Date
आइत, मंसिर ६, २०८३
Sun, November 22, 2026
Home Blog Page 1040

प्रदेश २ मा भाेली(आइतबार) सार्वजनिक विदा

0

जनकपुरधाम । प्रदेश २ मा आइतबार सार्वजनिक विदा हुने भएको छ । प्रदेश सरकारले बलिदानी दिवसको अवसर पारेर माघ ५ गते आइतबार सार्वजनिक विदा दिएको हो ।

प्रदेश सरकारले बार्षिक क्यालेण्डरमै माघ ५ गते बलिदानी दिवसका दिन विदा दिने उल्लेख गरेको छ ।

२०६३ साल माघ ५ गते सिरहाको लहानमा रमेश महतोको ज्यान गएपछि शुरु भएको मधेश आन्दोलनको स्मृतिमा पछिल्लो दुई साल यता प्रदेश सरकारले बलिदानी दिवस मनाउँदै आएको छ ।

यस पटकको बलिदानी दिवसको अवसरमा प्रदेश सरकारले बीरगञ्जमा कार्यक्रमको आयोजना समेत गरेको छ ।

भारतकाे उत्तरप्रदेशमा नेपालका ४ जना सम्मानित

0

वीरगंज । भारतकाे उत्तरप्रदेश देवरियाकाे मिश्रौलीमा नेपालका ३ जना पत्रकार र एक जना साहित्यकार गरी ४ जना सम्मानित भएका छन् । विश्व भाेजपुरी परिषद, नई दिल्लीकाे आयाेजनामा शनिबार भएकाे भाेजपुरी साहित्य सम्मेलन एवं सम्मान समाराेहमा पर्साका ३ जना भाेजपुरी पत्रकार र बाराका एक जना भाेजपुरी कवि सम्मानित भएका हुन् ।

वीरगंजबाट प्रकाशित भाेजपुरी टाईम्स दैनिकका प्रकाशक अजय कुमार चौरसिया कविर दास सम्मान, कार्यकारी सम्पादक श्रवण साह विवेक राय स्मृति सम्मान, फाेटाे पत्रकार शेष मकदूम जहाँ गश्त साहित्य भुषण सम्मान, भाेजपुरी कवि सनी गुप्ता भोजपुरी कवि रतन सम्मानबाट सम्मानित भएका हुन् ।

डा. जनार्धन सिंहकाे अध्यक्षतामा भएकाे कार्यक्रममा कार्यक्रमका प्रमुख अतिथी देवरिया प्रशासनका एडीएम राकेश पटेलले चारै जनालाई फुलकाे माला, गमछा र प्रमाण पत्रले सम्मानित गरेका थिए । भाेजपुरी भाषाकाे संरक्षण एवं विकासकाे लागि पत्रकारिता र साहित्यकाे माध्यमले याेगदान पुर्‍याएकाे भन्दै सम्मानित गरिएकाे हाे ।

पर्सामा पनि समाजवादीकाे संगठन बिस्तार तथा सुदृढीकरण अभियान सुरु

0

वीरगंज । समाजवादी पार्टी पर्साले आज देखी संगठन बिस्तार तथा सुदृढीकरण अभियान सुरु गरेकाे छ । केन्द्रिय समितिकाे निर्णय अनुसार माघ ३ गते देखी ३ महिनाको लागी पार्टीकाे संगठन बिस्तार तथा सुदृढीकरण अभियान (बिसु) देशको सातै प्रदेशबाट शुक्रबार देखी एक कार्यक्रमका बिच सुरुवात भए पछि पर्सामा समेत सुरु गरिएकाे समाजवादी पार्टीका पर्सा सचिव तबरेज अहमदले वताए ।

साे अभियान अन्तर्गत बिरगंज महानगरपालिकाको वडा नं. १७ मा धर्मदेव प्रसाद यादवको अध्यक्षतामा २१ सदस्यीय नगर एकाइ समिति समायोजन घोषणा कार्यक्रम सम्पन्न भएको उनले जानकारी गराए ।

