Date
आइत, मंसिर ६, २०८३
Sun, November 22, 2026
Home Blog Page 1043

महुवनमा चाेरीकाे घटनामा वृद्धि,१५ दिन भित्र ७ चाेरीकाे घटना

1

पर्सा । पर्साको सखुवाप्रसौनि गाउँपालिका वडा नम्बर ५ महुवनमा चाेरीकाे घटनामा वृद्धि भएकाे छ । १५ दिन भित्र महुवनमा ७ वटा चाेरीकाे घटना भएकाे स्थानियहरुले वताएका छन् ।

आइतबार राती महुवन स्थित श्यामबाबु काेल्ड स्टाेरमा चाेरी भएकाे छ । अज्ञात चोरहरुहरुले रातीको समयमा पसलको छाना उठाई रक्सीको ५ वटा आईटम र नगद १२ हजार चाेरी गरी लगेका छन ।

अठासी अडतालिस २१ थान, ब्लैक चिमनी ६ थान, सिंगनेचर १४ थान, रुसलान १६ थान र गोल्ड दरबार ७ थान चोरले लगेको स्थानिय गणेश रामले बताए ।

यस्तै केही दिन पहिला महुअवन प्रहरी चौकी अगाडी रहेकाे एक पसलमा समेत चाेरी भएकाे थियाे । प्रहरी चाेकी अगाडी नै रहेकाे रंजित बर्णवालको पसलमा चाेरी भएकाे थियाे ।

यस्तै स्थानिय राजेन्द्र पटेलको घरमा, लखन प्रसाद कलवारको गोलामा, सुरेश महतो कोईरीको घरमा चोरी भएको स्थानियहरुले वताएका छन् । यसका साथै एकै रातमा ३ वटा पसलमा चाेरी भएकाे थियाे । स्थानियहरुका अनुसार दिनेश साह, गोपाल साह र राजेश साहको पसलमा चोरी भएको थियाे ।

प्रहरी चाेकी महुवनमा नयाँ प्रहरी सहायक निरिक्षक(असई) आए देखी नै चाेरीकाे घटनामा वृद्धि भएकाे स्थािनियहरुले वताएका छन् । प्रहरी चौकी महुवनकाे गस्ती फितलो भए पछि र केही समय पहिला मात्र सम्पन्न स्थानिय उप निर्वाचनकाे रिसवीले चाेरीकाे घटनामा वृद्धि भएकाे स्थानियहरुकाे भनाई छ ।

केही समय यता बढेकाे चाेरीकाे घटनाकाे सम्बन्धमा स्थानिय प्रहरी गम्भीर भएन भने प्रहरी बिरुद्ध आन्दोलनमा उत्रिने महुअवन बजारका ब्यापारीले जनाएका छन ।

ओमप्रकाशलाई प्रयावरण सहिद घोषणा गर्न मांग

0

वीरगंज । बीरगंजका सचेत युवा तथा प्रकृति सेवा प्रतिष्ठानको आयोजनामा वीरगंजको घण्टाघरमा आइतबार दिप प्रजवलीत गरिएकाे छ । खाेलामा भइरहेकाे अवैध उत्खननकाे विराेध गरेकाे निहुँमा धुनषामा हत्या गरिएका ओमप्रकाश महताेकाे आत्माको  शान्तिको लागी दिपप्रजवलीत गरी श्रद्धाञ्जली अपर्ण गरिएकाे हाे ।

श्रद्धाञ्जली सभामा वाेल्ने वक्ताहरुले वातावरण तथा पर्यावरण बचाऊँन एवम समाजको निम्ति आफ्नो प्राणको आहुत दिने महतोलाई प्रयावरण सहिद घोषणा गरि हत्याराहरुलाई कडा भन्दा कडा सजायको मांग समेत गरे ।

प्रकृति सेवा प्रतिष्ठानका जसपाल सिंहकाे अध्यक्षतामा भएको कार्यक्रममा  भोलन्टियर समुह वीरगंका राजन श्रीवास्तव, श्याम सरार्फ, विनय गुप्ता, कमलेश कुशवाहा, दयाशंकर सरार्फ, किशन सरार्फ, कपडा बैंकका ब्रिजेश्वर चोधरी, महिला नेतृ मोनिका सिहं लगायत अन्य युवा, बुद्धिजीवीको सहभागिता रहेको थियो। कार्यक्रमकाे सहजिकरण समाजिक अभियान्ता प्रकाश थारूले गरेकाथिए ।

