Date
आइत, मंसिर ६, २०८३
Sun, November 22, 2026
Home Blog Page 1050

प्रभु अस्पतालमा २ युवतीकाे मृत्यु भएकाे घटनाकाे छानविन भएन

0
prabhu aspatal2_kalikatimes

वीरगंज । वीरगंज पानीटंकी स्थित रहेकाे प्रभु अस्पतालमा अप्रेशन मार्फत बच्चा जन्माएकी २ युवतीकाे मृत्यु भएकाे घटनाकाे छानविन हुन सकेकाे छैन । केही दिन पहिला अस्पतालमा प्रसुती गराएकी बाराको पचरौता नगरपालिका वडा नं. १ पिपरपाती पंचराैता निवासी २५ बर्षिय सुनिता देबी र वीरगंज महानगरपालिका वडा नं. ३ भगवती टोल निवासी ३० बर्षिय अमृता श्रेष्ठको मृत्यु भएको थियाे ।

अस्पतालकी डा. लक्ष्मी थापाले पुस ८ गते मंगलबार राती सुनिताकाे अप्रशेन गरी बच्चा निकालेकी थिइन । पुस ९ गते बुधबार उनकाे पिसाब राेकिए पछि अस्पतालले उनलाई रेफर गरेकाे थियाे । रेफर पछि  भरतपुर लगिएकाे  सुनिताकाे पुस १० गते बिहिबार मृत्यु भएकाे थियाे ।

यस्तै वीरगंजकी अमृताकाे पुस ९ गते बुधबार विहान अस्पतालकी डा. थापाले नै अप्रेशन गरी बच्चा निकालेकी थिइन । डा. थापाकै निगरानीमा उनको सबै चेकजाँच भएको थियाे । उपचार कै क्रमा बुधबार दिउसाे १२ बजे अमृताकाे पनि अचानक पिसाब रोकिएकाे थियाे । त्यस पछि भेन्टिलेटरमा राखेर उपचार गर्ने क्रममा साेही दिन अमृताकाे पनि मृत्यु भएकाे थियाे ।

मृतक दुबै जनाकाे आफन्तले अस्पतालकी डा. थापाकाे लापरवाहीले मृत्यु भएकाे आराेप समेत लगाए थिए । मृतकका आफन्तजनका अनुसार अप्रेशन गर्ने बेला कुनै नलि काटिएका कारण मृत्यु भएकाे थियाे । मृत्युकाे कारण बारे अस्पतालले पनि थाह पाउन नसके पछि अस्पतालले छानविनकाे लागि नेपाल मेडिकल काउन्सिललाई पत्रचार समेत गरेकाे थियाे ।

अस्पतालकाे लापरवाहीले दुबै महिलाकाे मृत्यु भएकाे समाचार विभिन्न संचार माध्यममा आए पछि अस्पतालका अध्यक्ष मनाेज कुमार गुप्ताले पुस १० नै मेडिकल काउन्सिललाई घटना बारे छानविन गरी पाउँ भनि पत्र लेखेका थिए ।

अच्मकाे कुरा त याे छ, अस्पतालले मेडिकल काउन्सिललाई पत्रचार त गर्‍याे तर दुबै मृतककाे शवकाे पाेस्टमार्टम गरिएन । घटना बारे स्थानिय प्रशासनलाई समेत जानकारी गराइएन । दुबै मृतककाे दाहसंस्कार समेत भइसकेकाे अवस्था छ ।

अब उपरान्त मेडिकल काउन्सिलबाट आउने छानविन टाेलीले केे काे आधारमा छानविन गर्ने हाे सबैकाे चासाेकाे बिषय भएकाे छ । आकी मेडिकल काउन्सिललाई पत्रचार घटनालाई दबाउन नाटक मात्र हाे ।