समितिको घोषणा जिल्ला सचिव अहमदले गरेका थिए भने नवनिर्वाचित समितिको पदाधिकारी एवं सदस्यहरुलाई जिल्ला अध्यक्ष रामनरेश प्रसाद यादवले पद तथा गोपिनियताको सपत ग्रहण गराएका थिए । जिल्ला वरिष्ठ सदस्य सुन्दर कुर्मीले अभियानको उदेश्य र समायोजन बारे प्रष्ट पारेका थिए ।

कार्यक्रमकी प्रमुख अतिथि प्रदेश सांसद करिमा बेगमले संगठन नदिको पानी जस्तो गतिशील हुनुपर्ने बताइन । सोको लागी सम्पुर्ण पार्टी पंक्ति सयुक्त प्रयास पनि गर्नुपर्ने नेता कार्यकर्तालाई निर्देशन समेत दिइन ।

धर्मदेव प्रसाद यादवको अध्यक्षतामा भएकाे कार्यक्रममा बोल्दै महानगर कामिटी अध्यक्ष इश्वर यादवले पार्टी गतिविधि बिपरित कार्यगर्ने जो कोहिलाई पार्टीले कर्वाही गर्ने वताए । कार्यक्रममा पार्टी जिल्ला सदस्य बिरेन्द्र प्रसाद यादव, बिद्यार्थी नेता जाहिद प्रबेज लगायातको नेता कार्यकर्ताहरुकाे उल्लेखनीय उपस्थिति रहेको थियो ।

ट्राफिक ब्यवस्थापन सम्बन्धि जनचेतना कार्यक्रम सम्पन्न

0

वीरगंज । ट्राफिक ब्यवस्थापन सम्बन्धि जनचेतना कार्यक्रम आज वीरगंजमा सम्पन्न भएको छ । जिल्ला ट्राफिक प्रहरी कार्यालय बीरगंज पर्साको आयोजना र राष्ट्रिय बाणिज्य बैंकको समन्वयमा वीरगंजकाे घण्टाघर नजिककाे पार्कमा कार्यक्रम भएको हो ।

कार्यक्रममा नगर प्रमुख बिजय कुमार सरावगीले महानगरपालिकाले सडक फराकिलो हुनु पर्छ भनेर नगर परिषद्बबाट १५ र १५ मिटर पास गरिसकेको तर अहिले अदालतमा मुद्दा विचाराधीन रहेकोले काम गर्न असजिलो भएको बताए । उनले बीरगंजकाे मेनरोड फराकिलो हुने बितिकै सडक ब्यवस्थापन समस्यामा कमि आउने धारणा राखे ।

उनले ट्राफिक व्यवस्थापनमा अन्य व्यक्ति वा निकायबाट सहयाेग नपाएकाे गुनासाे समेत गरे । वीरगंजलाई हर्न निषेधित क्षेत्र घाेषणा गरिए पनि सहयाेग नपाएका कारण लागु गर्न नसकिएकाे उनकाे भनाई थियाे ।

कार्यक्रममा जिल्ला प्रशासन कार्यालयका प्रमुख जिल्ला अधिकारी जितेन्द्र बस्नेत, बीरगंज उधोग बाणिज्य संघका अध्यक्ष गोपाल केडिया, नेपाल पत्रकार महासंघ पर्साका अध्यक्ष श्याम बन्जारा, प्रहरी उपरीक्षक सोमेन्द्र सिंह राठौर लगायतकाले मन्तव्य राखेका थिए ।