सुटिङका क्रममा साहिद घाइते

0

गतबर्ष चलचित्र ‘कविर सिंह’बाट बलिउडमा तारिफ कमाएका नायक साहिद कपुर यतिबेला नयाँ चलचित्र ‘जर्सी’को छायांकन गरिरहेका छन् । साहिद, चलचित्रको छायांकनका क्रममा घाइते भएका हुन् ।

मोहालीमा क्रिकेट खेलिरहेको दृश्यको छायांकनका क्रममा साहिदको अनुहारमा गम्भिर चोट लागेको छ ।

उनै, साहिद चलचित्रको छायांकन छाडेर केही दिन आराम गर्न मुम्बई फर्किएका छन् । विमानस्थलमा उनी पत्नी मिरा राजपुतको साथमा देखिएका थिए । तर, साहिदले आफ्नो मुख भने छोपेका थिए ।

भारतीय मिडियाका अनुसार, साहिदको क्रिकेट खेल्ने क्रममा ओठमा चोट लागेको हो । साहिदले अब ४–५ दिन आराम गर्नेछन् ।

यो चलचित्र अगष्ट २८ तारिखमा रिलिज हुनेछ । केही दिन आरामपछि साहिद फेरि चलचित्रको छायांकनमा फर्किनेछन् । साउथको हिट चलचित्र ‘जर्सी’को रिमेकको रुपमा यो चलचित्र बन्नेछ ।

चाेरी भएकाे माेटरसाइकल पाए पछि बैठा खुशी

0

पर्सा । ईलाका प्रहरी कार्यालय पोखरीया मातहतका प्रहरी युनिटहरु गस्तीलाई तिब्रता दिए पछि धामाधाम चोर, अभियुक्त र अपराधीहरु पक्राउ पर्न थालेका छन । गएराती पर्साको पकहामैनपुर गाउँपालिका वडा नम्बर ५ सबैठवाबाट ७ दिन पहिला चाेरी भएकाे माेटरसाइकल प्रहरीले फेला परेकाे छ ।

भारतको पश्चिमी चम्पारणमा पर्ने सिक्टा निवासी सुनिल बैठाको एक हप्ता अगाडी चोरी भएको मोटरसाईकल सबैठवा गाउँमा फेला परेकाे हाे । सबैठवामा  सांझ ७ बजे माेटरसाइकल व्यवारिसे अवस्थामा फेला परे पछि स्थानियहरु प्रहरीलाई खबर गरेका थिए । त्यस पछि व्यवारिसे अवस्थामा फेला परेकाे माेटरसाइकल प्रहरी चाेकी सबैठवाले आफ्नाे नियन्त्रणमा लिएर इलका प्रहरी कार्यालय पाेखरियालाई बुझाएकाे थियाे ।

माेटरसाइकल बारे प्रहरीले अनुसन्धान गरी आज माेटरसाइकल धनी सिक्टा निवासी बैठालाई बुझाएको हाे । फेला परेकाे बिआर ०५ ए ८५४० नम्बरको १ सय ६० सिसिको अपाची रातो रंगको मोटरसाईकलको अगाडी र पछाडी दुबै तिर रहेको नम्बर प्लेट चाेरले उखेलेर फालेदिएका छन् ।

चाेरी भएकाे माेटरसाइकल सिक्टाका निवासी मोटरसाईकल धनी बैठाले पाए पछि खुशी भएका छन् । माेटरसाइकल पाएकाे खबर पाए पछि इलाका पहरी कार्यालय पाेखरियामा बैठा पुगी माेटरसाइकलकाे कागज देखाउदै आफ्नाे माेटरसाइकल बुझ्दै खुशी खुशि व्यक्त गरेका थिए ।

ईलाका प्रहरी कार्यालय पोखरीया मातहतका सबै प्रहरी युनिटहरुको केही दिन अगाडी बसेकाे बैठकमा डयुटीलाई सक्रिय बनाउन प्रहरी निरिक्षक चन्द्र कुमार सिंहले निर्देशन दिएका थिए । त्यस पछि  प्रहरी कार्यालय पाेखरिया क्षेत्रबाट चोर, अपराधी, फरार अभियुक्तहरु समेत पक्राउ पर्न थालेका छन ।