यस बिषयमा अस्पताल संग बुझ्दा मेडिकल काउन्सिलबाट आएकाे टाेलीले के काे आधारमा छानविन गर्छ भन्न नसिकने अस्पतालका मेडिकल डाइरेक्टर डा. अभिषेक आर्यालले वताए । उनले भने ” मेडिकल काउन्सिलबाट अहिले सम्म टाेली आएकाे छैन्, हामीले साेधेका पनि छाैं के के चाँही छ तपाईहरुलाई अनुसन्धानकाे लागि तर उहाँहरुले हाल सम्म वताई सक्नु भएकाे छैन ।” शवकाे पाेस्टमार्टम गराउने हाम्राे काम नभएकाे उनकाे भनाई थियाे ।

घटना भएकाे ४ दिन भइसक्दा पनि घटना बारे छानविन अगाडी नबढनुले सबैलाई अच्मित तुल्याएकाे छ । केहीले पावर र पैसाकाे बलमा घटनालाई दबाउने प्रयास भइरहेकाे आराेप समेत लगाइरहेका छन् । सम्बन्धित निकायले पनि छानविन अगाडी नबढाउनुले सबैलाई अच्मित तुल्याएकाे हाे ।

यता मृतकका आफन्तजनहरुले अस्पताल र अस्पतालकी डा. थापा विरुद्ध मुद्दा दिने तयारीमा रहेका छन् । हाल आफुहरु क्रिया कार्यमा व्यस्ता रहेका कारण त्याे कार्य सके लगतै घटना बारे छानविनकाे लागि उजरी दिने मृतकका आफन्तहरुले वताएका छन् ।

इप्रका पाेखरियाद्वारा एकै दिन १५ जना फरार प्रतिवादी पक्राउ

0
apo pokhariya_kalikatimes
इलका प्रहरी कार्यालय पाेखरिया । फाइल तस्बिर

पर्सा । इलाका प्रहरी कार्यालय पाेखरियाले एकै दिन १४ जना फरार प्रतिवादीहरूलाई पक्राउ गरेकाे छ । अदालतको विभिन्न मितिको फैसला आदेशले कैद तथा जरिवाना ठहर भई फरार रहेका १४ जना फरार प्रतिवादीहरूलाई आइतबार पक्राउ गरिएकाे इलाका प्रहरी कार्यालय पाेखरियाले जनाएकाे छ ।

कुटपिट मुद्दाका फरार प्रतिवादी बहुदरमाई नगरपालिका वडा नं. ७ का अनरुद महताे काेइरी, कालिकामाई गाउँपालिका वडा नं. २ का सुरेश प्रसाद चाैरसिया, राजिव कुमार चाैरसिया, ईश्वर प्रसाद चाैरसिया, बिरेश प्रसाद चाैरसिया, पाेखरिया नगरपालिका वडा नं. २ का नकुल राउत कुर्मी, भिम राउत कुर्मी, अर्जुण राउत, सत्यनारायण पासवान, पारस साह कानु, भिखारी ठाकुरलाई पक्राउ गरिएकाे इलाका प्रहरी कार्यालय पाेखरियाका प्रहरी निरिक्षक चन्द्र सिंहले वताए ।

यस्तै सवारी ज्यान मुद्दाका फरार प्रतिवादी छिपहरमाई गाउँपालिका वडा नं. ४ निवासी अमिरका महताे केवट, वन मुद्दाका कालिकामाई गाउँपालिका वडा नं. १ का रामबिश्वास महताे चाई, बहुदरमाई वडा नं. ३ ईनुस देवान, कुटपिट तथा लुटपिट मुद्दाका बहुदरमाई नगरपालिका वडा नं. ७ का सुरेश महताे काेइरीलाई एकै दिन पक्राउ गरिएकाे प्रहरी निरिक्षक सिंहले जानकारी गराए ।

पक्राउ परेकाहरुलाई आइतबार नै पर्सा जिल्ला अदालत वीरगंज पर्सामा बुझाएको प्रहरी निरिक्षक चन्द्र सिंहले वताए । फरार अभियुक्त्तलाई पक्राउ गर्ने बिशेष अभियान अन्तर्गत सबै जनालाई एकै दिन पक्राउ गरिएकाे उनले जानकारी गराए ।

