Date
आइत, मंसिर ६, २०८३
Sun, November 22, 2026
Home Blog Page 1039

लंगडी स्थित बाेर्डिङ्ग स्कुलमा चाेरी गर्ने चाेरहरु पक्राउ, फेला परे सामान

0

वीरगंज । पर्साकाे धाेबिनी गाउँपालिका वडा नं. ४ लंगडीकाे एक बाेर्डिङ्ग स्कुलमा चाेरी गर्ने चाेरहरु पक्राउ परेका छन् ।  ब्लु हेभेन एकेडेमी ब्राेडिङ्ग स्कुलमा भएकाे चाेरी आराेपमा धाेबिनी गाउँपालिका वडा नं. ३ गुलरिया निवासी १८ बर्षिय धनेश साह कानु र साेही ठाउँ निवासी १७ बर्षिय मत्रिका साह कानुलाई प्रहरीले पक्राउ गरेकाे छ ।

चाेरीमा संलग्न अर्काे एक जना साेही ठाउँ निवासी राहुल पटेल फरार रहेकाे इलाका प्रहरी कार्यालय पाेखरियाका प्रहरी निरिक्षक चन्द्र सिंहले वताए । उनकाे पनि खाेजी तलाश भइरहेकाे र उनी पनि चाडै नै पक्राउ पर्ने प्रहरी निरिक्षक सिंहले वताए ।

पुस १७ गते स्कुलमा रातीकाे समयमा कोहि नभएको माेकाछाेपी स्कुलकाे कार्यालय र लेखा शाखाकाे ताला हेक्सा ब्लेडले काटेर चाेरहरु चाेरी गरेका थिए । स्कुलको कार्यालय कोठामा रहेको डेस्टप ३ थान, सिप्यु २ थान लगायतका सामग्री चाेरहरुले चोरेर लगेका थिए । स्कुलमा रहेकाे सिसिटीभी समेत फुटाई चाेहरुहरुले चाेरी गरेका थिए ।

पक्राउ परेकाहरु प्रहरी समक्ष पाेखरियाबाट हेक्सा ब्लेड किनेर ल्याएर चाेरी गरेकाे व्यान समेत दिएका छन् । चाेरी गर्ने सामानहरु इन्डियमा लगेर बिक्रि गर्ने उनीहरुकाे याेजना रहेकाे पक्राउ परेकाहरु व्यानकाे क्रममा वताएकाे प्रहरीले जनाएकाे छ ।

इलाका प्रहरी कार्यालय लंगडीले दुबै जनालाई आइतबार पक्राउ गरेकाे हाे । हाल उनीहरुलाई इलाका प्रहरी कार्यालय पाेखरियाकाे हिरासतमा राखी थप अनुसन्धान भइरहेकाे प्रहरी निरिक्षक सिंहले वताए ।

यता चाेरीमा संलग्नहरु पक्राउ परे पछि आइतबार राती चाेरी भएका सम्मानहरु फालिएकाे छ । गुलरिया स्थित स्कुलका संचालक सुदिल पटेलकाे घर अगाडी रातीकाे समयमा चाेरी भएका सामानहरु फालिएकाे प्रहरीले जनाएकाे छ ।

चाेरी भएका सामान मध्ये डेस्टप २ थान, सिप्यु एक थान, माउस २ थान, किवाेर्ड एक थान र पावर पल्क २ थान फालिएकाे अवस्थामा आज विहान फेला परेकाे प्रहरी निरिक्षक सिंहले वताए । पिडितहरु विहान उठेपछि घर अगाडी सामान देखेपछि प्रहरीलाई खबर गरेका थिए ।

पक्राउ परेका घरका सदस्यहरुले नै चाेरीकाे सामानहरु रातीकाे समयमा फालेकाे हुन सक्ने प्रहरी निरिक्षक सिंहले वताए ।

