Date
आइत, मंसिर ६, २०८३
Sun, November 22, 2026
Home Blog Page 1042

कालिकामाईमा संचालित महिला राेग परिक्षण स्वास्थ्य शिविर सम्पन्न

0

वीरगंज । पर्साकाे कालिकामाई गाउँपालिकामा संचालित महिला राेग परिक्षण स्वास्थ्य शिविर सम्पन्न भएकाे छ । शिविरकाे अन्तिम  दिन आज वडा नं. ५ बिरन्चीबर्वामा शिविर भएकाे थियाे ।

गाउँपालिकाकाे स्वास्थ्य शाखाकाे आयाेजनामा भएकाे शिविरमा ४ सय ५० जनाले ‍‌ओपिडी परिक्षण गराएकाे गाउँपालिका स्वास्थ संयाेजक याेगेन्द्र चाैरसियाले वताए । जस मध्ये ३९ जनाकाे भिडियाे एक्सरे र ८५ जनाकाे ल्याब परिक्षण समेत भएकाे संयाेजक चाैरसियाले जानकारी गराए ।

स्वास्थ्य चाैकी बिरन्चीबर्वामा भएकाे शिविरमा डा. मधु पटेल, डा. संजय जयसवाल, डा. आलाेक कुमारले स्वास्थ्य परिक्षण गरेका थिए ।

वडाध्यक्ष पवन तिवारीको अध्यक्षतामा भएको शिविरमा गाउँपालिका अध्यक्ष नथुनी प्रसाद कुशवाह, उपाध्यक्ष राजेश चाैरसिया, प्रमुख प्रशासकिय अधिकृत राजु साह, याेजना शाखाका प्रमुख सुनिल राैनियार, स्वास्थ्य सह संयाेजक महेन्द्र चौरसिया, बिरन्चीबर्वा स्वास्थ्य चौकी प्रमुख निरन्जन चाैरसिया लगायतकाकाे उपस्थिती रहेकाे थियाे ।

बालबिवाह सम्बन्धी बिभिन्न धर्म गुरु संग अन्तक्रिया

0

वीरगंज । सामुदायिक प्रहरी साझेदारी कार्यक्रम अन्तर्गत आज बालबिवाह सम्बन्धी बिभिन्न धर्म गुरु संग अन्तक्रिया कार्यक्रम सम्पन्न भएकाे छ ।

जिल्ला प्रहरी कार्यालय पर्सामा भएकाे कार्यक्रममा सहभागिहरुले धार्मिक अन्धविश्वास, परम्परा एवं सांस्कृतिक मान्यताका कारण वाल विवाह बढेकाे वताए । यसका साथै शिक्षा चेतनामा कमी, वैवाहिक कार्यमा अभिभावककाे निर्णायक भुमिका, भागेर विवाह गर्ने प्रचलन, अपरिपक्वता लगायका वाल विवाहकाे कारण भएकाे प्रस्तुती समेत प्रस्तुत गरिएकाे थियाे ।

पर्साका प्रहरी उपरिक्षक साेमेन्द्र सिंह राठाैरकाे अध्यक्षतामा भएकाे कार्यक्रममा पहल संस्थाका अध्यक्ष दिलिप राज कार्की, नेपाल पत्रकार महासंघ प्रदेश नं. २ का उपाध्यक्ष केसी लामिक्षाने, पर्साका अध्यक्ष श्याम बन्जारा, मदर्शा संघ प्रदेश नं. २ का अध्यक्ष शशि कपुर मियाँ, क्रिश्चियन संघ पर्साका अध्यक्ष नारायण आचार्य, ज्याेतिश संघका केन्द्रिय उपाध्यक्ष पुरुषाेत्तम दुवे, वीरगंज गुरुद्वारका अध्यक्ष अमरजित संघ लगायकाे सहभागिता रहेकाे थियाे ।

जगरनाथपुरमा २ दिने सेनेटरी प्याड बनाउने तालिम सम्पन्न

0

वीरगंज । पर्साकाे जगरनाथपुर गाउँपालिका वडा नं. ५ मसिहानीमा सेनेटरी प्याड बनाउने २ दिने तालिम आज सम्पन्न भएकाे छ । दिव्य युवा क्लब बिरन्चीबर्वा र भिएसओ नेपालकाे साझेदारीमा संचालित किशाेरी सशक्तिकरणका लागि शिक्षा कार्यक्रम अन्तर्गत ठुलाे दिदीहरुकाे लागि भएकाे तालिम सम्पन्न भएकाे हाे ।

