Date
आइत, मंसिर ६, २०८३
Sun, November 22, 2026
Home Blog Page 1044

२५ महिला सहित ६३ जनाद्वारा रक्तदान

0

वीरगंज । काठमाण्डाैकाे पिपल्स् क्याम्पसमा भएकाे रक्त्त दान कार्यक्रममा २५ महिला सहित ६३ जनाले रक्तदान गरेका छन् ।

रोट्राक्यट क्लब अफकाे आयाेजना र फ्रूटी, पिपल्स् क्याम्पस, रोटरी क्लब अफ हिमालयन, गुरुखासकाे सहयाेगमा रक्तदान कार्यक्रम भएकाे थियाे ।

प्रमिला खत्रीकाे अध्यक्षतामा भएकाे कार्यक्रममा सदिक्षा कँडेल, मनोज श्रेष्ठ, सजूना पून, प्रयुशा थिङ्ग, अस्मिता भट्ट, दिक्छ्यांत प्रधानंघ लगायतकाले रक्तदान गरेका थिए भने पवन भुसल, अनिशा काफले, संध्या पान्डे लगायतकाे उपस्थिती रहेकाे थियाे ।

चाेरी आराेपमा पाेखरियाका एक जना पक्राउ

0

पर्सा । पर्साकाे पोखरीया नगरपालिका वडा नम्बर ६ बाट चाेरीकाे आराेपमा एक जनालाई प्रहरीले पक्राउ गरेको छ । ईलाका प्रहरी कार्यालय पोखरीयाले श्रीसिया निवासी २२ बर्षीय हजरत अलीलाई पक्राउ गरेकाे हाे ।

पुस २४ गते बिहिबार राती पोखरिया नगरपालिका वडा नम्बर ४ पोखरीया निवासी हेमन साह कानुको घरमा चाेरी भएकाे थियाे । रातीकाे समयमा अज्ञात व्यक्तिले कानुकाे घरबाट साईकल र नगद रुपैया चोरी गरी फरार भएका थिए ।

अनुसन्धानकाे क्रममा गोप्य सुचनाकाे आधारमा अलीलाई साईकल सहित शनिबार पक्राउ गरिएकाे इलका प्रहरी कार्यालय पोखरीयाले जनाएकाे छ।

कालिकामाईकाे वडा नं. १ का वडाध्यक्ष कुर्मीकाे निधन, आइतबार विदा

0

पर्सा । पर्साको कालिकामाई गाउँपालिका वडा नम्बर १ मुडलीका वडाध्यक्ष शिवनाथ राउत कुर्मीकाे आज निधन भएकाे छ ।  टिनडोबिया निवासी ६२ बर्षिय कुर्मीकाे शनिबार दिउसाे १ बजे निजी निवास मै असमायिक निधन भएकाे हाे ।

नेपाली कांग्रेसबाट निर्बाचित कुर्मी एक बर्ष देखी चिनी राेगबाट ग्रसित थिए । कुर्मीकाे आईतबार विहान ९ बजे निजी निवास टिन्डाेबियामा हिन्दु धर्म अनुसार अन्त्येष्टि गरिने परिवाजनले जनाएका छन् ।

यता गाउँपालिकाले वडाध्यक्ष कुर्मीकाे निधनकाे शाेकमा भाेली आईतबार एक दिन विदा दिएकाे छ । प्रमुख प्रशासकिय अधिकृत राजु साहले एक सुचाना जारी गर्दै वडाध्यक्ष कुर्मीकाे निधनकाे शाेकमा अध्यक्ष स्तरिय निर्णय अनुसार विदा दिइएकाे जानएका छन् ।

मेयर सरावगीकाे विवादस्पद अभिव्यक्ति, विराेध गरे सभापति द्विवेदी

0

वीरगंज । वीरगंज उद्याेग वाणिज्य संघकाे साधारण सभामा वीरगंज महानगरपालिकाका मेयर विजय सरावगीले विवादस्पाद अभिव्यक्ति दिएका छन् ।