मुख्यमन्त्री माथी खनिए सांसद यादव, सहिद परिवारलाई ५० लाख दिन गरे माग

0

वीरगंज ।  प्रदेश २ सरकारले आइतबार वीरगंजमा बलिदानी दिवस मनाएकाे छ । वीरगंज नगर सभा गृहमा बलिदानी दिवसकाे अवसरमा भएकाे कार्यक्रममा वाेल्दै प्रतिनिधि सभा सदस्य (सांसद) प्रदीप यादवले प्रदेश सरकारले बलिदानी दिवस वीरगञ्जमा मनाउनु स्वागतयोग्य भए पनि समन्वय नगरी कार्यक्रम गरेकाे भन्दै असन्तुष्टि जनाए । उनले प्रदेश सरकारले सरकारी कार्यक्रम गरेको बताए ।

‘मधेस आन्दोलनको रणभूमि हो, अन्यत्र फेल हुँदा पनि वीरगञ्जले मात्रै इज्जत धानेको हो, नगरसभागृहमा ३ सय मानिसको बीचमा होइन, बलिदानी दिवस घण्टाघरमा २० औं हजार जनताको बीचमा हुनुपर्ने थियो’ उनले भने ‘समन्वय गरेको भए हजारौं मानिस लाठी भाटा लिएर मधेस आन्दोलनमा जस्तै गरी आउने थिए । समन्वय नहुँदा सरकारी कार्यक्रमजस्तै भएको छ ।’

मधेस आन्दोलनको १३ वर्ष पूरा हुँदा ११७ जना घाइते भए । सयौं घाइते र हजारौंले मुद्दा झेलिरहेको बताउँदै यादवले सम्पूर्ण घाइतेलाई परिचयपत्र दिएर जिविकोपार्जनका आधार-प्रदान गर्न आग्रह गरे ।

सहिद परिवारलाई आजीवन जीविकाको व्यवस्था मिलाउन माग गर्दै सांसद यादवले प्रश्न गरे, ‘सहिदलाई ५० लाख कहिले दिने ?’ हलबाट तालीको गडगडाहट आयो । सांसद यादव अझै अगाडि बढे, ‘सहिदलाई २५ हजार मिलेको छ, त्यो ठिकै छ । पहिला पनि दियो क्यारे । सहिद परिवारका सदस्यलाई जीविका चल्ने गरी मासिक रकम घोषणा गर्नुपर्छ, सरकारमा छौं आज नगरे कहिले गर्ने ?’

सांसद यादवले अझै थपे, ‘तत्कालीन समाजवादी फोरम र राजपा गठबन्धनका नेताले मधेस आन्दोलनमा सहिद हुनेलाई ५० लाख दिन्छु भने, अहिले २५ हजार मिलिरहेको छ । यसरी काम चल्छ ? ५० लाख कहिले दिने ? ५० लाख दिने घोषणा तत्काल गर्न मुख्यमन्त्रीसँग आग्रह गर्छु । त्यतिमात्र होइन, प्रदेश सरकारले हरेक सहिद परिवारलाई एउटा घर बनाएर दिनुपर्छ ।’

तिलावे पुलमा सहिदको दाहसंस्कार गरेको स्थानमा प्रदेश सरकारले पार्क र स्मारक बनाउने भनेर शिलान्यास गरे पनि नबनाएको यादवको थप गुनासो थियो ।

पर्साका ३ सय गर्भवति तथा सुत्केरी महिलालाई ‘विन्टराइजेसन किट’

0

वीरगञ्ज । पर्साकाे ४ स्थानिय तहका ३ सय जना गर्भवति तथा सुत्केरी महिलालाई न्यानो कपडा वितरण गरिएकाे छ । एक्सनएड नेपालको सहयोगमा दिव्य युवा क्लबले संचालन गरेकाे स्थानीय अधिकार कार्यक्रम अन्तर्गत न्यानाे कपडा वितरण गरिएकाे हाे ।