केही दिन पहिला मात्र पाेखरियाकाे एक घरमा चाेरी गरेकाे चाेरलाई शनिबार इलाका प्रहरीले चाेरेकाे सम्मान सहित पक्राउ गरेकाे थियाे । यस्तै केही दिन भित्र मात्र दर्जनाै फरार अभियुक्तहरुलाई समेत प्रहरी कार्यालय पाेखरियाले पक्राउ गरि बुझाइसकेकाे छ ।

असल, कर्मठ र ईमान्दार प्रहरीले दोषी, अपराधी, चोर र अभियुक्तलाई नछाडने ईलाका प्रहरी कार्यालय पोखरियाका प्रहरी निरिक्षक चन्द्र कुमार सिंहले बताए ।

नेपाली कांग्रेस जनताकाे घरदैलाेमा पुगी जनताकाे समस्या र गुनासाे सुन्दै

0

वीरगंज । नेपाली कांग्रेस पर्साले आज तेस्रो दिन वीरगञ्ज महानगरपालिकाकाे वडा नम्बर ८ मा घरदैलाे गरेकाे छ । जनतासँग सधै काँधमा काँध मिलाएर अघि बढिरहेको नेपाली कांग्रेसले जनताको घरदैलोमा पुगेर उनीहरुका समस्या र गुनासो सम्बोधनको प्रयास गरेको नेता अनिल रुंगटाले वताए ।

घरदैलोकाे क्रममा वडाबासीहरुले खानेपानीको समस्या, फोहरमैलाको समस्या, बोरिङको समस्या, युवा क्लबहरुमा खेल सामग्रीको अपुग, शिव मन्दिरको मर्मत संभारको आवश्यकता लगायतका विविध बिषयमा गुनासो गरेका थिए ।

नेपाली कांग्रेस पर्साको घरदैलोमा महानगरपालिकाकी उपमेयर शान्ति कार्की, पूर्व सभासद अनिल रुंगटा, जिल्ला सभापति अजय दुर्वेदी, नगर सभापति भोला कलवार, अरविन्द गुप्ता, विजय सरार्फ लगायतकाे नेता तथा कार्यकर्ताहरुकाे सहभागिता रहेको थियो।

नेता रिजालद्वारा पार्टीकाे झन्डा ओढाएर वडाध्यक्ष कुर्मीकाे अन्तिम विदाई

0

वीरगंज । पर्साको कालिकामाई गाउँपालिका वडा नम्बर १ मुडलीका वडाध्यक्ष शिवनाथ राउत कुर्मीकाे आज अन्त्येष्टि गरिएकाे छ । गाउँ कै आर्यघाटमा वडाध्यक्ष कुर्मीकाे हिन्दु धर्म अनुसार अन्तिम विदाई तथा अन्त्येष्टि गरिएकाे हाे ।

यस अघि नेपाली कांग्रेका केन्द्रिय सदस्य रमेश रिजालले उनकाे पार्थिक सरिरमा पार्टीकाे झन्डा ओढाई अन्तिम विदाई तथा श्रद्धान्जली अर्पण गरेका थिए । श्रद्धान्जली अर्पण गर्दै नेता रिजालले कुर्मीकाे निधनले कालिकामाई गाउँपालिकाकाे पार्टीमा क्षति पुगेकाे वताए । उनले पार्टीले एउटा असल स्थानिय नेता गुमाएकाे प्रतिक्रिया समेत दिए ।

वडाध्यक्ष कुर्मीकाे अन्त्येष्टिमा नेता रिजाल, बशिष्टनारायण कुर्मी, नविन सिंह, क्षेत्रिय सचिव श्रीकान्त यादव, बलिष्टर अमहमद, गाउँपालिका संयाेजक राजिन्द्र कुर्मी, छठु साह लगायत सयाैंकाे सहभागिता रहेकाे थियाे ।

कुर्मी वडाध्यक्षमा नेपाली कांग्रेसबाट निर्बाचित भएका थिए । टिन्डाेविया निवासी ६२ बर्षिय कुर्मीकाे शनिबार दिउसाे १ बजे उनकै निवासमा असमायिक निधन भएकाे थियाे । कुर्मीकाे ७ वटा छाेरी मात्र छन् । जस मध्ये ६ जनाकाे विहे भइसकेकाे छ भने एक जनाकाे वाकी छ ।