तालिममा सेनेटरी प्याड बनाउनुकाे साथै त्यसकाे प्रयाेग र ध्यान दिनु पर्ने कुराकाे बारेमा समेत प्रशिक्षण दिइएकाे परियाेजना संयाेजक गणेश ठकुरीले वताए । ठूलाे दिदीहरुकाे प्रजनन् स्वास्थ्य र महिनवारी हुदा सेनेटरी प्याड प्रयाेग विधि, सावधानी अपनाउने कुराकाे बारेमा समेत छलफलकाे माध्यमले प्रशिक्षण दिइएकाे  थियाे ।

सहभागिहरुलाई प्रशिक्षक शाेभा भुजेल, भिएसओ नेपालका कमला उप्रेती र प्रिति शर्माले प्रशिक्षण दिएका थिए । श्री नेरा मावि मसिहानीमा भएकाे तालिममा १८ जना ठुलाे दिदीहरुकाे सहभागिता रहेकाे कार्यक्रम अधिकृत देवता रिजालले वताईन ।

यस्तै पर्साकाे दुई गाउँपालिकाकाे ५ ठाउँमा एक सय २६ जना ठुलाे दिदीहरुलाई सेनेटरी प्याड बनाउने २ दिने प्रशिक्षण दिने कार्यक्रम रहेकाे उनले जानकारी गरईन ।

कालिकामाईमा नेपाली कांग्रेसद्वारा एक पारालाईसीस राेगीलाई आर्थिक सहयोग

0

पर्सा । पर्साको कालिकामाई गाउँपालिका वडा नम्बर ५ सेमरा टोलका एक पारालायसी राेगीलाई नेपाली कांग्रेसकाे वडा कमिटीले आर्थिक सहयोग गरेको छ । गरिब परिवारका पारालाईसीस राेगी कपी भगत पासवानलाई नेपाली कांग्रेस कालिकामाई गाउँपालिका वडा नं. ५ बिरन्चीबर्वा वडा कमिटीले रु ५ हाजार नगद सहयाेग गरेकाे हाे ।

आर्थिक अवस्था एकदमै न्युन र जग्गा मध्ये ३ धुर घडेरी मात्र रहेका पासवानलाई नेपाली कांग्रेस वडा कमिटीले सहयोग गरेको स्थानिय रमन महतो केवटले बताए । घरपरिवारमा काेई पनि कमाउन नसक्ने र आयआम्दानी पनि कुनै नरहेकोले नेपाली कांग्रेस पार्टी वडा कमिटीले सहयोग गरेको उनले जानकारी गराए ।

नेपाली कांग्रेस वडा किमीटीका बरिष्ठ सल्लाहकार रामप्रसाद चौहान, वडा कमिटीका उपाध्यक्ष छबीलाल राउत कम्कर, पपु तिवारी, असर्फी राउत, मदन महतो, जमुना महतो केवट लगायतकाले पासवाना कै  घरमा पुगी नगद सहयाेग गरेका हुन् ।

मौसम विज्ञान र शितलहर

0

जलमण्डल, भु–मण्डल तथा वायुमण्डल जस्ता वातावरणका मुख्य घटकहरुले जैविक संसारलाई आधार प्रदानगरि जीवमण्डलको अस्तित्व कायम गरिरहेका हुन्छन । समुदायमा आधारित विपद जोखिम ब्यवस्थापन (Community Based Disaster Risk Managment) अन्तर्गत गरिने कार्यक्रमहरुको उचित मापदण्ड बनाउनु, पुर्व सूचना प्रणालीलाई व्यवस्थित बनाउनु, कृषी व्यवस्थापन सुचना प्रणालीलाई सक्रिय बनाउनु, प्राकृतिक प्रकोप रोकथाम गर्नु, बिकासका पुर्वाधार संरक्षण गर्नु, भुमी उत्पादकत्व तथा सामुदायिक भुसंरक्षण गर्नु, समूह परिचालन तथा सशक्तिकरण गर्नु, राष्ट्रिय तथा अन्तर्राष्ट्रिय, प्रादेशीक तथा स्थानीय पालिकाहरुको योजना कार्यक्रमहरु प्रभावकारी बनाउनुको साथै जीवनदायी उत्पादनसिल वातावरण निर्माण गर्न मौसमको बारेमा हरेक मानिसमा चासो हुनु स्वभावि कै हो । वास्तवमा मौसम विज्ञान “Meterology” भौतिक भूगोलको एउटा शाखा हो जहाँ वायुमण्डलमा हुने विभिन्न मौसमी गतिविधिहरु तापक्रम, वर्षा, आर्द्रता, वायुमण्डलीय चाप, हावाको गति र दिशा, बादल, सुर्यतापउर्जा सन्तुलन लगायत वायुमण्डलयीय परिसंचालन, स्थानियएवं मौसमीवायु , वायुराशी, चक्रवात, प्रतिचक्रवात, वायुमण्डलीय प्रकोप तथा चरम घटनाहरु, मौसम भविष्यवाणी, मौसम जलवायु परिवर्तन आदिलाई मुख्य केन्द्र बिन्दुको रुपमा अध्ययन र अनुसन्धान गर्ने गरिन्छ । यस विज्ञानलाई जलवायु विज्ञान, ऋतु विज्ञान, वायु विज्ञान आदिको नामले चिनिन्छ ।