कार्यक्रममा स्वागत मनतब्य प्रदेश २ का ट्राफिक प्रहरी इन्चार्ज प्रहरी उपरिक्षक श्याम कुमार महतोले राखेका थिए भने धन्यवाद ज्ञापन राष्ट्रिय बाणिज्य बैंकका विश्व प्रकाश पोख्रेलले गरेकाे थियाे । कार्यक्रमको सहजिकरण जिल्ला ट्राफिक कार्यालयका प्रहरी निरिक्षक कमलराज पन्डिले गरेका थिए ।

कार्यक्रम अघि बीरगन्जको घन्टाघरबाट प्रभातफेरि निकालिएको थियो । प्रभातफेरी नगरको विभिन्न भागकाे परिक्रम गर्दै  पुन: घण्टाघर नजिकाे पार्कमा पुगी सभामा परिणत भएको थियो ।

नेपाली हुन नागरिकता होईन, अनुहार भए पुग्छ

0

आज भन्दा करिब ४ वर्ष अगाडी लोकसेवाको प्रहरी सेवामा आवेदन दिन्नको लागी म लगायत दुई जन्ना बुटवल जाने योजना बन्यो । योजना अनुसार बिहीवार साझ वीरगंजबाट्ट बस चढी रात्री यात्राको आगाज गर्यौ र लगभग बिहान्नको ३:३० बजे हामी बुटवलको मुख्य चौकमा ओर्लियौ त्यस बसको सहचालकका भनाई अनुसार हामी आवेदन दिने ठाउ नजिकै रहेको र आवेदन दिने समय १० बजे देखी हुनेभएकोले हामी एकै छिन भएपनी आराम गर्न पाउछौ भनेर होटल वा लजको खोजीमा निस्कियौ तर बिहानकाे समय रहेकाले अधिकांश होटल र लजहरू बन्द भएको पायौ ।

केही खुलेकाहरू कोठा दिन मानेन्न र ई सब गर्दा गर्दै बिहान्नको ६ बजिसकेको थियो । उज्यालो थियाे तर ठाउ नँया भएकोले हामी ठाउँ नजिकै भौतारी रहेका थियौ । बिहान भईस्केकोले अब कोठा नखोजी सडकपेटी बनाईएको कुर्सीमा बसिरहयौ, लगभग आठ बजे पछि सडकपेटीमा रहेको सार्वजनिक धारामा हातमुख धोई चिटिक्क परेपछी आवेदन दिने ठाउँ अगाडी बसिरह्यौ । तबसम्म आवेदन दिनेहरूको चाप बढदै गयो र समय पनी भयो । हामी शुरुमै आवेदन दिन्न सफल भयौ ।

तै पनी यो सब गर्दा गर्दै दिनको दुई बजिसकेको थियो र त्यसपछी हामी फेरी बसपार्क गयौ तर वीरगंजकोलागी त्यहाबाट्ट बेल्का छौ बजे बस थियो । हामी टिकट कटायौ र बसलाई पर्खिरहयौ । समयमा बस आयो र हाम्रो यात्रा वीरगंजकोलागी शुरु भयो तर हाम्रो लागी दुर्भाग्य के थियो भने कुनै पार्टीको अहवानमा भोली शनिवारदेखी नेपाल बन्द गर्ने अहवान गरिएरो थियो । तर त्यसको असर भने यातायातमा शुक्रवारदेखी नै शुरु भईसकेको थियो । जसकाे परिणामस्वरूप हामी यात्रा गरेको लगभग पाच कि.मी. मै कुनै गाउँको बस्ती थियो र त्यो गाउँका मान्छेहरू बाटो अवरुद्ध गरी बारीहरूमा लुकेर बसेका छन भन्ने कुरा चालकले हामी सबै यात्रीलाई जानकारी गराउदै हामीलाई फेरी बुटवल फर्किनुपर्ने बताउनुभयो । हामलाई बुटवल ल्याउदा सात बजी सकेको थियो ।