भिस्वा हाेटमा शुक्रबार भएकाे साधारण सभामा शुभकामना मन्तव्य राख्दै मेयर सरावगीले वीरगंज २५ सिर्सियावासीहरुकाे सुक्खा बन्दरगाहकाे लागि अधिग्रहण गरिएकाे जग्गाकाे मुअबजा वापतकाे रकम मन्त्रालयले चाँडाे भन्दा चाँडाे निकास गरी विवाद समाधान गर्नु पर्ने वताए ।

अधिग्रहण गरिने जग्गाकाे मुअबजा सरकारले जति दिए पनि जग्गा धनीकाे लागि कम नै हुने वताउदै मेयर सरावगीले निर्धाण गरिए अनुसारकाे मन्त्रालयले रकम निकासा गरि दिए वितरण गरे पछि विवाद समाधान हुने वताएका थिए ।

साे लगतै नेपाली कांग्रेस पर्साका सभापति अजय द्विवेदीले मेयर सरावगीकाे अभिव्यक्तिकाे विराेध गरे । मेयर सरावगी बाेल्ने क्रममै उनलाई राेकेर सभापति द्विवेदीले श्रीसियावासी उचित मुअबजाकाे मांग गर्दै आन्दाेलनमा रहेकाे वताए ।

उनले भने “तपाईले भने अनुसार निर्धाण गरिएकाे जग्गाकाे मुअबजा सिर्सियावासी लिदैनन् । र त्याे समस्याकाे हल हाेइन ।

साेही कार्यक्रममा सांसद प्रदिप यादवले पनि सिर्सियावासीकाे अधिग्रहण गरिएकाे जग्गाकाे उचित मुअबजा दिनु पर्ने वताए । उनले   अर्थमन्त्री संग भने “हालकाे चलन चलति अनुसारकाे मअबजा नदिने भए सिर्सियावासीहरुकाे लागि अरु ठाउँमा सरकारले जग्गा नै खरिद गरी बस्ती हस्तान्तरण गर्नु पर्छ ।”

प्रदेश सांसद ओमप्रकाश शर्माले सरकारले अधिग्रहण गर्ने जग्गाकाे मुअबजा निर्धारण गर्ने समय नै दिनु पर्ने वताए । निर्धारण गरिएकाे धेरै दिन पछि जग्गाकाे मअबजा दिने सरकारकाे कामले जग्गा धनीहरु मर्कामा पर्ने गरेकाे उनकाे भनाई थियाे ।

तर अर्थ मन्त्री डा. युवराज खतिवडाले सिर्सियावासीकाे जग्गा मुअबजाकाे बिषयमा केही पनि बाेलेन्न ।

सुक्खा बन्दरगाह र एकिकृत जांच चाेकीकाे बिचमा रहेकाे सिर्सियाकाे ६२ विगहा जग्गा बन्दरगाह बिस्तारकाे लागि सरकारले तिन बर्ष देखी राेक्का राखेकाे छ । साेही जग्गाकाे उचित मुअबजाकाे मांग गर्दै सिर्सियावासीहरु आन्दाेलन गर्दै आएका छन् ।

वीरगंज उद्याेग वाणिज्य संघकाे ४४ औं वार्षिक साधारण सभा सम्पन्न

0

वीरगंज । वीरगंज उद्याेग वाणिज्य संघकाे ४४ औं वार्षिक साधारण सभा सम्पन्न भएकाे छ । शुक्रबार सभाकाे उदघाटन गर्दै अर्थ मन्त्री डा. युवराज खतिवडाले वीरगंजकाे पूर्वधार विकासकाे लागि लगानी गर्न सरकार तयार रहेकाे वताए ।

वीरगंजकाे सडक देखी औधाेगिक करिडाेर सम्मकाे निर्माणकाे लागि नेपाल सरकार तयार रहेकाे उनकाे भनाई थियाे । उनले भने “अर्थ मन्त्रालयले बजेट दिएन, त्यही भएर वीरगंजकाे विकास भएन त्यस्ताे अवस्थाकाे अन्त भएर जान्छ । तर दिएकाे बजेटकाे पनि उपयाेग भयाे कि भएन त्यसकाे पनि रेखदेख तपाईहरुले गरिदिनु पर्छ ।”