विभिन्न मौसम विद्का अनुसार छिनछिनमा परिवर्तन भईरहने वायुमण्डलिय अवस्था नै मौसम (Weather) हो । जलवायु विज्ञानको हिसाबले मौसम ऋतु अनुसार बदली रहेको हुन्छ । ऋतु एक वर्षभन्दा छोटो कालखण्ड हो । जसले वर्षलाई वसन्तसम्पात (March–21), कर्क संक्रान्ति (June–21), शरद सम्पात (Sep–23) र मकर संक्रान्ति (Dec–22) गरी विभिन्न भागमा विभाजित गर्दछ । पृथ्वीको वार्षिक गति र अक्षीय झुकाव (23.5) डिग्रीको कारणले ऋतु परिवर्तन भई चक्रिय रुपमा मौसम फेरबदल भईरहेको हुन्छ । पृथ्वी सुर्यको वरिपरि करिब ९६.६ करोड कि.मि. को दुरीमालगभग १६९० कि.मी प्रति घण्टाको दरले दीर्घवृतकार कक्षमा पश्चिम देखी पूर्वतिर २३.५ डिग्री को झुकावमा परिक्रम गरिरहेको कारण उत्तरी तथा दक्षिणी गोलाद्र्धमा गर्मी र ठण्डी मौसम हुने गर्छ । पृथ्वीले सुर्यलाई विभिन्न अवस्थामा परिक्रमण गरिरहेको बेला मार्च–२१ र Sep–२३ अर्थात सम्पातको बेला सुर्यको सिधाकिरण भुमध्य रेखामा लम्बरुपले चम्किरहने हुंदा पृथ्वीको दुबै गोलाद्र्धमा गर्मी ठण्डी बराबर (दिन रात) हुने गर्दछ । Sep 23 पछि दक्षिणी अक्षांश रेखाको आधा भन्दा अधिक भागमा प्रकास आउन थाल्छ र उत्तरी अक्षांश रेखाको आधा भन्दा अधिक भाग अन्धकारमा हुन पुग्छ । यसरी शरद ऋतुको बर्हिगमन संगै हेमन्त ऋतुको आग्मन संगै Dec-22 को समयमा सुर्य मकर रेखाको २३.५ंं क माथि लम्ब रुपले चम्किरहेको हुन्छ । यो बखत उत्तरी गोलाद्र्धमा लामो रात र छोटो दिन हुन्छ । पृथ्वीको यस अवस्थाको दिनलाई मकर स्रक्रान्ति (Winter Solstices) भनिन्छ । यस समयमा नेपालमा करिब १४ घण्टाको रात र १० घण्टाको दिनहुन्छ । रातलामो संगसंगै ठण्डी (चिसो) ले पनि आफ्नो ब्रचस्व जमाईरहेको हुन्छ ।

परापूर्वकालदेखी नै मानव समुदाय हेमन्त शिशिर ऋतुको मध्य भाग तिर अर्थात पौष माघको समयमा विभिन्न शितकालीन मौसमी घटनाहरुको चपेटमा रहंदै आईरहेका छन । पृथ्वीको वरिपरि रहेकाविभिन्न ग्यांसहरुको बाक्लो आवरण वायुमण्डल हो र यसले पृथ्वीको वातावरणलाई सन्तुलन राख्ने काम गर्छ । वायुमण्डलको करिब ७५ प्रतिशतभार सबभन्दा तल्लो तह निम्नमण्डल (Troposhere) मा हुन्छ र पृथ्वीमाहुने प्रायःमौसमी घटनाहरु यसै तहमाहुने गर्दछन् । करिब शुन्य देखि ४ प्रतिशतको अनुपातमा वायुमण्डलमा रहेको जलवाष्प (आद्रता) कै कारण कुनै पनि स्थानको मौसम र जलवायु बढि प्रभावित हुन्छ । यति मात्र नभई यही जलवाष्प चिसो मौसमको बेलाआफ्नो अवस्थामा परिवर्तन ल्याई शीत, कुहिरो, तुसारो, हुस्सु, हिमवृष्टि आदिको रुपमा परिवर्तित हुन्छ ।