भोली नेपान बन्द हुने भएकोले त्यसको असर बजारमापनी सजिलै हेर्न सकिन्थियौ । ट्याक्सि, बस, केही नपाउने भईयो हामी कुनै बिक्लप होला कि भनेर त्यहीको स्थानियवासी संग जानकारी लिन शुरु गर्यौ र एक जन्नाले बुटवल नजिकै सुनौली नाका रहेको र त्याहा बाट्ट ट्रेन वा बस पुगी सजिलै रक्सौल पुग्न सकिने कुरा बताउनुभयो। ईसब बुझ्दैगर्दा हाम्रो घडीमा रातीको आठ बजिसकेको थियो । हामी फेरी बसपार्क आयौ र सुनौलीको लागी बस भनेर सोध्दै गर्दा आजको अन्तिम बस पाच मिनेट पहिलानै खुलेकोले नजिकै होला दौडेर समात्न सकिन्छ, अहिले यतै कतै चौकमा होला त्यो मान्छेको कुरा चलिरहेकै थियो । हामी दौडे, चौकमा जादा एक मिनेट पहिला हिडेकाे रहेछ, अगाडी हेर्नु भेटनुहुन्छ फेरी दौडियौ, अन्दाजी एक किलोमिटर दौडदा पनी बस भेटाएन ।

सायद त्यो दिन भाग्यमा पिडा लेखिएको थियो । बसेर गाडीको प्रतिक्षा गर्नुको सट्टा पैदल हिडदै गरौ भेट्यो भने बसौला नभए पैदल पुगौला रात आफ्नै हो भनेर म र साथी सल्लाह गरी अगाडी बढदैगयौ । केहीबेरको हिडाई पछी एक जनालाई बसाएर् ट्याक्सि आउदै थियो । हामी रोक्दा पहिला बसाउन्न मानेन । धेरै अनुरोध गर्दा दु:ख सुनाउदा मौकाको फाईदा उठाउन्न नेपालीबाट्ट सिखनुपर्छ भनेजस्तै मोलतोल शुरु भयो । सुनौली नाका सम्म पुर्याउन्न दुई जन्नाको एक हजार भन्यो । गर्दा गर्दै सात सय भन्दा घटी हुदैन्न भन्याे । त्यसपछि हामी बसयौ र एकैछिनमा त्याहा पुग्यौ । पुगेपछी त मईले सात सय इंडियन पैसा भनेको थे भनेर जोर जोरले बोल्न थाल्यो । हामी भनिरहयौ गुहारिरहयौ तर मानेन, हाम्रो लागी भने ठाउ न्या, कोई चिनेको थिएन्न । त्यसैले गाडी रोकेको ठाउँ अरुपनी ट्याक्सिवाला थिए तर कसैले केही भनिरहेको थिएन ।

जे होस हामलाई ठगेर भएपनी ठाउँसम्म पुर्याईदियो भनेर हामी त्यसले भनेजती पैसा दियौ । र नजिकै रहेको सटहि काउन्टरमा केही रुपैया साट्यौ । अब भने हामी इंडियामा थियौ र त्याहा बाट्ट बस समातेर गोरखपुर पुग्यौ त्याहाबाट्ट ट्रेन समातेर इंडिया हुदै रक्सौल पुगी वीरगंमा प्रवेश गर्यौ। सारमा हामी नेपालीलाई नेपालीलेनै लुटिखाने चलन छ । र याहा नेपाली हुन नागरिकता होईन त्याे अनुहार हुनुपर्छ । अनीमात्र आफ्नै देशको नागरिकझै व्यवहार गर्छन यहा ।

                                                                                                                                    लेखक  श्याम शर्राफ हुन्,
                                                                                                                   उनकाे व्यक्तिगत घटनामा घटेकाे यथार्त घटना हाे ।