आशा किरण केन्द्र वीरगंजको वार्षिकोत्सव सम्पन्न

0
aasa kiran kendra_kalika times

वीरगंज । आशा किरण केन्द्र बिरगंजको प्रथम वार्षिकोत्सव कार्यक्रम आइतबार सम्पन्न भएकाे छ । केन्द्रका अध्यक्ष पृथ्वी राज भन्डारी (निजु)को सभापतित्वमा भएको कार्यक्रमकाे उदघाटन वीरगंज महानगरका मेयर बिजय कुमार सरावगीले पानसमा बत्ती बालेर गरेका थिए ।

कार्यक्रमकाे उदघाटन गर्दै प्रमुख अतिथी समेत रहेका मेयर सरावगीले आशा किरण केन्द्रले सुस्त मनिस्थिती, मस्तिष्क पक्षघात जस्ता बालबालिकाहरुको क्षेत्रमा गर्दै आएको कार्य निकै उल्लेखनीय रहेको प्रशंसा गर्दै आगामी दिनमा महानगरपालिकाले समन्वय गरि पर्सा जिल्लामा रहेला यस्ता प्रकारका बालबालिकालाई सेवा एवं सहयोग पुर्याउने प्रतिबद्धता व्यक्त्त गरे ।

केन्द्रका संस्थापक सुनिल गिप्ताले दुई दिन सम्म संचालित बालबालिकाहरुको स्वास्थ्य शिविरमा करिब १५० जना बालबालिकाहरुको स्वास्थ्य परिक्षण गर्दा झन्डै ५५ जना बालबालिका मस्तिष्क पक्षघातका रहेकोे र हामिले त्यस्ता बालबालिकाहरुलाई सब्बल बनाउनका लागि यो संस्था संचालन गरेको वताए ।

संस्थाका महासचिव ममता राजकर्णिकारले शुभकामना मन्तव्य व्यक्त गर्दै प्रगति प्रतिबेदन, आर्थिक प्रगति प्रतिबेदन प्रस्तुत गरेका थिए । कार्यक्रमको अन्तमा केन्द्रका अध्यक्ष पृथ्वीराज भन्डारिले यो संस्थामा तपाईं हामी सबैको बालबालिकाको लागि नै सेवा प्रदान गरिने भएकोले यश संस्था प्रती सबैको सकारात्मक सोच र सहयोग रहेको साथै आउने दिनमा समेत उल्लेखनीय साथ र सहयोग प्राप्त हुने अपेक्षा राखे ।

सिद्धार्थ मावि वीरगंजमा भएकाे कार्यक्रममा वडाध्यक्ष भरत मुखिया, वडा प्रहरी कार्यालय श्रीपुरका प्रहरी निरीक्षक दिपक शाह, बिर्ता वडा प्रहरी कार्यालयका प्रहरी निरीक्षक निर्मन पनेरु, बालगोपाल थापा, डा. प्रज्ञा कर्मचार्य, पन्कज श्रेष्ठ, अनिल गुप्ता, रोशन श्रेष्ठ, सतिश सिह राजपुत, अरबिन्द सिंह, रेडक्र्स पर्साका उपसभापति मधु राणा, नुतन सरावगी, श्याम सरार्फ लगायतको सहभागिता रहेको थियाे । कार्यक्रमकाे संचालन केन्द्रका सचीव एवं स्वयं सेवक राजन श्रीवास्तवले गरेका थिए ।

वीगंजकाे फुटपाथमा निजी ट्रान्सफर्मर, आदर्शनगर ग्रिनसिटी कुरुप बन्दै

0
green city_kalikatimes
वीरगंजकाे आदर्शनगर स्थित फुटपाथमा जडान गरिएकाे निजी ट्रान्सफर्मर । तस्बिर : कालिका टाईम्स

वीरगन्ज । वीरगन्ज महानगरपालिकालाई ग्रिनसिटि बनाउने कार्य भइरहँदा जथाभावी जडान गरिएको ट्रान्सफर्मरको कारण सहर कुरुप बन्दै गएको छ ।