१. शीत–ओस) : वायुमण्डलमा हुने संक्षेपण प्रकृया (Condensation Process) को एक विशेष रुप शित हो । जमिनसंगै टाँसिएर सतहनजिक रहेको हावामा जलवाष्पको मात्रा अपेक्षा अनुसार अधिक नै हुन्छ र कन्डेस्न प्रकृया द्धारा प्रायः रातको समयमा विकिरण वा सम्पर्क चिसोपन Contact Cooling बाट जलवाष्प थोपामा परिणत भई शीत बन्दछ । थोपाको रुपमा परिणत हुंदा वजन बढन गई हावाले समात्न नसकि जलकणको रुपमा पात घाँस माथि खसेको देखिन्छ । उच्च सापेक्षिकआर्दता, बादल रहित सफा आकाश, धरातलीय विकिरणद्वारा तिब्र गतिमा तापशक्तिको ह्रास, लामो रात तथा शान्त गतिको वायु आदि जस्ता परिस्थिती शीत (ओस) निर्माणमा अहमभुमिका खेल्छन ।

२. तुसारो (पाला) : जब धरातलको तापक्रम शुन्य डिग्री भन्दा तल झर्छ, त्यो बेला माटो हावामा रहेको जलवाष्प सिधै ठोस (हिमकण) को रुपमा रुपान्तरण हुन्छ । यसैलाई तुसारो वा पाला पर्नु भनिन्छ । यो उध्र्वपतन (Sublimation) प्रकृयाद्वारा निर्माण हुन्छ । आर्थिक दृष्टीकोणले तुसारो अत्यधिक हानिकारक हुन्छ किनभने यसले प्रायः आलु, टमाटर, अरहर, लहसुन, तोरी जस्ता हिंउदे बालीनाली नष्ट गर्दछ ।

३. कुहिरो (Fog) र हुसाे (Mist) : धरातल सतहको माथि रहेको आद्र्र हावा अत्यधिक चिसोको कारण जल कणको समुहमा परिणत भई धंधको रुपमा बसिरहेको हुन्छ । त्यसैलाई कुहिरो वा हुस्सु लागेको भनिन्छ । बादलको निर्माण प्रायः तातो हावा माथि गई चिसो हुने कारणले हुन्छ तर यिनीहरुको निर्माण धरातलीय सतहको नजिक विकिरण परिचालन (Condensation) तथा तातो र चिसो हावाको समिश्रणबाट हुने गर्दछ । मौसम बिज्ञानको अनुसार कुहिरो एक किसिमको बादल नै हो । जुन सामान्य बादल भन्दा विपरित धरातल संग जोडिएर धरातलको भिजिबलिटी दृश्य एक कि.मीं कम हुन्छ । कुहिरो लागेको समयमा दैनिक जनजिवन अति नै कष्टकर हुन्छ र जल कणको समुह दृश्य हुन्छन । कुहिरो दिन भरी वा केही हप्ता सम्म आकाशलाई ढाकेर बसेको हुन्छ तथा सुर्यले किरणलाई जमिन सम्मआउन छेकिरहेको हुन्छ । यस अवस्थामा जलकणको ब्यास १०० माइग्रेन भन्दा कम हुन्छ ।

हुस्सु (Mist) : सामान्यतः कुहिरो, धुंद, धुहासा आदि नामले चिनिन्छ । हुस्सु लागेको बेला धरातलको भिजिब्लिटी (१—५) कि.मी. सम्म हुन्छ । र जलकणका समुह अदृश्य हुन्छन । हुस्सु लागेको समयमा वायुमण्डलिय सापेक्षिक आर्दता ७० प्रतिशत भन्दा बढी नै हुन्छ । यस अवस्थामा मानिसको जनजीवन अति कष्टकर हुंदैन । साथै सुर्योदयले आगमन संगसंगै हुस्सु समाप्तभएर जान्छ ।
उष्ण कटिबन्धीय क्षेत्र (Area of Tropics) मा कुहिरो हुस्सु चिसो महिनामा बढी देखिन्छ तर ३५ डिग्री अक्षांश भन्दा माथि प्रायः सबै ऋतुहरुमा देखा पर्छन् ।