पर्साकाे ग्रामिण नाकाहरूबाट प्रहरीकै संलग्नतामा तस्करी

0

जिराभवानी । छिमेकी राष्ट्र भारतसँग सीमा जोडिएका नाकाहरूबाट प्रहरीकै संलग्नतामा तस्करी भइरहेको छ । भारतबाट अवैधरूपमा समान ल्याउने र नेपालबाट अवैधरूपमा भारत निकासी हुने मालसमानमा प्रहरीकै साँठगाँठ हुने गरेको छ ।

तस्करहरूले नेपालबाट मदिरा, गाईगोरु र भारततर्फबाट कसमेटिक समान, तेल, चिनी, कपडा, हार्डवेयरका सामान र बिजुलीका सामान नेपाल भित्र्याउने गरेको पाईन्छ, यी सबैमा प्रहरीको संलग्नता रहने गरेकाे स्थानियहरु वताउँछन् ।

सामान्य घरायसी प्रयोगको सामानमा प्रहरीले रोकटोक र जाँच कडा पार्ने गरेका छन् । तर सेटिङमा आएको सामानको कुनै जाँच नै हुँदैन । पछिल्लो समय प्रहरीकै संलग्नतामा खुला सीमामा तस्करी मौलाएको स्थानीयले वताएका छन् ।

स्थानियहरुका अनुसार जिल्लाको पश्चिमी नाका भिस्वा, दसौता, जानकीटोला, पान्डेपुर, पिडाडीगुठी, महादेवपटी शुवरणपुर, मालीबसती, बिजयबसती, ठोरी लगाएतका नाकाबाट दर्जनौं ट्रयाक्टर बालुवा, घरेलु मदिरा र गाईगोरु तस्करी भइरहेको छ ।

अवैध सामान भारत पठाउनका लागि अथवा भारतबाट नेपाल भित्र्याउनका लागि स्थानीय प्रहरी युनिट र जिल्लाबाट सादा पोषाकमा खटिएका प्रहरी तस्करसँग सेटिङ मिलाउने गर्छन् ।

दसावता नाकाबाट कपडा, सुर्ती र बिजुलीको सामान भित्र्याउन सशस्त्र प्रहरीसँग सेटिङ मिलेको स्रोतको दाबी छ । ति नाकाहरूबाट राति–राति तस्कारी भइरहेको समाचार स्रोतले जनाएकाे छ ।

सीमावर्ती क्षेत्रमा राति तस्करका समूहले माल सामान ढुवानी गर्ने स्थानीयले बताए । त्यसतै जिल्लाको उत्तरी नाकाका एक स्थानीयले बताए अनुसार जुनदिन मालसामान तस्करी हुन्छ त्याे रात्रि प्रहरी बाहिर देखा पर्दैनन् ।

बर्षमा एक पटक सबैले स्वास्थ्य परिक्षण गराउनु पर्छ : डा. कुर्मी

0

वीरगंज । वीरगंज १३ स्थित रहेकाे तराई हाँस्पिटल एण्ड रिसर्च सेन्टरले शुक्रबार पत्रकार सम्मेलन गरेकाे छ । हाँस्पिट मै भएकाे पत्रकार सम्मेलनमा वाेल्दै हाँस्पिटलका डा. राेशन कुर्मीले प्रदेश २ मा स्पेशलिस्ट कुनै पनि हाँस्पिटल नभएकाे वताए ।

स्पेशलिस्ट हाँस्पिट नभएकै कारण प्रदेश बाहिर उपचार गराउन जान्नु पर्ने वाध्यता रहेकाे वताए । यसका साथ प्रदेश नं. २ सुगम जिल्ला भएका पनि बाटाेघाटाे राम्राे नभएका कारण यहाँकाे वासीकाे स्वास्थ्य र उपचारमा समस्या भएकाे वताए ।

नेपाल सरकारकाे तथ्याँक अनुसार २० बर्ष भन्दा कम उमेर मै नेपालमा २७ प्रतिशत महिलाले बच्चा जन्माउने गरेकाे उनले जानकारी गराए । प्रदेश नं. २ का ५० प्रतिशतलाई टिभि राेगकाे इन्फेक्सन भइसकेकाे उनकाे भनाई थियाे ।