निजगढ विमान स्थलकाे विकल्प नरहेकाे वताउदै उनले  वि.स. २०८१ सम्म फास्टट्रायककाे काम सम्पन्न हुने भनिए अनुसार नै पुरा हुने वताए । अर्थ मन्त्रालयले बजेट समयमा निकास नगरेका कारण समय मै काम भएन त्यस्ताे अवस्था नआउने विश्वास समेत दिलाए ।

कार्यक्रममा अन्य वक्ताहरुले राखेकाे कुराकाे सम्बाेधन गर्दै मन्त्री खतिवडाले प्रादेशिक तहबाट पनि विश्व विद्यालय खाेल्न सकिने प्रावधान रहेकाेले प्रदेश सरकारले त्यस तर्फ अगाडी बढ्नु पर्ने वताए ।

धेरै हतार गरियाे भने लक्ष्यमा पुग्न नसकिने वताउदै उनले ५ देखी ८ प्रतिशत सम्म आर्थिक वृद्धि भएकाे दावी गरे ।

अघिलाे बर्ष भन्दा यस बर्ष बिदेश जानेकाे संख्यामा कमी आएकाे समेत उनकाे भनाई थियाे । रेमिटान्स घट्याे भन्नेहरु विदेश जानेकाे संख्यामा कमि आएकाे कारण घटेकाे बुझ्नु जरुरी रहेकाे वताए । सरकार विदेश जानु भन्दा स्वदेश मै बसेर राेजगार गर्न सक्ने खालकाे अवस्था बनाउ तर्फ लागेकाे वताए ।

करकाे बिषयमा वाेल्दै मन्त्री खतिवडाले सरकारले एक तहबाट मात्र राजश्व उठाउन चाहेकाे वताए । उनले भने “सरकार पनि एक ठाउँबाट राजश्व संकलन गरी तिन ठाउँमा बाँडन चाहेकाे छ, गत बर्षमा तयारी नपुगेर त्यस्ताे हुन सकेन तर यस बर्ष सुधार गर्न तर्फ हामी लागेका छाैं ।”

प्रतिनिधि सभा सदस्य प्रदिप यादवले वीरगंजलाई औधाेगिक नगरीकाे रुपमा घाेषणा गर्न माग गरे । उनले भने ” देशकाे राजधानी काठमाण्डाै हाे भने उधाेगकाे राजधानी वीरगंजलाई त घाेषणा गरिदिनुस् ।”

उनले जुन देशकाे उधाेग धरासायी हुन्छ, त्याे देश बर्वाद भएर जाने भएकाेले उद्याेगिहरुकाे समस्या समाधान गर्न पनि आग्रह गरे ।

वीरगंज उद्याेग वाणिज्यि संघकाे निवर्तमान अध्यक्ष ओमप्रकाश शर्माले उद्याेगपति र व्यापारी निरास भएकाे वताए । सरकारले बनाएकाे निति, नियम लागु हुन्छ कि हुदैन चिन्ता भएकाे समेत वताए ।

प्रदेश सांसद समेत रहेका शर्माले अहिलेकाे नियमले उद्याेगीहरु पलायन हुने वताए । त्यही भएर सुहाउदाे नियमहरु बनाउनु पर्ने वताए ।

वीरगंज उद्याेग वाणिज्यि संघका अध्यक्ष गाेपाल केडियाकाे अध्यक्षतामा भएकाे कार्यक्रममा वीरगंज महानगरपालिकाका मेयर विजय सरावगी, नेपाल उद्याेग वाणिज्य संघका उपाध्यक्ष किशाेर प्रधान, वीरगंज उद्याेग वाणिज्य संघ प्रदेश नं. ३ का अध्यक्ष दिनेश श्रेष्ठ लगायतकाले शुभकामना मन्तव्य राखेका थिए । भिस्वा हाेटलमा भएकाे कार्यक्रमकाे संचालन उद्याेग वाणिज्य संघका महासचिव माधव राज पालले गरेका थिए ।