वीरगन्ज महानगरपालिका वडा नं. १० आदर्शनगर स्थित ग्रिनसिटि सामुदायिक सेवा केन्द्रले वीरगन्जलाई ग्रिनसिटि बनाउन विभिन्न प्रयासहरु गरि रहँदा विद्युत प्राद्यिकरणले जडान गरेको ट्रान्सफर्मरले वीरगन्जको सौन्दर्यतालाई गुमाउनुको साथै फुटपाथमा हिँड्ने सर्वसाधारणहरुले पनि सास्ती भोग्नु परि रहेको छ ।

सार्वजनिक कार्यको लागि फुटपाथमा ट्रान्सफर्मर जडान भएको भए त्यसबाट सबैले लाभ लिन्थे होला तर सार्वजनिक कार्यभन्दा पनि निजी कार्यका लागि वीरगन्ज महानगरपालिका भित्र तीन दर्जन भन्दा बढि ट्रान्सफर्मरहरु फुटपाथमा जडान गरिएको छ ।

खास गरेर वीरगन्जको व्यापारिक क्षेत्र रहेको आदर्शनगर क्षेत्रमा मात्रै तीन दर्जन भन्दा बढि निजी ट्रान्सफर्मरहरु जडान गरिएको छ । आदर्शनगर क्षेत्र भित्र रहेका बैंक तथा वित्तिय संघ सँस्थाहरु, उद्योगको कार्यालय लगायत सँस्थाहरुले आफ्नो निजी प्रयोगका लागि सार्वजनिक फुटपाथमा ट्रान्सफर्मर जडान गर्न लगाएका छन्, जसले गर्दा वीरगन्ज सहरले सौन्दर्यता गुमाउनुको साथै फुटपाथमा हिँड्ने पैदल यात्रीले सास्ती खेप्नु परि रहेको छ ।

फुटपाथमा जडान गरिएको ट्रान्सफर्मरको कारण बेला बखत सर्ट सर्किट भएर ट्रान्सफर्मरमा आगो लाग्ने गरेको छ, जसको प्रत्यक्ष असर त्यहाँ फुटपाथमा हिँड्ने सर्वसाधारणलाई परि रहेको छ । कुनै पनि वित्तिय संघ सँस्था तथा उद्योगी कार्यालयहरुले आफ्नो निजी प्रयोगको लागि ट्रान्सफर्मर जडान गर्दा अरुलाई बाधा नपुग्ने गरि सकेसम्म आफ्नो क्षेत्राधिकार भित्र ट्रान्सफर्मर जडान गर्नुपर्ने हो तर त्यसो नगरी अधिकाँश यस्ता संघ सँस्थाहरुले सार्वजनिक फुटपाथ स्थलमा ट्रान्सफर्मर जडान गर्न लगाएका छन् ।

वीरगन्ज आफैमा औद्योगिक नगरी हो र यहाँ दर्जनौं उद्योगहरु छन् । उद्योगहरु वीरगन्ज बजार रहेपनि त्यसको मुख्य कार्यालय भने वीरगन्जको मुख्य बजार क्षेत्रमा रहेको छ, जसको लागि चाहिने विद्युत प्रवाहका लागि ट्रान्सफर्मर जडान गरिएको छ ।

अर्कोतर्फ बैंक वित्तिय सँंस्थाहरुले ट्रान्सफर्मर मात्रै नभई आफ्नाे पार्किङ्ग स्थल हुँदाहुँदै प्रयोगमा नल्याई सार्वजनिक पार्किङ्ग स्थललाई प्रयोग गरि ट्राफिक जामको समस्यालाई पनि बढावा दिदै आएको छ । वीरगन्जलाई व्यवस्थित ग्रिनसिटि बनाउनका लागि गठित ग्रिनसिटि सामुदायिक सेवा केन्द्रले पटक पटक पहल गर्दा पनि त्यो कार्यान्वयमा आउन सकेको छैन ।

केही दिन अघि मात्रैं वडा दशैंको बेला वीरगन्ज  ४ वीर्ता स्थित वडा प्रहरी कार्यालयको सहयोगमा बैंक वित्तिय सँस्थाहरुलाई आफ्नो पार्किङ्ग स्थल प्रयोग गर्न आग्रह सहित चेतावनी पनि दिइएको थियो तर त्यो कार्यान्वयन हुन सकेन । जति पनि आग्रह गर्दा, चेतावनी दिदा बैंकहरु अटेर गर्दै आएका छन् ।