४.शितलहर (Cold Ware) : नेपालमा हुने प्रमुख विपद्जन्य प्रकोपहरु बढी पहिरो, महामारी ,हिमस्खलन, भुकम्प, हिमताल विष्फोट, खडेरी, आँधीबेहरी, चट्याङ्ग, असिना पर्नु, लू–चल्नु, जस्तै शितलहर पनि एक प्रमुख प्राकृतिक प्रकोप वा विपद हो जुन नेपालको मुख्य तराई ईलाकामा चल्ने शीतकालीन लहर हो । प्रायः पुस–माघ महिनामा अत्यधिक चिसोको कारण वायुमण्डलको तल्लो तहलाई बाक्लो हुस्सु-कुहिरोले ढाक्दा सुर्यको तापशक्ति हप्तौ दिन सम्म धरातलमा नआउँदा आकासबाट चिसो शित खस्नुको साथै वायुमण्डलीय तापमान एकदमै न्यून भई उत्तर पश्चिम दिशाबाट आउने शुष्क एवं चिसो हावाले बाक्लो हुस्सु र कुहिरो बगाउने प्रकृया नै सितलहर हो । मौसम बिज्ञानको दृष्टीकोणले शितलहर पनि जल वा जलवायु संग सम्बन्धित प्राकृतिक विपद हो । छिमेकी मुलुक भारतको उत्तरी क्षेत्र बिहार, उत्तर प्रदेश, हरियाणा, पंजाब, दिल्ली ईलाकामा दिनप्रतिदिन बढदै गईरहेको शहरीकरण, औधोगिकरण तथा जनसंख्या बृद्धीले गर्दा वायुमण्डलमा सल्फर डाइअक्साइड, नाईट्रोजनडाइअक्साइड जस्ता प्राणघातक ग्यास धुंवा, धूलोसंग मिली वायु प्रदुषण बढदै जाँदा नेपालको तराई क्षेत्रमा हरेक वर्ष शितलहरको प्रकोप बढदै गई रहेको देखिन्छ । यति मात्र नभई बिकासको नाममा तराई क्षेत्रमाभई रहेको जनसंख्याको वृिद्ध  जग्गा प्लैटिङ्ग सहितको वनबिनास, कृिष क्षेत्रमा प्रयोग हुने विषादी, तिब्र गतिमाबिना मापदण्ड संचालन हुने कलकारखाना लगायत बढदो सवारी साधनले हुने वायु प्रदुषणले गर्दा पनि तराई क्षेत्रमाशितलहर विपदको रुपमा चर्चामाआईरहेको देखिन्छ ।

शितलहर अरु प्रकृतिकप्रकोप जस्तो भौतिक क्षती नगरे ता पनि यसले देशको कुल जनसंख्याको लगभग आधाबसोबास गर्ने तराई क्षेत्रको अधिकांश स्थानमा विपद ल्याउने गर्दछ । संयुक्त राष्ट्रिसंघीय बिकास कार्यक्रम UNDP काे मानव बिकास प्रतिबेदन अनुसार एशियाका ५८ राष्ट्रयहरु मध्ये नेपाल तेस्रो अति गरिब राष्ट्र हो । जसको मानव बिकास सुचांक छैठौ न्युन स्थानमा छ । तसर्थ शितलहरको कारण तराईका विपन्न वर्ग, बालबालिका, महिला, जेष्ठ नागरिक, सिमान्तकृत समुदायका मानिसहरु न्यानो कपडाको अभावमा कोल्ड डाइरिया, रुघाखोकी, निमोनिया, ज्वरो, हाइृपोथर्मिया जस्ता रोगको सिकार भई मृत्यु हुने गरेको समाचार दिनहुं रेडियो, टि.भी. तथा पत्रपत्रिकामा आईरहेको हुन्छ ।

एकात्मक शासन प्रणालीबाट हाम्रो देश नेपाल संघीयतामा प्रबेश गरी देशमा संघ, प्रदेश र स्थानिय गरी तीन तहको सरकार स्थापित भए ता पनि जलमौसम संग सम्बन्धित पूर्व सुचना तथा चेतावनी प्रणालीको बारेमा आम जनसमुदायमा ज्ञान नहुंदा यस्ता विपदीबाट दिनप्रतिदिन कष्टकर जीवन बिताउन बाध्यभएका छन् । अतः पुर्व सुचना प्रणालीको बिकास संगसंगै विपद ब्यवस्थापन चक्र अन्तर्गत गरिने पूर्व तयारी, न्यूनीकरण, रोकथाम संगै खोज,उद्दार एंव राहत र पुर्नस्थापना तथा पुननिर्माण कार्यलाई थप व्यवस्थित बनाउन स्थानीय स्तरमा नै परिस्थिति अनुसार अल्पकालीन र दीर्घकालीन रणनीतिहरुको तर्जुमा गरि संङकटा सन्नता वा जोखिममा रहेका समुदायलाई जागरुक तथा सबल बनाउनु आजको आवश्यकता हो ।

