धान भईरहेको वताईन ।

बलात्कारका आराेपितकाे जन्म मिति किर्ते गरेकाे आराेपमा वडा सचिव पक्राउ

0
wada sanchiv_kalikatimes

वीरगंज । बाराकाे पचरौता नगरपालिका वडा नं. ४ र ५ का वडा सचिव प्रभु पडितलाई प्रहरीले पक्राउ गरेकाे छ । सरकारी कागज किर्ते गरेकाे आराेपमा सचिव पिडितलाई पक्राउ गरिएकाे जिल्ला प्रहरी कार्यालय बाराले जनाएकाे छ ।

पचरौता नगरपालिका वडा नं.४ स्थित सडकमा एउटी  केटीलाई साेही नगरपालिका वडा नं.५ बस्ने वर्ष १८ को सोहन भन्ने जितेन्द्र महतो नुनियाले बाटो रोकीछेकी जबरजस्ती नजिकै रहेको बगैचामा लगी जबरजस्ती करणी गरेका आराेपितकाे जन्म मिति किर्ते गरेकाे आराेपमा उनलाई प्रहरीले पक्राउ गरेकाे हाे ।

जबरजस्ती करणी उधोग कसूर गरी फरार रहेका निज अभियुक्त खोजतलाशको क्रममा मिति २०७६/०८/०५ गते पक्राउ परी सम्मानित बारा जिल्ला अदालतको मिति २०७६/०९/०१ गतेको आदेशले हाल मुद्दा पुर्पक्षको सिलसिलामा कारागार कार्यालय बीरगंज थुनामा रहेको घटनामा अभियुक्तलाई फाईदा तथा पिडितलाई हानी, नोक्सानी पुर्‍याउने नियतले किर्ते गरेकाे आराेपमा वडासचिव पण्डितलाई पक्राउ गरिएकाे प्रहरी कार्यालय बाराले जनाएकाे छ ।

प्रहरी कार्यालय बाराले जनाए अनुसार वडा सचिव पण्डितले २०५८ सालमा जन्म भएका अभियुक्तलाई २०६० सालमा जन्म भएको भनि किर्ते कागज तयार गरेको भनि पचरौता नगरपालिका वडा नं.५ को कार्यालय बारा तथा पिडित समेतबाट उजुरी प्राप्त पश्चात लिखत सम्बन्धी कसूरमा मुद्दा दर्ता गरी निज वडासचिवलाई बुधबार पक्राउ गरी बारा जिल्ला अदालतबाट पहिलो पटक ५ (पाँच) दिनको म्याद लिई थप अनुसन्धान कार्य भईरहेको छ ।

पर्सामा १ वर्षको अवधिमा बलात्कार संग सम्बन्धित ३७ घटना

0
ensec_kalikatimes

वीरगंज । पर्सामा बितेको १ वर्षको अवधिमा ६० वटा मानवअधिकार संग सम्बन्धित घटनाहरु भएको तथ्यांक अनाैपचारिक क्षेत्र सेवा केन्द्र (इन्सेक) पर्साले सार्वजनिक गरेको छ ।

वीरगंजमा आयाेजित नेपाल मानवअधिकार वर्ष पुस्तक २०२० को बार्षिक पुर्व समिक्षा गोष्ठीमा बलात्कार, बलात्कार प्रयास, हत्या, हत्या प्रयास, परिवारजनबाट हत्या, अपहरण, मानव बेचबिखन लगायतका मानव अधिकार संग सम्बन्धित तथा अपराधिक घटनाहरु ६० वटा दर्ता भएको इन्सेक पर्साका प्रतिनिधि केसी लामिछानेले वताए ।

इन्सेकले सार्वजनिक गरेको तथ्यांकमा वि स.२०७५ पौष १८ गतेदेखी २०७६ पौष १० गतेसम्म बलात्कार सँग सम्बन्धित ३७ वटा, परिवाजनबाट हत्या ७, हत्या प्रयास १, एसिड प्रहार १, अपहरण १, प्रहरीको गोलि प्रहार २, मानव वेचबिखन ४, बहुविवाह ६, बिस्फाेट २,  घटनाहरु भएको प्रतिवेदन लामिछानेले प्रस्तुत गर्नु भयाे ।

कार्यक्रममा वाेल्दै जिल्ला प्रहरी कार्यालय पर्साका प्रहरी उपरिक्षक सोमेन्द्र सिँह राठौरले समुदायिक प्रहरी कार्यक्रम अन्तर्गत छात्राहरुलाई मुख्य प्राथिमकता दिइएकाे वताए । खुल्ला सिमा भएको कारण सुरक्षा व्यवस्थामा चुनौति भएपनि प्रहरी सक्रीयता बढाएर निरन्तर प्रयास भइरहेको बताए ।

उनले पहिला सहमतीमा बस्नेहरु पनि पछि बलात्कारकाे घटनामा परिणत हुने गरेकाे समेत वताए । महिलाकाे सवालमा मात्र प्रहरी कार्यालयबाट सुचना लुकाउने गरिएकाे उनकाे भनाई थियाे ।

ensec samikxa gosthi_kalikatimes_n

मानव अधिकार निगरानी समाज पर्साका अध्यक्ष तवरेज अहमदको सभापतित्वमा भएको समिक्षा गोष्ठीमा नेपाल पत्रकार महासंघ प्रदेश न. २ का अध्यक्ष दिपेन्द्र चौहान, सामाजिक अभियानता प्रकाश थारु, मानव अधिकार संगठन पर्साका सचिव शिवनाथ यादव, पत्रकार महासंघ पर्साका सचिव युवारज खडका, काेषाध्यक्ष भुषण यादव, प्रेस संगठन पर्साका संयोजक निरज पिठाकोठे मगर, संघिय प्रेस पर्साका अध्यक्ष आरके पटेल, भोलन्टियर वीरगंजका संयाेजक राजन श्रीवास्तव, समग्र उद्योग ट्रेड युनियनकी केन्द्रिय सदस्य गीता भण्डारी, अखिल नेपाल महिला संघ पर्साकी रंजु फुँयाल लगायतको सहभागिता रहेको थियो ।