विद्युतीय ट्रान्सफर्मरबारे पनि ग्रिनसिटिले पहल गर्दा कोही कसैले चासो नदेखाएको ग्रिनसिटि सामुदायिक सेवा केन्द्रका अध्यक्ष प्रकाश खेतानको गुनासो छ । वीरगन्जलाई ग्रिनसिटि बनाउन आफूहरु कसरत गरि रहँदा यो ट्रान्सफर्मरहरुले पनि समस्या उत्पन्न गराएको भन्दै यसलाई निजी सँस्थाहरुले आआफ्नो क्षेत्राधिकार भित्र ल्याउन आग्रह समेत गरे ।

यसबारे नेपाल विद्युत प्राद्यिकरण वितरण केन्द्र वीरगन्जका प्रमुख शम्भु प्रसाद यादवले विद्युतीय लाइन सार्वजनिक क्षेत्रमा नै जडान गर्नुपर्ने भएपनि निजी प्रयोगका लागि चाहिने ट्रान्सफर्मर आफ्नो क्षेत्राधिकारभित्र जडान गर्नुपर्ने बताए ।

उनले निजी कम्पनी, उद्योग, फर्महरुले आफूलाई ट्रान्सफर्मर जडान गर्न दिएको निवेदनको आधारमा अरु कसैलाई मर्का नपर्ने गरि सार्वजनिक स्थल अर्थात आफ्नो निजी स्थलमा जडान गर्नुपर्ने हो तर वीरगन्जमा मुख्य सडक छेउमै कम्पनी, उद्योग, फर्महरुको कार्यालय भएको कारण उनीहरुले सडक फुटपाथमा ट्रान्सफर्मर जडान गर्न लगाएका छन्, र त्यसबाट सर्वसाधारणलाई पक्कै सास्ती पुगेको हो, तर यसलाई अबको दिनमा व्यवस्थित गर्दै लैजानुपर्ने बताए ।

पक्राउ परेका काठ तस्कर कार्यालय परिसरबाट नै भाग्न सफल

0
sab ban karyalaya_kalikatimes

वीरगंज । सव डिभिजन वन कार्यालय बढनियार पर्साले पक्राउ गरेकाे एक काठ तस्कर कार्यालय परिसरबाट नै फरार भएका छन् । शुक्रबार माेटरसाइकल सहित पक्राउ परेका पर्सागढी नगरपालिका वडा नं. ५ जिङ्गना निवासी रम्भु ठाकुर व्यान लिने क्रममा छत माथीबाट हाम फालेर भागेकाे वन कार्यालय बढनियारका प्रदिप तिमिल्सिनाले वताए ।

रुख काटेर ढालि सकेकाे अवस्थामा पक्राउ परेका ठाकुर शुक्रबार सांझ कार्यालय परिसरबाट नै भाग्न सफल भएका हुन् । उनले प्रयाेग गरेका ना ११ प ९६०९ नम्बकरकाे बक्सर माेटरसाईकल र माेबाइल वन कार्यालय बढनियारकाे हिरासतमा रहेकाे तिमिल्सिनाले वताए ।

तिमिल्सिनाले भने “साे दिन घाम लागेकाे थियाे, त्यही भएर छत माथी लगेर कार्यालय प्रमुख शसिकान्त तिवारी सरले व्यान लिई राख्नु भइरहेकाे थियाे । हामी त्यही थियाैं, साेही क्रम छत माथीबाट नै हाम फालेर उ भाग्न सफल भयाे ।”

तर यता वन कार्यालय बढनियारका कार्यालय प्रमुख तिवारी र सहायक प्रमुख तिमिल्सिनाले नै भागाएकाे शंका गरिएकाे छ । यस बिषयमा बुझन कार्यालय प्रमुख तिवारीलाई फाेनमा सम्पर्क गर्दा अहिले म एउटा मिटिङ्गमा छु, एक छिन पछि कुरा गर्छु भनेका थिए । केही समय पछि फाेन बनाएका कारण तिवारी संग पुन: सम्पर्क हुन सकेन ।