पर्साकाे पटेर्वा सुगौली गाउँपालिका, पोखरीया नगरपालिकाको वडा नं. ७ र ८, पकाहा मैनपुर गाउँपालिका वडा नं. ३ पकहा र विन्दवासिनी गाउँपालिकाको वडा नं. ५ प्रसौनी भाठ्ठामा न्यानो कपडा वितरण गरिएको क्लबका कार्यकारी निर्देशक रामाकान्त पटेलले वताए ।

स्थानीय अधिकार कार्यक्रम संचालनमा रहेको स्थानका गर्भवति र सुत्केरी महिलालाई १ थान कम्बल सहित ‘विन्टराइजेसन किट’ (कम्बल, ज्याकेट, पछ्यौरा) प्रदान गरिएको निर्देशक पटेलले जानकारी गराए ।

पटेर्वासुगौलीमा १ सय ५८, पकाहामैनपुर-३ पकाहामा ४८ जना, विन्दबासिनी- ५ भेलाहा, बट्सौरामा ३९ जना, पोखरीया ७ दलितटोल र ८ मननपुरमा क्रमशः २१ र ३४ जनालाई न्यानो कपडा वितरण गरिएको क्लबले जनाएको छ ।

पहिला समुदाय स्तरमा गर्भवति र सुत्केरी महिलाको तथ्याङ्क संकलन गरेर स्थानीय पालिकाबाट स्वीकृति लिएर मात्रै न्यानो कपडा वितरण गरिएको स्थानीय अधिकार कार्यक्रम संयोजक कोपिला चौलागाईले जानकारी दिइन् ।

चिसाे र शितलहरबाट बाच्न सहयाेग पुग्ने उद्देश्यले क्लबले एक्सनएडकाे सहयाेगमा स्थानीय अधिकार कार्यक्रम अन्तर्गत न्यानाे कपडा वितरण गरेकाे हाे ।

वीरगंजकाे हाेटलहरुमा प्रहरीकाे छापा, पक्राउ परे २ पुरुष र १० महिला

0

वीरगंज । वीरगंजको हाेटलहरुमा यौन धन्दा संचालन हुने गरेको खुलासा भएको छ । वीरगंजकाे बसपार्क देखि प्रतिमा चौक सम्मको होटेलहरुमा प्रहरीले आइतबार छापा मारी एक दर्जनलाई पक्राउ गरे पछि हाेटलहरुमा याैन धन्दा हुने गरेकाे खुलासा भएकाे हाे ।

वीरगंज बस पार्ककाे क्षेत्रकाे हाेटलहरुमा छापा मारी २ जना पुरुष र १० जना महिलाई पक्राउ गरिएकाे वडा प्रहरी कार्यालय श्रीपुरका प्रहरी निरिक्षक दिपक साहले वताए ।

साे क्षेत्रकाे हाेटलहरुमा याैन धन्दा हुने गरेकाे गुनासाे बढे पछि वडा प्रहरी कार्यालय श्रीपुर कै प्रहरी टाेलीले छापा मारी एक दर्जनलाई पक्राउ गरेकाे हाे । तर छापा मारी गरिएकाे हाेटल र पक्राउ परेका पुरुषकाे नाम पनि प्रहरीले वताउन चाहेकाे छैन् ।

स्थानियहरुकाे गुनासाेकाे अधारमा शनिबार पनि वडा प्रहरी कार्यालय श्रीपुरले साे क्षेत्रकाे हाेटलहरुमा छापा हानेकाे थियाे । तर काेइ पनि पक्राउ पर्न नसकेकाे प्रहरी निरिक्षक साहले वताए ।

राष्ट्रिय दलित पत्रकार संघ पर्सा गठन

0

वीरगंज । राष्ट्रिय दलित पत्रकार संघ नेपाल पर्साकाे जिल्ला कार्य समिति आज गठन भएकाे छ । “लोकतन्त्रको मूल आधार, सामान सहभागिता र विभेदमुक्त समाज अभिव्यक्ति स्वतन्त्रता र मर्यादित पत्रकारिता हाम्रा आवाज” भन्ने मुल नाराका साथ वीरगंजमा भएकाे दलित पत्रकारहरुकाे भेलाले उक्त समिति गठन गरेकाे हाे ।

