गतबर्ष चलचित्र ‘कविर सिंह’बाट बलिउडमा तारिफ कमाएका नायक साहिद कपुर यतिबेला नयाँ चलचित्र ‘जर्सी’को छायांकन गरिरहेका छन् । साहिद, चलचित्रको छायांकनका क्रममा घाइते भएका हुन् ।
मोहालीमा क्रिकेट खेलिरहेको दृश्यको छायांकनका क्रममा साहिदको अनुहारमा गम्भिर चोट लागेको छ ।
उनै, साहिद चलचित्रको छायांकन छाडेर केही दिन आराम गर्न मुम्बई फर्किएका छन् । विमानस्थलमा उनी पत्नी मिरा राजपुतको साथमा देखिएका थिए । तर, साहिदले आफ्नो मुख भने छोपेका थिए ।
भारतीय मिडियाका अनुसार, साहिदको क्रिकेट खेल्ने क्रममा ओठमा चोट लागेको हो । साहिदले अब ४–५ दिन आराम गर्नेछन् ।
यो चलचित्र अगष्ट २८ तारिखमा रिलिज हुनेछ । केही दिन आरामपछि साहिद फेरि चलचित्रको छायांकनमा फर्किनेछन् । साउथको हिट चलचित्र ‘जर्सी’को रिमेकको रुपमा यो चलचित्र बन्नेछ ।