त्यसैले बर्षमा एक पटक सबैले आफ्नाे स्वास्थ्य परिक्षण गराउनु पर्ने उनकाे सुझाव थियाे ।

उनले एकै ठाउँमा सम्पूर्ण सेवा सुविधा प्रदान गर्नकाे लागि आफुले सेवाकाे लागि अस्पताल संचालनमा ल्याएकाे वताए । फरक फरक ठाउँमा उपचारकाे जानु पर्ने बाध्यता अन्त्य र कम पैसामा बढी उपचारकाे लागि अस्पताल संचालनमा ल्याएकाे उनकाे भनाई थियाे ।

पत्रकार सम्मेलनमा डा. कुर्मीकाे साथै डा. आनन्द चाैरसिया र अस्पतालका प्रशासन प्रमुख अजय गुप्ताकाे पनि उपस्थिती रहेकाे थियाे ।

 

ज्यान मार्ने मुद्दाका यादव पक्राउ

0

पर्सा । ईलाका प्रहरी कार्यालय पोखरीया पर्साले ६ जना बिभिन्न मुद्धामा जरिवाना तोकिएका प्रतिवादी र एक जना ज्यान मार्ने मुद्धामा फरार अभियुक्त गरी ७ जनालाई पक्राउ गरेकाे छ ।

जरिावाना भएका प्रतिवादी सुरेन्द्र महतोको श्रीमती राजकुमारी देवी, बिरेन्द्र महतोको श्रीमती रामपतिया देवी, गुदर महतोको छोरा रामप्रसाद महतो धानुख, रामप्रसाद महतोको छोरी रुना देवी, रामप्रसाद महतोको श्रीमती ईन्दु देवी, ईशु राउत गदीको छोरा मोजाहिर राउत गदीलाई प्रहरीले पक्राउ गरी जिल्ला अदालत पर्सा बुझाइएकाे छ ।

यस्तै ज्यान मार्ने मुद्धामा २ बर्ष कैद रहेको ३ बर्ष देखी फरार रहेका जगरनाथपुर गाउँपालिका निवासी २२ बर्षीय बिनय यादवलाई समेत पक्राउ गरीएकाे ईलाका प्रहरी कार्यालय पोखरीयाका प्रहरी निरिक्षक चन्द्र कुमार सिंहले वताए ।

बर्षाका कारण भाेली (शनिबार) देखी हुने वीपिएल स्थगित

0

वीरगंज । बर्षाका कारण भाेली शनिबार देखी वीरगंजमा हुन लागेकाे वीरगंज प्रिमियर लिग (वीपिएल) टि २० क्रिकेट प्रतियाेगिता  स्थगित भएकाे छ ।

प्रतियाेगिताकाे सम्पूर्ण तयारी पुरा भए पनि माैसम प्रतिकुलताका कारण प्रतियाेगिता स्थगित भएकाे वीपिएलका प्रवक्ता राजुल हवारीले वताए । बर्षा नराेकिए पछि प्रतियाेगिता स्थगित गरिएकाे वताउदै प्रवक्ता हवारीले माैसम सफा भए लगतै बैठक बसेर अक्राे मिति तय गरिने कालिका टाईम्सलाई जानकारी गराए ।

वीरगंजकाे नारायणी क्रिकेट मैदानमा हुने प्रतियाेगिताकाे प्रदेश २ का मुख्य मन्त्री लालबाबु राउत गद्दीले उदघाटन गर्ने कार्यक्रम थियाे । युनाईटेड क्रिकेट क्लबकाे आयाेजनामा हुने प्रतियाेगितामा ६ वटा टिमले भाग लिएकाे थियाे ।