कार्यक्रममा १३ औं सागमा स्वर्ण जित्नेहरुलाई सम्मानित समेत गरिएकाे थियाे । वीरगंज उद्याेग वाणिज्य संघले साधारण सभा कै अवसरमा सागमा विभिन्न खेल तर्फ स्वर्ण जितेका १० जनालाई सम्मान गरेकाे थियाे ।

जुडे तर्फ स्वर्ण जितेका देवी खड्का, पुनम श्रेष्ठ, कुस्ती तर्फ नरेश यादव, राज यादव, सुनिल साह, क्रिकेट तर्फ आरिफ सेख, रासिद खान र भारताेलन तर्फ  विकास थापा, सराेज यादवलाई सम्मानित गरिएकाे थियाे ।

यस्तै भारत तर्फ सर्वाधिक निर्यात गर्ने उद्याेग डाबर नेपाल, श्री अन्पूर्ण भेजिटेबलस प्रा.लि., शिवसक्ति घियु उद्याेग र तेस्राे मुलुकमा सर्वाधिक निर्यात गर्ने उद्याेग त्रिवेणी स्पेलिन प्रा.लि., शिवसक्ति दाल मिल प्रा.लि. लगायतकालाई उद्याेग वाणिज्य संघले सम्मान गरेकाे थियाे ।

यस्तै आर्थिक पत्रकारिता मार्फत सहयाेग गर्ने काराेबार दैनिकका वीरगंज सम्वाददाता निरज पिठाकाेटे मगरलाई समेत उद्याेग वाणिज्यि संघले सम्मान गरेकाे थियाे ।

ठाेरीमा पनि हाती तथा जिप सफारी सुरु

0

वीरगंज । नेपाल कम्युनिस्ट पार्टी (नेकपा)का केन्द्रीय सदस्य एवं प्रदेश नं. २ का सह–ईन्चार्ज नागेन्द्र चौधरीले ठोरी पर्यटकीय स्थलकाे रुपमा धनी रहे पनि यसको विकास र प्रवर्द्धनकाे लागि राज्यको ध्यान पुग्न नसकेको बताएका छन् ।

पूर्व मन्त्री समेत रहेका चौधरीले पर्सकाे ठोरी गाउँपालिका वडा नं. ५ सुवर्णपुरको गढवाललाइनमा हाती तथा जिप सफारीकाे उदघाटन गर्दै यस्ताे वताएका हुन् । कार्यक्रमका प्रमुख अतिथी नेता चाैधरीले आपको बिरुवा रोपेर कार्यक्रमको उदघाटन गरेका थिए ।

नेपाल सरकार भ्रमण वर्ष २०२० सुरु गरेकोले तराईमा रहेका पर्यटकिय स्थलको प्रबर्द्धन र विकासको लागि विशेष ध्यान दिन आग्रह गर्नु हुदै नेता चौधरीले पर्सा जिल्लामा पनि चितवनको सौराहाजस्तै पर्यटकीय सम्भावना रहेकाे बताए । पर्सा राष्ट्रिय निकुञ्ज भित्रका पर्यटकीयस्थलहरूलाई प्रकाशमा ल्याउने गरी ठोरी गाउँपालिकाले गरेको कार्यक्रम सराहनीय रहेको उनकाे भनाई थियाे ।

नेता चौधरीले ठोरीमा हात्ती तथा जीप जङ्गल सफारी शुरू भएपछि पर्यटकका लागि आधाभार र सौराहा पुग्नुपर्ने बाध्यताको अन्त्य भएको विश्वास समेत व्यक्त गरे ।

कार्यक्रमका विशिष्ट अतिथि पर्सा राष्ट्रिय निकुञ्जका प्रमुख संरक्षण अधिकृत अमिर महर्जनले पर्यटन वर्षलाई मध्य नजर गर्दै निकुञ्जभित्र विभिन्न आकर्षणयुक्त गतिविधि संचालन गरी पर्यटकहरुलाई मनोरञ्जन प्रदान गर्न निकुञ्ज हरसमय तयार रहेको बताए ।