वन कार्यालय बढनियारमा थुप्रै कर्मचारी हुदा हुदै एउटा काठ तस्कर कसरी भाग्न सफल भयाे भने कुराले सबलाई चकित बनाएकाे छ ।

 

पोखरीयाकाे प्रशासकिय अधिकृतमा माझीकाे सरुवा, आउने की नआउने अन्याेल

0
pokhariya nagarpalika _kalikatimes

पर्सा । पर्साकाे पोखरीया नगरपालिकाकाे प्रमुख प्रशासकिय अधिकृतमा सहदेव राय माझीकाे सरुवा भएकाे छ । २ महिना देखी प्रमुख प्रशासकिय अधिकृत बिहिन रहेको पाेखरिया नगरपालिकाकाे प्रशासकिय अधिकृतमा माझीकाे सरुवा भए पनि उनी नआउने पक्षमा रहेकाे बुझिएकाे छ ।

धनकुटाकाे महालक्ष्मी नगरपालिकामा कार्यकरत माझीलाई संघिय मामिला तथा समान्य प्रशासन मन्त्रालयले पुस ११ गते नै पोखरीया नगरपालिकामा सरुवा गरेकाे हाे । मन्त्रालयबाट सरुवाकाे पत्र समेत बनिसकेको भए पनि हाल सम्म माझी पत्र बुझेका छैनन् । माझीले पत्र नबुझे पछि उनलाई मन्त्रालयले ईमेल मार्फत सरुवाकाे पत्र पठाएकाे मन्त्रालय स्राेतले जनाएको छ ।

पोखरिया नगरपालिकाका प्रमुख दिपनारायण राैनियार र उपप्रमुख सलमा खातुनकाे निरन्तरकाे पहल र प्रयासबाट माझीलाई मन्त्रालयले नगरपालिकाकाे प्रमुख प्रशासकिय अधिकृतमा पठाएकाे हाे ।

नगर प्रमुख रौनियार र उपप्रमुख खातुनका अनुसार माझीकाे सरुवाकाे चिट्ठी बने पनि उनी सम्पर्क बिहिन रहेकोले नगरपालिकाले प्रशासकिय अधिकृत पाउन अझै केही दिन समय लाग्न सक्छ । नगरपालिकामा प्रमुख प्रशासकिय अधिकृत नहुदा आर्थिक बर्ष २०७६।०७७ को विकास निर्माणकाे काम अगाडी बढन सकेकाे छैन ।

पाेखरिया नगरपालिकामा सरुवा भएकाे माझी संग सरुवा बारे बुझ्न फाेन सम्पर्क गर्दा फाेन नउठेका कारण सम्पर्क हुन सकेन ।

यता पर्साकाे पकहा मैनपुर गाउँपालिकाकाे प्रमुख प्रशासकिय अधिकृतकाे रुपमा कार्यरत सुनिल चाैरसियाकाे पर्सा कै पटेर्वा सुगाैली गाउँपालिकामा सरुवा भएकाे छ । यस्तै पर्सका कै विन्दवासिनी गाउँपालिकाकाे प्रमुख प्रशासकिय अधिकृतकाे रुपमा कार्यरत सुजित साहकाे सुचना, संचार तथा प्रविधि मन्त्रालय अन्तर्गत सरुवा भएकाे छ । इलाका प्रशासन कार्यालय सुपाैलीमा कार्यरत विनय श्रीवास्तवकाे विन्दवासनी गाउँपालिकाकाे प्रमुख प्रशासकिय अधिकृतमा मन्त्रालयले सरुवा गरेकाे छ ।

स्राेतका अनुसार पर्सा र बाराका स्थानिय तहमा काेई पनि प्रमुख प्रशासकिय अधिकृतहरु नआउने पक्षमा रहेका छन् । मन्त्रालयले सरुवा गरे पनि पर्सा र बाराकाे विभिन्न स्थानियह तहमा काम गर्न पक्षमा अधिकृत तथा उप सचिव स्तरका संघका कर्मचारीहरु नरहेकाे बुझिएकाे छ ।