प्रदेश स्तरीय जुत्ता चपल व्यापार मेला वीरगंजमा, ५० प्रतिशत छुटकाे व्वस्था

0

वीरगंज । वीरगंजमा एक महिना चल्ने प्रदेश स्तरीय जुत्ता चपल व्यापार मेला आयोजना हुने भएको छ । अगामी माघ ६ गतेदेखि फागुन ५ गते सम्म चल्ने मेलामा नेपाल भारतका करिब २ लाख ग्राहक तथा उपभोक्ताहरुलाई मेलाको भ्रमण अवलोकन गराई १ लाख जोडी जुत्ताचपल बिक्री गर्ने लक्ष्य राखिएको मेला आयोजक समितिले जनाएको छ ।

नेपाल पत्रकार महासंघ पर्साका सभाहलमा आयोजित पत्रकार सम्मेनलमा आयोजकले मेलाको बारेमा विस्तृत जानकारी गराएको हो । वीरगंज घण्टाघरस्थित मधेसी सहिद पार्कमा लाग्ने मेलामा ७ वटा विभिन्न कम्पनिको ४० भन्दा बढि स्टल राखिने छ ।मेलामा स्वदेशी ७ वटा कम्पनिको विभिन्न ब्रान्ड जुत्ताचपल सस्तो शुलभ दाममा बिक्री गर्ने तयारी रहेको मेला समितिका रामकृष्ण परसाइले जानकारी गराए । मेला अवधी भर हरेक जुत्ता चपलको जोडीमा १५ देखि ५० प्रतिशत सम्म छुट अफर रहेको उनले बताए ।

शिखर सुजका प्रबन्ध निर्देशक समेत रहेका परसाईँले मेलामा शिखर, रन, बिएफ डियर हिल, सुज ल्यान्ड, कोसेली, क्रस रोल, हिल लाइफ गरी कुल ७ स्वदेशी कम्पनीको उत्पादन बिक्रीको लागि राखिने जानकारी दिए ।

स्वदेशी उद्योगलाई प्रवर्द्धन गर्न र भिजिट नेपाल शुरु भएको देशमा देशको विभिन्न कुनाकपचाको उपभोक्ताहरुलाई सस्तो दाममा फूटवेयर अर्थात जुत्ता चपल बिक्री गरी स्वदेशी उद्योगलाई प्रवद्र्धन तथा संरक्षण गर्न मेलाको उदेश्य रहेको मेला सञ्चलक समितिका रुद्र न्यौपानेले जानकारी गराए ।

पत्रकार सम्मेलनका प्रमुख अतिथि तथा नेपाल पत्रकाकर महासंघ पर्साका अध्यक्ष श्याम बन्जाराले प्रदेश नं २ मा पहिलो चोटी देशकै आर्थिक नगरी वीरगंजमा यस्तो मेलाले नेपाली ग्राहकसंगसंगै भारतीय उपभोक्ताको लागि पनि राम्रो अवसर भएको विचार व्यक्त गरे । उनले स्वदेशी उत्पादनहरुमा राम्रो र गुणस्तरीय जुत्ता चपलका उद्योगहरुले देशमा आम्तनिर्भर भई यस्तो किसिमको मेला आयोजना हुनु र सस्तो दाममा जुत्ता चपल खरिद गर्ने अवसर भएकोले यो सबै उपभोक्ताहरुको लागि खुशीको कुरा भएको बताए । उनले मेला अवधी भर पर्साका सञ्चारकर्मीहरुबाट आवश्यक पर्ने मिडिया सहयोग गर्ने प्रतिवद्धता समेत व्यक्त गरे ।

बिराटनगर, हेटौडा, बुटवल, पोखरा, काठमाडौपछि प्रदेश २ को वीरगंजमा प्रदेश स्तरीय जुत्ताचपल व्यापार मेला आयोजना हुन लागेको न्यौपानेले बताए । पत्रकार सम्मेलनमा पत्रकार अनिल तिवारीको सहजीकरण रहेको थियो ।