वीरगंजका अगुवा दलित पत्रकार वृजलाल पासवानकाे बिशेष उपस्थितीमा भएकाे भेलले श्याम पसवानकाे अध्यक्षतमा ९ सदस्यीय  समिति गठन गरेेकाे छ । जसकाे उपाध्यक्षमा सुरेश बादल, सचिवमा सुर्या नारायण विक, काेषाध्यक्ष निषा कुमारी पासवान, सदस्यहरुमा सुबाष राम, शुसिल हाजरा, इशक कुमार पासवान, रामबाबु राम महरा र संगिता दास रहेका छन् ।

यस्तै राष्ट्रिय दलित पत्रकार संघ पर्साकाे २ सदस्यीय सलाहकार समिति पनि  गठन भएकाे छ । सलाहकार समितिमा बृजलाल पासवान र विनाेद परियार रहेका छन ।

भारी परिमाणमा लागु औषध सहित दुई पक्राउ

0

सर्लाही । जिल्ला प्रहरी कार्यालय सर्लाही अन्तर्गत रहेका प्रहरी चौकीबाट खटेका प्रहरी टोलीले अवैध लागु औषध सहित दुई जनालाई पक्राउ गरेको छ ।

पक्राउ पर्नेमा जिल्ला कास्की लेखनाथ पोखरा महानगरपालिका वडा नं. १ घर भई हाल तनहु जिल्ला सुखला गण्डकी नगरपालिका वडा नं. ३ बस्ने नुर्बु तामाँगको ३५ वर्षी छोरा पूर्ण बहादुर तामांग र तनहुँ जिल्ला सुखला गण्डकी नगरपालिका वडा नं. ७ बस्ने यम बहादुर आलेको ४३ वर्षीय छोरा यज्ञ चन्द्र आले रहेका छन् ।

निजकहरुले बा. १२ च ३५२७ नम्बरको कार चढी नेपाल भारत सीमा क्षेत्र अन्तर्गत भारतको इनर्वा गाउँको बाटो हुँदै नेपाली सीमा सर्लाही जिल्लाको पर्सा गाउँपालिका तर्फ आउँदै गरेको अवस्थामा पर्सा गाउँपालिका वडा नं. ५ स्थित शंकाको आधारमा प्रहरीले चेकजाँच गर्दा कारको पछाडि पट्टिको भागमा लुकाई छिपाई राखिएको अवस्थामा लागु औषध बरामद गरिएको थियो ।

पक्राउ परेका दुबै जनाको साथबाट प्रहरीले अवैध लागु औषध १ सय एम.एल.को फेन्साडाइल २ सय १० बोत्तल, ३ प्याकेटमा रहेको ९ सय पिस नाइट्रोभेट ट्याबलेट, मोबाइल ५ थान, हङकङको २४ डलर, ५० सेन्ट्स तथा नेपाली नगद रु. ३ लाख ६७ हजार बरामद गरिएको जिल्ला प्रहरी कार्यालय सर्लाहीका प्रहरी उपरीक्षक विश्वमणी पाखरेलले बताए ।

बरामद गरिएको लागुऔषध सहित पक्राउ परेका दुबै जनालाई जिल्ला प्रहरी कार्यालय सर्लाहीमा राखी आवश्यक अनुसन्धान प्रक्रिया अगाडि बढाइएको प्रहरी उपरीक्षक पोखरेलले बताए ।

यसरी नै सर्लाही प्रहरीले यही माघ ४ र ५ गते बरामद गरेको रक्सी, भन्सार छलिको कपडा तथा विभिन्न किराना सामानहरु सर्लाही स्थित भन्सार कार्यालयलाई बुझाएको छ ।