बिन्दास एफएमको बार्षिकोत्सवमा ९ महिलासहित ८० जनाद्वारा रक्तदान

0

बीरगंज । बिरगंजबाट प्रसारित रेडियो बिन्दास ९४.८ मेगाहर्जले आफनो ९ औ बार्षिकोत्सवको पुर्ब सन्धयामा शनिबार खुल्ला रक्त्दान कार्यक्रम सम्पन्न गरेको छ ।

घण्टाघरमा भएको रक्तदान कार्यक्रममा ९ महिलासहित ८० जनाले रक्तदान गरेको बिन्दास एफएमका पानालाल साहले वताए ।

कार्यक्रममा रेडियो बिन्दासका निर्देशक बिरेन्द्र साह, डाक्टर पन्नालाल पटेल, संतोष साह, मनिर आलम, सुधा देवी, केशव पासवान, शिवानी चौधरी, निशा देवी, हरिन्द्र साह, दीपेन्द्र जायसवाल, कुन्दन मंडल, रुदी चौरसिया, नीलम देवी, महेश सारार्फ, दिनेश यादव, विकाश ओझा, विकाश कु साह, साजिद हवारी, आचल कुमारी पांडे,, प्रियंका मालिक, संजू नेपाल, राजकुमार साह, सतीश सिंह राजपूत, राहुल चौरसिया, रमेश साह, इंद्रजीत गुप्ता, मुना श्रीवास्तव, सानंद गुप्ता, माराश नन्द, प्रवीण यादव, मुकेश कु मुखिया, पन्नालाल कुर्मी, ललन प्रसाद गुप्ता लगायतकाले रक्तदान गरेका थिए ।

कार्यक्रमको उदघाटन रेडियोका प्रबन्ध निर्देशक आरसी यादवले रक्तदान गरि गरेका थिए भने कार्यक्रम ब्लड डोेनर्स एशाोसिएसन पर्साको प्रबाधिक सहयोगमा भएको थियो ।

खेलाडीहरुलाई ट्रयाकसुट वितरण

0

वीरगंज । वीरगंज १६ नगवा स्थित पर्सा तेक्वान्दो एकेडेमीका खेलाडीहरुलाई भवानी हस्पिटल प्रा.लि. वीरगञ्जले ट्रयाकसुट वितरण गरेको छ ।

हस्पिटलका प्रबन्ध निर्देशक रामकुमार श्रेष्ठले एकेडेमीका प्रशिक्षक नाजिर शेषलाई ट्रयाकसुट प्रदान गरे । ट्र्याकसुट प्रदान गर्दै प्रबन्ध निर्देशक श्रेष्ठले खेलाडीहरुलाई अनुशासित भई खेलमा मेहनत गरी अगाडी बढ्न सुझाव दिए ।

कार्यक्रममा नगवा बौधीमाई मन्दिरका अध्यक्ष रामधार चौरसिया, दि राइजिङ क्लबका अध्यक्ष अब्दुल मिया, संजय पंडित, अशोक पटेल, शेष मोसाधीर लगायतको उपस्थिती रहेको थियो ।

बार्षिकोत्सवकाे अवसरमा स्वास्थ्य शिविर

0
sawastha sibir_kalikatimes

वीरगंज । आशा किरण केन्द्र बिरगजको वार्षिकोत्सबको अवसरमा सुस्त मनिस्थिति, मस्तिष्क पक्षघात जस्ता बालबालिकाहरुका लागि आयाेजित नि:शुल्क स्वास्थ परिक्षण शिविर सम्पन्न भएकाे छ ।

स्वास्थ्य परिक्षण शिविरमा काठमाडौंका डाक्टर प्रज्ञा कर्मचार्या, मनोज शाह, बिनेस शाक्यको टोलिले आज पहिलो दिन मस्तिष्क पक्षघात भएका करिव ४४ जना बालबालिकाहरुको पहिचान गरेका छन । शिविरमा बाल विशेषज्ञ डा. अशोक दास, डा.सन्जय अग्रवाल, हाइटेक डेण्टलका राजेस स्वर्णकार एवं माट्रिका आइफाउण्डेसनका डाक्टरहरुबाट समेत करिब ११५ जना बालबालिकाहरुकाे स्वास्थ्य परिक्षण गरिएको थियाे ।