संविधानसभा सदस्य जयप्रकाश थारूले पर्सा राष्ट्रिय निकुञ्जभित्र रामभौरीभाठास्थित दुग्धेश्वर महादेव जाने पर्यटकीय बाटो नियमित सञ्चालनका लागि सहयोग गर्न निकुञ्ज सँग आग्रह गर्दै सो बाटो खुल्न सके ठोरी गाउँपालिकाको मात्र नभई जिल्लाकै मुहार फेरिने बताए ।

ठाेरी गाउँपालिकाका अध्यक्ष पदमलाल श्रेष्ठले भ्रमण वर्ष २०२० सफल बनाउन आयोजना गरिएको महोत्सवले ठोरीलाई पनि पर्यटकीय स्थलको रुपमा चिनाउन सहयोग पुग्ने बताए । पर्साको पर्यटकीय स्थल ठोरी घुम्नका लागि हात्ती र जीप सफारीको व्यवस्था गरिएको बताउदै उनले निकुञ्जसँगको समन्वयमा निकुञ्जभित्र हात्ती र जीप सफारीको व्यवस्था गरिएको बताए ।

पुस २९ गतेसम्म सञ्चालन हुने महोत्सवमा हात्ती तथा जीप सफारीका साथै ख्यातिप्राप्त पहलमानहरूको कुस्ती प्रतियोगिता, राष्ट्रियस्तरमैं ख्यातिप्राप्त कलाकारहरूको प्रस्तुति तथा विविध सांस्कृतिक कार्यक्रम सञ्चालन हुने अध्यक्ष श्रेष्ठले जानकारी गराए ।

उदघाटन समारोहमा ठोरी गाउँपालिकाका विजयबस्ती मावि, घ्याङडाँडा, ज्ञानवाटिका माविका विद्यार्थीहरूले विविध सांस्कृतिक कार्यक्रमका साथै मार्चपास गरेका थिए ।

सोक्रममा सरस्वती माध्यमिक विद्यालयका जुनियर एनसिसि तालीम प्राप्त विद्यार्थीले सैनिक बर्दीमा खुकुरी परेड गरेका थिए ।

महाेत्सव आयाेजक समितिका संयाेजक समेत रहेका गाउँपालिका अध्यक्ष श्रेष्ठकाे अध्यक्षतामा भएकाे कार्यक्रममा पोखरिया नगरपालिकाका मेयर दिप नारायण रौनियार, जिराभवानी गाउँपालिका अध्यक्ष रामपृत महतो थारु, सुनाखरि उपभोक्ता समितिका अध्यक्ष देबि प्रसाद दहाल लगायतको सहभागीता रहेको थियो ।

महोत्सव प्रचारप्रसार उपसमितिका संयोजक माधव तिमिल्सिनाले सहजीकरण गरेको उदाटन कार्यक्रममा ठोरी–५ का अध्यक्ष एवं महोत्सव व्यवस्थापन उपसमितिका संयोजक रामबहादुर पाख्रिनले स्वागत मन्तव्य व्यक्त गरेका थिए ।

“सुशासनयुक्त सक्षम एवं सबल स्थानीय सरकार, पूर्वाधार निर्माण, कृषि, पर्यटन र सशक्तिकरण ठोरीको प्रमुख आधार” भन्ने मुल नारा सहित सुरु भएकाे हात्ती सफारीका लागि नेपालीको ६ सय रुपैयाँ र विदेशीलाई ११ सय रुपैयाँ शुल्क कायम गरिएकाे छ ।

पकहा मैनपुरमा गाउँपालिकाकाे विकासकाे लागि सुझाव संकलन

0

वीरगंज । पर्साको पकहामैनपुर गाउँपालिकाले द्रुत गतिमा विकास गरी नमुना गाउँपालिका बनाउन स्थानियसंग सुझाव संकलन तथा अन्तरक्रिया सम्पन गरेको छ ।