चुनाव लड्नु अघि उनी खानेपानी कार्यालय आदर्शनगरमा कार्यरत थिए । सारकारी जागिरमा कार्यरत कुर्मी राजिनामा दिएर चुनाव लडेका थिए । वडाध्यक्षमा निर्वाचित भएकाे ढेड बर्ष पछि नै उनी बिरामी परेका थिए ।

यता गाउँपालिकाले वडाध्यक्ष कुर्मीकाे निधनकाे शाेकमा आज विदा दिएकाे छ । प्रमुख प्रशासकिय अधिकृत राजु साहले एक सुचाना जारी गर्दै वडाध्यक्ष कुर्मीकाे निधनकाे शाेकमा अध्यक्ष स्तरिय निर्णय अनुसार विदा दिइएकाे जनाएका छन् ।

जय गणेश सहकारी संस्थाको १० औं वार्षिक साधारण सभा सम्पन्न

0

वीरगंज । जय गणेश बचत तथा ऋण सहकारी संस्थाको १० औं वार्षिक साधारण सभा आज वीरगंजमा सम्पन्न भएको छ ।

प्रतिनिधि सभा सदस्य शेखचाँद ताराले सभाको उद्घाटन गर्दै आर्थिक क्षेत्रमा सहकारीहरुको भुमिका महत्वपुर्ण रहेको र साना व्यवसायीहरु समेतले सहकारीमा लागानी गरेर व्यवसायी बन्ने विस्वास व्यक्त गरिन ।

संस्थाका अध्यक्ष ममता गुप्ताको अध्यक्षतामा भएको कार्यक्रममा राष्ट्रिय सहकारी बोर्ड संचालक समिति सदस्य शम्भु गुप्ता, नेप्सकुन संस्थाका संचालक हरेराम पटेल, को–ओपरेटिभ मैनेजर क्लबका अध्यक्ष जिष्णु बराल, पर्सा बार एसोशिएनका पुर्व अध्यक्ष पन्नालाल गुप्ता, विस्को लिमिटेडका डिल्ली विक्रम कार्की लगायतकाले शुभकामना मन्तव्य राखेका थिए ।

उक्त कार्यक्रमको सहजिकरण संचारकर्मी निलिमा पौडेलले गरेकी थिइन ।

अबकाे आन्दाेलन ज्वालामुखी सरह : अध्यक्ष यादव

0

समाजवादी पार्टी पर्साका अध्यक्ष रामनरेश यादवले अबकाे आन्दाेलन भयानक र ज्वालामुखीकाे आन्दाेलन हुन सक्ने वताएका छन् । कालिका टाईम्स सम्बादमा कुराकानी गर्दै अध्यक्ष यादवले अहिले पनि सत्तासिन दलले मधेशी, जनजाति, मुस्लीम र दलितलाई हेर्ने दृष्टिकाेण फरक भएन भने पहिचान कै लागि मधेश माेमेन्ट भडक्याे भने देशले धान्न नसक्ने खाले हुन सक्ने र त्यसकाे सम्पूर्ण जिम्मेवारी सरकारले लिनु पर्ने वताएका हुन् ।

आन्दाेलनकाे स्वरुप बारे अहिले पार्टी तय नगरि सकेकाे वताउदै अध्यक्ष यादवले आन्दाेलन हुने सम्भावना पार्टी छाेडि नसकेकाे वताएका हुन् । पार्टी संबिधान संसाेधन कै लागि सरकारमा गएकाे दावी गर्दै उनले संविधान संसाेधन नहुने सम्भावना देखिए पछि सरकारबाट पार्टी बाहिरिएकाे दावी गरेका हुन् ।

अक्राे प्रस‌ंगमा कुरा गर्दै अध्यक्ष यादवले तल देखी माथी सम्मकाे सम्पूर्ण निकाय भ्रष्ट भएका कारण भ्रष्टचार बढेकाे वताएका हुन् । कुनै निकाय पनि स्वच्छ नभएका कारण भ्रष्टचार बढेकाे उनकाे भनाई छ । संघ सरकारकाे तुल्नामा प्रदेश सरकार कम भ्रष्ट रहेकाे उनले वताएका हुन् ।