 अखलेश चौरसिया
(सहायक मौसम विद्)
जल तथा मौसम विज्ञान कार्यालय
सिनप्टिक केन्द्र, दाङ–घोराही
फिल्ड इन्चार्ज

महासचिव आलमले आफ्नाे जन्मदिन मानवसेवा आश्रममा मनाए

0

वीरगंज । नेपाल होटल तथा पर्यटन व्यवसायी महासंघ प्रदेश नं. २ का सचिव तबरेज आलमले ३२ औं जन्मदिन मानवसेवा आश्रममा मनाएका छन् ।

होटल व्यवसायी संघ पर्साका महासचिव समेत रहेका आलमले ३२ औं जन्मदिनको अवसरमा मानवसेवा आश्रम वीरगंजमा आश्रितहरु सँग जन्मदिनको शुभकामना आदान प्रदान गर्नु भएको छ । जन्म दिनकाे अवसरमा आलमले आश्रममा आश्रितहरुको लागि बिस्कुट, चाउचाउ, दाल, तेल लगायतका खाद्यान्न सामग्रीहरु समेत आश्रमलाई हस्तान्तरण गर्नु भएको छ ।

सो अवसरमा पर्यटन वर्ष २०२० समन्वय समिति पर्साका संयोजक बिनोन चौधरी, होटल व्यवसायी संघ पर्साका सहसचिव गुञ्जन पटेल, कलैया सिटी जेसिज वर्ष २०१९ का अध्यक्ष राजेश कुशवाहा, बिकास गुप्ता, सञ्चारकर्मी श्रवण प्रसाद साह, अजय चौरसिया, आसु सर्राफ, दिपेन्द्र गिरी, मुन्ना कुमार लगायतको सहभागीता रहेको थियो ।

काँग्रेसलेको घरदैलोमा अधिकांश विकास निर्माणमा समस्या देखियो

0

वीरगंज । नेपाली काँग्रेस पर्साले वीरगन्ज महानगरपालिका क्षेत्रमा संचालन गरेको घरदैलो अभियानमा अधिकांश वडाहरुमा सडक, नाला लगायतको पूर्वाधार निर्माणको समस्या देखिएको छ ।

काँग्रेस पर्सा क्षेत्र नम्बर १ को बसेको बैठकले पौष २४ गतेदेखि माघ ३ गतेसम्म ‘घरदैलोमा गएर जनताको पिरमार्का बुझदै नेपाली काँग्रेस’ भन्ने नारा साथ आयोजना गरिएको घरदैलो अभियानमा अधिकांश वडाहरुमा विकास निर्माणकै समस्या देखिएको स्थानियले गुनासो गरेका छन ।

पर्सा क्षेत्र नम्बर १ वीरगन्ज महानगरपालिकाको विकास निर्माणको अवस्था र जनताले भोग्नु परेको पिरमर्कालाई कसरी समाधान गर्ने उदेश्यले सोमबार वीरगन्ज २२ जगरनाथपुरमा आयोजना गरिएको घरदैलोमा स्थानियले सडक, नाला, विजुली पोल, पानीको समस्या भोग्नु परेको गुनासो गरेका छन ।

स्थानिय द्धारिका प्रसाद कुर्मीले भने, घर घरमा सरकार आएको छ, हाम्रो लागि विकासको लहरै आउँछ भने सोचेका थियो, तर विकास एउटा सपनाको रुपमा मात्र देखिएको छ सरकार जनताको लागि होईन नेताको लागि आएको छ ।

गत बर्षको चैत्र महिनामा आएको विनाशकारी हावाहुरीले प्रभावितहरु अहिले सम्म पूर्ण रुपमा राहत पाएको छैन, उनले भने, ‘तीन तहकै सरकारले अहिले सम्म आश्वासन बाहेक केहि दिएको छैन यहाँ सम्म विनाशकारी हावाहुरीले ढलेको विजुलीको पोल समेत सरकारले मिलाउँन सकेको छैन् ।’

पर्सा क्षेत्र नम्बर १ का क्षेत्रिय अध्यक्ष विजय सर्राफले घरदैलो अभियानमा स्थानियले राखेको समस्या समाधान गर्न सम्बन्धी निकायमा पहल गर्ने बताए । उनले भने, हामी जनतकै पिरपर्का बुझनको लागि घरदैलो अभियान संचालन गरेका छौ, स्थानियले विकासको अवस्था र जनताले भोगेका समस्यालाई बुन्दागत रुपमा लेखेका छौ अभियान समापन भएलगतै सम्बन्धीत निकायलाई समस्या समाधान गराउँन तदारुकताका साथ पहल गर्ने छौ ।