गाउँपालिका अध्यक्ष विजय चौरसियाले पकहामैनपुर गाउँपालिकामा द्रुत गतिमा विकास गरि नमुना गाउँपालिका बनाउने आफ्नो पहिलो प्राथमिकता रहेकाे वताए । उनले केहि व्यक्तिहरुको निजि स्वार्थ पुर्ती गर्न नसक्दा मुद्दा मामिलामा अल्झाएर विकासलाई बाधक बनाएको गुनासाे गुरे ।

अध्यक्ष चौरसियाले स्थानियहरुको प्रश्नको जवाफ दिदै विगतका दिनमा आफुहरुमा केहि कमि कमजोरी रहेको स्वीकार गर्दै आगामी दिनमा जनताको सुझाव अनुसार अगाडी बढने प्रतिवद्धता जनाए ।

गाउँपालिकाको चौतर्फी विकासको लागि जनप्रतिनिधीसंग एकल प्रयासले मात्र सम्भव नहुने बताउदै विकास निमार्णमा खुटा तान्ने काम बन्द गरेर सबै जनता मिलेर अगाडी बढनुपर्ने आग्रह गरे । गाउँपालिका अध्यक्ष चौरसियाले गाउँपालिकाको विकास नचाहने तत्वले विकासमा अवरोध गरिरहेकाले त्यसले आफुहरु विचलित नभई अगाडी बढने बताए ।

अध्यक्ष चौरसियाले शिक्षामा कमजोरी हुनुमा शिक्षकहरु नै मुख्य दोषी रहेको बताउदै अबदेखि समयमा विद्यालय नआउने र पठनपाठन नगराउने शिक्षकलाई कारवाही गर्ने बताए । उनले कृषि क्षेत्रको विकासको लागि कृषकलाई कृषि मिटरको व्यवस्था केहि दिन मै गर्ने बताउदै सिचाईको लागि बोरिंगको व्यवस्था यसै आर्थिक बर्षमा गर्ने प्रतिवद्धता जनाए ।

कार्यक्रममा प्रमुख प्रशासकिय अधिकृत महेश सिंहले आफुहरु जनताको सेवक रहेकोले जनताको विकासको काम सहज रुपमा गर्ने र गाउँपालिका मातहत रहेका सेवासुविधाहरु सहज रुपमा जनतालाई प्रदान गर्ने प्रतिवद्धता जनाए ।

कार्यक्रममा राजपाका स्थानिय नेता रामबाबु चौरसियाले गाउँपालिकाको नमुना विकासको लागि जनप्रतिनिधीहरुमा मेलमिलापको आवश्यकता, जनचाहना अनुसारको योजना छनोट गरि विकास गर्नुपर्नेे तथा विकास निमार्णको कार्य गुणस्तरीय र पारदर्शी हुनुपर्नेमा जोड दिए ।

कार्यक्रममा नेपाली कांग्रेसका क्षेत्रीय प्रतिनिधी रामबहादुर स्वर्णकारले विगत २ बर्षमा गाउँपालिकाको विकास नहुनुमा जनता बाधक नभई स्वय‌ं जनप्रतिनिधीहरु नै रहेको बताए । विकास निर्माणको काममा गाउँपालिकाका जनप्रतिनिधीहरुमा आन्तरिक विवाद रहेकाले पहिले जनप्रतिनिधीहरु आपसी समन्वय गरेर विकास निमार्णको काम अगाडी बढाउनुपर्ने स्वर्णकारले सुझाव दिए ।

पकहामैनपुर गाउँपालिकाका स्थानिय तथा नेकपाका पर्सा जिल्ला सदस्य प्रभुनाथ पटेलले स्थानिय तहका जनप्रतिनिधीहरु जनताको विचमा समन्वय नगरी आफ्नो मनपरी विकास निमार्णका काम गरिरहेकाले विभिन्न किसिमका बाधा अवरोध सृजना भई विकास निमार्णका कामहरु अवरोध हुने गरेको आक्रोस व्यक्त गरे ।

नेता पटेलले स्थानिय तहमा सुचना लुकाएर जनप्रतिनिधीहरु विकास निमार्णका काम गरिरहेकाले जनतामा अविश्वास पैदा भई स्थानिय जनताहरु सम्बन्धित निकायमा उजुरी गर्ने जाने गरेको बताए ।