सर्लाही मलंगवा वडा नं. ६, ८ र ईश्वरपुर नगरपालिका वडा नं. १३ तथा धनकौल नगरपालिकाबाट अवैध रुपमा चोरी निकाशी हुन लागेको अन्दाजी मूल्य १ लाख ३० हजार बराबरको सोफी रक्सी, कपडा तथा विभिन्न किराना सामानहरु बरामद गरि सर्लाही स्थित भन्सार कार्यालयलाई बुझाइएको जिल्ला प्रहरी कार्यालय सर्लाहीले जनाएको छ ।

इप्रका पटेर्वा सुगाैलीद्वारा भारि परिमाणमा गाजा बरामद

0

पर्सा । ईलाका प्रहरी कार्यालय पटेर्वा सुगौलीको टोलीले आज बिहान  जिराभवानी गाउँपालिकाबाट ८५ किलो गाजा बराम्मद गरेको छ ।

जिराभवानी गाउँपालिका वडा नम्बर ३ टोल परसवामा खेतमा राखिएको धानको परालमा १७ वटा पोकामा रहेको लागु औषध गाजा बरामद गरिएकाे ईलाका प्रहरी कार्यालय पटेर्वासुगौलीका प्रहरी नायब निरिक्षक प्रमोद नेपालले बताए ।

बिशेष सुराकीको आधारमा प्रहरी नायब निरिक्षक नेपालकै नेतृत्वको टोलीले गाजा बरामद गरेको हाे ।

जनमत पार्टी पर्साकाे कार्यालय वीरगंज १० मा संचलान

0

वीरगंज । वीरगंज महानगरपालिकाकाे वडा नं. १० बजरंगटाेलमा जनमत पार्टी पर्साकाे पार्टी कार्यालयमा संचालनमा आएकाे छ । पार्टीकाे कामकाज  गर्न र सम्पर्क कार्यालयकाे रुपमा वीरगंज आदर्शनगर स्थित बजरंगटाेलमा शनिबार देखी पार्टी कार्यालय संचालनमा आएकाे जनमत पार्टी पर्साका इन्चार्ज सराेज चाैरसियाले वताए ।

यसै बिच जनमत पार्टी पर्साका पदाधिकारी बैठक पनि सम्पन्न भएकाे छ । पार्टी कार्यालय मै बसेकाे बैठकमा विभिन्न स्थानिय तहमा जनपरिचालन समिति गठन गर्न सम्बन्धमा छलफल भएकाे थियाे ।

पर्सा इन्चार्ज चाैरसियाकाे अध्यक्षता र केन्द्रिय सदस्य संजय साहकाे विशेष उपस्थितमा बसेकाे बैठकमा महिला नेतृ अनिता रौनियार, सबु खातुन, पर्सा संयाेजक श्याम शंकर चाैरसिया लगायतकाे उपस्थिती रहेकाे थियाे ।

वलिदानी दिवसको अवसरमा स्वास्थ्यकर्मी फाेरमद्वारा फलफुल वितरण

0

वीरगंज । वलिदानी दिवसको अवसरमा आज नारायणी अस्पतालमा एक कार्यक्रमको विच फलफुल वितरण गरीएको छ । मधेशी स्वास्थ्यकर्मी फोरमको आयोजनामा अस्पतालका विभिन्न वार्डका विरामीहरुलाई फलफुल वितरण गरिएको हो ।

कार्यक्रमका प्रमुख अतिथी प्रतिनिधि सभा सदस्य प्रदिप यादवले केन्द्र सरकारको मधेश प्रतिको हेराई नराम्रो भएको वताए । केन्द्र सरकारको मधेश प्रतिको नराम्रो हेराईका कारण मधेशको विकास हुन नसकेको उनको भनाई थियो ।