जगरनाथपुरमा भएको घरदैलो कार्यक्रममा पार्टीका जिल्ला सभापती अजय दुवेदी, पूर्व सांसद अनिल रुगंटा, महिला नेतृ एवं वीरगन्ज महानगरपालिकाकी उपमेयर शान्ति कार्की, पार्टीका नगर सभापती भोला प्रसाद कलवार, नेता अरविन्द गुप्ता, रामनारायण कुर्मी लगायत पार्टीका नेता तथा कार्यकर्ताहरुको उल्लेखनिय सहभागिता रहेको थियो ।

काँग्रेस क्षेत्र नम्बर १ ले यही २४ गते देखि शुरु गरेको अभियान आधादर्जन भन्दा बढी वडाहरुमा संचालन गरीसकेको छ । त्यसैगरी २९ गते मंगलबार वडा नम्बर १४ पिपरामा, माघ २ गते विहिबार वडा नम्बर ५ को रेशमकोठी र माघ ३ गते शुक्रबार वडा नम्बर १६ नगवामा घरदैलो अभियान संचालन हुने क्षेत्रिय अध्यक्ष सर्राफले बताए ।

यस बर्ष पनि वीरगंजमा “थारु (घिंचडी) माघी समाराेह” हुने

0

वीरगंज । थारु सम्वत् २६४४ औं तथा खिचडी माघी पर्वकाे २०७६ काे अवसरमा यस बर्ष पनि माघ १ गते “थारु (घिंचडी) माघी मूल समाराेह” हुने भएकाे छ । विगत बर्ष झै यस बर्ष पनि वीरगंज आदर्शनगर स्थित स्विमिङ्ग पुलमा समाराेह आयाेजना हुने आयाेजक थारु (घिंचडी) माघी मूल समाराेह समिति २०७६ ले साेमबार पत्रकार सम्मेलन गरी जनाएकाे छ ।

आदीवासी थारु समुदायकाे माघी (खिचडी) पर्व तथा थारु समुदायकाे नयाँ बर्षकाे शुभकामना आदान प्रदान, भाषा तथा सांस्कृतीकाे झलकका साथै माघी महाेत्सव सभ्य र धुमधाम संग मनाउन कार्यक्रम गर्न लागिएकाे माघी मूल समाराेह समितिकी संयाेजक विजया ओझैयाले वताईन ।

उनले यसका साथै राष्ट्रमा आदिवासी थारु समुदायकाे राजनैतिक, सांस्कृतिक, भाषिक, आर्थिक समानता, समाजिक एकवद्धता, राज्यकाे हरेका निकायमा समानुपातिक समावेशी प्रतिनिधित्व सहितकाे हक अधिकारकाे लागि पनि समाराेह हुदै आएकाे वताईन ।

वीरगंज मूर्ली स्थित रहेकाे नेपाल पत्रकार महासंघ पर्सामा भएकाे पत्रकार सम्मेलनमा वाेल्दै संयाेजक ओझैयाले विगतका बर्ष झै यस बर्ष पनि समाराेह स्थल मै रक्तदान कार्यक्रम समेत हुने वताइन ।

समाराेह भन्दा पहिला थारु सांस्कृतिक दवावमुलक प्रभातफेरीकाे समेत आयाेजना हुने छ । समाराेहमा थारु सांस्कृती झलक घांटाे, सामाचकेवा, थारु पूर्वि नाच आदी यस बर्ष पनि प्रस्तुत गरिने छ । यसका साथै गत बर्ष झै यस बर्ष पनि समाराेह स्थलमा घाेंङ्गी, कैकरा, माछा, परेवा, हाँस, कुखुरा, चिचर, लाइ, तिल आदी थारु विशेष परिकार राखिने छ ।

पत्रकार सम्मेलनमा नेपाल पत्रकार महासंघ पर्साका अध्यक्ष श्याम बन्जारा, मूल समाराेह आर्थिक समितिका परमान्द चाैधरी, प्रचार प्रसार समितिका शम्भु महताे थारु, प्रकाश थारु, एन्जल चाैधरी, नन्द किशाेर पंजियार, सांस्कृतिक समितिका दिपेन्द्र चाैधरी, मनाेज चाैधरी, पुनम चाैधरी लगायतकाकाे उपस्थिती रहेकाे थियाे ।

घरभाडा नतिरीकन अक्राे घरमा नापी कार्यालय पर्सा सर्‍याे : घरधनी

0
नापी कार्यालय पर्साले भाडा नतिरेकाे घर र घरधनी पटेल । तस्बिर : शम्भु कुमार सुमन