राजपाका जिल्ला सदस्य गोविन्द प्रसाद यादवले गाउँपालिकाको द्रुत गतिमा विकास गरी नमुना गाउँपालिका बनाउन जनप्रतिनिधीहरु आपसमा मिलेर जनचाहना अनुसार दिर्घकालिन योजना बनाएर अगाडी बढनुपर्ने सुझाव दिए ।

स्थानिय संचारकर्मी विन्दुभुषण साहले पकहामैनपुर गाउँपालिकाको द्रुत विकासको लागि जनप्रतिनिधीहरुको आपसी समन्वय , दिर्घकालिन योजना, शिक्षा र स्वास्थ्यमा जोड तथा पारदर्शी काम गर्नुपर्नेमा जोड दिए ।

गाउँपालिकाको कार्यालय पकहामैनपुरमा भएकाे कार्यक्रममा गाउँपालिकाकी उपाध्यक्ष कुशमी देवी, वडाध्यक्षहरु अम्बिका सहनी, ढेडी प्रसाद यादव, वृजमोहन पाण्डेय, लेखमन पटेल लगायतको सहभागिता रहेको थियो । कार्यक्रमको संचालन पकहामैनपुर माविका प्रधानाध्यापक छोटेलाल साहले गरेका थिए ।

पाेखरिया नगरपालिकाकाे प्रमुख प्रशासकिय अधिकृतमा रायमाझी

0

पर्सा । पाेखरिया नगरपालिलकाकाे प्रमुख प्रशासकिय अधिकृतमा सहदेव रायमाझी आएका छन् । धनकुटाकाे महालक्ष्मी नगरपालिकाकाे प्रमुख प्रशासकिय अधिकृतमा कार्यकरत रायमाझीलाई मन्त्रालयले सरुवा गरे पछि पर्साकाे पाेखरिया नगरपालिकामा आएका हुन् ।

प्रशासकिय अधिकृत रायमाझी पाेखरिया नगरपालिकामा हाजिर हुन आए पछि शुक्रबार एक कार्यक्रमकाे बिच नगरपालिकाले उनलाई स्वागत गरेकाे छ । नगर प्रमुख दिपनारायण राैनियार, उप प्रमुख सलमा खातुन लगायतका नगरपालिकाका कर्मचारी र वडाध्यक्षहरुले उनलाई फुलमालाले स्वागत गरेका थिए ।

२ महिना देखी प्रमुख प्रशासकिय अधकृत विहिन रहेका नगरपालिकाले आज देखी अनुभवी प्रशासकिय अधिकृत पाएकोले नगरपालिकाको अपेक्षित काम पुरा हुने नगर प्रमुख राैनियारले वताए  ।

अहिले सम्म निमित प्रशासकिय अधिकृतको भरमा चलेको नगरपालिकामा बिभिन्न किसिमकाे अपेक्षा गरिएका र जनता समक्ष प्रतिबद्धता गरिएका काम पुरा गर्न नसकिएकोले अब पुरा गर्न बाटाे खुलेकाे उपप्रमुख खातुनले बताइन ।

लामाे समय देखी अधिकृत बिहिन रहेको नगरपालिकाकाे प्रशासकिय अधिकृतमा रायमाझी आए पछि जनप्रतिनिधी र कर्मचारीहरु खुशी भएका छन ।

नगरको सभाहालमा भएको स्वागत कार्यक्रममा प्रमुख प्रशासकिय अधिकृत रायमाझीले राम्राे काम गर्न सबैको सहयोग आवश्यक रहेकाे वताए । उनले यसका साथै ब्यक्तिगत लालच त्याग्नु पर्ने, ईमान्दारिता हुनु पर्ने र समाजिक भावना भए मात्र नगरका सम्मपुर्ण जनप्रतिनिधीहरुको लक्ष्य पुरा हुने बताए ।

नगर प्रमुख राौनियारको अध्यक्षतामा भएकाे स्वागत कार्यक्रममा सम्मपुर्ण वडाका वडाअध्यक्षहरु र नगरपालिका कर्मचारीहरुको सहभागीता रहेको थियो ।