पर्सा क्षेत्र नं. १ बाट निर्वाचित सांसद यादवले त्यही कारण केन्द्र सरकार संग लडन आफुहरु सक्ति सन्तुलन गर्न लागि परेको वताए ।

स्वास्थ्यकर्मी फोरमका केन्द्रिय अध्यक्ष बालकिशोर यादवको अध्यक्षतामा भएको कार्यक्रममा स्वास्थ्यकर्मी फोरम प्रदेश २ का अध्यक्ष शिवशंकर यादव, मुख्य सचिव राजेश रौनियार, जिल्ला सचिव शत्रुधन यादव, कोषाध्यक्ष रमेश कुमार मेहता लगायतकाको सहभागिता रहेको थियो ।

कार्यक्रममा मधेश आन्दोलनमा सहिद भएकाहरुको तस्बिर मालार्पण गरी श्रद्धान्जली अर्पण समेत गरिएको थियो ।

बाल विवाह तथा दाइजो मुक्त नेपालकाे नयाँ राष्ट्रिय कार्यसमिति गठन

0

काठमाण्डाै ।  बाल विवाह तथा दाइजो मुक्त नेपाल, राष्ट्रिय अभियानको नयाँ राष्ट्रिय कार्यसमिति गठन भएकाे छ । काठमाडौंमा राष्ट्रिय अभियानको साधारण सभाबाट २५ सदस्यीय कार्यसमिति गठन भएको हाे ।

विभिन्न १४ जिल्लाको अभियन्ताहरुको समावेशिता राखेर डा. सि.के. सिंहको संयोजकत्वमा उक्त कार्यसमिति गठन गरिएको कार्यसमितिका कोष संयोजक प्रकृति सिंह ठकुरीले बताए । उनका अनुसार सप्तरी, जाजरकोट, दाङ्ग, सिराहा, धनुषा, महोत्तरी, सुनसरी, गोरखा, बारा, पर्शा, कालिकोट, बर्दिया लगायतका समाजिक अभियन्ताहरुको उपस्थिति रहेको र सोही अनुसार उक्त जिल्लाहरुबाट सहभागीता सहितको कार्यसमिति चयन भएको हाे ।

संयोजक, सहसंयोजक, सदस्य सचिव, कोष संयोजक, सचिव तथा बाकीँ सदस्य रहने गरि उक्त पदीय दायीत्व अनुसार आत्म सक्षमताले सो पदीय दायित्य वाँडफाँड गरिएको कुरा राष्ट्रिय अभियानका सह संयोजक हंसा साहले बताए ।

समय २१ औं सताब्दीमा पुगीसक्दा अझै छोरी पढाउने, घर–खेत ऋण लिएर पनि छोरी विवाहमा दाइजो दिनै पर्ने अवस्था कायम रहेको र कतिपय अवस्थामा विवाह पश्चात पनि दाइजोको कारणले प्रताडि़त, अपहेलित तथा उत्पीडि़त हुनु परेको छ । सोही जटिल समस्यालाई आफ्नो तवरले पनि उन्मुलन गर्नकोलागि यो अभियान जरुरी रहेको र सो सोही अनुरुप हामी यो राष्ट्रिय अभियानको नयाँ कार्यसमितिमा आएको सह संयोजक बताएँ ।

गोरखा जिल्लाको गोरखा नगरपालिका वडा नं. १३ को देउराली गाउँको महिला समूहको आग्रहमा गाँउकै श्री महेन्द्र माध्यमिक विद्यालयको शिशु कक्षा देखी कक्षा ५ सम्मका सम्पूर्ण विद्यार्थीहरु शैक्षिक सामग्री वितरण गरि उक्त राष्ट्रिय अभियानको घोषणा गरिएको थियो । पछि सोही बडा नं.१३का महिला समूहको सहभागीमा प्रथम जिल्ला कार्यसमिति गोरखा जिल्लाबाटै शुरु भएको कुरा अभियानका सदस्य ललन साहले बताएँ ।