वीरगन्ज : वीरगंज-४ विर्ता स्थित सिमा देवी पटेलकाे घरमा संचालन रहेकाे नापी कार्यालय पर्सा घरबहाल कर नै नतिरीकन अक्राे घरमा सरेकाे घरधनीले गुनासाे गरेका छन् ।

२०७४ जेठदेखि नापी कार्यालय पर्साले आफ्नाे कार्यालय संचालनकाे लागि विर्ता स्थित सिमाकाे दुई तल्ले घर भाडा लिएकाे थियाे । उक्त भाडाकाे घरमा सञ्चालन हुदै आएकाे नापी कार्यालय गत मंसिर अन्तिम सातादेखि वीर्ताकै अर्को घरमा सरेको छ।

नापी कार्यालय अक्राे घरमा सरे पनि मेराे ३ महिनाको घर बहालका साथै विद्युत र पानीको महशुल नतिरेको घरधनी सीमा पटेलका श्रीमान् श्यामबाबु पटेलले सोमबार पत्रकार सम्मेलन गरेर गुनासो गरेका हुन्।

५ वर्षका लागि मासिक ४५ हजार रुपैयाँ भाडा दिने लिखित सहमती गरी नापी कार्यालय सन्चालनका लागि घर भाडामा दिए पनि सम्झौता तोडेर गत मंसिर अन्तिम साता आफुलाई खबर नै नगरी घर खाली गरेर अर्कै घरमा कार्यालय सरेकाे उनले सम्मेलनमा गुनासाे गरे ।

३ महिनाको घर भाडा १ लाख ३५ हजार, बत्ती महशुलको १५ हजार र खानेपानीको महशुल ३५ हजार गरी १ लाख ८५ हजार रुपैयाँ नापी कार्यालयले अहिलेसम्म पनि नतिरेकाे उनले आराेप लगाए ।’

लिनु पर्ने बाँकी रकम भुक्तानीका लागि नापाी कार्यालयका प्रमुख रामविनय सिंहलाई पटक पटक आग्रह गर्दा पनि कुनै सुनुवाई नगरेपछि आफुले जिल्ल प्रशासन कार्यालय पर्सामा उजुरी समेत दिएकाे पटेलले बताए।

घरबहाल दिने बेला गरिएको सहमतीपत्रमा घर खाली गर्नु परेमा घरको रंगरोगन र मर्मतसम्भार गरेर मात्रै खाली गर्ने सम्झौता भएता पनि नापी कार्यालयका प्रमुख सिंहले घरको मर्मत सम्भार र रंगरोगन नगरी अर्कै घरमा कार्यालय सारेको पटेलले बताए।

यता नापी कार्यालयका प्रमुख राम विनय सिंहले भाडा वापतकाे रकम दिदा घरसाहु पटेलले लिन नमानेकाे वताएका छन् । सिंहले घरधनी पटेलले नै बाँकी रहेको घरभाडाको रकम बुझ्न नमानेकाले चेक काटेर जिल्ला प्रशासन कार्यालयमा पठाइदिएको दाबी गरे।

घरबहालका लागि गरिएको सहमति पत्रमा घरको रंगरोगन गर्ने उल्लेख नभए कारण रंगरोगन नगरिएको कार्यालय प्रमुख सिंहले वताए । घरभाडाकाे पांच बर्षकाे सम्झाैता भए पनि घरधनीले लिखित रुपमै घरखाली गर्न भने कारण अरु घरमा कार्यालय सारिएकाे सिंहकाे भनाई छ ।

फाउन्डेसनद्वारा छाेरीकाे विवाहमा सहयाेग

0

पर्सा । बृक्ष फाउन्डेसनले एक गरीब असहायको छोरीको बिवाहकाे लागि सहयाेग गरेकाे छ । फाउन्डेसले पोखरीया नगरपालिका वडा नम्बर ६ श्रीसिया निवासी सुराल मियाँको छोरीको बिवाहका लागी २१ हजार बराबरको खाधसामग्री र लताकपडा सहयोग गरेकाे हाे ।

घरमा बेटिया के समान स्वरुप मानविय सहयोगका लागि सहयाेग गरिएकाे फाउन्डेसनका भगवान दास तात्वाले वताए । मियाँकाे घर मै पुगी फाउन्डेसनले २ बोरा चामल, १ टिन सरसो तेल, ३० किलो मसुरो दाल, ५० किलो आलु, १ जार रिफाईन, ३० किलो चिनी र सिंगारको सरसमान तथा लताकपडा सहयेग गरेकाे उनले जानकारी गराए ।

फाउन्डेसनका तात्वा सहित नौसाद आलम र धर्मेश्वर गिरी घर मै पुगी मियाँकी श्रमितीलाई सामग्री सहयाेग गरेका हुन् ।