आजै देखी रायमाझीले नगरपालिकाकाे प्रमुख प्रशासकिय अधिकृतकाे कार्यभारत समेत संभालेकाे नगरपालिका आइटी अफिसर अरबिन्द दुवेले वताए ।

रायमाझीकाे संघिय मामिला तथा समान्य प्रशासन मन्त्रालयले पुस ११ गते नै पाेखरिया नगरपालिकामा सरुवा गरेकाे थियाे ।

इप्रका पाेखरियाद्वारा छिपहरमाईमा ४ वटा रक्सी भटठी नष्ट

0

पर्सा । पर्साको छिपहरमाई गाउँपालिकामा आज बिहान प्रहरीले ४ वटा रक्सी भटठी नष्ट गरेको छ । इलाका प्रहरी कार्यालय पाेखरियाले वडा नम्बर १ मिर्जापुरमा २ वटा र वडा नम्बर २ झलमैयामा २ वटा गरी ४ वटा रक्सी भटठी गरी नष्ट गरेकाे हाे ।

भटठी नष्ट गर्नुकाे साथै कच्चा पदार्थ १५ सय लिटर र ५० लीटर तयारी मदिरा पनि नष्ट गरिएको ईलाका प्रहरी कार्यालय पोखरीयाका प्रहरी निरिक्षक चन्द्र कुमार सिंहले वताए । बिशेष सुचनाकाे आधारमा लुकाई छुपाई अबैध रुपमा संचालन गरेको रक्सी भटठी नष्ट गरिएको सिंहले जानकारी गराए ।

केही समय यता देखी इलाका प्रहरी कार्यालय पाेखरियाले रक्सि भटठी नियन्त्रण कार्य अभियान कै रुपमा संचालन गर्दै आएकाे छ । तर भारतकाे बिहारमा रक्सी माथी प्रतिबन्ध भएका कारण र सिमा क्षेत्र भएका कारण पूर्ण रुपले नियन्त्रणमा आउन सकेकाे छैन् ।

गादीमाई साझेदारी वन ब्यवस्थापन समितीको बैठक सम्पन्न

0

पर्सा । पर्साको प्रस्तावित गादीमाई साझेदारी वन ब्यवस्थापन समितीको बिहिबार बसेकाे बैठकले ३ वटा महत्वपुर्ण निर्णय गर्दै सम्पन भएको छ ।

जिल्ला डिभिजन बन कार्यालय पर्सामा बसेको बैठकले समितीको कार्ययोजना बनाउन डिभिजन कार्यालय पर्साबाट बजेट मांग गर्ने र सहयोग गर्न निर्णय गरेकाे छ । साथै गादीमाई साझेदारी बन अन्तर्गत बिभिन्न खोलाबाट भइरहेकाे अब्यवस्थित रुपमा उत्खन्न र आईईको अलावा पनि ट्रेक्टरमा ढुवानी गरिरहेकोले नियम बिपरित नजान आग्रह गरेको छ ।

बैठकले अनियमित तरिकाबाट ढुवानी गर्दा रुख, बिरुवालाई नोक्सानीका साथै वातावरणमा पनि असर गर्ने भएकोले पर्साका सयौ कृष्कहरु प्रभावित हुने भएकोले अब्यवस्थित तरिकाले उत्खनन नगर्न आग्रह गरेको हो ।

गादी अन्तर्गत रहेका सुगीभारमा लगभग १२ बिगहामा पोखरी खन्नका लागी मांग समेत गरेको छ । साथै ढलेका र अब नोक्सान हुन लागेका दाउरालाई चिसोको मौसममा यसै समिती मार्फत सर्वसाधारणलाई बाडन अनुमति सहित निर्णय गरेको समिती सदस्य बसन्ती देवी थारुईनले बताइन ।

कृष्णमोहन यादवको अध्यक्षतामा बसेको बैठकमा सहरुम गदी, पुरन यादव, छठु साह, फरिन्द्र पटेल, पपु पटेल लगायतको सहभागीता रहेको थियो ।