केमरा म्यान जाकिर हुसेनकाे साथमा अनिल साहले गरेकाे कुराकानी भिडियाेमा हेर्नुहाेस् ।

छपकैयामा निःशुल्क तेक्वान्दो प्रशिक्षण सुरु

0

वीरगंज । न्यु गोल्डेन अपरचुनिटीज छपकैयाद्धारा सञ्चालित निःशुल्क तेक्वान्दो प्रशिक्षण कार्यक्रमको आज एक समारोहका बिच छपकैया पोखरी परिसरमा शुभारम्भ गरिएको छ ।

छपकैया तेक्वान्दो डोजाङ्ग समेतको सहयोगमा आयोजित तेक्वान्दो प्रशिक्षण कार्यक्रमको उदघाटन गर्नु हुदै नेपाल पत्रकार महासंघ पर्साका सचिव युवराज खडकाले खेलाडिहरु समाज र राष्ट्रका निधि भएकोले खेलकुदको विकास र सम्बद्र्धनको लागि स्थानिय सरकार एवं सामाजिक संघ संस्थाहरुले समेत सहयोग पु¥याउनु पर्नेमा जोड दिए ।

तेक्वान्दो खेलले मानिसलाई स्वस्थ्य र तन्दुरुस्त बनाउने भएकोले आधुनिक खेलको रुपमा चिनिने यस खेलको विकास र सम्बद्र्धनको लागि क्लबले वडा सरकार र नगर सरकार सँग समेत बजेट एवं खेलकुदको व्यवस्थापनको लागि दबाव दिनु पर्नेमा जोड दिदै उहाँले खेलाडिहरुलाई शुभकामना समेत दिएका थिए ।

न्यु गोल्डेन अपरचुनिटीज छपकैयाका अध्यक्ष शेख मुनाको सभापतित्वमा भएका कार्यक्रममा वडा प्रहरी कार्यालय बिर्ताका प्रहरी नायब निरिक्षक प्रेम बहादुर खत्री, समाजसेवी जफार अंसारी, वडा नं. २ का कार्यवाहक अध्यक्ष खलिल अंसारी, महिला नेतृ मालती कुशवाहा, मुस्तुफा अंसारी, वडा नं. ५ का सदस्य सुरज पटेल, छपकैया दोजाङ्ग अध्यक्ष मंसुर महम्मद मिया, विश्व हिन्दू परिषद् पर्साका अध्यक्ष रणधिर कुशवाहा, ईमामुदिन अहमद लगायतका वक्ताहरुले शुभकामना मनतव्य व्यक्त गरेका थिए ।

कार्यक्रममा खेलाडिहरुलाई प्रमुख अतिथि युवराज खडकाले परिचयपत्र प्रदान गरेका थिए । आयोजक संस्थाले वीरगंज महानगरपालिका वडा नं. १,२,३ र ४ का करिब १ सय जना युवा तथा बालिबालिकाहरुलाई निःशुल्क तेक्वान्दो प्रशिक्षण दिईने प्रशिक्षक मंसुर महम्मद मियाले बताए ।

जगरनाथपुरमा नि:शुल्क स्वास्थ्य शिविर सम्पन

0

पर्सा । पर्साको जगरनाथपुर गाउँपालिका वडा नम्बर २ जानकीटालामा शनिबार एक दिने नि:शुल्क स्वास्थ्य शिविर सम्पन भएको छ ।

नेपाल ईन्डो हास्पीटल एण्ड आई सेन्टर प्रालिको सहयोगमा र सामुदायिक साझेदारी बिट बिर्ता बिरगंज पर्सा, ईलाका प्रहरी कार्यालय पोखरीया र ईलाका प्रहरी कार्यालय ख जानकीटोलाको आयोजनामा भएको शिविरमा सम्पन्न भएकाे हाे । शिविरमा ८ सय ६० जनाले स्वस्थ्य परिक्षण गराएकाे ईलाका प्रहरी कार्यालय जानकीटोला ख का सई अर्जुन अधिकारीले बताए ।

स्वास्थ्य शिविरमा डा.असरफ हुसैन, डा. नेहा नायक, डा. अनिसा महतो, डा. परमानन्द साह, डा. रुद्र सिंह र डा. बसुरीदन लगायतकाले स्वास्थ्य परिक्षण गरेका थिए ।