केन्द्रका अध्यक्ष पृथ्वीराज भन्डारिको सभापतित्वमा संचालन गरिएकाे शिविर ब्यवस्थापनका सम्पुर्ण कार्य संस्थाका संस्थापक सुनिल गुप्ता, महासचिव ममता राजकर्निकारले गरेका थिए । बालबालिकाहरुलाई शिविरमा स्वयंसेवकको रुपमा नुतन सरावगी, अनिसकात कुश्वाहा, बिनय गुप्ता, रजनी बर्मा, सिन्धु कुश्वाहा, पुजा चौधरी, अनिल चौधरी, श्याम सरार्फ, कमलेस कुश्वाहा, अन्जली गर्ग लगायत स्वास्थ्यकर्मिहरुले सहयोग गरेका थिए ।

शिविरको प्रशंसा नेपाल नेत्र ज्योती संघका केन्द्रिय वरिष्ठ उपाध्यक्ष श्यामकुमार पोखरेल, रेडक्र्स पर्साका उपसभापति श्रीमती मधुराणाले गर्दै शुभकामना दिनु भएको थियोे । स्वास्थ्य शिविर १२ र १३ गते दुई दिन सिद्धार्थ मा.बि. श्रीपुरमा रहेका आशा किरण केन्द्रको कार्यालयमा संचालन हुनेछ भने बार्षिक कार्यक्रम भोलि १३ गते स्वास्थ्य शिविर पछि संचालन हुने सचिव एवं स्वयंसेवक राजन श्रीवास्तवले जानकारी गराए ।

कालिकामाईमा महिला स्वास्थ्य शिविर सम्पन्न

0
sawastha sibir sampan_kalikatimes

वीरगंज । पर्साकाे कालिकामाई गाउँपालिका वडा नं. ३ हरिहरपुर विर्तामा शनिबार नि:शुल्क महिला स्वास्थ्य शिविर सम्पन्न भएकाे छ । श्री ने.रा.प्रा.वि. हरिहरपुरमा भएकाे स्वास्थ्य शिविरमा ४० जना गर्भावती महिला, ९९ जना अन्य महिला र ८४ जना पुरुष गरी २ सय २३ जनाले स्वास्थ्य परिक्ष गराएका छन् ।

कालिकामाई गाउँपालिकाकाे सहयाेग र सुनाैलाे नेपाल पर्साकाे आयाेजनामा भएकाे शिविरमा वीरगंज हेल्थ केयर हस्पिटका डा. एम. इजहार, डा. फिराेज अबजल, डा. रमुला साह, डा. नाैसाद अली, डा. कासिम अंसारी, डा. ईसतियाक अंसारी र डा. अखिलेश यादवले बिरामीहरुकाे चेक जाँच गरेका थिए ।

वडाध्यक्ष संजय पटेलकाे अध्यक्षतामा भएकाे कार्यक्रममा इलाका प्रहरी कार्यालय पाेखरियाका प्रहरी निरिक्षक चन्द्र सिंह, वडा सदस्य संजय प्रसाद, गाउँपालिकाका लेखापाल मन्दिप महताे, जाकिर हुसेन, स्वास्थ्य चाैकी हरिहरपुरका प्रमुख जमुना चाैरसिया, मंजु कुमारी देवी लगायतकाकाे सहभागिता रहेकाे थियाे ।

आयाेजक संस्थाका अध्यक्ष अमाेद कुमार केवंटले स्वागत मन्तव्य राखेकाे कार्यक्रमकाे सहजिकरण संस्थाका नरेन्द्र साहले गरेका थिए । शिविरमा स्वास्थय परिक्षण गराउने महिलाहरुलाई सेनेटरी पैड र गर्भवती महिलाहरुलाई हाेरलिस समेत वितरण गरिएकाे थियाे भने बिरामीहरुलाई नि:शुल्क औषधी समेत वितरण गरिएकाे थियाे ।